Video
Opening Hours
Today
11:00 - 21:30
Mon - Sun
11:00 - 21:30
Public Holiday
11:00 - 21:30
Above information is for reference only. Please check details with the restaurant.
之前嚟Café&Meal MUJI都係飲咖啡、食甜品，未試過食正餐，主因係覺得佢份量細、唔抵食。今次朋友提議嚟呢度晚餐，先有機會坐低正式用餐。點咗三品素食料理套餐，$88，自選2款冷盤、1款熱盤，再選配16穀飯 / 白飯/ 麵包 /鹽麴烤蔬菜。揀咗鹽麴烤蔬菜(小份)，額外+$25點多1客大份。芝麻醬拌菠菜冬菇：冷盤；做法非常簡單，完全可自家複製，味淡，無特色；菠菜自身唔夠鮮味，喺缺乏醬汁助力下，食落好寡，唔推介羅馬蕃茄配柚子檸檬汁：冷盤；用小玻璃碗裝，視覺、味覺透心涼；呢個蕃茄品種多汁但茄味淡，幸好有酸甜柚子檸檬汁，建議將蕃茄整細件再撈汁食昆布味噌節瓜：熱盤，但上菜時只係微暖；1小件節瓜，面鋪有本菇、杞子；以味噌及昆布調製的醬汁濃稠、鮮味，豐富咗整體味道的層次鹽麴烤蔬菜：主菜；比冷、熱盤更出色；配料多，有雙色椰菜花、絲瓜、豆角、雞樅菌等；烤過的配菜有咬口，鹽麴提升蔬菜同菇菌的味道，帶鹹香；由於額外多購1客大份，所以好㩒食無糖豆漿：正常三品配麵豉湯，落單時店員表示麵豉湯有鰹魚成分，改為冷/熱豆漿，無形中由湯品變飲品，更合胃口；豆漿無糖，健康、有黃豆味，好飲整體嚟講，環境一般，檯椅排列稍逼，附近有幾檯家庭用餐，有大人、有細路，如果想喺一個清靜的環境用餐就唔太適合，勝在唔限時；價格：食物份量極細，如涼拌菠菜只得2啖，唔夠食，只係食物睇落豐富、精緻，性價比一般，另有好處係自助免加一（朋友黯點正常三品，有肉、海鮮，就覺得夠飽）品；服務：店員會上餐，而斟水要自助，食完曬亦冇人主動執檯（可能因為冇限時，冇翻檯壓力）。試完Muji的正餐冇失望，但唔會主動再嚟，因為細份唔抵食，不過佢的菜式的確清淡、健康，以外食嚟講，係一大賣點。
continue reading
雖然奧海城都有好多餐廳，不過好喜歡喺呢間食。特別係如果唔想食得太飽，呢度就啱晒啦。今日叫咗3品料理，揀咗黑醋蜜糖豬仔脾、粟米枝豆馬鈴薯蛋沙律同埋芝麻酱拌菠菜冬菇，另外仲送咗碗湯，今日唔想食飯就揀咗鹽麴烤蔬菜，加多$10就有杯青森蘋果汁添。佢啲餸份量適中唔會太多，材料好新鮮，調味唔會太重，最好嘅就係碗飯都可以轉埋做蔬菜，食完感覺特別健康有益。朋友就嗌咗日本蛋沙律三文治，麵包都好新鮮軟熟，仲有沙律菜同薯條伴碟。除咗食物質素好，呢度啲位空間都好闊落，坐得好舒服。
continue reading
第一次幫襯，叫咗以下食物及飲品：1. 黑松露蘑菇包- 略嫌唔太夠味，有點淡口，啱晒追求健康人士2. 香印提子撻- 好味道，雖然略貴（$48/件），不過都算值，推介👍3. 本和香糖麵包- 這個包麻麻地，冇乜味，唔太推薦4. 凍Latte- 好飲5. 凍香橙蜜柑椰果特飲- 好飲，蜜柑好食（帶少少酸），椰果夠甜，推介👍坐位及環境亦算舒適，服務態度良好，可以有下一次再幫襯😋😋
continue reading
見到下午茶Menu都幾多甜品選擇好吸引就入咗去坐低。叫咗宇治抹茶紅豆芝士蛋糕同香印提子撻，提子有成七粒都幾足料。不過亮點係有好多茶選擇：全部都好特別，揀咗琉球桂花玫瑰紅茶同琉球洋甘菊薄荷紅茶。咁啱呢個禮拜用Muji Passport仲有九折，好抵～
continue reading
今次買咗兩款麵包嚟試，兩款都好食😋伯爵紅茶忌廉芝士鮮奶球 $15麵包質地軟熟，面層甜甜地，但冇鮮奶球應有嘅脆皮口感。一食落口都有伯爵茶味，唔係特濃茶味，但個人覺得ok。最正嘅係佢有好大嚿cream cheese，有半個包咁大，好足料！石臼小麥粉無花果西梅法包 $20麵包拎上手都幾重，口感濕潤煙韌，唔會又硬又乾。呢個包又係好足料，果乾好大塊，又唔會太甜，唔錯👍🏻大家下次經過Muji Cafe都可以試下佢地啲麵包，價錢唔算貴，性價比唔錯，值得一試！
continue reading