創意廚房 (Closed)

銅鑼灣希雲街有好多選擇不過好多都試過啦就被呢間門面唔太吸引嘅創意餐廳吸引左入去因為見到價錢實惠亦都好多人食緊所以姑且一試啦估唔到都有驚喜喎今次係同女朋友去所以可以試兩樣我就揀咗羊扒配深海魚柳驚喜嘅係兩樣主菜都非常之新鮮好多地方食羊架價錢如果唔係好貴嘅話都會有雪藏味但呢間一啲雪藏味都無女朋友唔鍾意羊so味所以佢揀咗牛扒配煎大蝦反而蝦就唔係好新鮮有少少梅梅地反而牛扒真係有驚喜切開嘅時候好多肉汁流出黎而且有返咁上下嘅厚度見到咁好味都忍唔住迫女朋友同我交換舊羊試吓睇返佢嘅賣相你話買百零蚊都有人信但佢大概都係＄70到一個晚餐呢個價錢來講我覺得已經係超值價啦

因為中秋家庭聚會的關係而未能如常出席主日崇拜，於是本星期改為參加另一家教會的週六崇拜。行經聖保祿附近一帶，發現這家名叫創意廚房的食店，便抱著到底如何有創意的好奇心入内。觀乎其菜單上的菜色，並沒有給我有創意的感覺。倒是溫泉蛋田園沙律引起了我的興趣，因為平時我就是愛以半熟蛋伴以沙律來吃。滿心期待，終於上菜了。看到runny的蛋白，試圖刺穿讓蛋黄流出來作為醬汁之際，失望就來了...其實是實心的! 🤔結果並沒有做到溫泉蛋的效果。雖然這對味道未有太大影響，而且價錢也相宜，但並不表示就可以名不符實啊! 看來這位廚師還需多加練習了。

因為時間已經晚上8點幾，又搵唔到原本想食既餐廳，就隨意入左依間食~我地叫左兩個set， 有餐湯、沙律、蒜蓉包、小食、主菜及飲品， 估唔到主菜牛柳黑松露意大利燴飯係第一樣黎既食物，其他食物都差唔多同一時間到齊，令到整張枱都係野食~ 一食個飯，就覺得中伏了，點解有少少酸味既，心諗係未變壞左，但比另一半試左之後又話唔係好覺得有酸味，而d牛柳我覺得有d老同筋，食左幾啖就放棄了~ 反而另一主菜西冷扒味道ok， 但質量都唔算太高~ 其實我反而覺得個蒜蓉包&田螺薯蓉比較好食，蒜蓉包好香&脆，而薯蓉就好有牛油香味&滑~ 除左個飯之外，以這個價錢食咁多野都算ok~

Came here with boyfriend and had a quick lunch before meeting up with friends later. When it first opened, I thought it was ok, not great but at least ok especially for the price. At least it was edible. This time ... it was really bad. Lunch sets used to include a drink and a mini dessert. Yes, it was a dismal dessert of crushed Oreo cookie and whipped cream  but at least it was dessert. Now lunch only includes a drink.Tempura and Omurice ($45). The "tempura" frozen breaded shrimp and fish cake

因為係平日晚上來到, 所以唔洗等位就入得.餐廳內環境唔錯叫左2個SET DINNER ,包餐湯+飲品<燒春雞配飯/意粉/薯條> $68燒春雞係半隻, 可惜唔係燒, 而係炸春雞, 炸到皮有D硬, 但入面肉質都仍軟, 可以接受<牛柳粒石鍋飯> $68味道唔會太咸, 唔錯, 而且仲有隻蛋. 唔知係咪飯有D濕關係, 鍋底係冇飯焦既.飲品+2 可以凍台式紅綠茶不過我最唔明點解埋單要收多我$2 係餐湯 !! 唔係包埋架咩?  咁既價錢都冇得要求咁多.

外觀平平無奇，門口還掛住一般茶記既水牌，第一眼感覺好似伏黎。不過入到去裝修都幾好。坐亦都舒服。種類選擇都幾多下。我同朋友叫咗個卡邦尼意粉同德國咸豬手。兩份都好大碟，味度都叫不過不失。不過豬手塊皮唔夠脆，感覺上似咬緊勁痴牙既橡皮糖。另外佢地啲餐全部都送餐湯及餐飲(叫特飲都無須+錢)。不過免費無好野，只係一碗開到好(希)既罐頭湯，叫做有味咁。反而餐飲比想像中好飲。紅豆冰紅豆煮得夠透，唔會硬到石咁，奶味甜味都有，而且啲冰唔會多到你飲一兩啖就無晒。兩人埋單唔駛$200。算係平價之選。不過如果自己有條皇帝脷既，要$200有$1000既質素，可以唔駛考慮。

本來想食台灣料理，但係適岩冇開門就唯有睇下仲有咩野食 , 行行下就見到呢間創意廚房，係外面睇見到餐廳位於較入嘅位置，裝修唔太特別吸引， 但係見到價錢經濟實惠，覺得可以一試。

誤打誤撞走入希雲街搵食，見到呢間創意廚房嘅價錢幾抵，就膽粗粗入去試下！入到去見到隔離枱嘅咸豬手好似幾吸引，就決定要咸豬手同埋燒春雞配薯菜，套餐有跟餐湯，飲品同甜品~餐湯絕對有驚喜，本來以為只係一般外面平價扒房嘅揸流灘忌廉湯，結果送上面前嘅竟然係自家製雜菌湯，食到一粒粒好幼小嘅菇粒，好有heart呀！飲完湯後足足等左三十分鐘，我地點嘅主菜先上場，雖然最初落單時，姐姐已講左咸豬手要半個鐘，但我無諗過原來燒春雞係仲慢過咸豬手㗎！？咸豬手與春雞賣相唔錯，咸豬手外皮炸得好脆又唔會過燶，但嘅肉就乾左少少喇；春鷄一睇就知唔係用燒，係炸出黎嘅，但食落幾嫩，連雞胸位都ok，不過兩碟的伴碟薯菜就令人失望，用幼薯條已經係敗筆，再加上墊在碟底嘅關係，一上枱已經係腍而且好油，所以食左幾條已經放棄左。最後甜品係自家製薏米糕，口感似大菜糕，不會過甜，不過不失喇！總結創意廚房論創意未必有，但誠意可嘉，而且價錢十分抵食，想食平價西餐嘅，不妨考慮下 BTW,唔洗加一㗎！

I only had an hour to eat lunch before going to my hair appointment so I came down to Haven Street to eat at Lemongrass when I saw there was this new place. It seemed full of people and I decided to give it a try.Cafe de Idea is a restaurant that serves local Cantonese style western food. Seating is cramped though they put some tables and chairs out during peak lunch hour to fit more people in. Service is your typical cha chan teng style service. Direct and to the point. No smiles. Just order. E