Cafe 1950歐陸餐廳 (Closed)

假日去快餐店食到覺得乏味！所以就跟爸媽去食西式下午茶好了～今次來天瑞的Cafe 1950食Tea!老樣子的還是點了焗豬扒飯（$39）味道當然不比快餐店差，而且下午茶份量比較少，所以一個人食剛剛好！而且喜歡他們每次都即時焗，雖然等候時間長一點，但就是熱食才好味！媽媽點的 和風紫菜沙拉汁雞球飯（$30）基本上每次都會點這個，因為太好味！整體重點在於醬汁，如果醬汁不夠的話一定要叫店員提供，雖然每次他們都會說飯下面有好多汁的！但若真的不夠還是可以要求！）這裡的下午茶種類也算不少！挑食如我爸的也可以食辛辣麵～適合不同口味的人喔！

想平平地食西餐，呢間都還可以，叫了2個set dinner , 一個是焗蕃茄芝士雞扒飯，另一個是卡邦尼溫泉蛋寬條麵，外加小食香煎羊架和鵝（鴨？）肝西多士，羊架好香好好味呀，鵝肝都好好味好有油香，餐湯預設是羅餸湯，我們都未叫野食就已經送來了,不知是否太多貨，因為正常應該是叫晚餐才有的，雞扒飯是還好，不過不失，卡邦尼寬條麵開頭食覺得幾好少，但越食就越覺得漏，不知是否食完小食已飽了一半的關係，有機會下次可再試下其他款式

上午行完山，lunch食左麵，再由天瑞行到下白泥再行返出來，一早諗定食硬呢間啦，所以完全唔洗煩搵乜食，想食呢間好耐啦，以前係好貴嘅，發現其實唔算好貴，裝修又幾特別，搵左卡位坐，都舒服。朋友之前來食過，推介一定要食鵝肝牛肉石鍋飯，我就揀左芝士魚柳海鮮焗飯，等左唔係好耐，先來餐湯羅宋湯，不過不失，仲有支韓國soda汽水,爽呀！先講鵝肝牛肉石鍋飯，鵝肝好香，煎得外脆內軟，入口溶化了，本身唔太好肝臟嘅，但真的不錯，值得一試，個飯好熱，個鍋唔係隨便㷫下就算，好似$8x，正芝士魚柳海鮮焗飯原條魚柳炸到脆卜卜，好正呀，芝士汁又cover得哂成兜飯，我呢個芝士怪食到好滿足

先說來龍去脈當天是一個美好的星期六，傍晚與女友在天瑞公園散步後，步行至天瑞商場，到達商場中庭後，留意到一間具特色裝潢佈置西式茶室，繼而不假思索走進用餐。環境對於西餐廳，環境為不可缺少一環，除窗外風景外，這裏還可以。當時環境炒鬧，但僅因隔枱家庭帶有過度活躍小孩用餐，實屬個別例子。因用餐枱數不多，安靜配合有特色的佈置，如其名能稱得上cafe。服務茶餐廳式服務，坐低連水都冇杯，前面的一枱更要主動要求三杯水才有。當然他們無service charge，所以這一part無需詳細評論。食物食物質素往往是餐廳的靈魂，本人特別鍾情各地海鮮炒飯，其中西班牙海鮮炒飯為本人最愛。今次用餐我點的是西班牙海鮮炒飯，配以餐湯和飲品。餐湯為羅宋湯，稀如中湯，辣如黑椒汁，雖不正式，也算開胃，算吧。西班牙海鮮炒飯隨後送上。第一眼看，飯如焗飯的黏在一起，有點似焗飯。當時第一個想法是，一廚師不懂甚麼叫炒飯，二廚師從未吃過西班牙海鮮。或許或許我錯了！先別急，先試味再評價。最終我發現，我真的錯了！我不應稱他為廚師，簡單他不配，本人只吃了兩口，味道有異，不予置評，並留下有待改進字條。還有，送上的飲品，原來是樂天罐裝檸檬茶。給罐裝

是日晚餐叫了一個意粉及韓式芝士泡菜雞飯意粉樣就好靚啦 但入口淡而無味 完全唔知自己食緊咩仲有啲一粒粒既野系口入邊 口感十分之唔掂從未食過咁難食既意粉佢個韓式芝士雞 有芝士既樣 但就俾啲泡菜味搶走哂芝士啲味 一啲都唔夾 可一不可再完全唔知自己成餐飯系食緊咩以後都唔會再幫襯埋單158

上星期到沙田做義工,早上7時起床,賣旗由9時開始到12時,炎炎夏日在街上真的吃不消,非常痛苦 要不是友人起來,我絕不會自己一人來呢 幸好之後找到地方吃下午可以坐一坐,有冷氣的地方像天堂呢 來到1950吃點東西吧 2個人,突然想吃個小火鍋,也不過份吧 吃了一個牛肉火鍋,爐的樣子相當誇張,很大呢 牛肉上枱時是生的,因為爐還未開^^ 開著後,律肉一會兒便熟了,不過底下的烏冬要耐一點才熟 中間的配菜不要錯過,吸收了有牛肉味的湯後相當份味和爽口 律肉比較厚身,入口不是即溶,但口感更佳 牛肉味不算太強,但起碼不是蘇的 烏冬相當爽口,吃起來像是759買到的日本入口烏冬 吸收了湯的味道令原味淡味烏冬更好吃,更有味 2人吃過豐富的午餐,,便到尖沙咀行街,相當開心呢

今天要到天水圍分公司工作,平比常搭更遠的車程,所以要更早起床,相當吃力不過在這兒的好處是,阿頭請食飯附近基本上是茶餐廳,今次來到1950,吃一個簡單的午餐吃了一個炸魚扒蛋包飯,上枱時十分香基本蛋包飯是很難整得難吃的,除非廚師有超能力吧炒蛋十分香滑,口感一流,撈在飯上吃更好而且份量也算大,所以一家夠飽魚扒雖然油膩不過尚算香脆,只是肉的部份不算太多不過煎的火喉十分好,這是意想不到的另外點了一杯餐飲,我飲了熱啡,這兒做的是即磨,想當夠味不錯的午餐

星期天也要入天水圍單位工作，好像很久也沒有連續兩天六日也要上班，是以往太幸福，還是現在較辛苦？ 不過反正路是自己選擇的，要負責任，而且應該不會是經常性的吧？雖然是工作，但其實過程中亦頗享受，看見大人小朋友也玩得開心自己也受感染。完了上半場，和同事一起來到這裡午膳，初到此處時便對這間cafe感興趣，今天終於有機會嘗試一下。餐牌上分門別類不同的食物, 有意粉, 飯, 肉類等, 價格由$40-$60多不等, 包餐湯, 主菜, 飲品, 沒有加一服務費, 價錢不算太貴。我要了香煎魚柳配薯菜, 價格$49。先來餐湯, 今天的是羅宋湯, 味道酸酸甜甜, 頗開胃, 最欣賞是裡面蔬菜很足料, 感覺更健康!然後主菜來了, 魚柳一大條, 表層煎得不算脆口, 魚肉亦不算多, 點了蒜蓉汁, 味道不過不失, 我反而喜歡點茄汁, 幸好吃不到雪藏味。看到薯條是粗身的, 令我驚喜! 可是吃下去便感失望, 因為既不是熱的, 而且已軟腍了, 完全沒有薯條該有的脆口感! 滿足不到吃薯條癮! 但薯仔餡料夠確是事實。配菜沒有味道, 點了茄汁吃味道較好, 只求多吃點菜而已。餐飲要了咖啡, 喝得出是即磨的, 我沒有加糖, 味道偏苦

芝士汁海鮮焗飯個樣就幾靚，味道就有少少失望，唔係好夠熱，味道有點淡，海鮮有點腥味，白汁唔夠多，令到整體都唔夠味。羅宋湯就好好多，蕃茄味濃，味道不錯，不過又係唔夠熱。

放假緊係要訓到妟晝兩點先起身，因為可以訓到自然醒真係好幸福架~~~💃🏼💃🏼而大部份人醒左第一件最重要嘅事就係-------拎起手機打機-0-😂，我都不能免俗，打到兩點零三點先覺得肚餓要食野。唔想諗就列牌叫樓下CAFE1950嘅下午茶T18啦，入去叫完過隔離759行番一陣就拎得個外賣喇。🤗次次買完T18番到屋企一打開，見到大大塊雞扒係面，上面又有D溶溶地又微微地焦嘅芝士真係會好開心架！🙈🙈🙈其次，雞扒本身就好難會整到鞋，淋埋大大羹肉醬，如果個飯底有炒埋就真係冇得輸，但係D間就似乎冇喇-0-😕不過淨係塊雞扒加肉醬好食架喇，飯底方面我唔太着意。💁🏼下午茶係屋企一邊打機一邊慢慢咁鋸扒，突然之間覺得會唔會有小小懶呢XD😂😂

收左工入天水圍同朋友去食晚飯，因為佢就懶啦 都只係係佢樓下揀食咩開始諗住食D掛好HIT既吉吉家芝士雞煲紙上燒，但咁岩我叫餐個時慢左幾秒，比隔離個個叫埋最後一個=_=..........算...轉場落番下一層既1950食,可能九點幾，過左晚市高峰，入去有得直接坐環境方面就主要係幾種元素MIX埋一齊，有復古/工業/田園/貨櫃/之類風格，燈光昏黃，睇得出裝修上有落心機搞.咁其實不嬲都有食開佢既下午茶，就唔錯既，40零數左右晚餐就真係小去食.列牌紅湯，一定落冇牛同牛油-0-不過我覺得都OK好飲今日我就叫左個紐西蘭石板羊仔架，一上枱炸炸聲，正！淋完汁等左等先切，一切　－口－說好的７成熟呢T  T  變了８成半，已經有薯條放底都係唔得，下次都係叫五成就好咁照食啦，可能太熟之餘再加上唔係羔羊架，有小小un，唔係太so，而且比左三枝又幾大舊就算啦薯條就厚切，脆身，好味道XD舊粟米就冇咩特別，如果有心機同菜一齊加黑椒炒炒佢就好.西蘭花好dry...個底又有小小燶，但係切左燶個part照食啦.我個FD就叫左三重芝士炸魚海鮮焗飯，大大件炸魚放面，超吸引啊！！！仲有隻青口插左係到，又勁多芝士汁，真係好邪惡，食

同屋企人食飯,都係鍾意搵d茶餐廳,爸爸媽媽未必接受到太新潮食物,所以都係穩陣d好今日趁住放假,同佢落樓下茶餐廳食個lunch黎到叫左每人一個餐,我就食左菠羅海鮮炒飯個炒飯好香,同埋好乾身,無乜油味好多菠羅,所以好好食青口都唔錯,算係新鮮,食落都幾有味而且都幾大份下,我咁大食量都係岩岩好食曬咋每人大約60蚊度,食個中午算係咁啦

又差唔多到月中啦,我依D窮忙族,開始要節儉過活,不過咁岩阿爸阿媽返左大陸,所以迫住要出街食,唯有選D普通餐廳食落左樓下一間普通茶餐廳食叫左個晚餐,佢包一個渺,羅宋湯穩穩陣,起碼唔係酸既,仲好重蕃茄味,幾香幾好飲佢個芝士牛勒骨話係鎮店之作,試左之後就唔係話超級好食,不過賣相同味道都唔差嫁賣相真係抄足D韓國餐廳,用既芝士都係D靚既,食落有芝士味仲可以拉到芝士TIM牛勒骨幾好食,D肉幾香,又唔韌,不過唔算太多肉,一個人食都OK,SHARE食就可以爭D啦不過埋單都唔駛100蚊,晚餐算係咁啦要繼續發掘D平價晚餐先得

朋友的工作是一位會計師,每一天也忙得不可交加,休息的時間也沒有更莫說是結交女朋友及生兒育女所以每次見到我的女兒,也是十分喜歡可能大家前世有緣吧今天特意帶女兒來,見見這位姐姐吧她知道女兒特別喜歡吃雞,所以點了一個啤酒雞這兒的啤酒雞只是插在啤酒樽上,啤酒其實一早已滲透在雞肉上雞肉十分嫩滑,撕開後十分多汁但要小心雞肉非常熱,會燙手啤酒味十足,但不會醉人,所以女兒可以放心吃豚肉鍋飯是朋友至愛,這兒做的相當夠熱,而且是正宗韓式做法,不會單單是把一個飯放在鍋裡那麼兒戲豚肉比較厚身,所以吃起來較有口感鍋飯加上醬汁後十分夠夠味而且相當多份量,我們3人吃了後也飽了之後的時間當然是跟女兒談天啦,又過了一個開心的一天

上星期日放假去左天水圍探個朋友,我地係中學同學,好耐無見啦,當時每日形影不離,估唔到咁多年之後,我地由每月見一次,變左一年見2次佢最近岩岩生左BB,全心照顧小朋友上去睇完佢個小朋友之後,我地就帶埋BB落街一齊食飯落左去樓下一間餐廳,可以同BB一齊食餐廳既餐具用個鐵盒裝住,好得意原來套餐會有餐湯,,不過個湯麻麻地,無乜點飲到同BB玩多陣,就到主菜出場芝士雞柳,估唔到都幾大份芝士味都幾重下,望落好正我地撈埋左佢,好誘惑呀雞柳撈左芝士,都幾香D肉好滑,好有雞味佢有個飯跟嫁,我地撈埋D飯一齊食,就好飽啦下次再黎探下BB啦