吉豚屋吉列豬扒專門店 (Closed)

行過見到D模形整到好似好好味，甘就買個外賣反去食，唔算貴吉烈豬飯50蚊左右，但拎到反屋企一開個飯盒真系吉烈豬同個飯，系一條椰菜都無，其實食開甘多間，間間都有椰菜，模型野食都有，唔知系咪因為外賣，所以唔比？但缺左椰菜就遜式左好多。吉烈豬扒：外皮炸到好脆，咬落有D乾，無咩味，味道好淡，所以食落好乾。飯：普通珍珠米，飯香一般，煮得剛好，不硬不軟。成個飯就炸乾豬配白飯，好dry

還記起幾個月前，依稀的記得，記得那美味而便宜的炸豬扒定食，價錢也只要500yen，在香港，好像也沒有這個價錢那個質素的日本菜。我想...可能是當地的美食在當地吃也是最好的吧。其實香港崇尚日本文化的性格，早已吸引了不少日本食店在港開店，一蘭拉麵，一風堂拉麵等等，而日本炸豬扒代表，也應該是吉豚屋吧，之前在元朗看到不少港男港女，今天，我終於一嘗其滋味。一步入門口，店員就以日文説歡迎光臨，而且店內的味道雖然不知怎樣説，但總覺得有一陣日本味，竟令小弟想起家鄉。店內的炸豬扒是自動化制作，質素看似不錯，而我們則叫炸豬扒親子飯同炸豬排定食。炸豬扒親子飯很推！炸豬排雖然麻麻，但親子飯的蛋有蛋香，而且還加上洋蔥，令飯更香甜，更充滿了日式風味。炸豬扒定食價錢最貴，但質素麻麻，炸物有肉餅豬扒同炸蝦，全部都太重油味，豬肉唔係即炸外，仲要係薄嘅，醬汁不夠酸，最好的是白米，是日本米，所以幾香甜而且粒粒分明。總概之言，價錢中上，質素中下（相比日本），始終，日本菜始終在當地日本食最好食。

今晚放工吃完晚飯才回家，選擇了經常經過，却從未曾光顧的吉豚屋。雖然聽聞該店的吉列豬扒很出名，但因為對太大塊肉有却步，而且以往吃吉列豬扒的經歷都一般，所以至今才試第一次。今次決定一試，其中原因是見有優惠套餐，又貪小便宜😝叫了份套餐，包括野菜豚肉湯、滑蛋吉列豬扒飯及自選飮品，飲品我選了巨峰乳酸特飲。一般日本定食奉上的湯都是麵豉湯，野菜豚肉湯第一次試。味道有些似西式餐廳的雜菜雞湯，味道濃郁，很多料，正👍滑蛋吉列豬扒飯很大碗，豬扒很大塊。見有至愛的七味粉，當然要加料啦😋 豬扒約一厘米厚，很有口感，肉質不錯且仍保存肉汁，調味也非常好，平反了我之前對吉列豬扒的偏見。吉列表面因吸了汁，少少腍，但仍有少少脆，不會有太熱氣感覺。最正是豬扒底的熟洋蔥，很甜，很美味😋 可惜只有很少😅 如果滑蛋生一點，洋蔥多一點，就頂瓜瓜👍巨峰乳酸飲品不太甜，未算突出，但都有幾重提子味。整體而言，味道不錯，份量非常足夠。若不是要響應政府不做大嘥鬼剩廚餘，一定會食剩三份一😝 P.S. 食完才發現原來有豬扒醬，下次一定要試。

筆者酷愛日式的炸豬扒，也嚐過多間日式炸豬扒專門店，但這些店鋪多走高檔路線。同樣主打日式炸豬扒的吉豚屋則走親民價格路線。自初初進入香港市場，到現在分店眾多，筆者一路有留意。今次便動筆為吉豚屋寫一篇。筆者點了月替-香蔥辣味沙律醬吉列豬扒飯。整個套餐包含了一碗飯、一碗豚肉湯和一杯飲品。豚肉湯用料豐富，湯水吸收了豬的味道。一碗下肚，甚為溫暖，豚肉片、薯仔和蘿蔔煲至差不多溶化，為湯提供了一絲口感。香蔥辣味沙律醬吉列豬扒放在椰菜絲上，與熱烘烘的珍珠米飯區隔開。香蔥辣味沙律醬有點小辣，但甚為開胃，與炸豬扒相輔相成。炸豬扒炸得脆口，不油膩，咬下去能聽到炸物的清脆聲音。麵衣不會和豬扒分離，豬肉稔熟多汁，叫人停不了口，十分邪惡。以如此價錢能吃到有水準的炸豬扒可謂十分幸福。當然，高檔的日式炸豬扒專門店更美味，但一分錢一分貨，加上分店眾多，想隨時來一客也正是吉豚屋的優勢。

見住佢周圍都開分店，咁岩又唔知食咩就試下啦，當日叫左知辡味洋蔥豬扒飯，呢個飯做緊promote會送埋野飲同湯，飲品有巨蜂乳酸，菊花蜜，等特飲都可以選，湯就係麵豉湯，不過加左d薄既豬腩肉片，紅蘿蔔，同白蘿蔔，湯既味道會比一般既麵豉湯香甜，至於個飯，上面係吉列豬扒，加上佢既辡洋蔥汁，個豬扒就幾好食，夠香又夠淋，唔會好乾好硬，但d汁就太少，少到跟本就冇乜汁去到飯度，同食白飯差無幾，如果多d汁會再好d，豬扒下面有好多生既菜絲，再下面先係飯，飯既份量唔係好多，但因為係珍珠米，所以都夠飽既，呢個餐55蚊，我覺得如果冇野飲同湯送就有d貴喇，我會情願比多少少去食碗好食既日本拉麵

心血來潮試下呢間經過左無數次嘅舖頭。一入去環境整潔，客人算好多。餐牌選擇豐富，價錢都合理。見有個月替特惠餐睇落好特惠下，又包湯又包飲品就試下啦。 實物同餐牌圖相似度有8成，個湯可以唔會太咸，飲品都OK。但豬扒比較DRY無咩汁，雞扒醃得唔夠無咩味，隻蝦不過不失，雖然無咩蝦味，但脆醬都算較得唔錯，好脆口，唔會太厚身，攪到感覺好似齋食脆皮咁，同埋個醬汁好味嘅。如果要求高呢間店算唔錯，總括黎講不過不失啦。

午餐時間又去試試新嘢, 今日試下呢間以吉列豬排做主打的餐廳.$49的滑蛋吉列豬排飯, 都唔算平, 試試佢咩料先.因為早到的關係, 餐廳未算多人.滑蛋吉列豬排飯賣相唔錯, 豬排鋪滿碗面, 有陣炸物的香氣, 滑蛋不算很多, 但算是不錯的, 夠滑.豬排的吉到外皮炸得酥脆, 不會有刮口的感覺, 沾上滑蛋, 不會覺得乾身.而豬排本身亦算腍身, 整體算是不錯. 以這個價錢來說算是抵食.

經過幾次都想食，終於都同朋友試咗。因為我好鍾意食日本嘅カツ丼，去親都會食一次，佢地啲蛋淋係吉豬面個種味道真係係香港我係食唔返，但又會周圍去試下希望可以揾到一間啱心水的。個晚去到剛剛好食飯時間滿場，只搭一邊檯坐，我揀咗吉列三重奏(好似係呢個名)好快嚟到，味噌湯無味，香港嘅味噌湯好多都係湯包開水，所以咸度永遠唔一樣，但呢個就好淡，入面有肉但無味，我寧願你整返豆腐海帶算數吉列主食都可以嘅，炸粉適中唔會太厚，食落口好爽脆，不過其中一款炸豬肉餅就可以再好食啲。基本上$7X你唔會太期望佢有幾好食，但都會接受佢有咁嘅水準，當然我想再好啲啦，因為難得元朗有間咁嘅食店，下次我會試你地嘅カツ丼。

平民化既吉列店，一分錢一分~~ 聖誕撞正感謝祭，其實想黎食壽喜燒，不過呢幾日得呢4樣選擇，所以叫左吉列豚扒定食上枱既份量都好大，味噌湯超足料，入面有薄薄的豚肉片，葱，同一般hea整既味噌有唔同？吉列豚我要求不太高，呢個價錢本身都無想過豚肉竟然可以做到貴一線少少既要求，炸粉也薄薄的。

放工返到元朗食晚飯，於千色店對面見到間食吉列的，而且價錢非常平民價，門口display的食物亦蠻吸引。一於試一試。店子都頗大，但用盡空間放滿座位。我們二人安排坐4人卡位，由於開飯時間，要搭檯靠一邊坐。裝潢簡單，格局似日式快餐。吉列炸蝦定食$69以這價錢以為會是中庸貨色，不過定食到來時，賣相也不懶呢！炸蝦有5隻之多，炸漿厚度中規中矩，鬆脆可口程度尚可，不算油膩。蝦不是大隻，以這價錢應是用急凍蝦，所以肉質不算太爽口，但蝦肉不會霉霉的。還有大量椰菜絲伴碟，雖然未及貴價吉列店切得幼細，清甜味可接受。白飯用上珍珠米，大大碗飯，落足本呢！定食附有麵豉湯，湯料有很多，紅蘿蔔，洋蔥，椰菜等，味道似雜菜湯多點，比起一般日式食店現成的麵豉湯來得有誠意，抵食之選！滑蛋豬扒飯$49(梅) 份量頗多的豬扒，厚身且啖啖肉，肉質都很juicy,沒雪藏味。炸漿金黃香口，加上半熟的蛋漿覆蓋豬扒表面，感覺上沒太炸物的油膩，還有鮮甜洋蔥伴吃，好味，推介！而且日本米飯份量亦不少，男生都非常飽肚滿足。餐飲： 巨峰乳酸/菊花蜜 (跟餐各$8) 淺紫色的巨峰乳酸顏色很好看，但味道比較甜，也較為人工味道。反而附有幾粒菊花，淡香菊花味

我之前經過見到豬扒三文治好想試, 無奈仲有任務係身, 所以無緣一試...終於有日放工諗唔到食咩, 醒起可以食呢間, 但係就要排隊等6張枱左右...買完豪大大之後就可以入去...我地叫左吉列三重奏定食(包飯同味噌湯, 椰菜絲), 吉列豬柳泡菜湯烏冬鍋(包椰菜絲), 兩個都加抹茶好立克...吉列三重奏定食: 有炸蝦, 豚肉餅, 炸豬柳…炸蝦好幼, 5mm粗, 比手指尾仲幼...炸糠好厚, 由其是同炸蝦既比例更突出...急凍蝦無咩味, 要點勁多他他醬...豚肉餅d肉係梅既, 零咬口, 無味...炸豬柳同下面個炸豬柳一樣...味噌湯: 男友話似番茄薯仔湯, 我覺得唔太咸, OK既, 但一定唔係味噌湯 ...另外都係無海帶豆腐...吉列豬柳泡菜湯烏冬鍋: 吉列豬柳肉好薄, 好乾, 無味, 要滿豬扒汁先OK...麵包糠好厚, 但無咩油同幾脆...好多泡菜...泡菜唔辣, 但夠酸夠味...烏冬彈牙, 份量幾多...仲有洋蔥同蛋係入面...椰菜絲: 粗, 乾, 硬, 苦...芝麻汁好希...一啖都吞唔到 ...抹茶好立克: 要加9蚊, 個杯痴立立既, 但無苦味無甜味無好立克味...想像下用好多水溝奶,

在元朗逛街經過看見被門口餐牌和店的裝修吸引,點了炸豬排鐵板肉醬意粉和他他醬豬排定食和一杯巨峰乳酸梳打!環境裝修很日式!上菜很快!賣相的確不錯!但味道很一般,炸豬排普通,肉醬意粉很淡!他他醬比較好吃,但湯很中式,麵豉湯有白蘿蔔和紅蘿蔔!而巨峰乳酸梳打可一不可再!價錢中等,份量也算大份!

元朗美食多，今次直接過黎食下午茶。選了這間吉豚屋，因為貼在門外的食物相片賣相不錯，價錢又便宜，就是那種好像很好吃很抵食的樣子把我們吸引入去。豬扒相比雞扒的話，就沒雞扒那麼脆口及滑身，但點上豬扒醬，還算是很不錯﹗炸蝦外表普通，但食落爽脆新鮮，抵食﹗

要係香港食日式吉列豬扒唔平，要過百。而哩間就價格親民，質素不錯。之前係旺角店都試過，今晚再試，發現menu加入左韓式泡菜烏冬，港式肉醬意粉咁，至啱貪新鮮嘅港人！首先叫左滑蛋吉列炸蝦飯。 上枱時感覺幾細碗，但食完都夠飽嘅。用上日本珍珠米，好有口感。四隻蝦，size唔算大，炸得乾身，不油膩。而且炸粉薄，蝦亦意外地清甜。不過可能一早炸起，外皮不夠脆。個滑蛋啱啱好，處於半熟狀態，加埋已有嘅洋葱汁撈飯就更好味！另一款係吉列豬扒泡菜烏冬。烏冬以石鍋上，而且份量都幾大。 烏冬亦用上日本貨，夠滑，烏冬煮得啱啱好，夠爽口彈牙。個泡菜湯好夠韓味，仲有滑蛋同洋葱，辣辣一鍋好惹味。另外吉列豬扒外皮炸得酥脆，豬扒唔會太厚太鞋。 好多時食店俾嘅醬汁唔夠，好鐘意哩到有豬扒醬同麻醬任你加，要幾多有幾多。每次食完都有現金券送，吸引人再幫親！

又到醫肚時間，心裡一閃吉列豬扒。想食吉列豬扒又想便宜實惠，個人首選吉豚屋，貪他品質好價錢又合理。去到元朗此分店，雖然已經過咗正常午飯時間（大約下午3-4點），但門口等候人數也不算少，還是馬上拎籌等等吧！等候約十分鐘左右就有位安排，打開餐牌其實心裡已經有預定想食吉列蝦同豬扒，都唔洗諗咁多，馬上找侍應落單。等咗約十分鐘，吉列炸蝦豬扒定食來了！吉列豬扒入口鬆脆，豬扒唔會靭，麵包糠亦唔會油膩，配上豬扒醬汁少少酸甜味道，好吃到不能停下來，吉列蝦都很大隻，同樣麵包糠炸得鬆脆酥香，配以沙律醬及檸檬汁同吃簡直完美，當然墊底的椰菜絲配上一點麻醬吃也有去油膩感之效，白飯是珍珠米也是絕配啦！還有喝一口足料嘅味噌湯，內有豬肉片、紅蘿蔔等等。滿足又簡單的一餐，還會再來幫襯的！