C+ Bar & Cuisine (Closed)

今晚一行六人相約在紅磡 C+ bar，🍴前菜 ：香草燒烤雞沙律，新鮮沙律菜仲有我喜歡的紅蘿蔔仔清爽開胃又健康！羅宋湯比較濃茄味。😋🍴炭燒紐西蘭天然鮮黑安格斯西冷牛扒牛扒我比較喜歡炭燒，可提升肉香多份焦燒味， 烤過的牛扒肉質仍軟稔咬落嫩香口感不錯。👍C+ Set for two $498🍴前菜：是蟹肉沙律及羅宋湯🍴主菜 1）炭燒羊扒外觀吸引可惜我一向不食羊無口福，朋友食過油潤鮮嫩來形容還說有點黯然羶香！🍴主菜2） 是烤豬手， 皮脆肉嫩香氣四溢。😋🍴主菜 2）招牌鮮蟹肉意大利飯配淡忌廉龍蝦汁盡吸芝士及忌廉龍蝦汁的意大利飯軟硬適中，陣陣龍蝦汁惹味可口。👏🍴甜品 ：火焰🔥焗雪山現在極少餐廳可以食到的火焰🔥焗雪山，用 40 度君度橙酒淋在雪山上火焰隨即火光熊熊，靚女老闆窩心地提醒我們盡快品嚐，外層軟滑帶橙香，內層是雪糕同蛋糕，滿意度 100 分。👏👏🍴Chocolate Crumble $55軟滑的 75 度黑朱古力做的 Chocolate Crumble，又脆又暖入咩熔化，滿嘴都是幸福滋味！🍸Rose Lady $68🍸Lychee Co Co $68我們追加一客 🍝煙肉蛋黃忌廉汁意粉 $98

First course were oysters, but I forgot to take a picture 😅 I can’t read taste the difference between the oysters tbh 😅 but each one had a slightly different texture, like crunchy, creamy, smooth, etc. There’s a certain order you’re supposed to eat them too, from not as salty, to saltiest. I learned that oysters are paired with white wine usually, but I got mocktail instead cuz they recommended it. I got Belong to Zeta mocktail which is lychee juice with bits of strawberry, lychee jelly cubes a

收到消息公司就快要搬呀！有同事話好鍾意呢度嘅朱古力金莎特飲，成日都話要約埋公司搬屋之前食多次，每次我哋都係食差唔多嘅嘢。不過我就好少喺度食牛扒，因為我個人比較嘴刁，而且我成日都話要減肥，有 quota 啊唔可以亂食。今日破戒食牛扒 $108。我自己比較喜歡跟薯條，平時見同事食有好多薯條㗎！但我今日就得幾條，有啲唔夠喉。真心塊牛扒比以前進步，不斷進步，不過仲未去到我食嘅質素。一般普通牛扒我一定不會食 medium,我 order well-done !但似乎都係比較 rare。差啲唔記講下個湯，今日比較淡口味。

在崇潔街內，選擇用饍地點實在太多一間加太賀已經佔了半條街道但太太喜歡西式晚餐所以嚴選了這間C+ bar & cuisine 訂枱跟太太慶祝生日，與家人歡聚了一晚。論食物質素，有高級餐廳的水準。無論精選一人或二人套餐都非常吸引正値特選生𧐢買一送一令整個晚餐更臻完美價錢又的確相宜，所以物超所值。氣氛環境亦一流，星期六晚上還有鋼琴演奏。服務人員更殷勤好客，整體而言市內已極少此類有心餐廳火焰雪山更是店內必點之選甜品時段更播出生日音樂助興令人感動

我阿姐見我地幾個同事做得辛苦，佢久不久都會請我哋食lunch。 c+ bar 有得定位, 星期五我哋通常都會揀呢度，唔使等位又唔怕無位。最近少咗嚟食，啲套餐嘅價錢有啲加左價，即係冇乜平嘢食。雞胸扒都要 $108，質素同味道都係好普通，好彩唔使加一。餐湯嘅羅宋湯，一向都係我最喜歡飲嘅，不過近來質素好飄忽，好似今日咁個湯就好淡好水。寶雲酥焗⋯⋯其實就係好似有啲麵包糠係個面度，但係一切就會散晒，而且雞胸肉好嚡。雞肉冇乜鮮味，加上伴菜都係急凍味道，炸薯條OK。加＄18一杯金莎朱古力沙冰，感覺就好正。

4月19日，繼續同小女孩尋找美食，今次去嘅餐廳又係紅磡，崇潔街C+ Bar & Cuisine，因為喺facebook度見到朋友嘅朋友影啲相好靚。今次嘅晚飯係通過openrice訂枱，有九折。睇完餐牌之後，我哋決定食二人餐，498蚊兩位，包括有餐湯、沙律、main course、一個飯或者粉類、餐茶及甜品，當然重頭戲梗係Baked Alaska火焰雪山。小朋友問可唔可以叫多一個雪山，我話食住先，食得落就叫。海鮮非常新鮮甜美最贊是在油酥點面包小朋友話這是她目前食過最好味的野菌飯有肉味👍冷熱咖啡期待已久的🔥火焰雪山🔥終於出場第二日，小女孩話下次去只叫火焰雪山同咖啡就足夠了。

3/3/2018晚同友人叫左兩個美國15安士巨人牛排套餐送啤酒，$268/餐。餐牌詳情可參考其他食家嘅相片。網上訂座有8折優惠，落單前有問過侍應係咪適用以上套餐，侍應話可以，但就唔會送啤酒，只會送餐湯。我地見散叫啤酒要$65/杯，咁唔用8折優惠，要啤酒的話應該係$268 x 2 = $536但唔知點解最後賣單餐廳計左（$268*0.8+$65）x 2 = $558.8同侍應講唔計折扣個計法平啲，但佢地都無打算改單，唯有照畀。無下次。

由於幾個朋友都住附近 又話想飲酒所以就決定近近地係土瓜灣試下間bar餐廳環境都幾有情調 少有係土瓜灣見到呢類格調餐廳主食叫左個carbonara 味道都係咁啦 不過好大碟下同朋友各自叫左杯cocktail上面個杯叫galaxy 唔會好勁 甜甜地 幾易入口幾好飲下面個杯唔記得叫咩blossoms 相對上較烈 不過賣相好靚 而且我地都叫飲得 所以都ok😆最後叫埋個招牌火焰雪山 其實味道唔係話好特別 但有幾層layer 口感幾豐富😊

今日啱啱出糧，約埋同事出街食飯，你知我好慳㗎！每一日都會帶阿媽煮嘅飯，人工低但洗費高，＄100的午餐真係等到出糧先捨得食。餐牌話招牌靚湯，即係羅宋湯，一邊有啲牛肉粒洋蔥個味都幾濃郁，附近餐廳一般會送餐包，佢就送條餅乾條懶特別今日試吓豬仔比，估唔到有四條咁多，分量夠晒，薯條就唔係熱辣辣不過都脆既。粗薯條幾好口感，但講到薯條最好味都係麥當勞。佈滿白汁嘅其實係龍利柳，上邊有芝士焗煙肉做 topping, 久不久玩下款式幾有創意。+$18 杯餐飲就好味好多啦！今日杯金莎朱古力沙冰賣相都幾靚, 味道真係好金莎

啲人話 紅磡冇咩好食，日本嘢 嘅加x 賀 都食到悶左！ 崇潔街入面難得一間開左好耐 環境舒適 又唔計時用餐！ 服務比油尖旺好得多！ 一班多年老死 住係附近 想唔到食咩 就去左呢到！ 頭盤先嚟兩round 澳洲生蠔 夠大夠肥美架！ 可惜 掛住食唔記得影相！ 我地叫左個set 晚餐 蟹肉 忌廉意大利飯「如圖示」 汁唔過多 唔會好油咁！ 食食下飯 係有驚喜嘅 原來入面係有魔法師架！ 食食下有魔術睇 ！ 係電視睇得多街頭魔法王 親身體驗係首次！ 如果大家想食好西、睇表演、飲美酒！ 嚟紅磡不妨入去試試啦！ 包場亦得 唔錯架！

今日來紅磡揾朋友，一齊係附近食午餐，作為地膽嘅佢推介C+Bar，話呢度味道好，價錢又合理。我的午市套餐:好足料的羅宋湯，味道酸酸地，相當醒胃。炭燒紐西蘭西冷牛扒配黑椒汁（$92）七成熟，肉質略韌，勝在牛味重。反而欣賞個薯蓉，口感幼滑，推薦！朋友點的匈牙利燴雞配飯（$82）佢話香濃又惹味，最後食到乾乾淨淨。完美的一餐又點可以無甜品？我地揀左店內招牌——火焰焗雪山。淋上提子冧酒後，雪山便着火燃燒起來，好美！味道也絕佳，雪山由蛋白與砂糖製成，質感輕盈，口感豐富，搭配得宜，非常享受！今餐好滿足，下次黎紅磡一定會encore 啊！

午餐 Friday 通常都會食好啲，同事話想坐得舒服啲食西餐，一致贊成食 c+ bar午餐大約與＄100啦餐廳我鍾意羅宋湯，味道夠濃郁同事要左個泰式沙律，夠晒清新開胃。我見有新菜式就 order Ribslunch 食 ribs 真係好奢侈。我趕緊唔係錢係時間，因為食肋排骨要用好多時間氣力去將佢切開。唔使＄100有咁大件嘅份量其實真係好抵食，粗薯條又夠晒熱辣辣。只不過就係做得太乾啦！其實面層似係炸過多個焗。可以話係一啲肉汁都冇，仲用咗我好多時間去切，一來把刀又唔鋒利，啲肉又唔夠肥。所以成件骨都好乾好硬請廚師改良一下。

今日包場食飯，食物質素一流，服務亦都非常好，由落訂，中間商討食物，到用餐都安排得好好，中間我哋仲不斷改人數，主菜數量，全部要求都可以fulfill到，真心推介。

今日公司四條 queen 去食午餐, 坐得舒服又唔使排隊嘅就係呢間吧。我揀咗荷蘭汁焗美國黃碟魚柳，簡單啲即係魚呀！我都幾唔喜歡啲伴菜，係我最唔鍾意嘅急凍甘筍，啲西蘭花又淋到冇晒口感。魚肉好薄，比較鹹，底嘅薯條都唔係熱嘅餐湯我揀咗羅宋湯，果然係招牌！成個湯好濃味，仲有啲牛腩粒，個湯直情好味嗰個主菜啊跟住侍應無端端送咗個火焰雪山甜品俾我哋原來最近做嘅推廣，四個人來幫襯就會送一個。真係即場點火架！夠晒有誠意，味道都唔差，啲蛋白好有空氣感最尾餐茶我揀咗熱朱古力，味道又幾得喎

環境非常之有氣氛，我認為適合情人或者家庭嘅聚餐，亦可以成為大家母親節嘅選址，大方得體之餘，而且價錢又唔會相當貴，我食嘅係午餐，人流雖然唔算非常之多，但係都建議大家去之前訂左位先，今次叫嘅炭燒紐西蘭西冷扒配黑椒汁，塊排叫左3成熟，服務雖然未達西方餐飲嘅專業，但係態度非常好，上菜速度岩岩好，唔需要等太耐，個海鮮忌廉湯比較淡，塊西冷扒啲邊煎得太熟，我估計過左3成，塊排中間啲血水又略為多，應該係慢火煮得唔夠耐，個人認為個飯有啲乾身，食落口感不足，最後個杯朱古力外貌好好，但係唔夠濃，冇咩朱古力味，大致值得一試。