Boticario Bar and Grill

Open Now

Now Closed

今次我去咗一間以英式設計為主嘅餐廳，揀坐室內位置。1. 哈密瓜同巴馬火腿配青瓜、香烤果仁、橄欖油同蜂蜜。哈密瓜同蜂蜜加強咗浸清甜味，加上巴馬火腿嘅咸香味，非常清新！加埋另外叫左既沙律都幾大份，加入藜麥增加口感，不過不失。2. 香辣蜆肉蕃茄意粉，相對簡單調味。蕃茄味道濃郁，蜆肉份量多，意大利粉掛汁，味道香辣。3. 封門牛柳配薯條，牛柳煮得剛剛好，我揀咗medium well熟度，分量十足。牛肉口感幾唔錯，薯條用煎牛肉既油炸。

環境正，味道好，坐室外2樓望海好有feel。三五知己飲兩杯食件扒一流。牛扒烹調一流又Juicy；薯條熱辣辣香噴噴；pizza脆邊足料無得頂。略嫌室外會有油煙倒噴。

最近restaurant week,呢間餐廳lunch set只係做緊$148前菜Beef Tartare加入蕃茄乾及生洋蔥調味，個人覺得蕃茄味太過突出。不過如果平時驚食生牛肉話，反而可以試下佢。另外一份前菜嗌左Grilled Vegetable Salad，沙律都幾大份，而且食材豐富，亦加入藜麥增加口感，但沙律酸味不太足夠，缺少了令人開胃的感覺，但整體尚算不錯。主菜Skirt Steak配薯條，牛肉質素比預期中好，有碳燒香氣，火喉控制不錯，薯條亦夠香脆。而另一主菜蕃茄意粉中規中矩。甜品Strawberry cake 香精味太重，反而個Sorbet幾好味。而Tiramisu Cake配咖啡雪糕整體味道較好，但亦不算出色。

初一食中餐周圍都難book，不過我同男朋友兩個就想試吓食其他國菜，見到呢間好似都唔錯就係OpenRice book咗啦。我哋兩個叫咗black mussels, burger with fries, 傳統阿根廷crepes同埋兩杯warmth（Happy hour)。Mussels我覺得唔錯，撈埋啲汁好好食，不過男朋友就話麻麻地，唔夠淋（見仁見智喇，佢咀叼）。個burger我地叫左5成熟，我覺得好impressive 因為佢成個包同塊牛都好tender！薯條由內到外都好脆，都幾好食，黎到仲熱辣辣添。不過個crepes就好一般，傳統阿根廷crepes唔知咩係入面但就好酸，雪糕係開心果雪糕，雪糕就好食好多。唔想咁酸可以撈埋雪糕一齊食。最後兩杯warmth OK喇，唔覺有酒味，如果正價$110一杯唔太值。最開心係我哋揀咗坐上面，成晚好似包場咁，得我同男朋友兩個，同埋坐外面可以睇到少少海景，總體嚟講用餐體驗good👍🏻

Provoleta rocket salad $158 Salad 整體味道清新帶點酸味 除咗菜仲有鷹咀豆 茄子 黃瓜等等 非常豐富青口配白酒醬$168 簡單調味已可以帶出青口鮮味香辣蜆肉蕃茄意粉 $208 蕃茄味香濃 蜆肉份量多 意大利粉掛滿醬汁伊比利亞豬心肉$278肉質好juicy topping加上乾蒜粒增加風味 每口充滿火烤味最後仲點左杯 kronebourg Blanc $88餐廳共兩層 充足空間感 Staff們全部好friendly 加上對左維港海景感覺更chill 💜

❣️𝗕𝗢𝗧𝗜𝗖𝗔𝗥𝗜𝗢 𝗕𝗮𝗿 𝗮𝗻𝗱 𝗚𝗿𝗶𝗹𝗹❣️座落於尖沙咀東嘅維港邊，地理位置得天獨厚，令人可以一路品嚐美食，一路欣賞維多利亞港。兩層樓嘅設計，分別帶黎唔同嘅就餐氛圍，無論係同朋友食午餐，定係同摯愛嘅浪漫晚餐，都提供咗一個好好嘅環境💖𝗕𝘂𝗯𝘂 推介 🔥👍 Boticario Burger煎到外脆內嫩嘅牛肉漢堡，搭配充滿牛油香嘅Brioche麵包，外層金黃，內裏柔軟。加上經典嘅車打芝士、新鮮生菜、番茄和洋蔥，每一啖都是經典嘅美味。👍 Pan-Roasted Barramundi盲曹魚肉經過精心香煎，表層呈現金黄色澤，肉質嫩滑。搭配烤製嘅雜菜同白飯，令呢道菜嘅每一啖都充滿咗地中海風情。📍Boticario Bar and Grill尖沙咀麼地道66號尖沙咀中心地下5號舖及UG樓15號舖

📍 Boticario Bar & Grill（尖沙咀）成日揸車經過都見到餐廳有live band show ～今日冬至快樂🎉我哋就去浪漫一下🥰有得睇show 之餘仲有美食相伴🍻一齊黎飲飲佢啦🍺餐廳設有户外同室內位置無論邊個位置都係全方位睇到show 🎻🎺🎷@boticariohk@tsimshatsuicentre✨Picanha（牛臀蓋扒）位於牛臀上方的部位，活動量極少所以肉質非常軟嫩，粉紅色，超級Juice🥩是能同時嚐到油脂甜味與瘦肉鮮味的稀有部位雪花分布均勻，肉質柔嫩細膩，口感豐富用於將整塊肉炭火直接烤燒，一試難忘🐮✨阿根廷蕃茄肉醬意粉呢個高質芝士肉醬比例份量夠調味亦相當不錯！意粉唔會焗到好乾或底層有油情況酸酸甜甜，超級惹味😙仲可以加少少芝士粉係上面是扁扁的麵，很有咬勁👍✨阿根廷煎蛋香炸牛肉配薯條最驚艷的就是炸牛肉上面配一隻半熟煎雞蛋🍳阿根廷香料的香氣，彷彿置身歐洲✨牛肉唔會炸到好乾，麵粉又唔會好厚🐮香脆薯條份量好多，正🍟✨ chocolate brownie（朱古力布朗尼配雪糕及朱古力醬）朱古力係濃、苦甜路線入面似濕潤brownie外皮脆而韌 推薦👍配番杯雞尾酒🍹真係回味無窮

臨近聖誕，吾少得出尖沙咀行下海旁，睇下燈飾兼且打下卡，感受下節日既氣氛今日出發行程之前，就黎左呢間餐廳作為我今日既起點，餐廳位於尖東海旁，食飽飽上天橋過對面已經係海旁，非常接近海邊，餐廳有室內外同樓上陽台座位，開放式設計，寬敞既環境加上用餐時可以睇下海，chill住咁食個lunch 真係非常寫意呢度lunch set有得簡2 Courses/3 Courses，而且價錢都吾貴，二百蚊樓下，就已經有咁chill既環境，有埋甜品，食物質素又高而且服務真係好好，性價比非常高，認真值得一試！嗌左2個3 Courses lunch set前菜- Pan Con Tomate麵包屬於綿密得黎外皮帶少許脆，配上新鮮車厘茄同蕃茄醬，食落酸酸地咁，幾開胃，而且點埋香蒜阿根廷青醬，麵包吸滿晒醬汁，味道無咁單一，即時昇華左好多- Fried Shrimps炸蝦炸得夠脆，配上沙沙醬同香蒜蛋黃醬，好match主菜- Grilled Picanha Steak牛臀蓋扒嗌左5成熟，外邊燒得好夠焦香，切開入邊肉質仍然帶粉嫩，入口肉味吾算好濃，口感屬於有咬口，烤蘑菇好食- Boticario BurgerBurger

尖東海旁的晚市相當多人，大概就是為了那美麗的夜景+海景吧！我反而在午市時段來了這裡邊午膳邊享受片刻寧靜的海景餐廳經理LIZ的服務很好，還特意為了我推介時令菜式SET LUNCH3 Courses 三道菜 $178Mocktail🍸Sober Zombie 88Cranberry, Coconut Water, Pineapple清新的萬越莓跟菠蘿🍍有減膩的效果清甜啲椰子水中和了食物的鹹味配牛排🥩絕佳🍞Pan con Tomate✔Herb focaccia, roasted cherry tomatoes,tomato sauce, roasted garlic, chimichurri番茄配麵包 配香烤車厘茄、番茄醬、香蒜及阿根廷青醬烤厚多士配上微酸的番茄🍅醬，口感爽而開胃阿根廷🇦🇷青醬以橄欖油跟羅勒葉為主軸，蒜🧄作伴，沾這個醬的多士更有滿足感🥩ARGENTINIAN GRILL阿根廷烤肉🥩Fillet (10oz) +185牛柳扒medium 牛癮起的我選了牛柳，阿根廷進口的牛樓質素相當高，以精瘦肉為主卻不會韌，5分熟肉帶粉紅，外焦內軟帶點肉汁牛味相當濃郁配菜 烤蘑菇🍄配上青醬，剛

女女今日放假，帶她去尖東食lunch🍽️🍴呢間Boticario Bar and Grill 佔地2層，今日天氣好 坐在地下露天位置。叫了2個Lunch set，3道菜每位178元。前菜🥗Caesar Salad新鮮羅馬生菜配酸豆、鳳尾魚、麵包粒及巴馬芝士，好FRESH。🍈Melon & Prosciutto哈蜜瓜及巴馬火腿配青瓜、香烤果仁及蜂蜜，開胃清新。主菜：🥣Boticario Bowl芫茜飯配烤蔬菜，另外加了鮮蝦，紅椒醬幾惹味。🍔牛肉漢堡配薯條漢堡非常juicy，🍟薯條勁多，鋪滿成隻碟，份量好大。甜品：🍫Chocolate brownie配雪糕朱古力味道香濃，入口即溶。阿根廷薄餅配焦糖牛奶醬，味道香甜。

Boticario Bar and Grill 位置在尖沙咀海旁，有室內和戶外位置可以坐。感覺很開陽舒服。現在秋涼的天氣，更加寫意。餐廳有午餐提供，可選擇$148/2道菜或者$178/3道菜。三道菜的話就是包埋甜品，但是不包飲品的。無論頭盤還是主菜選擇都比較多，還可以加錢轉食ARGENTINIAN GRILL 阿根廷烤肉。加了$180要肉眼扒，比起成個午餐還要貴，但晚餐時間散叫肉眼一份是要300多的，所以午餐時間加配還是比較抵食。牛扒選了medium，是真正的炭火燒烤，而且是即叫即制要等一些時間，份量足夠，外面燒得很焦香。另外一份同樣是加了錢要Pork Secreto ，這個加$88，份量和牛扒一樣大，但薄一點，是伊比利亞豬胛心肉，一樣是有很濃的焦香味，兩個side dish 也選用蘑菇，這個炒蘑菇超好吃。甜品的開心果雪糕和朱古力Brownie 。兩個人午餐埋單$680 ，食物質素好的，服務也不錯，而且全程有音樂。

上班時衝風陷陣，lunch 當然要放鬆下公司樓下的餐廳，半開放式格局，英式建築，加上煦和的陽光，彷似置身在歐洲街頭的感覺, 令人不其然的放鬆尤其依家開始秋涼，坐係OUTSIDE 非常寫意餐廳以英式設計，大大個吧頭非常奪目另一廂更有大電視和live band stage, 晚上必定非常熱鬧餐廳設有LUNCH SET有2 COURSES 和3 COURSES 選擇和好姊妹點了2個LUNCH SET SHARE 前菜香炸蝦配沙沙醬及香蒜蛋黃醬橙色的red pepper 沙沙醬， 香料味很突出 ，蕃茄味唔會好酸，非常好味~我係每一口蝦都加大大pat 沙沙醬咁食~ 哈密瓜及巴馬火腿配青瓜，香烤果仁，橄欖油及蜂蜜小小的前菜竟然有咁豐富的配搭~ 哈密瓜MIX蜂蜜，超清甜，配上巴馬火腿的咸香，非常清新的一道前菜~主菜點了這款6oz 牛臀蓋扒配烤蘑菇 主菜除了可以配薯條和薯蓉外，仲可以配烤蘑菇，非常正呀 ~點了MEDIUM RARE~ 肉還是嫩紅嫩紅的，但又不會出血水而且肉質仲非常嫩滑，一D都唔嚡~香辣蜆肉番茄意粉配香辣蕃茄醬, 香蒜，牛至及橄欖油滿滿的蜆在意粉上，之前還以為是蜆肉，原來是原隻新鮮的蜆呀

進入餐廳後,裝潢簡潔明亮,擺設率性時尚。今日坐Outdoor品嘗他們新鮮口味的午餐套餐。開場的前菜是今日餐湯-薯仔忌廉湯。濃稠的湯頭帶有濃郁香甜的薯香,口感順滑溫和,入口即化,起到很好的效果。另一道前菜哈密瓜及巴馬火腿,新鮮水潤的哈密瓜混合淡鹹帥爽的火腿,再撒上酥脆的果仁、清新香醇的橄欖油和蜂蜜,各種口感於口中順序交替,讓人回味無窮。Boticario Bowl作為主菜,色香味俱全。各種雜菜烹煮得入味入嫩,紅椒醬濃郁順滑不膩,芫荽飯松軟順口。加入了雞肉後,肉汁鮮美香滑,讓整個碗飯口感更加豐富。另一道牛排6 Oz正好,肉質嫩嫩多汁,完美的燒烤程度,加上軟糯順口的薯蓉,讓人無法抗拒。兩款甜點都色香味俱全。阿根廷薄餅中點心餡料濃郁多汀,烤焦時恰到好處,外酥內軟。朱古力布朗尼的口感香濃順滑,熱熔的朱古力醬澆在上面更添享受。 總體來說,Boticario餐廳從前菜到主菜乃至甜點,都非常重視食材本身的味道,烹飪手法細緻,性價比高！

我去咗尖東一間餐廳食午餐，環境幾chill! 佢地嘅午餐套餐有兩道菜$148或者三道菜$178，我哋揀咗各一。前菜係香炸蝦，配上沙沙醬同香蒜蛋黃醬，味道鮮美又帶有脆脆嘅口感。蝦肉鮮嫩多汁，沾上醬汁更加美味。另外一道前菜係哈密瓜同巴馬火腿，配上青瓜、香烤果仁、橄欖油同蜂蜜。哈密瓜嘅甜味同火腿嘅鹹香完美結合，加上其他配料嘅層次感，味道好fresh! 主菜方面，我試咗卡布里三文治配薯條，真係好滿足！三文治內有多層美味嘅配料，加上軟熟嘅麵包同香脆嘅薯條，食落去好享受。另一個主菜揀ARGENTINIAN GRILL Skirt Steak作主菜。肉味香濃。最後，我品嚐咗阿根廷薄餅，配焦糖牛奶醬同法式脆片。焦糖牛奶醬甜而不膩，令整個甜品更加美味。另外，佢地仲有Nacho優惠，只需$178！份量超大，辣肉醬粟米片配芝士、酸忌廉、沙沙醬同醃辣椒，味道辣辣香口，真係好開胃。

lunch set $148 (2 courses) and $178 (3 courses)前菜 Caesar salad and fried shrimps：沙律菜好新鮮，而且份量都幾多，好食。fried shrimps 好脆，個汁好有層次，好香，鐘意食！主菜 grilled picanha steak and pork secretopicanha steak 唔係好多地方有得食，非常之好食，medium剛剛好，牛味好濃，而且好嫩，同個香草汁好夾，必食之選！port 都唔錯，爽口好食！甜品：crepe and brownie為整餐劃上完美句號！最後想讚下啲服務員好好態度，有親切嘅笑容！呢個價錢，咁好嘅食物質素，仲有好好嘅服務，環境近海，好chill，必定會encore!