亞宝麻辣－麻辣燙川粵菜專門店 (Closed)

為左亞宝麻辣, 我要寫我人生第一篇食評!!!簡直中伏中到不得了, 不吐不快!!!有日同同事係大陸工幹完, 係中港城落船就諗晚飯食咩好, 我就諗到每次經過尖東都聞到好香麻辣味, 成日都好想去試下, 就決定左黎呢間亞宝麻辣消費下啦!!!除首先!!我地未入到去, 係門口已經見到啤酒買一送一, 我地更加加快腳步好興奮諗都唔諗, 就算食飯黃金時間7點幾間鋪頭冇咩人我地都照中左入去, menu都未睇就叫左2杯啤酒, 啤酒黎到我地先問侍應我:想問下啤酒係咪買一送一?? 侍應:下?唔係呀...我:你門口大大張poster寫住買一送一架wor!!侍應:係咩!?我地冇做架啦~首先, 就算你冇做, 但係你張poster大大張貼係門口我都覺得你應該要做買一送一比我地, 但算啦, 無謂同佢嘈我都忍左!!!張單黎到, 呆一呆, 茶芥收我$10, $10唔係多唔多少唔少既問題, 係值唔值既問題, 一黎冇茶出現過係我面前, 二黎呢2兜仔野收我$10...由佢啤酒冇買一送一再加上收我茶芥已經嬲嬲地, 都算!!肚餓都要叫d野食下, 一心想食麻辣燙, 認認真真咁睇menu啦, 睇哂成個menu 2,3次...全部都係小菜,

唔知係未團購關係，二人餐寫明有四隻老虎蝦，但來到只有兩隻，解釋係因為本來嗰種蝦無貨，依家呢種來貨貴，所以得兩隻，而且肉係「霉」唔新鮮，差勁⋯其他食物只係一般，毫無再吃多次嘅念頭。做得團購應該係吸客，而唔係咁嘅質素。

自從係北京生活左一段時間，就愛上左京川菜個種重口味，重辣既菜式。而係香港，食中菜既多，專門食呢重菜式既少，即使有，都會因應香港人既口味減辣。有一日，同朋友行去食黑夜壽司途中，俾派傳單既伯伯截停左，以$1虎蝦作為招來，於是就決定一戰🔪地點唔難搵，就係尖東噴水池附近。一入到餐廳，有一種酸酸辣辣既香味傳過黎，即刻令人諗起北京既小菜！呢個係小食，金魚既記憶力話我知...佢好似蘆筍絲🙈冷盤小食，酸辣口味😋👍呢個就係朋友想食既青瓜，除左酸辣，青瓜仲好爽脆（原過係細碟左啲囉😶）然後，聽話既我地，順應住門口老伯既意思，叫左$1虎蝦，佢既規則就係，一人只可以叫一隻。蝦仔上到黎，發現佢好細心地已經幫佢開左邊（食得方便）而蝦就炸得脆脆咁，面頭有無限多既蒜粒粒。味道方面😌一分錢一分貨，反正都冇人真係會黎到，淨係叫$1虎蝦然後走架嘛，係咪？再黎呢碟，就係我日思夜想，最愛既炒包心菜！第一下睇到價錢，個心真係不情不願😑雖然好岩口味，但係要俾70$幾蚊食個菜，心裡不是味兒😩最後為左好好懷緬下北京，就忍痛嗌左佢啦🙆包心菜又係辣辣 香香，每食一啖都會好似著左迷咁，忍唔住要黎下一啖（愛辣重口味既程度難以想像）總之呢個係一定

星期六路過，吃了一個午市客飯 ― 香煎蓮藕肉餅飯。$48+凍飲$3,尖東區，餐廳環境和坐位舒服，這價錢合理。先來例湯，湯夠熱，有一大舊蓮藕，ok ,如再大碗一些就更好。餐飲凍齋啡，正常港式風味，這是此川菜餐廳值得一讚的地方，加入港式奶茶咖啡，加添一份親切感。令我失望的香煎(炸)蓮藕肉餅飯，大家應該也能從相片中看得到蓮藕肉餅是炸的，不是煎的，太油，食落冇味，使我懷疑這肉餅的新鮮程度！不過炸到甘透，吾怕，照食！青瓜口感夠冰凍，脆，微辣，不錯，怕辣的人也能吃。白飯不題。雖然今次吃的客飯十分失望，但就有很大的進步空間，相信貴號定能做得更好。

水煮牛肉基本上係我食川菜必點嘅~一食，唔辣，無味，啲肉已經醃到鬆哂，唔知自己食緊咩肉到口水雞，又係唔辣嘅~啲汁又小又“傑”😔 呢個上湯浸菜心，話說我係想叫金銀蛋嘅~餐牌上有個金銀蛋（唔記得波菜定莧菜）我同阿落單姐姐講，要金銀蛋菜心/白菜仔，得唔得？佢指住個餐牌上嘅金銀蛋(波菜/莧菜）話呢個呀？我話我想要菜心，佢指住上湯菜心，我再話我要金銀蛋，佢再指返金銀蛋救命呀。。。😩我再講一次，我想要金銀蛋但要菜心，唔係上湯，佢話要問有冇。。。。已經激死咗。。。😠返轉頭同我講無，咁大個廚房一味餸只係改個菜都做唔到。。。唔係呀嘛！最後要咗上湯菜心，個菜嚟到，開頭食無乜嘢，可以嘅~食到底下嗰啲一陣肉腥味。。。普通無味嘅皮蛋，無嘢好講! 底下墊咗啲青瓜絲😖到最後，阿姐話有個咩蝦特價$1隻，要唔要？好似係叫蒜香咁上下，我問咁係點咖？佢話有啲炸蒜喺面嘅，我問係咪類似避風塘嗰啲呀？佢話唔同，呢個唔係避風塘咖，講到呢度，😒阿姐你贏，唔想再同佢爭論啦！落單吧啦~~ 呢個係唯一叫有味，係重味嘅~所以我覺得成晚最讚嘅竟然係呢個$1呢個海鮮湯飯都可以，唔差嘅!都幾多海鮮，不過就要用啲牙力啦!好韌😯啲阿姐咁話頭醒尾。。。實

3/2辣局去亞宝麻辣食不過真的中伏了食物唔得唔再講某D阿姐態度差得離譜唉當晚竟要餓住走,好彩我哋有個好下場留待下篇才講吧!!此店位於地庫店主聰明地開了玻璃位比行人看到店內環境不過也是陷阱穿短裙的妳們懂了吧!!檯面好別緻用上辣椒花椒做裝飾這杯話梅青檸梳打除了甜味甚麼都沒有先來鳳爪係一個好開始接著便是惡夢的開始涼拌木耳還可入口麻辣肚絲這個已變壞有異味酸辣粉食落好"so"應該有羊在內好彩冇吞下否則歷史重演了肥腸巳叫正常了水煮魚有形無神魚塊更怪怪的醃到過晒籠雞煲我敢話我弄的更好吃嘻嘻~最後呢個忘記咩骨同行友人嫌它太乾可幸我選了件有點肥比較油潤吃得下吧!!這店真係唔得我心一次便夠了~

我們兩個人幫襯於某星期六下午，過了繁忙時間，所以好多位。環境坐位舒服。點了一份水煮鮮牛肉客飯和一份酸菜煮魚客飯。跟湯，白飯和飲品。點完都等了約十分鐘，因坐近厨房位置，客人不多，所以聽到爐頭聲，肯定係即叫即煮。當時心諗味道應該吾差得去邊。吃上口牛肉軟諗，夠麻辣，牛肉大大塊，份量多，其它配菜也足，熱辣辣，好吃。另一份酸菜魚，又係大大塊魚肉，份量足，個水煮湯底好喝，不過魚肉比較多骨，要小心吃。餐跟例湯，白飯各一碗，正常味，不題。再跟飲品一杯，凍加幾蚊。兩份客飲一百廿多元落樓，味道水準和份量對得住這個價錢，我會再幫襯，還有幾款客飯我想試一下。

因為日本黎既朋友想食中國菜，喺朋友介紹下去試下呢間餐廳，環境似快餐店，去到都有少少驚驚地會失禮，點知食過之後就知無介紹錯。原本我都好怕食辣，所以都叫左幾款唔辣既餸，士多啤梨骨﹑ 上湯菜﹑ 菠蘿蝦球全部都好好味。但佢啲辣野辣得黎煮得好好味，所以我都忍唔住食左好多，鍾意食辣嗰幾個朋友直頭超級開心。尤其是個蟹，諗住呢種餐廳煮既海鮮應該都係求求其其，點知兩種煮法既都意外地好味，仲要都係二百幾蚊碟。重點推介個士多啤梨骨，好味到唔記得影相。

去尖東睇燈飾，行過見到依間川菜，爸爸媽媽一向鐘意食辣嘢，就陪佢哋食囉(我唔食辣）....裝潢唔算特別靚，但就有中國特色，但係最重要係干淨，環境唔錯！叫咗個三寶套餐， 四百幾蚊……有齊鱼虾蟹啲阿姐又好禮貌，服務又好！！一定會再光臨！！

我跟朋友在樓上的3D博物館參觀完之後，就發現樓下有一間食麻辣菜式的店鋪。因為同行的朋友係無辣不歡的，於是就去試試。店內環境都很舒適，但吃飯的人不太多。我們點了晚市孖寶的套餐同一些小菜這個孖寶套餐真的很便宜。三百多塊就有魚同蟹。水煮魚好新鮮，蟹還很大隻，夠鑊氣 不吃辣的，也有其它的選擇。經理介紹了上湯娃娃菜給我們試一試。湯底濃郁，味道好 再看一下菜單就發現這個創意系列的菜。看圖片是綠色的，很特別。就點這個甜介末脆皮明蝦球。意外的好吃 。微甜的介末醬，跟炸得香脆的蝦球配合得很好，不過我喜歡食介末的辣味，略厭介末味道不夠重。最後來了一個小辣的涼拌青瓜，辣味剛好，不會太重而蓋過青瓜清新的味道。油量足夠，賣相吸引。其實我們見到桌子上有放著麻辣燙粉面的點菜紙，可以選的配料也不少，看到店裡其它的顧客都有點就個吃，一大碗的。下一次可以來試這個麻辣燙。