便當屋 (Closed)

這次經由Cailey 試食Agent 邀請我們去到這餐廳試食，本身Agent 都是說這間餐廳由於沒有人光臨，要朋友們幫手寫好評，但是我們吃完後，真的忍不住良心，要給一個真實嘅用餐過程給大家知道。食物不算太新鮮，而且還有點怪怪的味道，本身agent都是說他們的食物質素就是這樣，請不要見怪，而且可以按自己享用餐嘅真實感覺寫出來，最大問題是他們的丼飯質感很硬，飯粒很乾身，所以朋友們問我會否再光臨，我向他們說不！！希望各位顧客好運！

今日約左朋友去調景嶺果邊做運動，所以順便搵野食～見到呢間靚靚的便當屋，不設堂食，就心血來潮買Ｄ野食去野餐喇！見到好多款都想試，最後揀左幾樣：三文魚籽松葉蟹便當    $68呢個係今日重點推薦！平時食松葉蟹都唔平吧？而家有埋三文魚子都只係$68，好抵食的～蟹肉勁鮮甜，推薦！綠茶冷麵 　$25冷麵口感唔錯，凍得來係爽口，而且個汁好夠味，鍾意食冷麵的朋友不會失望的～三文魚西京燒便當 　$48西京燒整得好好，唔係一味得鹹味，而且食落夠新鮮，配三文魚剛剛好。而且仲有餃子，成個便當好豐富！韓風蟹黃飯糰　$17第一次食蟹黃飯糰，一咬落去勁多蟹黃流出來，而且10幾蚊就食到，簡直係蟹控的喜訊～雜錦壽司 　$32呢個我覺得係最抵食，因為可以試到好多口味既壽司。Ｄ飯整得好實，唔會一夾就散開。當中我最鍾意饅魚！值得一提的是店員服務態度不錯，會主動告訴我們哪些食物需要加熱，很細心。推薦住係附近的朋友買返屋企食，或者好似我地咁去附近公園野餐

平時極少來調景嶺，今日同朋友剛巧有事要來這邊，便決決試試這家位於都會駅商場的便當屋！格局與爭鮮等速食壽司店差不多，但這裡沒有堂食。選擇非常多，令人眼花撩亂！🐟三文魚籽松葉蟹便當 $68呢款便當在店內算是比較貴的，但份量多，三文魚籽好鮮味，松葉蟹肉更是鮮甜美味，很推薦呢！🍱三文魚西京燒便當 $48這款也不錯，三文魚調味剛好，燒過後依然嫩滑可口，仲有兩粒餃子和少許漬物，買來野餐真係相當好feel! 🍣雜錦壽司 $32壽司賣相精緻，各款都吸引，我同朋友都讚不絕口！🥢冷麵 $25麵條質感剛好，不會太腍，有點口感，配冷麵醬汁食，好食到「雪雪」聲👍🏿如果下次再黎，一定會試下其他款式，也很推薦大家一試😊

屋企人俾咗＄100落去買啲嘢返屋企食，因為而家買餸煮飯都實在非常之貴，就算買外賣價錢都唔係差好遠，唔使洗碗好方便㗎。最後我就總共買咗五樣嘢，啱啱好＄100 ,家人都奇怪點解＄100可以買到咁多樣嘢。喺調景嶺嘅便當屋有好多食物選擇，但係啲嘢食都唔貴，價格介乎10幾蚊去到＄68 ,不過好多價錢範圍都係中間位，一般日本食品，壽司都有。當中就選擇左牛肉便當＄28綠茶冷麵＄25名古屋雞翼＄15大阪燒＄20細卷＄12啱啱一舊水。牛肉便當$28下面仲有豆腐，有辣嘅薑，同埋珍珠米，整熱後食唔錯，抵食過去牛肉飯連鎖店食個晚餐，已經夠晒飽。綠茶冷麵$25份量都幾大，如果唔係太肚餓嘅話未必食得晒，仲有青瓜蟹柳同埋海帶等等，不過果汁就唔算太多，亦都不算太濃郁，普通痛，建議可以自己買啲冷麵汁食更加好味。名古屋雞翼$15表面充滿芝麻粒，令味道更加香口，令我原本調味也很不錯，令人食完一隻想食更多。大阪燒＄20超級抵食，加熱之後裏面仲要口感非常豐富，醬汁調味一流，非常建議買返屋企食。細卷$12 有八個卷，總共四款口味，包括青瓜、甜品、蟹柳、酸瓜，食少少吊下壽司引都唔錯！

今日媽咪冇喺屋企煮飯，唯有自己食自己。如果出去餐廳食，得自己一個又覺得好悶。就不如近近地買個便當返屋企食，再煲下劇，睇下戲，咁樣都唔錯。就在調景嶺都會駅商場有一間便當屋，門面望落去充滿日本風味。一進去鋪頭，就看見收錢的地方用一個火車造型，感覺真的很獨特，很可愛。這裏出售的都是日式便當，有飯團，冷麵，各式各樣的便當⋯⋯小食更有大阪燒，章魚小丸子等等。想不到款式都幾多。一人晚餐點可以食得求其？所以我足足買了一個便當盒，一碟卷物和兩個飯團🍙。和風照燒雞便當＄38店員很貼心，會當場問你是否今晚進食。如果是的話，他會幫你加熱，所以可以省點自行加熱的時間。想不到少少一間小店都有這樣貼心的服務。打開飯盒，真是很驚喜。這個飯盒很精緻，裝成一個木盒，很文青的風格。便當除了有雞扒，還有很多配菜，有粟米，西蘭花，獅子狗，小番茄和蛋絲等等。再配上它的照燒雞汁拌勻，很滋味。雞扒嫩滑，雞皮亦都夠薄，所以不覺得肥膩。粟米很香甜，為便當加上一些爽脆口感。米飯雖然急凍過，當然沒有剛煲起的那麼新鮮，但是也不會過腍，仍保持飯的質感。卷物二重＄26這個很推介！一碟有八大件，很抵食！它分別有蟹籽卷物和芝麻卷物。芝麻卷物很好吃，

今日去完hkdi接朋友放學之後就去左隔離商場嘅便當屋買野食🍱去野餐la。佢門面幾大，一搵就搵到。有幾個大電視係到播住啲餐牌。唐揚炸雞便當一個便當有三塊雞、玉子、蘿蔔同小小配菜，飯量唔算太多，如果係男仔就未必夠飽。鋪路有個好貼心嘅服務，就係外賣會即場叮熱佢，方便拎走都可以即刻食。炸雞嘅粉唔算厚，雞肉都幾嫩。明太子飯團$15一個飯團都算足料，飯粒唔會太爛，粒粒分明。明太子偏鹹，同飯一齊食好好味。卷物有加洲卷同炸蝦卷2種。我就認為加洲卷較為好食，外層嘅蟹籽卜卜聲。炸蝦卷嘅芝麻就搶左炸蝦嘅味道，比較普通。蒸蛋佢嘅蒸蛋好足料，有雞肉、冬菇、蓮子等等。雞肉仲要好太舊！雞蛋就算翻蒸都仲好嫩，可以一試。

新開了一間日式便當，身為將軍澳街坊又點可以唔試下？呢間店唔係非常大，但周圍都貼滿食物介紹，而且簡單的風格表達，非常清晰。而家只要購買一定金額都可以得到購物車，真係好抵呀！門口貼住兩個特色便當，中意食蟹嘅朋友一定岩晒。因為整個便當都充滿蟹膏。店內有好多款式的飯糰。而且非常經濟抵食，超中意食手卷、飯糰嘅一定岩晒啦！三文魚飯糰，三文魚做餡料非常豐富，而且都好新鮮，紫菜亦非常脆，至於飯糰亦包得好好，唔會一咬就散晒！另一款當然係試下蟹膏飯糰啦！唔係間間日式店都有，一於試下。蟹膏非常豐富新鮮，啖啖都係蟹膏真係好正呀！點了一份三色牛肉便當，店員會先幫忙叮熱，岩晒要速食嘅朋友，內容都好豐富，有好多牛肉在內，所以真係好吸引呀！

平時好少會去調景嶺，難得假日就梗係要去試下新野啦！由於時間不多，所以就去左買外賣了。呢間店係一間外賣日式便當店，但係就非常貼心，可以加熱便當，令便當可以於一小時內都溫暖的。除了便當，都有飯糰可以選擇。飯糰有好多選擇，價錢一致都係$13炸。份量比起便利店買嘅都大。另外亦有好多特色嘅便當。雖然係日式店為主，但都有西式便當嫁，絕對唔係單一。揀左蟹皇便當，蟹皇便當非常多蟹膏，有蛋絲墊住特別有風味。另外，亦有壽司選擇。雖然款式唔多，但對於趕時間嚟講，份量係非常足夠的。最特別係加洲卷。芝麻在外，炸蝦在內。非常夾的味道，而且炸蝦都非常鮮味，好正呀！

這間便當屋開了有一段時間，一直以來都沒有嘗試( 雖然就在屋企附近)。店舖很大，擺放的飯盒類別都不少。這天因為商每間食肆都人頭湧湧，不得不另想辦法。 看見這間便當屋心想終於可以一試。便當冷食的有三四款，可翻熱的也有三四款，價錢由$38至$68不。 也有一些小食，如餃子，糖心蛋，燒牛肉沙律等等， 儼如一個小食店。試了"蟹肉蟹仔蜆肉便當 "$58。 材料都整齊地相間着。 而且都是厚厚的p鋪上飯面， 看看橫切面便知道了。 蜆肉唔腥，蛋和蟹都砌到相當幼細 ，口感一流。米飯甘香 ，粒粒分明， 用了日本新潟縣米，因為雪了大半天， 建議灘一灘先食飯會比較軟身。 提供的特製醬汁也可一試， 會令便當飯更加鮮味。飯糰選了鮭魚，吞拿魚沙律和牛肉。(每個$13)飯糰size 唔細，但餡料未見配合。 包裝袋如根據指示開啟， 並不是很順暢， 因為有貼紙貼在開口處。 和日本的飯糰包裝比，開啟的過程一定要很順利， 因為唔想隻手掂到啲食物。此店提供的Wasabi 非常攻鼻，留意!下次會試一試熱食的便當。

呢日經過調景嶺 ，打算快快手手食個午餐， 本來諗住返屋企整個麵， 但諗諗下都係唔好咁麻煩，直接買個飯返去食算， 咁啱經過便當屋， 見有咁多選擇， 決定一於 嚟個日式午餐。食過咁多次日本嘢， 我竟然冇食過大阪燒(其實章魚燒都冇😂) 見十幾蚊諗都唔諗即刻買咗返去試。個賣相都真係幾吸引， 一打開就傳出陣陣經典照燒醬汁嘅香味， 見上面仲有沙律醬， 兩種醬汁係絕配， 放入微波爐加熱非常好食！本來以為微波爐加熱之後質地會變硬， 冇估到裏面嘅野菜同類似章魚丸子嘅餡料仍然保持濕潤， 口感軟綿綿的，效果不錯。日式餃子唔係太特別， 不過 午餐淨係食飯好單調，食下餃子點下燒汁都幾好🐷壽司便當分量十足， 熟食魚生各樣有啲， 兩個人分享都幾好。打開個靚靚仿木飯盒， 驚見一件都幾大嚿嘅雞， 有幾足料喎， 飯嘅份量都唔少，一個人食夠曬飽， 如果大食嘅叫多一個小食咩都夠曬...

朋友告訴我，她家附近開了一間日式外賣便當，頗有新意，推薦我試一試。將軍澳沿線的日式外賣店有不少，可能跟這區多無飯煮婦或單身人士有關吧，這天剛巧想宅在家裡，不妨買個便當陪伴我吧！外賣店就在地鐵站上蓋的商場，非常便利。店舖小小的，但所有的食物都放得井然有序。便當的選擇不少，有熱食也有凍食，例如三文魚籽便當、大閘蟹將軍便當、蟹肉蟹籽硯肉便當和式牛肉便當等，價錢由$22至$68不等。另外有小食，例如餃子、溏心蛋和章魚小丸子等。我買了一個鰻魚便當和兩個飯糰。便當的包裝充滿日式風味，附送一小盒鰻魚汁和餐具，很周到呢！外賣盒是仿木紋，美觀又實在，有家的感覺喔，呵呵！放入微波爐翻叮4分鐘就可以吃了，店舖也有代翻熱的服務呢！⭐️蒲燒鰻魚便當哇！便當份量挺多的，想不到鰻魚足足有四大件😱鰻魚下還有蛋絲，配菜有西蘭花、粟米和紅蘿蔔，紅蘿蔔還切成花的圖案，這一點非常考究，覺得這家店挺有心經營的。鰻魚實在是大件夾抵食！非常肥美多汁，醬汁去掉了鰻魚的腥味，咬下去滿口都是飽滿的鰻魚肉，魚肉厚實，吃得很過癮呢！⭐️蒲燒鰻魚飯糰飯糰吃到中間有幾粒鰻魚粒，白飯比例比鰻魚多，飯糰的白飯標榜用日本青森縣產米，米粒香甜，就算涼了也不

今日同下午老公睇完戲買完火鍋配料有點肚餓但又唔想食咁多野，經過間壽司店買咗二個飯團頂肚，我選了大路的明太子飯團$14，而老公選了和風牛肉$13。包裝看似和飯團專門店一樣從中間拉開，點知完全係兩回事，要費力撕開兩面貼紙先開到。紫菜無香味，飯看不到米粒，太淋身水份太多了，令紫菜瞬間變軟，口感不佳。而饀料份量偏少，我地唔想做大嘥鬼。。。😟我好鍾意食飯團，經常光顧飯團專門店，本來想為味蕾開托新領域，但。。。😳

在調景嶺的餐廳選擇十分少,但今日行過見到了一間以火車作主題的日式外賣店，挺有趣的，所以買了兩個便當試試( ・∇・)當天大約有十種的日式便當及飯團，並提供飯盒加熱服務食物方面：當天選了芝士漢堡便當（$48）及照燒雞扒便當（$38），聽說此店使用了產自日本青森縣米，米飯的確相當香，彈牙而且不黏牙。肉量適中，漢堡肉味香濃，但可惜的是表面的芝士較少；雞扒有濃濃照燒汁味，加熱後雞皮仍然有少許香脆，另外兩個飯盒都有不同種類的配菜，如菜，蛋卷等。包裝精美，有著日式車站外賣便當的感覺，價錢合理，令人滿意。服務方面：付款時間較長，飯盒加熱流程較亂，需改善(*´꒳`*)