馬來‧棧 (Closed)

記得好耐之前嚟呢間食過, 覺得D喇沙好好味, 海南雞又好食...今日再光臨, 居然變得咁難食....嚟到見到個餐牌, set lunch 冇喇沙, 諗住問佢攞個主餐牌, 點都叫返一個嚟食, 點知個侍應話冇喇沙....唔係嘛, 成一點LUNCH時間居然冇喇沙, 咁仲叫咩馬來西亞餐廳呀.....唯有點返佢個餐牌上嘅嘢食, 我叫左個香茅雞扒炸蛋飯, 同事叫左個巴東牛肉飯等左10分鐘左右食物就嚟到....巴東牛肉個樣奇醜, 深啡色嘅泥漿加好厚又韌嘅牛肉, 個汁有好重嘅椰糖味, 但另一方面又好辣, 可能個廚師加得太多辣, 所以想搵D甜嘢中和返, 結果將個巴東牛搞到好奇怪, 而個香茅雞扒炸蛋, 平平無奇, 完全冇香茅味, 最頂癮嘅係佢有蔥油加喺雞扒面扮香茅囉, 不過D蔥油好咸好咸....至於D雞扒, 都係雪雞扒啦, 冇咩好講...咋蛋個粉漿好薄, 又唔脆口....可能廚師都知唔好味, 所以有一碟豉油俾我撈飯個餐包左一杯嘢飲, 我叫左咸柑桔蜜, 全個餐最正常都係呢杯嘢......

我是很喜歡吃叻沙，不論是新加坡，或馬來西亞的亞參叻沙，統統照單全收，上年初到新加坡旅行，短短四天，連下三碗叻沙，面不改容。在地的叻沙，很難吃得滿意，大多地方也不會下螄蚶，單憑這一點，先打個七折。不過，未試過的地方，總會有興趣去一試，趁到新蒲崗理髮之便，來到爵祿街的馬來西亞餐廳，馬來。棧，吃個叻沙。下午過了午飯時段，餐廳只得我一個食客，環境頗為殘舊，不像只是開了兩，三年的樣子。叻沙連餐飲，＄50一客，上桌時一看，個心涼了一大截，這個，是叻沙，抑或是咖哩湯麵？嚐一口湯，嘩！不是嗎？為何那麼淡？湯底不像熬出來，而是走精面，用粉開出來，而且那陣味只停留在表面，淡如開水，全沒有叻沙應有的辣，香，濃凋，差一點，心裡面說的粗言，便衝口而出。恰巧店員奉上亞參醬，於是怒下亞參醬在湯內，最後，還勉可吃下。配料更不濟，蝦肉沒味，魷魚同樣是冷藏貨，最離譜的是，加上蟹柳，來充海鮮，這些偷天換日之技倆，罪無可恕。全場最好的，是椰汁冰，沒有其他。這是我有史以來，吃過最糟糕的一碗叻沙，真難想像，此般水準還可以立足？請不要當食客是傻，好嗎？

看見門面不錯, 於是就試一試這間名為馬來.棧的餐廳, 餐廳一個客人也沒有, 冷冷清清的,不過, 從店名估計她有些東南亞之類的食品, 坐下一看餐牌, 果然是, 有越式, 泰式, 星馬等特式食物雞肉喇沙當日未食午飯, 於是個人先來兩碗喇沙, 一看...嚇了一跳?!? 怎麼顏色完全不是星馬那種喇沙, 而且完全聞不到那股微辣及椰汁香氣,一食才食到味道很怪, 雞肉帶酸, 似變質的酸味, 即向店員查問, 他們說早上還售出多碗, 可是這肉的酸明顯是變壞, 我不跟他們辯了, 唯有全部不吃再且, 檬粉並不是檬粉, 只是 “賴粉”, 而且一塊塊未煮散,可真是我未吃過這麼差的一碗粉餐飲: 珍多冰我是個愛吃甜品的人, 飲了這杯飲品只有一個感覺, 就是甜飲不出有什麼椰汁味, 不合格的珍多冰牛肉凍檬粉牛肉是有誠意的, 因為是即炒出來的, 熱辣辣的牛肉配凍檬粉可以檬粉凍得像剛從雪櫃拿出來的魚露十分之差, 沒有其檸檬酸不特止也沒有魚露的咸及一些配菜如甘荀及少許蒜蓉之類的味道服務態度雖然很友善, 可是食物味道是餐廳主要原素, 味道完全不合格, 又如何令客人有再次光顧的心意呢

I am officer which office and my home quite far (Tin Shui Wai/ Home >>> San Po Kong/ Office), so I am actually to have a breakfast at outside before work.Belachan is one of my favourit restaurant which I am dine in for breakfast almost everyday...even sometime I need wait my order for long time...but I can deal with it coz their food very good taste

一走進爵祿街39號的馬來‧棧便有一位頭髮花白,貌似馬拉人的侍者熱情招呼。 午飯時間的顧客仍然不多, 而且大部份是團購客。 打開餐牌一看，價錢十分大眾化，套餐只需五十餘元，其他飯餐四十餘元有交易，還送價值十元的飲品。每碟的份量十足，與Mikiki相隔不遠，卻經濟得多，且看食物的質素吧。 馬來小食拼盤$48拼盤： 炸魚外脆內滑，春卷售罄，芋蓉卷有很香芋味又很脆，雞翼也很香脆.... 總評是 - 味道不差卻不怎麽特别，可以先吃其它。巴東牛肉$59： 少少辣，很重椰味，如甄占記椰子糖般。 牛柳粒軟而不腍，口感滿足。 但以味道言，我較喜歡紅燈籠的巴東牛肉。蕉葉燒魚$56： 鯖魚有點腥，加點附上的青檬汁後味道又可接受。飲品方面，椰汁味道不差； 拉茶便只有玉桂味，沒有拉茶“滑”的神髓了!可能是自己在選食物時出錯吧， 找不到各大飲食刋物推薦的原因。 有機會再試這裡的海南雞飯($44)和乾煎咖喱羊腩飯($56)。總體55分，嫌Mikiki又昂貴又不好吃的話可以一試。

偶然經過這店，門面給人的印象略為殘舊，入內坐下反而感覺整齊舒適。看見收銀太太同時要兼顧廚房，應該是一間家庭式經營的餐廳。五點多鐘來到這裡還有兩檯客人。下午茶餐給客人的選擇很多由於店名「馬來、棧」給客人一個正宗馬來餐廳的錯覺，於是點了一客「喇沙雜菜油麵」配凍檸茶。這碗喇沙製作的時間比較長了一點，賣相看起來還是用心的製作，但試了一口湯就知道明顯不是正宗喇沙。 一般喇沙湯底假如不是馬來人家開店，大多採用現成喇沙粉或者喇沙漿已經可以泡製一個很好湯底，而配料就依照食譜「執料」即可，這裡喇沙湯麵在配料上欠缺了豆卜、銀芽、紅辣椒、蔥花及半個雞蛋。這裡所煮的雜菜、椰菜及紅蘿蔔都未夠淋身。油麵的份量很多麵質不錯，以茶餐來說減少三份一的麵亦都無妨。話說回來假如這碗喇沙不是在這麼大的招牌壓力下，如果在一個多國菜的咖啡室，可能客人的意見就會不同。

Went to this 馬來‧棧 place in San Po Kong for dinner last week with a bunch of friends. Virtually EVERYTHING was BAD...- Teh tarik: did the dude forget to put in the tea?- Skewers: the beef was SOUR and the chicken had an excessive amount of garlic...- Curry: there was an excessive amount of salt in the couple of curry dishes we ordered...- Chicken rice: both the chicken and the rice were tasteless...- Beef rendang: tasted relatively ok, but the beef was stiff...- Roti: dry and stiff -- waitress h

這裡的馬來食物算是比較正宗喇沙的湯頭不錯, 油麵也好小吃普通, 唯炸蛋很難吃, 質感很乾巴東牛肉屬上品汁料香濃牛肉也入味配白飯吃是人間美味這店服務也很友善唯一些新員工口齒不清問非所答望改善

新界人如非必要，好少貢入新蒲崗。今日被朋友誘拐了去新蒲崗，都不知吃什麼，但見此地乾淨光猛，就食呢間。最初以為入來要吃海南雞飯，但見二人餐的東西都好像不錯說，一於點了個二人餐：咩都未叫，先上前菜。蠻喜歡這個蝦片，口感比一般的紮實，跟黃珍珍的伴碟蝦片是一路的，但還有一小碟咖哩醬點，更加惹味。你一言，我一語，你一啖，我一塊以極速吃掉了。肉骨茶浸娃娃菜差了一點點，肉骨茶味道不濃，娃娃菜也沒有入味，外加兩塊豆卜，更讓人摸不著頭腦。在此星馬餐廳吃芋蓉酥感覺怪怪的，但新鮮熱辣炸起又相當好味，配上甜酸醬，真係最佳拍襠。嗚，好想食埋個fd個件～蕉葉烤魚頗有心機，醃料有檸檬、洋蔥、薑等。魚是鯖魚，出來的味道不差，但略嫌單一，附送的醬汁比較鹹。早知試這裡稱霸的乾燒腩。最後是兩個甜品。甜品都有三款，選擇頗多。紅豆沙材料頗足，我的大菜糕切碎了口感太鬆散，有些失望。整個晚上都只有兩三桌，我猜都是做午市較多。服務和細心程度頗佳，提供的菜式都考驗師父的耐力；價格相宜，環境乾淨別緻，還有電視和雜誌看，會吸引我地女仔幫襯。希望此店能嘗試更多不同的菜式吸引客人。

自搬離慈雲山，不覺已有近20年沒有在新蒲崗這一帶走動，這日因工作關係，走入內街之中，與越秀廣場一帶的熱鬧，更見內街的寧靜，忽然在工廠大厦群中，突然見到一間新裝修的店舖，正好同事們也感肚餓，便入內一試。可能因處內街，加上晚上的關係，最多都是得半滿，正擔心是否又一間虛有其表的餐廳時，侍應已奉上免費小吃蝦片及咖喱汁，幾有新意味道亦不俗。menu的選擇不太多，最後我們3人選了一個2人套餐，有肉骨茶、叻沙什菜、干煎咖喱羊腩、春捲，另外再加一個海南雞飯及半打沙爹。肉骨茶味道偏甜但好味，細問下原來多加了圓肉，除了甜味突出外，更能中和燥熱。叻沙什菜一般，未能留下甚麼印象。干煎咖喱羊腩，精彩，上枱時見佢外表乾乾的，以為會好嚡口，點知煎封的效果令肉汁鎖住，加上羊腩的脂肪令肉質保持嫩滑，值得一讚!!春捲的用料先用咖喱炒過，好味海南雞飯，雞、飯不及醬料出色，雞略為老了一點，飯又濕了一點沙爹，好味，可惜凍得快最後來了一杯珍多冰，原來呢個先係最大驚喜，當坊間多只以椰汁加糖水，呢度仍然以椰汁加椰糖沖調，令椰子味更加突出，如果可以換成碎冰就perfect又一次無心插柳，食物的份量不少，十分抵食，值得推介

因為小弟家住新蒲崗附近，o係搭車期間留意倒尼間小店，所以o係上個月頭就去試下， 到o個陣係夜晚九點，見得o個四個客..........，算啦，就膽粗粗行去試下，一坐底就有炸蝦片食(唔洗錢)，之後同老婆食o左個$128蚊的二人餐，我o地主要食o左串燒、喇沙、肉骨茶、巴東牛肉，值得一讚的係巴東牛肉，辣辣o地又軟又滑，送飯正，不過串燒就有的乾。因為覺得好食，所以第二同第三次就同朋友一齊去，一行7、8人，食完朋友都話無介紹錯，仲有佢o地的咖啡同奶茶都好滑，佢話拉出o黎喎！(拉=屙？)第二次我就食o左乾煎咖喱羊腩飯，鍾意食羊的我就覺得好香好好味，推！不過個賣相就差o的(尼個飯好似要$50幾蚊)，禽日第三次去係下午茶時段，我就食o左個魚片喇沙，正唔正宗我就唔知同唔識，不過o岩我口味，連埋杯凍啡飽晒！(個餐牌有o的細位我就唔記得喇，eg：好似飯加$2轉油餅等)最後員工們都好有禮貌o架。聽講有新菜式出o左，有我鍾意的海南雞飯，遲o的去試下先。期實o係自己屋企附近有尼o的有驚喜的舖仔，我都想佢o地能夠繼續經營落去。

食過兩次，都幾鍾意~~一坐低就俾碟蝦片同咖哩醬你食，又坐得舒服~~~唔算太貴~~~食過咩蔥油雞扖撈米線同肉醬飯，個人鍾意前者多啲，後者比較濃味，仲食過加多，但唔覺好好食，下次想試佢個羊腩!!!

本人一直喜歡東南亞美食, 每次到星馬必會以試均地道美食為已任, 過去幾年本地的星馬美食水平已提高很多, 個別店舖的烹調水準更比發源地猶有過之, 但因本地店舖租金高, 食品售價當然不能與彼邦比較, 所以價錢從來不是小弟最重要考慮.早兩星期在生果日報看到新蒲崗開左間馬來棧, 第一時間與友人出動, 可惜因為年紀大, 揸車搵左15分鐘都搵唔到, 唯有下次再去過. 一星期後本人與太太再次出動, 好好彩(本來以為)終於搵到.一坐低, 本人急不及待要左個喇沙, 太太叫左個亞參牛肉飯(定係雞?唔記得), 再加多個寸燒牛/雞, 一杯柑桔蜜. 等左一陣(10分鐘, 唔算耐)上菜喇, 未食都smell到不對勁. 亞參味道只有"孫"味, 雖然本人好少食亞參, 但都知佢地做得唔地道, 問問太太, 佢話可能係香港人口味(真係厚道, 太太係馬來西亞人). 到我試我個喇沙, 飲啖湯先...嘩!乜家伙?? D湯好似喺超市買現醒湯包加椰槳再加幾滴辣汁, 完全冇鮮味, 最正佢地仲加幾條青椒C去釣味, 真係孤陋寡聞, 從未見過. 鍾意食喇沙既朋友都知, 如果用料足同時間夠, 你用隻匙搞下個湯係會變色架.到個寸燒, 明明叫牛肉

免費報紙每天於大廈大堂自行領取，不過大多數會因為自己較遲出門而撲個空，在星期六會好一些，始終很多街坊也是五天工作。上星期六早上練了一課15K，早上七時半前已完成練習及回程，在大堂仍然有很大疊免費報紙在等著我，換成平日，就算是同一時段內回程，只會剩下墊底的那一張包裝紙。自己是個貪吃的人，所以星期六的免費報特別合心水，除了慣性追看梁先生的專欄外，逢星期六的飲食專輯，亦是必看的部份。如果當中有合胃口的菜式，也會甘願冒險一試。今次來到位於家附近的新蒲崗工廠區，同區最常光顧的當然是專製古法菜的「得龍」，其實此區還有很多不同的美食，其中一間便即剛開業的「馬來‧棧」。由家步行到此，時間正值上午十一時零七分，但玻璃門仍然掛著「準備中」的木牌，而店內員工正忙碌地執拾地方。唯有向康強街方向兜了一個圈，再回到店子，發現木牌仍在，只好先拉門進去，詢問是否已開始營業，店員馬上請我們先坐下來。雖然已有目標，但仍然細心地看一看餐牌，食物種類頗多。由於主菜已早定，唯有向飲品著手，最後選了熱咸柑桔蜜($14.00)及青檸話梅梳打($18.00)。食物則選了喇沙鮮蝦配油麵($42.00)及乾煎咖哩羊腩飯($50.00)，

最近發現公司樓下開左間新餐廳，所以同同事試一試。呢度地方乾淨，光光猛猛，坐得幾舒服，唔錯！我地四個人叫左幾個餐黎share：巴東牛肉：d 牛肉炆得好"淋"，幾辣，不過越食越滋味，個汁送飯好正！阿參燒豬頸肉：我好鍾意個汁酸酸甜甜，好開胃！乾煎咖喱羊腩：羊腩都幾多舊，而且都好似巴東牛肉一樣炆得好淋！串燒：叫左牛、豬、羊試下，點沙爹汁好味！另外，我叫左一杯酸莓七飲，因為出面未見過，估唔到個酸莓同七喜個味都幾夾，幾岩熱天飲。不過侍應做嘢真係慢左少少，有時都要催下佢地，但佢地都好有禮貌回應。總括黎講，呢間餐廳值得再幫襯。