蜂茶台灣料理及甜品 (Closed)

尋日夜晚行經呢間餐廳，因半年前同朋友食過OK所以入去食啦。入去個時餐廳得一枱客，心諗冇理由咁少客既，坐低叫左個滷肉麵，HKD 48蚊仲送野飲 (個時都已經9點啦)。個麵普普通通啦，唔難食，但最大問題係杯野飲！叫左杯凍既芝麻奶茶，飲落去，隻味根本就係水加芝麻味，淡到完全冇奶茶/甜味。咁同待應講杯野有問題啦，佢竟然話佢地本身既芝麻奶茶係咁既味，係咁淡，真係好野！ 最後我特登換左杯凍檸茶，廢事再叫返佢地的奶茶野。結果。。。杯凍檸茶又係淡到乜咁，真係好失望，快快手食完就埋單走人。總結：個麵係OK既，咁既價錢要求唔多，但野飲真係好難飲，唔好比佢So called台式餐廳呃左...

非常厚的西多士，好像一次過吃左兩份西多士。入面夾左好多花生醬，口感鬆軟，但我揀左配朱古力醬不太合拍，都是煉奶會好d。整體膩得很，切忌獨食！而且西多要呢個價錢，都係同朋友夾份好d。這裡的飲品、甜品都可以，就係鹹食差得放唔入口！因為另外重叫左份下午茶餐炸既素食拼盤，一大陣油味！真係一人食一啖就成盤放棄左！

先前已經嘗試過，這裡的士多啤梨海棉蛋糕，今次再試Honey Souffle ，餐牌的圖十分吸引，果然這間的出品很有素質，我從沒看過Souffle可以那麼high 味道 賣相 我大膽說真的頂級，還有女友叫了一個華田布甸，味道甜而不膩。

同屋企人經過九龍城，見到呢間台式餐廳，一見到出面甜品櫃好吸引，而且有我中意食既窩夫在內，亦望到隔離戈餐牌，見到有好多台式食物，價錢吾會太貴，所以決定入內嘗試一下。

最近試一下這間台灣餐廳，九龍城上班lunch太多選擇，所以這間開了很久還沒嘗過，今天去了覺得這間店鋪裝飾很放心機下去，還沒聖誕氣紛都出來，店服務員向我介紹新出的紅燒牛肋肉飯，只需60元加了3元轉蜂蜜茶，牛肋肉很鬆軟入口口感很好，飲品清淡十分解渴。明天會再去吃飯

下午同同事食飯時, 簡左一間台式餐廳。之後叫左一碗牛肉麵同一碗魯肉飯, 咬開的牛肉塊，入面幾淋同都入味,湯底都有牛肉的原味,而魯肉加埋D汁夠濃味。然後叫了一杯美綠恐龍,跟新加坡GE種味道差不多, 還有一杯芋香珍珠奶茶, 味道OKAY。

第一次到九龍城吃飯，看到蜂茶門口甜品櫃十分吸引，跟女友試了一個香蕉朱古力窩夫，賣相值一百分，當然味道才重要 第一口吃雪糕味道不錯不算太甜，底下的窩夫十分鬆軟，完全配合到，我覺得在台式餐廳能吃到西式甜品也不錯，能給多方面食品給客人選擇，這間餐廳佈置很有心機連燈飾也用蜜蜂做主題，有機會會再去。

點左牛肉麵同杏仁珍珠承為71蚊牛肉麵極之難食，味精好重。都算⋯⋯D牛，硬都咬唔入，把鬼！！個杏仁珍珠，本身以為黎錯野，啡色，以為白色先岩。點知又無錯wo飲落去，係珍珠奶茶溝左少少杏霜咁囉，垃圾

經過蜂茶門口幾次，都覺得好吸引今日終於入去一試！二個人各自叫左下午茶魯肉飯+芒果綠茶粒粒西多士+水蜜桃綠茶魯肉飯唔算好出色，可以抵食粒粒西多士，就好失望我認為西多士唔會整得難食但，係度比我食到😖食左二粒已經唔想再食炸得唔夠火喉，賣相差！

甜品賣相好靚，但味道零分同友人叫左4份4人一致認同：好難食糖漿甜度極高，生果唔新鮮，早餐d穀類脆脆佔左半杯！結果大家食左3分1都冇就放棄左好後悔行入去前唔記得openrice下先！

第一次來這間店舖食，試了一個排骨麵，落單時清楚問過店員，個湯底是否牛肉湯，因本人不能吃牛肉的。店員回覆，只有牛肉麵使用牛肉湯底的。排骨麵是肉和麵分開上。排骨炸得非常乾，有大量的七味粉或椒鹽在排骨上。個湯底的顏色也非常深色，老公幫忙試吃後才發現真的是牛肉湯。和店員查詢時，他們還說是我沒有跟他們講要轉清湯所以給我牛肉湯！！更出奇的是，他們並不是給我換過一個湯麵，而是給我退回那個麵的錢。我不是要求折扣優惠，我們放下＄100便馬上離開。一個非常非常差的經驗。

味道可直接 PK 明X壽司！1. 窩夫不新鲜2. 雪糕不新鮮3. 忌廉不新鮮4. 果茶水果竟然是罐頭，沒有水果味，沒有茶味5. 日式窩夫 - 食完覺得店主應該沒有去過日本，竟然是包裝蛋糕想打大佬可以一試，因為全部食物都係大佬級！仲有，新店竟然那麼污糟。講完。

返工前同好同事到蜂茶吃午餐，同事order了紅燒牛肉麵。河馬太今天不能吃牛，又不想吃飯，叫了綜合丸米粉。台式米粉一向好吃，咬口爽，吸收醬汁一流。可惜午餐餐牌沒魯肉燥米粉，否則吃十碗也不過份。午餐免費配熱紅、綠茶。同事叫了蜂蜜咸檸水。大熱天，我叫了解暑的黑糖冬瓜茶。環顧四週，這裡的環境也不錯。沒有茶餐廳的匆忙，亦沒有高級的拘謹。和三兩知己吹吹水也是不錯的。同事的牛肉麵先來，粗麵條附以紅白蘿蔔配菜，牛肉約4-5塊，同事覺得味道一般。河馬太的綜合丸不過不失，值得一讚米粉煮得恰到好處，口感爽而不會一pat pat。黑糖冬瓜茶有驚喜，最怕冬瓜茶像程班長的過甜，這裡的甜味適中。價錢來說，這裡的確相宜。除了牛肉麵$65來說算較貴。

被這店的裝修吸引入去, 其實開在大街上兼星期日晚飯時間都坐唔夠一半滿已經係明顯signal....2個人散叫了1麵1飯1小食+2杯珍珠奶茶。 牛肉麵先上, 呷一啖湯已知此店只有外表, 不過個麵還算不過不失, 可以入口; 竹筒飯就是用竹筒盛飯而已, 不要奢求有竹筒香味.....可是最離譜是蚵仔煎, 賣相完全令人倒胃!! 不知道廚房有什麼問題, 係唔係同老闆有仇, 碟上只係一撻粉, 一丁點煎過嘅感覺都無!! 埋單仲要超過200蚊, 呢一餐絕對算的上本人食過最難食嘅餐廳頭3甲.....不單只不推薦, 仲會提醒朋友不要中招!

吃完泰菜，我們走到衞前圍道的一間台式的甜品店蜂茶，我最愛台式甜品，所以真的滿心歡喜點了兩款甜品，丁丁點了榴槤班㦸，班㦸的榴槤没有鮮果的清香，祇有甜!我最愛芒果千層蛋糕，待應小姐送上 ! 千層蛋糕賣相甜甜的是不俗，可是上面的芒放了太多的cream 和棉花糖，一点口感也没有，祇能吃到一個甜字!我們因太甜的關係，喝了很多杯水! 這間餐廳難道祇能造出祇有甜味的甜品，和台北的甜品水準真差太遠了!