越竹越南料理 (Closed)

元朗食肆多, 但越菜比例上是少的。越竹店舖坐落於街角, 就算是元朗人都未必知道這裡有這間越菜, 幾年前都是好友帶我來才知道呢, 間中都會來幫襯。是晚跟識了N年的小學同學飯聚, 同學初初想食粉類..."um...生牛肉河, 點睇?" 回應說"元朗有咩?" 隨即就帶了同學仔去喇! 越竹本身都幾多位, 當時已經是9點左右更是不太多人呢!  首先點了安格斯生牛肉湯河 HK$68, 這裡的生牛河是上檯先倒湯, 確保牛肉不會過熟。生牛肉打正安格斯的旗號, 雖然不知道是否真確, 但牛味的確比坊間的好! 不過淨飲湯就有少少過濃(應該都有味精), 反而配河粉一齊入口就有中和的作用, 好味! 而且河粉薄薄的很滑~正! 之後就是香茅咖哩雞配烤餅 HK$58, 雞件不算多5件左右...完全無香茅味! 咖哩味不夠, 而且汁很"杰"身, 不是濃郁那杰度, 是似乎打了很多"獻", 麻麻地...烤餅是翻焗的, 口感都幾好幾香脆, 可惜太油了!接著就是我很喜歡的 -- 牛油白酒燴大蜆配蒜蓉多士 HK$128, 已經不是第一次叫這道菜, 牛油白酒汁真的很不錯, 當湯飲亦不會很膩! 大花甲的質素很好, 次次都是剛熟, 控制

呢間越南菜好耐無黎,重遊下再食, 都抱有希望,果然都無令我失望火車頭湯河 - 有生牛肉,熟牛肉,牛根,牛柏葉,材料好豐富, 湯底好清甜, 最緊要D河粉,係細個食既沙河粉,好滑, 唔係外面云吞麵個種,好多油又爽口個種. D熟牛肉比生牛肉好呀得多, 牛丸爽口彈牙. 唯獨後加D牙菜同薄荷葉份量偏少, 多些更可口.海鮮番茄湯米線 - 有蟹,蝦,仿蟹柳, 入口第一口湯真係鮮甜無比, 海鮮既味好濃, 食出好多番茄去煲, 五係外面加茄膏個種好假既味……….真係超正. 蝦肉OK, D蟹偏細隻, 但因湯濃,所以都可以接受.安格斯牛肉湯米 - 牛肉質地OK. 湯清甜燒牛肉米紙卷 - 入面有D粉,生菜,薄荷葉, 好脆口既料, 所以食落好清新,有薄荷葉有清涼既感覺. 加些魚露,好好味, 不過D牛肉真係少得可憐,食咗都五覺串燒(雞,牛) - 佢呢間燒烤一直都不錯, 燒得肉幾香口, 有一點點焦味, 肉質都算不錯. 尤其佢既醬, 有好多花生, 好香濃. 不似一般的沙茶醬炸春卷- 外面有D白色米獎, 內裏有芋絲,冬菇絲,蘿蔔絲……..香脆, 加酸甜醬. 也很香口, 不過外面較塑油, 有D漏.  

今晚會到元朗食晚餐, 所以預先上OR搵下好野食先...元朗越南菜選擇唔算多...而呢間個食評不俗....一於提議食呢間啦~~餐廳門面冇咩特別...原來都幾大間..而且坐得幾舒服...有位疑似老闆娘坐O係收銀位的女士, 見我地成日望出門口外....估到我地要睇車...主動幫我地換過方便睇車既位.....真細心!!我地叫左越式春卷($30), 燒牛肉法包($38), 蠔仔煎蛋( $78), 越式炒檬($68)等大約10MINS...炒檬先上枱...哈哈!~~望落似干炒牛河咁款...用左芽菜仔, 雞蛋絲, 雞肉, 蝦同炒~唔太油...味道正常...份量都幾大....跟住上枱既蠔仔煎蛋...賣相唔錯...比起其他餐廳好多時用鐵板上...冇咁油膩...但粉漿較厚...蠔仔份量都適中...如果人多SHARE食..每人1-2件就好...我地兩人..每人食4件都幾滯... 燒牛肉法包係因而見其他食家推介而叫的...果然! 新解做起...法包脆卜卜...中間餡料份量剛好...唔會一路食一路跌~值得再食...真係幾JUICY~越式春卷...餡料豐富冇欺埸...都OKAY~~兩個人合力清晒....好飽呀..

至友人畢業後，各有各忙已經很少有碰面的機會了，剛好到了他的生日月分，這晚幾位同學都相約給他來個慶生飯。是晚選擇了一間越南小店，晚飯時段店子只是半滿，故也不需等位便能安排入座。店家菜色繁多，光點菜也讓人花多眼亂，店員也向我們推介了不少菜色，也不介意先將菜色分好份量才上檯。芝士墨魚餅：在未選擇好主菜前，先叫了幾款小食。墨魚餅外面炸至金黃香脆的，內裡充滿忌廉芝士，一口咬下那半溶的芝士便湧了出來，可惜其芝士香味略嫌不足。蔗蝦：壽星仔對於蔗蝦相當感興趣，上碟兩件形狀相當似雞鎚的蔗蝦，外皮同樣炸的金黃內裡則肉質保持軟淋未有乾身感。越南春卷：外表炸得香脆的春卷，內裡的材料也蠻豐富的，沾上醬汁還味道帶點酸酸，一人一件份量剛好。越式法包：這裡的越式法包蠻大件的，法包中間的夾料有燒牛肉外還有豬肉等可供自行配搭。夾雜蔬菜與燒牛肉就彷彿像另類的漢堡包，大口咬下蠻滋味的，蔬菜絲帶來爽口感，店方也因應人數為我們事先切開四份，以約40元便有如此份量也算抵食。羊架：另一樣吸引目光的可算是這裡的燒羊架，一碟4大塊的羊架，表面燒得剛好，肉質保持嫩滑，羶味也一點也不明顯，幾口下來也只剩下根骨。越式炆豬肉雞蛋：一款簡簡單單的

探完朋友, 友人知道我愛香口小食就帶我來此店試下.二話不說就點左個脆炸忌廉芝士墨魚餅, 單單聽個名已經好吸引另外再點左個炸春卷同埋生牛肉湯河一起食.見到個墨魚餅同介紹紙都係一樣, 對辦對辦即叫即炸保証熱辣辣, 內裡既忌廉半溶芝士真係好香濃,外層既墨魚膠好彈牙美味, 真係無介紹錯.另外既炸春卷只屬一般, 至於個生牛肉湯河可以話唔合格, 個湯底好重味精, 牛肉亦鞋口.

我都說過我很幸運，經常得到身邊的親朋戚友照顧幫忙，才能有今天。這次又是多得Yan的關照，才有機會到越竹這水準店子吃一頓豐富的越南菜，跟幾位好朋友以及Matthew仔渡過愉快的一天。翻閱菜牌，再瞄吓檯紙，食物照片都幾吸引，所以貪心的大家，便放棄了死板的套餐，散叫了一大堆的食物，似乎都會捧著肚子離開。越式燒牛肉法包是Yan的重點推介，那又怎可能不試? 服務生很細心的把法包一分為四，讓笨手笨腳的我們不用自己動手去分，是加分點。或許是我們只掛著拍照，法包已不很熱，但質感依然香脆，裡頭的牛肉入味，再配以蘿蔔絲及其他菜蔬，也屬味美。另外還有很多香口的東西，如墨魚丸，看見金黃的色澤已知對勁。咬落是香脆，彈牙，裡頭流出半溶的忌廉芝士，而且熱得燙口，這類香口又流心的食物，都幾難會唔好食。在座朋友亦選了豉油皇魚露干煎大蝦，Size是頗大，香氣四溢，我也急不及待的吃。對，我是失禮了一點，用手來吃，但這才夠滋味的，我想。大蝦的味道還可，但口感似乎不太夠爽。既然大家都不怕羶，即管來一客羊架。都算燒得幾香，火侯控制亦得宜，肉質嫩滑，也不差。我還是喜歡沾些芥末來調味。炆豬肉反而是我最期待的一款，腩肉肥瘦對開，即使瘦

朋友生日, 吾知食叩, 去左越竹越南料理 , 本來唸住食日煽本野, 但好似食得太多講番~越南牛河，沒有香茅味，但可都OK。 越式鹵肉飯， 串燒，一般。 唯一係甜品可以。甜品但是越南菜。 又，裝修好靚，坐得好舒服。

在誕下寶寶前，媽媽發現了一間味道不錯的越南菜館，還一連去了兩次；上週五，又連同爸爸、寶寶及兩位好友，一起舊地重訪，開懷大吃!　晚市散叫的菜牌選擇很豐富呢，很多東西都看來超吸引；雖然四人套餐的內容也不錯，四個大食鬼最後還是貪心的散點了七款食物：　脆炸忌廉芝士墨魚餅($88)，在墊檯紙的推介欄看到很美味的樣子，在小食類卻找不到，原來是被劃入了海鮮類啦! 新鮮炸起的墨魚丸子，集金黃、香脆、彈牙於一身，中間釀有香濃幼滑的半融忌廉芝士，效果點似金寶的醬爆蝦丸變奏版，而兩者都有著美味但頗漏的特點，一人兩粒剛剛好，吃多就不太行了。　 媽媽很喜歡這裡的法包，是晚點了一份越式燒牛肉法包($38)重溫。曾有網友反映這店的服務不行，然而媽媽的經歷還不錯，法包在上檯時已細心一分為四，抵讚。味道方面，法包仍然保持鬆脆可口，燒牛肉醃得惹味juicy，配上清爽的紅蘿蔔絲、雜菜等，本應是出色之作，但這次卻因不太夠熱，失了一點分數。　 老公選點一份香草燒羊架($98)，成品共有四大支羊架，份量不小，而羊肉又燒得夠嫩口，點上芥辣香口味美，不錯。　友人選點了豉油皇魚露干煎大蝦($118)，這蝦份量也不小，大約有八至九隻，然

在元朗很少有正宗的越南餐廳,個日因為唔知食咩,行行下發現了一間越南餐廳,外面放了一些相片,賣相不錯,而且還有價錢,所以都幾吸引.望入去好似幾大,不過報罝就唔似好正宗的越式餐廳門外都幾多人等位,我都等了30分鐘有多才入到去已經在等位時想了有幾樣食物,叫了炸豬手, 和牛炒河,咖哩雞,燒牛仔骨炸豬手- 有些UN,因為我喜歡吃少少口感食物,所以我都OK,友人就覺得太UN,味道OK,但係如果咸一些會更好D和牛炒河-幾乾身,而且不會太油咖喱雞- 我就覺得不夠辣,而且雞件不多,唔底食燒牛仔骨- 真係好好味,好香,而且肥瘦適中,好甘香因為今次只有2人,不能試太多款式,下次可以再去試多些

差不多一整個月沒上來Openrice了，趁今天囝囝安靜一點，偷偷上網清一清十月的食評吧!　由網友處得知這間位於元朗的越南餐廳，之後看到Openrice上的笑評比例也佔多，所以在十月初，還未開始放產假但同時又要清假之時，無無聊聊一個人去了吃下午茶。一去到，發覺偌大的環境頗為清靜舒服，當然這只是平日的下午，晚市可能又是另一光境。下午茶餐週一至週五由2:30-5:30PM供應，款式及選擇可謂非常豐富，分為小食類（共8款）、蟹皇麵類（據知是類似公仔麵的日式麵，共6款）、迷你法包類（共7款）、撈檬類（共6款），以及湯河／檬類（共8款），而價錢只由$23-28，奉送咖啡／茶（凍飲則要加$3），在百物騰貴的今天，算是十分抵食。本來是衝著法包而來，但去到又突然興起想吃撈檬，於是就點了香茅咖哩雞扒撈檬($28)，配上熱檸水。這份香茅咖哩雞扒醃得較為乾身，雞扒同時兼得香茅同咖哩香味，肉質又嫩滑不嚡，相當美味；撈檬的配料又很充足，加上魚露既酸甜開胃的滋味，整個組合相當迷人，份量又大吃得相當滿足!還有餐飲的熱檸水並不是杯上，而是整壺上的；雖然當中只得半壺多點的水，但一也可倒出近兩杯檸水，感覺十分抵飲!這裡的下

見此店新開, 門面又幾好, 本來想搵大班人嚟試吓, 是日中午跟一女友人在附近搵食, 大家都覺得不妨兩個人試少少先.....於是, 我哋就係咁 "鐘" 咗入去......其實嚟間舖位置幾好, 又長又深, 仲係 L 位, 全玻璃, 望出去全部係 綠色樹木, 係元朗區, 算幾好啦.... 可惜....唉...看完餐俾, 決定叫 :- 春卷涷濛- 雞絲沙律問過侍應, 佢話 +$6 可轉套餐, 即係多杯嘢飲, 於是叫咗 2杯 涷檸茶, 1少甜, 1 走甜.先講嘢食, 幾精彩吓...- 春卷涷濛 : 濛粉係暖嘅, 嗰個汁呢, 唔酸, 唔咸, 亦無味...撈埋啲唔涷又唔熱嘅濛粉度一齊食, 感覺係.....難受...- 雞絲沙律 : 沙律個汁, 唔酸, 但超甜, 雞絲又係無味嘅....我哋一路食, 大家唔駛講嘢, 已經知道唔會再嚟, 仲好慶幸得我哋 2個, 唔駛大班人....佢哋除咗嘢食"騎呢", 啲人都好攪笑, 唔知以前係咪做樓面嘅....首先, 1杯凍檸茶到, 問佢係少甜定走甜, 佢望住我哋, 呆咗, 跟住走開, 完全無對白, 亦無打算回應....喂, 大佬, 你係咪傻嫁, 唔知都講句呀, 就咁行

豬手炸到過火，皮硬到一點吃不下肚，投訴給部長，望兩下，無任何表示，又無講換過或其他不收錢之類，當然無 say sorry ，祇跟收銀說 over cook ，咁即是點？忍住！吃完其它都 ok，老婆怕事說，不要投訴，下次不來算數。買單，我告訴侍應南乳豬手不會付錢，侍應當然作法不了主，找部長處理，另一部長過來說這菜從來沒人投訴，又說有問題要早出聲，今時今日還有這服務態度，我來吃飯是尋開心的，遇到難吃已掃興，我即時火起，部長見我認真的，說免費，其他待應打完場。其實這個菜值幾十圓，食客肯投訴，應多謝才對，否則食客付了錢，下次不來或像今次上 openrice 食評，大家都唔想。這個有近5000呎的餐廳，請人也要嚴格點，不懂應變的，會小事化大事，懂應變的壞事變好事的，老闆是唔易做的！

沿著西菁街直行, 好不容易才到達越竹越南餐廳, 因為沿途有數間意式及法式小店, 較適合我的囗味.店內以四人坐位較多, 亦有一張十人大餐檯, 白色為主的簡潔裝修, 當日中午時光線充足, 使我與女友安坐於四人坐的餐檯, 配合柔和的純音樂, 享用一頓舒服的越式午餐. 二人自選套餐 ($118)越南米纸蝦卷芝士墨魚餅越式茄汁牛腩飯蔗蝦撈檬上湯蒜子菜心三色冰 (加$10)熱奶茶 甜品以上菜式味道可以, 選的菜式味道偏淡, 设有特別的令我印象難忘, 也許未覺肚餓, 牛腩飯外賣留作晚餐.下次再來時會選濃味的名菜, 試該店的美式越南料理,例如蛋黃黄金軟殼蟹.

我去元朗約朋友，見越南料理得幾靚，就走去試一試！我選了扎肉燻蹄法包，越南春卷，越式炸蝦餅椰子菠蘿特飲，第一次見椰子菠蘿混合，椰味香濃，真係好好味呀！！！越南春卷，新鮮炸起，幾多料， 個汁酸酸地好開胃扎肉燻蹄法包，非常好味

從來無寫過食評, 但呢間越南餐廳既食物足以令我寫番個元朗o既越南餐廳已經唔多, 呢間都係誤打誤撞黎試o架咋...估唔到咁好味..5大1小差唔多8點入去, 見到成個餐應有一半以上係吉o既, 都心諗 "係咪真係咁差呢? 定係因為閒日既關係?" 但係因為附近既餐都無位, 所以都係坐低左...餐廳d裝修好光猛, 好法/越式既裝潢, 坐得好舒服, 餐廳入面仲有張12人圓枱, 可以大班人黎都無問題, 仲有serve我地o個位waitor都好細心, 小朋友想飲椰青, 拎左隻細杯黎俾我地, 仲剪短左支飲管! 讚!!!點左個4人餐另外再加左幾樣野...初頭諗住細細碟, 但原來我地叫既份量足夠7個成人 4人餐包括:雞絲雜菜沙律 - 酸酸地, 好開胃咖哩牛腩煲 - 我無試d牛腩, 但係都食左d 羅白, 好夠咖哩味蜜汁豬扒 - 我又係無試 鱔煲 - 普普通通炒飯 - 我無食到, 我老公食左兩三碗, 猛話好正 (而我就打包左第日lunch食, 原來真係好好食)甜品 - 椰汁糕都唔錯西瓜 另外叫左炭燒牛仔骨 - 正燒牛肉法包 - 超正!!! 法包好香脆, 食完好想再叫多個安格C河粉 - 呢個俾小朋友食, 佢都食到