200
36
9
Exit G, Central MTR Station/ Exit C, Hong Kong MTR Station continue reading
Telephone
21320066
Introduction
Under the culinary leadership of Richard Ekkebus, Amber is a two-Michelin-star French restaurant. It is listed No. 24 in the World's 50 Best Restaurants List 2017. The signature dishes here are the Hokkaido sea urchin, foie gras Lollipop and Kagoshima Wagyu beef. continue reading
Awards and Titles
Best Buffet Restaurant (2008), Best French Restaurant (2014-16), Michelin 2 Starred Restaurant (2009-21), Asia's 50 Best Restaurants (2017-2021)
Good For
Romantic Dining
Special Occasion Dining
Opening Hours
Today
12:00 - 13:45
17:30 - 19:30
Mon - Sun
12:00 - 13:45
17:30 - 19:30
Payment Methods
Visa Master AlipayHK Alipay Cash AE UnionPay JCB Apple Pay Google Pay WeChat Pay
Number of Seats
70
Other Info
Wi-Fi Details
Alcoholic Drinks
May Bring Your Own Wine
Parking Details
Phone Reservation
Delivery
10% Service Charge
Review (265)
真係好好好好好耐無食餐真正既fine dining啦!就趁住呢個特別既日子,大破慳囊,食返餐正野去慶祝下,而選址定左呢間米芝蓮二星餐廳同亞洲50最佳餐廳既Amber。Amber其實對我黎講有特殊既意義,因爲好多特別日子,我地都揀左係呢度食飯慶祝。Amber兩年前裝修完之後我地黎過一次,今次係裝修之後第二次黎,都真係過左好耐下,就試下餐廳有無進步啦。餐廳位於置地文華東方酒店7樓。餐廳私隱度非常高,升降機口登記之後需要再經過一道趟門先到用餐區,要由服務員帶你入去。裝修以和諧既木制家具爲主。座位同座位之間空間當然充足,絕對唔會聽到其他食客講野。今次我地坐喺餐廳靠入面嘅一張圓枱,兩個人都面向同一個方向,可以坐得親密d,識揀一定揀呢張枱。座位係梳化,有坐墊等你坐得舒服d。坐低之後服務員就每人遞上一個口罩套。服務員會倒暖水入去右手邊個隻灰色杯仔,令入面個塊濕手巾變大,等你抹手。我地叫左still water,Nordaq Fresh still water 每位多謝$30另加一。Sparkling water都係一樣價錢。$30另加一既水當然好飲。午餐分三個價錢,分別係$778,$950,同$2088,另收加一,佢哋分別係Amber experience 包四道菜,Extended Amber experience 包五道菜,同Full Amber experience包六道菜。上次試過Full Amber experience,今次黎個入門既Amber experience。麵包自從裝修之後就轉左Sourdough,其實真係幾失望,同其他米芝蓮西餐廳有好多款唔同種類既麵包比你揀差天共地......Sourdough皮都脆既而入面都算軟綿綿既,不過真係平平無奇。跟Sourdough上得一款牛油,我地另外要求要橄欖油同黑醋,黑醋甜甜地好味道。上次黎食居然無餐前開胃菜!好彩今次餐前開胃菜終於回歸!餐前開胃菜有三款(或者其實只算兩款)。服務員建議食左兩條抹茶蛋卷狀嘅開胃菜先,查實佢哋係薄脆餅皮包住滑溜磨菇慕絲,食完令味蕾感覺好清新!服務員之後建議飲呢杯熱辣辣嘅磨菇茶。呢杯磨菇茶有好香既磨菇味,帶好微微嘅菇澀味,絕對係茶而唔係湯。我成餐飯之後個口都係呢陣菇味。服務員建議最後先食招牌鴨肝棒棒糖。呢款開胃菜咁多年黎都仲喺度,證明係幾咁招牌!少少酸酸地既莓味外皮配滑溜鴨肝餡,再加上外面兩塊細細地既脆餅,一口一件,完全唔膩而有層次感,非常出色!Corn  ̊ Kristal Schrenki Caviar  ̊ Seawater  ̊ Sudachi  ̊ 加$248前菜每人三揀一。呢道前菜應該係Amber既招牌之一,我第一次黎已經試過。要加$248,絕對唔平,但係真係好好味道!首先擺盤無得彈,滿滿既魚子醬上面放左少少金箔,一個有質感既碗仔放係大中小三隻碟,細碟仲放滿碎石粒。另外仲有一個大兜放左兩大塊脆片,脆片係暖暖地,連裝飾既石頭都係暖既,真係一絲不苟。服務員建議所有配料一齊食。於是我就用個隻特製用黎食魚子醬既匙羹筆一大羹椰菜花慕斯,海膽,酢橘啫喱同魚子醬放係脆片上面一齊食,首先魚子醬味道真係好香濃,我之前實在係食得太多所謂魚子醬係得個鹹字,呢個係好有海洋既味道。椰菜花慕斯好香滑,不過椰菜花味唔濃,反而有d似雲呢拿慕斯。海膽當然係超鮮甜滑溜。成個組合係非常海鮮,再加上脆口既脆片同慕斯既香滑口感,好正!Amberjack  ̊ Vanilla  ̊ Sea Salt  ̊Sunflower Seed  ̊ Grapefruit  ̊ Fennel  ̊ Sorrel  ̊另外呢款前菜都好味道。主角鰤魚有三塊,呈半熟狀態,超鮮甜嫩滑,而黑魚皮好脆。另外配有幾塊爽脆Sorrel片,少少西柚肉,仲有非常新鮮既香脆葵花籽增添口感。食落少少酸酸地,感覺非常清新。Milk Fed Lamb Loin  ̊ White Asparagus  ̊Girolle Mushroom  ̊ Preserved Black Winter Truffle  ̊ 加$298主菜每人四揀一。我地揀左呢道羊,要加$298,絕對唔平。賣相又係勁靚,好多唔同顏色嘅大細圓點,好吸引眼球。羊肉係奶飼,廚師建議medium rare,我哋當然照跟。羊肉整得超粉嫩而唔羶,外面包住一層薄薄脆皮同少量脂肪,超好食!可惜羊肉只得兩舊,點夠喉?!服務員建議羊肉同咖啡色既圓點醬汁一齊食,圓點醬汁係松露醬汁,好香,同羊肉一齊食的確好夾。白蘆筍身爲第二主角,用左好靚既小黃花同小綠葉扮靚,而味道當然係鮮甜加完全無根,所以超易咬開,否則一定唔及格。最後,厨師將好多小黃菇拼埋變成一個大圓點,貫切主題,味道則正常。如果想加黑松露片可以另外再加錢,可惜我地荷包已乾。Atlantic Pollack  ̊ Green Asparagus  ̊ Ramson  ̊ Extra Virgin Grapeseed Oil  ̊ Shiro Soy  ̊ Ginger  ̊另外揀左呢道魚作爲主菜。阿拉斯加鱈魚既分量就正常得多,好多肉食,哈哈!鱈魚既生熟度掌握得完美,係剛剛熟而絕不過火,所以超滑,眼見晶瑩通透,抵讚!三塊黑色魚皮則非常薄脆,俾你多一重口感。第二主角既綠色蘆筍一樣爽脆無根。綠色既慕斯好滑,感覺好清新,我覺得係用Ramson整。成個主菜好食得黎又健康,絕唔會過油或者過鹹,魚又唔腥又無骨,好食!Squash  ̊ Coconut  ̊ Sea Buckthorn  ̊Extra Virgin Pumpkin Seed Oil  ̊ Pumpkin Seed  ̊甜品就相對令人失望。甜品每人四揀一。呢道Squash既椰子慕斯味道好弱,滑就夠滑。最特別係下底個層應該係用南瓜籽造既厚身慕斯,食落好似花生醬,味道就較爲突出。薄脆上面既橙色慕斯應該就係Sea Buckthorn,味道唔太特別。有d後悔揀左呢道甜品。Rhubarb  ̊ Strawberry  ̊ Sansho  ̊ Begonia  ̊Extra Virgin Manni Olive Oil ‘ Per Mio Figlio ’  ̊ Honey  ̊呢道甜品更令人失望,實在係超酸。主角係士多啤梨雪葩,下面有一塊薄脆,再下底有少少香滑意式奶凍。圍邊有幾塊爽口既形似西芹而我懷疑係Sansho既物體,蜜糖完全唔甜。個人真係幾唔鍾意呢道甜品,不過造型都可以既,以紅色同粉紅色爲主,仲撒上d應該係Begonia既靚靚花瓣。可能鍾意酸既朋友會鍾意既。我就好後悔揀左呢道甜品,唔知另外兩道會晤會好d呢?凍朱古力(跟餐)跟餐包一杯飲品,我地食完甜品唔夠喉,叫左兩杯凍朱古力,要脫脂奶,唔洗加錢。凍朱古力超大杯,上枱都要用一塊木板仔上,大陣象。不過開頭飲既時候下面既朱古力係唔凍既,上面有冰既先凍。作爲一杯米芝蓮二星餐廳既凍朱古力,唔好意思唔及格。呢個時候,由於係慶祝特別日子,服務員就送上一個迷你蛋糕仔,係用一個好靚嘅雲石紋盤放好,插住支點著左嘅蠟燭,仲有一塊朱古力牌,好貼心。服務員主動幫我哋影相,然後等我哋吹熄蠟燭之後先同我哋分蛋糕,或者可打包拎走。個蛋糕係輕盈忌廉包住雪芳蛋糕,中間有層水果啫哩夾心,面頭有塊印左餐廳logo嘅薄脆朱古力。蛋糕食落好濕潤,略嫌夾心同雪芳蛋糕分得太開。一人半個蛋糕食完都唔膩。估唔到以下落黎仲有好多野食,服務員放低左一兜冰鎮水果,有兩大片香甜多汁切好一口size嘅蜜瓜,應該係日本貨,仲有兩粒剝開左殼嘅荔枝同兩粒超大嘅香甜車厘子。當然放左隻兜仔俾你放核同殼。除左水果,仲有法式小蛋糕Madeleine配自家製士多啤梨果醬。呢度嘅法式小蛋糕係我食過最好味嘅,暖暖哋,外脆內軟,好香牛油味,齌食都得。而士多啤梨果醬唔過甜,同埋真係有一粒士多啤梨果肉係入面。法式小蛋糕下面其實仲有唔少碎果仁,我試左少少都食得落口。最後就係熱情果松露朱古力。朱古力大大粒,外皮滿佈脆米,雖然熱情果味唔出,但係好好味而唔過甜。本來服務員準備左Expresso俾我地,不過我問完有無咖啡因之後,服務員就好貼心問我會晤會想要果汁!有兩款果汁揀,我地揀左日本蜜桃果汁,唔係最頂級個d,但係當然夠好飲,分量唔多,細細杯。食飽飽離開餐廳,當然有服務員問候我地用餐感覺如何,臨離開仲每人有一塊朱古力做手信,服務員幫你禁埋lift,送埋你走,等你全程感覺賓至如歸。總括而言,前菜同主菜食物質素令人滿意,甜品則令人失望。服務基本上無可挑剔,貼心同注重細節位,例如全部客人嘅每一道菜都等好先一齊上,食完麵包幫你清下枱上嘅麵包屑等等。服務員上菜時都會將每一道菜仔細介紹,雖然好多時我都聽唔哂,如果可以講得慢d會更好。當然,呢餐價錢絕對唔平,但係絕對開心,特別日子先會黎啦。 continue reading
Michelin ⭐️⭐️.Full Amber Experience,一共有9個course ,appetiser, main同甜品各三個,不過每個course嘅份量都唔會太大,所以食咗九個我都唔覺得飽到好辛苦,不過就真係食足四個鐘⏰.首先amuse bouche係鵝肝lollipop🍡 同bell pepper mousse🌶,bell pepper嘅味度好出好醒胃,為跟住落嚟嘅dishes打響頭炮🧨.第一個appetiser係松葉蟹腳🦀,配beetroot mousse,青蘋果醬🍏同埋魚子,成件事都幾清新嘅.第二個appetiser Aka Uni 係amber 嘅signature dish,望落細細碗,食落原來好多,食極都仲有,有大量嘅魚子,入面仲有海膽,同埋龍蝦味嘅mousse,各樣野嘅味道混合埋一齊係好夾的🤤,反而塊seaweed crisp我就唔係associate到個味道,食完表示想encore😋.第三個appetiser 係黑松露甜豆🫒,佢本身係配左牛骨髓嘅,不過由於我自己唔鍾意食牛骨髓🙊,所以就叫佢Remote左,甜豆有勁多粒,好似有幾百粒咁🤣,食極都食唔晒,不過個醬汁調味係幾好食的,同埋啲豆幾爽甜,所以做一個平時唔鍾意食豆嘅人,就算今次有幾百粒,我都一樣食晒☺️.第一個主菜係金目鯛🐟,魚皮應該微微燒過🔥,所以都幾香,不過魚肉我就覺得唔夠滑,同埋調味用咗白麵豉,所以唔係太濃味,金目鯛都係要嚟做刺身好食啲🌝.第二個主菜係Blue Lobster🦞,server刨左啲檸檬皮🍋落去,檸檬嘅aroma好勁,檸檬同龍蝦都幾襯的,不過我覺得個檸檬醬就有少少澀🤭,龍蝦鉗部份煮得啱啱好夠熟,不過個龍蝦生就爭少少先夠熟,令到咬落去肉質唔夠爽口.第三個主菜係牛仔肉🐂,原來細過六個月,未戒奶🥛嘅牛先可以稱為牛仔,牛仔肉煮到medium,肉質都嫩,不過就鹹咗少少,另外有sweetbread牛胸腺部份,不過我真係唔係好接受到內臟嘅口感🙊,所以只係食咗一少啖就冇食到喇.第一個甜品係梨sorbet🍐,我真係好鍾意食,如果可以,想買一桶返屋企食🤤,不過佢話個粒early grey mousse嘅味道就比較淡咗啲,都唔係好食得出early grey 味.第二個甜品係椰子mousse,平時我唔係好椰得的,但係呢個我覺得OK,因為椰子味唔重,其實都唔知係好事定係唔好事😂,mousse口感有啲似白兔棉花糖咁🐰,綿綿的,配上底下脆脆嘅餅底,三個甜品入邊我最鍾意食呢個😋.第三個甜品係combination of chocolate🍫 ,本身對呢個最大期望,朱古力用咗好多個唔同嘅form去出現,不過除咗個dark chocolate sorbet比較好味啲之外,其他嘅chocolate form都冇咩特別😞.最後嘅petite four 都幾大牌腸,除咗有甜點之外,仲有一小杯佢哋自己調製嘅柚子wine🍸,另外鍾意Madeline🐚,平視我唔鍾意食的,因為覺得太乾又太飽肚,不過佢哋嘅Madeline做得唔錯🤩,外脆內軟,好鬆化,結果我成個食晒,反而另外嘅椰子mousse朱古力就冇乜特別,佢新鮮嘅日本士多啤梨🍓就有少少酸.Overall 嘅dinning experience 我都覺得唔錯嘅,都值得一試,不過覺得如果要比原價嘅話,就有少少overpriced左🙈 continue reading
(The above review is the personal opinion of a user which does not represent OpenRice's point of view.)
Level2 2021-07-24
0 views
七月份是我倆的結婚紀念日,所以我們選了Amber來慶祝。貫徹文華酒店的文化特色,服務員態度當然六星級,環境、氣氛各方面都是文華水準。今次我們order了Extended Amber Experience 共四道菜,每道菜式都精緻美味,無論賣相、擺位、味道、口感及新鮮度都100分。雖然價錢貴,每人平均消費$1500,以午餐來説,這價錢實在有點奢侈,但值得一試*landmark Be spoke會員享有15% off,只適用於午餐* continue reading
(The above review is the personal opinion of a user which does not represent OpenRice's point of view.)
Level2 2021-06-20
454 views
今天晚上與好姊妹來到香港我最喜歡的餐廳我們享用了HSBC Premier Credit Card買一送一的優惠除了點了9道菜的Full Amber Experience 我們還加了一道Dom Perignon X Secret dish還有一支Amarone貴為米2星、黑珍珠2鑽及亞洲50佳餐廳食物方面真的沒有什麼可以挑剔之處Full Amber Experience是餐廳最貴的menu所以已包含最經典最高質的菜式當我一邊吃每一道菜式的時候心裡只想著要慢慢地仔細品嚐每一口的味道及欣賞主廚如何巧妙地把不同的高質食材結合起來至於額外加點的Secret dish由於要尊重餐廳政策不把這道秘密菜式外洩所以我們都非常合作地於上菜前把電話放進餐廳為我們所預備的信封裡直至吃完這道菜後才把電話拿出來我只能夠透露這道菜也是高水準之作而其中一張相片也透露了一些hintsMenu內沒有顯示的appetiser, sourdough及petit four也是用心之作他們的sourdough可能是全香港最好吃的sourdough即使放涼了外皮也是脆脆的用餐接近尾聲時我倆已經很撐最後還要把餐廳送的蛋糕及petit four的madeleine打包回家總括來說雖然在這裡吃一頓飯消費人均一擲幾千金但是我感覺每一分每一毛都是花得很值得 continue reading
(The above review is the personal opinion of a user which does not represent OpenRice's point of view.)