亞龍咖喱

Open Now

Now Closed

亞龍咖哩，我細細個就食佢。每次想去食咖哩，喱間小店永遠都係我既第一選擇，因為除左佢既哩腩飯好味之外，仲有就係可以感受到以前一家大細一齊食咖哩既快樂時光。自己嗰D汁撈哂然後就搶佢地嗰D真係好爽！哈哈！入正題，嚟亞龍我只係食一種咖哩，一定要多飯中辣。（不過依家要多飯又喊生哂要加錢又呢樣嗰樣，人情味就真係淡咗好多！）😤講返咖哩，雖然咖哩好味，但係老實講佢地既牛腩質素都係一時時，有時分比我嗰D真係好肥，有時未夠林。不過我發現如果想食靚咖哩，最佳既時間係下午三至四點，因為人較少，同埋好煩嗰一個阿姐唔係喥，食都食得輕鬆D！朋友們話咖哩牛肉個汁太甜，咖哩牛腩就夠濃，所以哩腩好食好多。

今晚難得出城去 Breaks 打波飲酒，突醒起有朋友仔強力推介亞龍咖哩，上次又走錯隔離阿龍，此亞不同彼阿，今次無錯喇麻！內籠枱櫈密麻麻，枱都比較細，坐得不很舒服。最初都係打算獨獨嘆咖哩，點知朋友仔突然興起想 join 埋我，但依度食牛食辣食咖哩唔啱您口味喎。好采七點左右早到有位唔洗等，但好快已經滿座喇！坐左段時間朋友仔仲未到，我已經好肚餓，唯有食住等。咖哩雞大辣配薄餅，血紅色咖哩汁盛得滿滿，連雞都幾乎見唔到。翻一翻檢清楚先，全部都係雞胸？部份有骨添。我唔係鬼佬喎，我要食雞髀架，仲只得四舊，份量太小喇麻。有乾及油兩種薄餅喎，我喜歡油薄餅，比較香口又咸咸地，而且柔軟充滿彈性，要加錢？當然無問題啦。所有項目準備就緒，急不及待放件雞係油薄餅之上，再淋大量咖哩，一啖啪晒入口，將口塞得滿滿先夠嘆麻！咖哩散發出特濃鮮茄味道，甜中帶酸，大辣都不礙如事，中辣程度仲要帶著強茄味。唔掛得知依度除供應咖哩外，就係蕃茄汁啦。暖暖的咸香嚥韌軟棉油薄餅夾住大量咖哩連雞肉係口腔內奔跑，跟舌頭牙齒打得火熱，細嚐其多層次既味道、豐富既質感。散發著香料芬芳，咖哩味沉實而突出，濃烈蕃茄味帶出一絲清新香氣，好食！滿意！最衰雞胸

阿龍位於廟街多年, 由一間變多了一間,但兩間雖設在大家隔離,其實互不相干! 說起「阿龍」其實都有段古, 大家有興趣可查回昔日新聞吧!由於朋友以前細細個就住在佐敦,亦見証了「阿龍」的過去,所以我們只會幫襯白色招牌的「阿龍」,亦是正宗的「阿龍」。「阿龍」咖哩與一般食到的港式、日式、印度咖哩確不同! 是充滿了巴基斯坦的特別味道, 味道層次相當複雜, 秘制的香料應該落得不少吧, 咖哩顏色上好吸引, 加了極多的洋蔥碎令味道更香更濃厚! 辣度分了多個等級, 但我只能享受微辣程度的咖哩, 如果認為自己好食得辣的, 都可以嘗試大辣…但千萬不要睇小…祝君好運了~店內面積不大, 餐檯亦比較小, 坐得其實不太舒適,十分擠逼。餐具都放在餐檯的櫃桶中, 比較自助式。餐牌選擇不太多, 主打都係咖哩! 肉類選擇亦不多, 都係牛、雞, 冬天仲有限定的羊肉, 不妨試試。海鮮類就有蝦、魚、鮮魷, 仲有足兩的青蟹!之前食過兩次咖哩配蟹, 蟹肉好結實新鮮, 同咖哩好夾,好惹味! 今次就揀左牛同雞, 雞肉本身就好嫩滑, 但今次個牛燜得唔夠腍,反而有點失色, 係咪因為係LUNCH時間關係燜得仲未夠喉?同以往食開的入口即溶有好大分

去到佐敦，看到有兩間亞龍咖哩。而兩間也聲稱自己是「唯一」的本店。記得友人說正宗的「亞龍」是沒有寫上巴基斯坦的，便走進去試試。走進店舖，一股懷舊氣息迎面而來⋯⋯七十年代的裝修，暗淡的燈光，不潔的地板（這並不是重點）。再看看餐牌，＄72元一個咖喱牛腩飯。心想這應該是正宗的「阿龍咖喱」了。滿心歡喜地等待咖喱牛腩飯的來臨。等了數分鐘，飯來了、而咖喱牛腩另上。看著咖喱的色澤，金黃啡色。滿心歡喜的將整個咖喱牛腩倒到白飯上，感覺咖喱汁水稀稀的，已經心知不妙。將第一口咖喱飯放進口內時，我確認「中伏了」。飯、是硬的；咖哩汁、是不夠味的⋯有如被水「開稀了」的感覺。幸好牛腩的質感還可以，不過份量真的很少。而咖喱牛腩應有的薯仔，一片也沒有。整啲咖喱牛腩飯有如咖哩水煮牛肉飯一般，感覺十分之差。不論這是正舖與否，已經列入我食店黑名單上。

昨晚忽然想起很久沒去吃的亞龍咖哩，還記得上次去旁邊已有一間阿龍咖哩，本來今次想試一下旁邊的老番，但上一上openrice睇見評語麻麻地，所以最後決定去返正貨亞龍，本來想叫三個餸，但女友不太肚餓，所以只叫了一個牛脷跟白飯 + 一個牛根跟薄餅，還有一支大生力，本人覺得味道還可以，但好像跟我以前吃的有點不一樣，是我長大了口味變了，還是水準保持不了。Who knows.下一次，只要想吃它了，再來尋味一番吧！希望它還在，因為不竟老店已是一間一間消失再香港了，感觸ing.............

今晚一個人去了佐敦處理私事，之後當然要食餐好啦！但天氣太熱唔想食煲仔飯，所以就去左食亞龍咖哩。去到時已經差不多9點，所以有很多空位，不用等。由於只得自己一個人，我就叫了我最愛的咖哩牛腩 。而跟餐可以選擇白飯或鹹薄餅，我就選左薄餅。咖哩牛腩（$72） － 我今次叫的是小辣，咖哩味十分香濃，辣度不會太強，加上洋蔥的甜味，非常惹味。而牛腩就煮得十分入味，但又不會太淋，有咬口，再加上有少少肥肉，食起來非常甘香。和咖哩汁十分配合。薄餅 － 薄餅應該係即叫即整，上桌時仲熱辣辣，帶點淡淡的麥香，食起來有少少軟韌，點咖哩汁食簡直一流。咪睇小果片薄餅，食完都好飽。 食完後口內仍然保留著淡淡咖哩的香辣，令人十分回味。 下次再來時一定要試下咖哩蛋！

你間餐廳都聽過好耐，但成日行開佐敦又唔會去幫襯。今晚咁岩同女朋友去學書法，之前就不如黎食下咖哩啦。講真，呢啲老字號你想要五星級酒店咁嘅裝修同服務既話，咁老友你不如快D番印度食咖哩。但快靚正呢啲香港咁好嘅傳統佢哋就一定有！(不過服務都好好,係友善既小餐館方法,唔係大家比幾舊水食個擺碟既方法)叫咗個咖喱雞同埋咖喱牛腩，牛腩就其實比較有咬口，唔係拆得出一條條絲嗰啲。不過各人有各人嘅喜好，我食開既牛腩大部份都係咁既質責。其實呢度最重要重最好味都係個咖喱汁，可以分大中小辣。我哋見到有個食客問中辣有幾辣，阿姐話中辣都好開心架(即係答左等如無答 =_=")。我地叫左少辣,不過都幾辣。唔食得辣既朋友小心啲。個咖哩汁嚴謹上黎講唔係汁，係醬。係咖哩洋蔥香草醬。一個字講晒,無得頂! 跟左一個白飯一個薄餅，薄餅有咸、甜和油，我自己叫左個咸（即係無味），用黎拈埋啲咖哩食一流！！ 食左2啖發覺都係叫多支啤酒黎再開心啲,埋單老闆重收我齊頭數,呢啲街坊情懷,大餐廳又點會有呀。

真係忍唔住要寫下處男作食評:一直聽聞呢間野食咖哩好正，今日特登銅埋老婆&公主一齊試下。我order咗一個咖哩牛利，一個鮮茄蝦。黎食咖哩緊係先講下佢個咖哩啦。從來未食過咁架咖哩，咖哩完全唔會好似平時食果D咖哩粉做出黎架效果，因為呢間咖哩如果你蒙住雙眼食，肯定以為唔知咩比人落咗兩滴辣椒油比你食，至於個賣相睇翻我影已經可以欣賞到。跟住講下個牛利，我仲以為搞錯咗比咗份牛肉乾我，最頂癮佢完全冇牛味，又切到好碎，能夠有咁架廚藝真係唔簡單。電話冇電。。。後續繼續講下個無敵蘇餅，食咖哩唔配飯桶蘇餅，肯定冇可能啦，份餅一放落黎，即時另我聯想到大陸D外省人街邊賣果D咁架樣，夠特別喎風味表現，我老婆真係唔客氣，快手過我搣一佛落黎試下，跟住我老婆話好難。。。。唔食，我馬上唔客氣又滅一佛，點下個絕世咖哩試下，頂。。。掂到呢，絕對充滿第三世界食品風味。最後當然講下個鮮茄大蝦，個番茄正常都估佢用大陸貨，可能廚房想表現下佢地刀工，將D番茄切碎，做成一個番茄醬咁，DKLM咩鮮茄煮法咁超然境界，真係又黎一絕。價值90大元個鮮茄蝦，老闆絕對足本，一共有三大隻，本來叫比寶貝女食，佢又唔食得多，所以分量冇所謂啦，不過寶貝話唔食

一行5人約好去這間很久無食過的咖喱店食飯、點了咖喱蟹、咖喱牛腩2份、咖喱蝦、咖喱鮮魷、抄什菜佢地Ｄ咖喱貴到離譜不講了、Ｄ地方迫到你座都座吾到、每次Ｄ士應經過都好冇禮貌大叫縮腳、45分鐘食飯里縮左20次腳、Ｄ咖喱只有味精勁多洋蔥甜味、同刺喉既辣味、一點咖喱香味都冇、Ｄ所謂簿餅簡直係一塊好厚紙皮一樣、你吾用Ｄ汁一齊食根本吞吾倒、果碟抄什菜仲嚇人、用好多油加好多味精、Ｄ菜切到5毫子大小、份量仲要好小佢地Ｄ咖喱牛腩飯收成$100份只得5-6舊5蚊銀大小既牛腩、我們5人只食左以上Ｄ野盛惠$1200元、本人真係覺得物冇所直、呢間Ｄ野絕付對係羊群效應、吾會再有下次

回程經過吳松街, 見到兩間「AH LUNG」咖喱,, 咁就入左去標榜正宗嗰間, 叫左個咖喱牛腩配飯/小辣, 唔使等好耐就有得食。牛腩夠淰, 咖喱好香而唔過份搶口, 果然無入錯黎! 不過如果唔食得辣嘅朋友就唔好貪得意叫大辣, 因為小辣都OK辣總體而言, 十分比九分!

Jordon district in the Kowloon side is the underbelly of Hong Kong. Venture past all the glittering lights and skyscrapers in Central and TST and you find a more local offering. Food vendors operating on the streets, ladies of the night and home to one of the main tourist attractions in HK – Ladies market. This part of town is the exact opposite of HK Island. HK Island lives all the suits, Kowloon lives the larger class of population serving all the suits. You will find cheap food that is delici

見人推介，但真係沒想像中好吃！飯很細！一定要另加飯！薄餅更細，得一塊！如果這個價錢最少要兩塊！選了牛腩咖哩 ，不太有咖哩味！不過牛腩很淋！另叫左雞咖哩！雞很差，好像把雞煮熟就放上汁!汁～洋蔥味很重，不過我喜歡洋蔥味，如不喜歡就很難入口！

今日連同4位朋友約好去佐敦食依間係九龍幾十年既咖哩屋，依間既馳名咖哩同其他咖哩不同之處係，佢地主打'巴基斯坦咖哩'，主張'辣而不燥'。     我地一行五人揸車到步，店外有不小路邊可以泊車，不過要注意抄牌，落車會見到'亞龍咖哩'同'阿龍咖哩'，以我所知'阿龍'係新開既，所以入'亞龍'就應該無錯。     入到去時間大幾九點，所以大把位坐，唔使迫，都唔洗等位，店員表示隋便坐之後就放低五隻杯比我地斟水。   菜單上可見，咖哩屋唔一定食咖哩，仲有番茄同青瓜類可供選擇，不過我地今次專程食咖哩既關係，所以點左咖哩，牛腩，魚，雞，蝦，蛋，七個飯，同油餅。落單五分鐘，熱辣辣咖哩上到枱。咖哩雞，咖哩非常香，非常多洋蔥碎，雞肉完全入晒味，可惜係雞肉有小小老   咖哩牛根腩，因為牛根同牛腩要煮得越耐先越淰越好食，咖哩煮得越耐越入味既關係，牛根腩放入口咖哩既香味，再到咬牛根睥既口感，只可以講非常夾，非常好食。  咖哩魚，可以話係最普通既一個餸，咖哩同之前既一樣，不過魚肉唔入味，魚肉都好碎，只係得咖哩汁好食。咖哩蝦，依個餸我真係有d驚喜，我以為會係用原隻無甩殻既細蝦仔煮既，上到枱，係用甩左殻既大蝦煮，而且咬落

是日考完試,黎佐敦玩之前搵食先!路經亞忐咖哩,記得睇過好似唔錯,又有個無辣不歡ge朋友,決定黎試下!大家胃口不大,又咩都想試下,於是要左3個咖哩餐同另加2個飯!其實佢賣相一般,冇我想像中咁好,可能咁樣先叫地道!我地叫左小辣,一碟蝦,一碟魚,一碟牛!佢D汁好多,但係食落果隻味可能係太過正宗,反而唔慣!自己會覺得小辣都幾辣下,有幾個朋友都唔係好食到!無辣不歡ge朋友依舊輕鬆完成,但呢個辣都唔係咁岩佢...可能我地平時食開果D咖哩唔係咁啦!佢D餸不論魚蝦牛都好小,牛都係得2,3舊,就算一個人份量都會略嫌不足!食到大家都滿頭大汗,但係又唔係好滿意!我諗下次我都係食返D正常平時食開ge咖哩啦!

亞龍咖喱，已不知吃了多少年，由以前的巷仔，食到現在租鋪，但又因為好生意，比業主收回店舖自己開咖喱鋪，所以以前店舖既的亞龍咖喱，變左依家既「XX咖喱」，又因這樣亞龍咖喱又開在「XX咖喱」的右邊，有很多食客都不知不覺去錯，但去去下又返回「亞龍咖喱」那裡。我就未咬過「XX咖喱」，因為情義結。實左冇諗過去。我喜歡「亞龍咖喱」，原因它沒有椰奶，有很多有洋蔥番茄等蔬菜溶係入面。我叫了咖喱牛腩中辣（我最愛食物之一）。未放左我面前，已經聞到咖喱香味。放到我面前，我便急不及待把一羹咖哩撈在白飯上，咖哩渣入口充斥著洋蔥的甜，咖哩的香迅速攻陷每一個味蕾。再送一口牛腩，牛腩入哂味，混和著香口咖哩，實在是絕配。所以我沒有勇起去試那間試，因為我太愛這間，沒有辦法，這就是「義氣」了。