亞龍咖喱

Open Now

Now Closed

作為一個廚師，我只可以三四點出黎覓食…今次食到由細到大經過無數次嘅亞龍咖哩一去到阿姐就話無餅，好啦要個牛腩飯同牛筋飯啦…下午茶得三個選擇，雞/牛腩/牛筋…牛腩好肥，都多食唔到嘅位…牛筋正路無特別，咖喱底好豐富，食得出用好多洋蔥蕃茄薑碎整成，咸度唔高，都唔甜，少辣…又唔似印度咖喱，見入黎嘅都係熟客，年紀偏大，往上看牆上有無數海報宣傳，其一標題為“咖喱可預防老人痴呆”，於是便對呢個調味不意外了，確實健康真材實料，亦別樹一格

咖喱羊超貴，$178細細兜，唔同時段去食所比嘅份量唔同， 有時少啲！嗌甜餅，勁手重落糖，食落啲餅度仲有一粒粒砂糖，好似食糖咁，反映比事頭婆知，佢竟然只係話便秘係甜㗎啦，冇改進態度差😐但有得揀辣度，但係中小辣，味道OK，只係事頭婆及服務員態度差啲！本來亞龍咖喱只得一間黃色牌店嗰間，事頭婆兩公婆同姑仔鬧咗交分咗交之後就分為兩家呢個食評係比白色底牌匾嗰間， 黃色底牌面嗰間反而態度好啲！疫情過後，白色牌面呢間亞龍咖喱生意差咗好多！

用餐日期：2023/11/18用餐時段：午餐 (外賣)用餐費用(每人）：$82餐廳環境：環境整潔乾淨 冷氣足 檯與檯之間較近 人多時要搭檯 味道：點了咖喱牛腩飯 推薦咖喱牛腩飯：這家是我最喜愛的咖喱牛腩餐廳 也食了好多年 因這家咖喱有很多洋蔥在內 咖喱可選辣度(大中小) 味道香辣回味 咖哩汁香辣撈飯食味道一流 牛腩份量足煮得入味超稔 味道超好 這家午市多數都坐滿難以有位堂食 人多時要等或像我怕人多的都會外賣一份去附近公園慢慢進食 是值得推薦的本地餐廳😋

天氣又涼番～又有藉口去食咖哩暖下個胃～真係食左咁多年都仲係咁好食！！！已經經營超過四十年！仲有咁好嘅水準👍🏻👍🏻今次依然都係叫大辣🌶🌶🌶辣到好過癮！辣到滴哂汗！但愈辣愈興奮！愈辣愈開胃🤭🤤建議大家叫嘅時候，要特別request「多渣」咁樣就會好多洋蔥碎，好好送飯！啲洋蔥又煮到林哂極之入味！超！級！勁！爆！好！食！個胃即刻發滾～成個人都即刻暖番哂天氣涼涼地暖岩食辣野😋😋定時定候都會好想再食～令人回味無窮嘅味道🥰🥰🫶🏻

#fatxjordan ‼️ 暫 時 食 過 最 好 食 的 咖 喱 牛 腩 ‼️·① ［ 咖 喱 牛 腩 飯 ］｜可以選擇不同辣度（ 𝐦𝐞 𝐜𝐡𝐨𝐬𝐞 小辣）香料味好重，完全可以撈哂落去啲飯食( ｀◔‿ゝ◔´)牛腩仲要勁稔𝐨𝐦𝐠𝐠入口即溶𝐟𝐞𝐞𝐥雖然外貌不特別，但真心會再嚟𝐞𝐧𝐜𝐨𝐫𝐞 ｜𓋪9/10·亞龍咖喱 (佐敦)佐敦吳松街93A號地舖 #hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #jordan #jordanfood

我覺得而家冇以前咁好食，雖然咖哩仍然是一粒粒，很多洋蔥餡料在內，都算是份量不少，不過其實汁醬比較稀，也許有人說正宗的咖喱就是如此，不過除了咖喱汁之外，內裏的牛脷亦都偏乾偏瘦，而且沒有即刻拿去煎的感覺，質地非常普通，質素低於一般。另外薄餅亦都只有一小塊，對摺，然之後鑊氣不強，雖然麵粉味道夠香，亦都可以用來點咖哩一起吃，不過以份量來說的確是不夠多，差不多$100只有一邊烤餅、以及咖哩，內裏有幾片牛脷，連薯仔都要再加$，亦都不包飲料，其實這個份量都不算太抵食。

老字號，正宗巴基斯坦咖喱🍛😋😋👍🏻👍🏻好細個嘅時候屋企人已經帶我嚟食🤣味道一如以往，喺出邊完全食唔到！時間內左，間唔時都會掛住🥰咖喱好足料，全部都係洋蔥碎！！每一匙羹咖喱再撈一啖飯！簡直係不得了😋😋味道好濃，配飯簡直係絕配👍🏻👍🏻👍🏻之前試過叫薄餅，但係薄餅好乾身，好硬，完全朔唔到啲汁，變相冇咁好食！之後都冇再配薄餅跟餐🙃今次食咗牛筋腩，牛筋好軟好淋👍🏻👍🏻而牛腩每一次都係半肥瘦，亦都係炆得好淋，所以啲牛腩好入味😋😋😋另外在叫咗牛肉咖喱，大辣！🤣🤭辣得好過癮！好好食！牛肉冇筋，亦都玩得好淋，送飯食一流！

原本想食咖喱一心諗住去試下呢間【亞龍咖喱】！一入去坐低先同你講咖喱牛、根腩、牛腩無……點解吾早D入座前早講？！都算了因為巳坐低；咁就點咖喱鷄、蒜蓉炒雜菜同咸甜烤餅啦！好戲到了上菜咸甜烤又凍又油腻……至於個咖喱鷄飯呢$75.得三件（兩件小腿、一件冇肉鷄胸……）D咖喱汁似羅宋湯汁咁！無奈無計只能搽烤餅食……最重頭戲係個蒜蓉炒雜菜、吾知以為係厨餘咁離譜！！埋單$188......食垃圾咁！！認真咁講求其附近一間茶記都好過呢間/呢兩間……服務又差又呃錢！如果無心做就執咗佢啦！吾信咁差咁伏自己去試一下咯！【永遠Blacklist】

老實講，以前亜龍咖喱係我至愛，元朗住都成日心思思楂車出來買，我覺得值得。但自從搬鋪後，價錢一直加，質數一直下降，已大不如前，鮮魷比雪魷重要成100元，牛肉發到七彩，雞又無味，咖喱魚仲貴到離奇，份量又少，呃錢到暈。重有上次去見有一對國內年青遊客入來，4眼老細竟然一句普通話都吾識講重要態度好差禁對待，見到都火，如果你哋吾係有遊容幫襯，禁嘅價錢香港人邊有禁多傻仔呀！所以你禁串我以後都不會幫襯，仲要唱衰你……！

平时比较爱吃咖喱，在北京的咖喱一般都是日本料理或泰国菜，很少有印度/巴基斯坦风味的咖喱品尝。我个人要求比较严格，即使曾经出品非常不错的一家日本咖喱，在我一年后再去探店的时候咖喱浓度稀了N倍，我直接0分差评给上。扯远了，这家咖喱实话实说味道十分浓郁我点的是咖喱牛腩。但是并没有刺激到我的味蕾，属于吃了一次表示“哦”以后就不会再次光顾的那种。正宗程度不代表好吃程度，100%正宗也无法打动我，我给60及格分吧。性价比不高

第一次幫襯亞龍是廿幾年前，跟舊同事兼好友嚟呢庶食，因自己一向食唔到辣，初頭只是陪佢嚟食嘅心態。每次齊齊小辣跟飯，好友定必揀牛腩。我就咖喱雞/魚/魷魚等都試過。試過幾款都係覺得牛至好味。通常我地兩個都食到呻晒鼻水咁。在我而言，自己只食到bb辣，每次嚟幫襯都覺係食同好友之間嘅開心回憶，咱們都是念舊嘅人。呢幾年疫情，好友坐隔離監時，都一樣咁掛住亞龍，牛腩小辣跟飯，係佢嘅至愛。試過觀塘走落佐敦買亞龍再運去荃灣俾好友，响疫情中食到自己喜歡嘅食物，幫佢打氣，真係可充滿力量，所以亞龍都係好好嘅打氣美食之一嚟人終需要一些關懷喔今日就陪好友亞仔嚟，幾歲嘅靚仔可愛小朋友，今天長得比我還高大囉，時間真係飛逝。今天好高興可以齊齊相聚進餐。對我嚟講是世紀見面嚟亞龍之約-點返靚媽嘅口味一份。另一份點左，咖喱牛筋，小辣跟薄餅。再散叫左兩份甜薄餅同罐可樂。咖哩牛筋我鍾意，亞仔鍾意咖哩牛腩。咱們都覺得散叫嘅甜薄餅好正亞龍咖喱今天重屹立响佐敦，依然咁鍾意佢嘅咖喱，希望有日可以同好友一家四口就嚟幫襯嘆完亞龍，再行左落果欄睇水果，蔬菜，買埋椰青飲，大滿足相信好快又嚟亞龍

茶餐廳質素，收大餐廳價錢，無性價比可言食物品質一般，咖喱太水，掛唔上牛腩，地方衛生環境差，服務質素同價錢唔成正比。總結：唔會再幫趁，除非減價3成，附近大把餐廳好過佢，平過佢，服務好過佢

騙錢騙到爆，我要咖喱牛根，比左個咖喱牛根腩要收103，原本70幾吃個咖喱，就已經笨實。仲要比牛根腩價錢。落單沒比單對單，直接埋單同你講103。環境差又收得貴，又奸。下次吃旁邊個間都不吃亞龍。垃圾店。環境差，位置又細，衛生差，吃多兩次遲早瀨covid

第二次過嚟食喇因為對佢個咖哩汁念念不忘😋.佢隔離仲有另一間個名好似嘅不過男朋友就堅持一定係食亞龍🤣想試嘅朋友都唔好去錯啊.咖哩應該係同一個汁 不過佢有唔同肉嘅選擇仲可以揀大、中、小辣我照舊揀左中辣😋.咖哩牛肉飯$77佢嘅份量唔算多 對我嚟講岩岩好想飽肚啲嘅朋友都可以同老闆娘講多飯都得架!.佢個牛肉肉質非常鮮嫩好似打邊爐果種滑牛肉咁!好滑之餘又好入味 岩晒我呢啲鍾意濃味嘅人.佢個精粹係咖哩汁啊!!!!!!!!!點解我咁講? 因為佢唔係普通咖哩汁係有大量洋蔥蓉既咖哩汁我又鍾意食咖哩 又鍾意食洋蔥佢嘅洋蔥仲要煮到好林 所以個汁會有種甜味極度推薦👍🏻👍🏻👍🏻👍🏻👍🏻

去到佐敦廟街，發現有兩間黐埋一齊嘅咖喱店都係叫阿龍咖喱，一間黃色鋪面，一間白色招牌，多咗正宗兩個字，上網翻查，知道正宗嗰一間應該係正宗嗰間，第二間就應該係分拆出嚟嘅。入到去叫咗個咖喱牛腩飯，其實個人就好喜歡食巴基斯坦咖喱，嗰陣時通常都去一間生x 咖喱飯食，不過自從佢哋執咗笠之後就好少食到巴基斯坦咖喱。一上到嚟，嗰啲牛腩飯叫賣相真係麻麻哋，不過食嘢就係食味道，點都會試吓先。果然冇失望，啲咖喱好香，洋蔥嘅份量亦都好足夠，少少已經可以撈多飯食，食得出好多香料嘅味道，唔會太搶亦都唔會太辣，牛腩不過不失，叫做半肥瘦，冇乜特別大嘅驚喜，不過都好好食。下次會再試吓佢嘅牛脷睇吓有冇驚喜先！作為食lunch嘅地方，會再翻食。