A.T.A.S

Open Now

Now Closed

銅鑼灣有間好好食嘅樓上星加坡菜餐廳，雖然晚上食物係散叫，但都唔算貴。環境使用白光光線充足，而且座位寬闊坐得幾舒服。黑椒軟殼蝦賣相看似超濃味，色澤偏向呈暗黑色。黑椒味超重，聞落超香。蝦🦐的口感非常彈牙。肉骨茶唔使點醬油都已經夠味，加咗原粒蒜頭味道惹味，湯頭輕微的藥膳味；豬骨煮至非常軟身。蒜蓉炒通菜--味道較濃味，但用大量蒜蓉烹調非常香口的。通菜都幾靚，冇渣。美祿爆炸用美祿沖嘅凍朱古力🍫，朱古力味較濃：加埋脆粒增加口感。玫瑰精華--依款雞尾酒岩女士飲用，甜甜地加了Vodka，但酒精較為淡一點。

銅鑼灣有發現，傳統加Fusion星加坡菜，ATAS。辣椒蟹配饅頭-醬含多蟹肉，有黑松露，有少量蝦米。微辣，同惹味。鹹蛋軟殼蝦-鋪滿鹹蛋黃醬嘅軟殼蝦，啱晒愛吃蝦頭愛好者。鹹蛋黃醬，唔會太鹹，甜甜哋，味道剛好。燒春雞配咖喱-香甜的黃咖喱帶點揶香。佢哋嘅燒春雞做法讓新鮮雞汁精華都保持喺皮肉入便。美祿爆炸-有cereal感，朱古力奶的甜。如此配搭同伴都覺得可飲又好玩。玫瑰精華-玫瑰香氣撲鼻，加埋酒精就更加特別了。總括：嘢食性價比好，環境乾淨闊落，喺附近美食中心嘅選擇之一。

專登黎食海南雞同麥皮蝦，海南雞無特別入味同非常嚡，好失望麥皮蝦仲衰，啲肉梅到爆，完全係唔新鮮。。。搣殼啲肉係痴住晒唔離殼。。未食過啲咁樣嘅蝦。。真係好失望。。杯美綠係幾好飲，蟹肉炒飯同肉骨茶都可以，佢係重胡椒味個種。啲排骨都煲到比較老。但個麥皮蝦實在太差，令到成餐飯個體驗都差咗，無下次。啲姐姐服務幾好，但我朋友生日，直接係佢面前問can we serve the cake now? 有啲奇怪，希望佢哋下次識做啲。

有麝自然香，朋友介紹銅鑼灣一間樓上鋪的新加坡fusion菜，今日同老細真金白銀比錢去食，果然無令人失望！ 雲吞配喇沙忌廉醬：一上枱就聞到濃郁椰香，蟹肉餡飽滿，醬汁似咖哩，但更溫和，帶點南洋風情，食落好滿足。 叁岜蟹肉炒飯：鑊氣十足，飯粒乾身分明，蟹肉份量慷慨，叁岜醬微辣惹味，每一啖都食到鮮甜同香辣，好過癮！ 咖啡排骨：賣相黑黝黝，但一入口就知有驚喜。醬汁甜中帶甘，咖啡香慢慢滲出，排骨肉質鬆化，食多幾件都唔覺膩。 叁岜醬炒通菜比普通馬拉盞更豐富，鹹香帶辣，仲有淡淡甜味，通菜爽脆，一碟轉眼清晒。 老闆娘好熱情，見我哋對醬料有興趣，仲特意介紹佢哋自家研發的醬汁，話遲啲會推出市面。果然正宗新加坡人手藝，連醬料都咁講究，值得期待！ 呢間樓上鋪雖然唔起眼，但食物質素高，味道正宗又有心思，絕對會再嚟幫襯！（唔記得留返張收據……）

第二次食呢間餐廳， 熱量爆炸，印象中有啲餸都還可以嘅，所以再嚟幫襯多次！ 等位/入座： Openrice 訂左位， 唔使等。 平日夜晚七點，感覺上都唔係好多人。 環境： 空間闊落，燈光都好光猛。不過要上一層樓梯先會去到餐廳。 落單/上菜：QR code落單，上菜都算係正常速度。 食物： 燕麥蝦，$188。之前喺新加坡嘅熟食市場已經食開，真還原風味。 不過當然比起新加坡食嘅時候貴啦。 五六隻蝦，賣將近200蚊，自己衡量下。 咖啡骨，$128。 佢應該咁多度餸入面，甜得黎唯一苦到尾。係特別嘅，不過未必係特別到你會想食第二次第三次。 辣蟹肉忌廉醬蛋麵配大蝦，$178 。 你唔講入面又有蟹肉，我係唔會知道。因為佢係有配兩隻大蝦，但菜單冇寫。 味道好食的， creamy但唔油膩。 咖椰爆漿，$68。食呢個就真係考驗友情嘅時候，你真係要同friend share。因為望住啲牛油你係會死的，入邊仲有咖央醬不得了。美祿爆炸，$58 。 反正都係熱量地獄，唔爭在啦。 甜甜甜甜甜，喜愛甜到嘅人會愛死佢。 用餐時間：七點食到九點半。 冇人趕你走，亦都唔係太多人。 總結：適合聚餐分享嘅餐廳。 cp值唔高。好食

呢度菜式有特色，我哋試咗幾樣嘢。首先講下 Bandung Dinosaur，呢杯飲品色彩繽紛，口感甜美。而 Pandan Milk Tea更加有獨特嘅香味，飲落去好順滑。Lime Juice就係一個好清新嘅選擇，酸酸甜甜。接著係 Ngoh Hiong，外脆內嫩，香料味道十足，咬落去有層次感。Chicken Satay，雞肉串燒得剛剛好，配上花生醬，味道香濃，啖啖肉質鮮嫩，真係惹味。Chilli Crab Sauce with Mantou，呢個組合真係非常吸引！呢個醬汁非常美味，加上炸得金黃酥脆嘅 Mantou，一齊享用非常過癮。最後，Salted Egg Pork Ribs，豬肋骨有濃郁嘅鹹蛋黃醬，好香口。

A.T.A.S 🥄@atas_hkA Taste Above Shiok「ATAS」喺個新加坡術語，有「高級」嘅意思🇸🇬 而新加坡人老闆卻以「a taste above shiok」重新定義，而shiok都係Singlish，喺一種「好爽」同「好正」嘅感覺🤓講到星加坡美食，辣椒炒蟹絕對係必提嘅經典之選🦀 但對於懶人嚟講，成日都覺得剝蟹殼又煩又污糟🤌🏼 餐廳一系列進化版招牌菜🎖️ 將辣椒蟹嘅靈魂味道，完美融入唔同小食同主菜入面🌶️奶油麥片老虎蝦🦐嗰層鹹蛋黃醬真係炒至起沙，香濃到不得了🟠 首先一定要吸晒殼外面嘅醬汁，唔想浪費每一啖！至於拆殼方面，由於老虎蝦已經劏開，完全唔使擔心麻煩，刀叉輕輕一撩就可以成隻蝦肉拎出嚟🍴 完全唔需要擔心拆殼會搞到成手油膩🫳🏽辣椒蟹肉醬炸蛋🍳底層係煎到啱啱好嘅蛋，外層金黃香脆，入面仲保留住少少嫩滑嘅質感🍳 而精華就係淋滿晒個蛋上面嗰層辣椒蟹肉醬！用咗超多鮮甜蟹肉，再拌炒咗多種香料，辣度啱啱好，香辣帶微甜，好有層次🌶️ 完全冇搶走蟹肉嘅鮮味✨ 整體feel 有啲似亞洲版嘅煎蠔餅，但係更加高級同濃味🦪Wanton in Laksa Cream Sauce👝呢道菜用咗東南亞

一早想食呢間嘢好耐，餐廳入圍左2024開飯熱店，原來真係幾好食！餐廳裝修簡單清新，我揀咗靠窗邊嘅枱，一邊望住外面嘅景一邊嘆嘢食。🔹辣椒蟹忌廉醬意大利蛋麵CHILLI CRAB CREAM SAUCEPAPPARDELLE with prawns @ $128成個闊粉沾滿晒辣椒蟹醬汁，成個醬汁充滿奶香，蟹肉口感煙靭，帶點辣味超開胃🤤。🔹Pandan Milk Tea @$25.0斑斕奶茶，叫咗少甜，清爽解渴，淡淡嘅斑斕味帶出濃郁嘅奶味！🔹咖椰吐司🍞 Kaya Toast @$38呢個甜品好邪惡👿，每一嚿都夾滿糖漿同牛油。

同同事去銅鑼灣食lunch，試咗間新加坡菜，幾好食！ 叫咗 **Duck Leg Kway Chap** 同 **Singapore Fried Carrot Cake**，兩款都幾正。鴨腿粿汁湯底夠濃，有少少藥材香，鴨肉煮到好淋，粿條滑溜，食落幾舒服。蘿蔔糕炒得香口，外脆內軟，蛋同蘿蔔糕夾得幾好，唔會太油。 飲品試咗 **Pandan Milk Tea** 同 **Milo Explosion**，斑蘭奶茶清香，甜度剛好，Milo爆炸就朱古力味濃，面頭灑咗Milo粉同朱古力粒，飲落幾過癮。 整體嚟講，食物有水準，味道夠地道，價錢合理，同同事食飯或者自己過嚟食個lunch都唔錯！

🦐Singapore Prawn Mee w/ Pork Ribs $98飲得出湯底係大量蝦頭蝦殼蝦肉熬出嚟嘅精華 有濃濃嘅蝦味食材都好豐富 平時多數係兩隻蝦 呢碗竟然有四隻大蝦！！蝦肉爽口彈牙唔會話霉霉爛爛咁 大大塊嘅燒肉啖啖肉唔會好乾柴配料仲有啲豬油渣 炸到外脆內煙韌好有嚼口🍞Kaya Overload $68三層嘅薄脆多士 搽滿咖椰醬 花生醬同埋朱古力醬中間仲夾住一片片嘅牛油 口感軟滑脆嫩一咬落去啲醬好飽滿 邪惡感滿滿！🥬Sambal Kang Kong $72經典嘅馬拉盞炒通菜 每次食星馬泰菜都會叫😋通菜鮮嫩爽口 配搭蒜味濃郁嘅馬拉盞醬汁超級惹味份量多多仲有大量爆香咗嘅蒜瓣蒜粒喺面☕️Kopi Coffee $20傳統嘅馬來西亞煉奶咖啡😈口感絲滑奶香甜味濃郁 會蓋過咗齋啡嘅苦味

🩵蟹肉雲吞配喇沙汁 $98✨我會投選全晚MVP係呢道菜 蟹肉份量好多 令整個味蕾都充滿蟹嘅鮮味 非常濃郁 而且配埋濃稠嘅喇沙醬汁 味道層次更突出🤤🩵咖啡排骨 $128排骨掛滿醬汁 非常入味😋 味道都幾特別 確實好少食到呢個口味 係餐廳推介 幾乎嚟食嘅人都會叫 值得試試🙌🏻 🩵新加坡炒蘿蔔糕 $138雙色 有驚喜 仲有啲菜甫炒埋一齊 加埋XO 辣醬 好惹味 份量都幾多 口感豐富👍🏻🍹 美祿爆炸 $58呢個係人氣最高嘅飲品🤩 嚟之前已經滿心期待 果然冇失望🤤 美祿味香濃 加埋朱古脆脆 真係好鬼正🫶🏻🍹青檸汁 $30好清新 味道濃郁 非常啱配有醬汁嘅食物 可以refresh 返個味蕾🤩

A.T.A.S - A Taste Above Shiok 嘅環境真係好正,好有新加坡Feel 🇸🇬。餐廳設計簡單又時尚,木頭家具配上柔和燈光,整個地方顯得好溫馨 🌿。特別係靠窗嘅吧台區,坐係度一邊食嘢,一邊睇風景,心情特別好 ☀️。Singapore Hainanese Chicken Rice🍗🍚：雞肉超嫩,米飯超香！搭配嘅醬油,辣椒醬好提味Singapore Prawn Mee w/ Pork Ribs Beehoon & YellowNoodles🍜：湯頭鮮甜,蝦同豬骨味道混得剛好。面條口感滑順,配料豐富Lime Juice(Cold) 🍋🥤：呢杯飲料超解渴,特別適合熱天,喝一啖瞬間清爽！Rose Limau 🌹🍹：顏色好靚,打卡一流,酸酸甜甜味道Kaya Overload🍰：呢個甜品真係驚喜,椰漿味濃郁又香甜, 甜而不膩,好想再食。

銅鑼灣有一間星加坡菜，我覺得幾特別，佢哋保留到傳統的菜式，亦都不斷創新！鹹蛋軟殼蝦 ：呢個極之邪惡，通常鹹蛋黃整嘅嘢都好好食！軟殼蟹食得多，軟殼蝦就係第一次，鹹蛋香味一放枱已經聞得到。成隻蝦比啲金黃嘅鹹蛋黃包住，唔使剝殼，可以連殼食埋，好有鹹香味，亦都好惹味！辣椒蟹肉醬配炸饅頭 ：呢個醬我覺得幾特別，以前食開炸饅頭跟煉奶，呢個辣椒肉蟹醬好鮮味，有好多蟹肉係裏面，少少辣味，大大擗醬搽落個炸到外脆內軟嘅饅頭度，一啖食落口，滿足感爆燈五香卷 ：呢道是傳統的菜式，炸到好脆的腐皮包住啲豬肉碎、蔬菜、馬蹄..啲五香味好出，點甜酸汁更加好味辣椒蟹膏闊條麵 ：闊條麵麵質好彈牙，好有咬口又掛汁，個蟹膏醬好鮮味，微辣。面頭仲有大大隻嘅煎開邊蝦，都係好新鮮彈牙。班蘭薏米水 ：好香班蘭味， 薏米都幾淋，幾軟糯，又可以飲又可以食玫瑰青檸水 ：用咗玫瑰糖漿加青檸水，好香玫瑰花味，飲落好清新，酸酸甜甜幾好飲

ATAS銅鑼灣邊寧頓街9-11號燈籠閣地下C2號舖經開銅鑼灣，老友推介地道新加坡菜，環境舒適，食材新鮮，果然冇介紹錯。😋喇沙香濃湯底，辣度適中，可以直接飲用。面層放了香草提升層次，配料有蝦仁、魚丸、豆卜和熟蛋。米粉爽口彈牙，吸收了湯底的精華，推薦！😘叁岜蟹肉炒飯香氣四溢，炒得勻循，蟹肉彈牙，鮮味十足，炒飯口感煙韌， 配料有魚子、雞蛋和香蔥，好惹味，必食！😍燒春雞咖哩燒春雞外層香脆，烹調得恰到好處，雞肉新鮮嫩滑，肉汁豐富，粟米香甜，薯肉口感鬆軟，配咖哩好正！😽咖椰爆醬即叫即製，三層爽脆的烤麵包，加了咖椰醬汁、牛油、花生醬和巧克力醬，面層佈滿了美祿粉，好邪惡，喜歡甜品的朋友不能錯過。😻柑桔水酸酸甜甜，濃度適中，冰底夠凍，好飮！🐱班蘭薏米水清香的班蘭味，薏米口感煙韌，甜度適中，飲完好舒暢。😚ATAS 環境舒適氣氛好，食材新鮮高質，喇沙、炒飯、燒雞甜品正，侍應服務態度好，回頭率高。😎🤘🏻

週末三五知己聚會又黎到銅鑼灣，特登提早小小 6點左右walk in入座。剛好仲有一張圓枱未被reserve😍 座位唔太多，晚市都爆場 。 待應們服務很不錯，主動為無叫飲品既朋友遞上清水。叁巴蟹肉炒飯 炒飯夠乾身，加上叁巴醬同蟹肉非常惹味。除咗叁巴醬嘅鹹香味，亦都食到蟹肉嘅鮮味。辣椒蟹忌廉醬意大利蛋麵 星加坡菜及西餐嘅fusion。香濃嘅忌廉加上辣蟹肉有少少似喇沙醬嘅味道，但係比喇沙醬多咗一份細滑既感覺。配上兩隻大海蝦非常新鮮爽口彈牙。媽密咯咯雞 蜜糖醬封面嘅炸雞。 表皮香脆，內裏嫩滑仲保留小小肉汁。 用蜜糖包裹但又唔會係得個甜味。