八幡平石燒牛扒專門店 (Eastmark)

Open Now

Now Closed

這間石燒牛扒專門店，除了有多種不同款式的燒牛扒之外，還有燒豬扒、燒雞扒，以及鰻魚飯。這裏吸引之處是提供仼吃沙律、湯和飯，絕對可以讓你吃飽飽，而且是免加一服務費的，吃起來更加划算啊！🥗首先沙律很豐富，有椰菜、紫椰菜、車厘茄、粟米，配上沙律醬更加開胃。.🫕然後湯是洋蔥牛肉湯，餐廳絕不吝嗇啊！內裏有大量的牛肉、洋蔥、蘿蔔，所以湯非常的入味。.而飯有鰹魚紫菜飯素可以加配，自己喜歡下多少就多少，飯素內有芝麻、鰹魚、紫菜，把飯素下在飯裏，一碗普通的白飯都變得很好吃唷～🍚飯煲的表情飯勺還很可愛～餐廳所有的肉類都不加MSG，保證原汁原味，而且肉都是用上鐵板上，可以保持得到肉的溫度，吃的時候還是熱騰騰，充滿香噴噴的熱氣的呢！另外每張桌子還有提供一些調味料，例如醬汁和黑椒、鹽等，餐廳還貼心提供一次性的圍裙，不用擔心弄髒衣服了～♡八幡平招牌牛扒 270g $125除了這款牛扒之外，其實還有牛柳等的其他部位，不過第一次來就先常常這款招牌牛扒吧～這款招牌牛扒是採用牛肩位置，即使燒完之後，還帶有肉汁，灑上黑椒吃的話更為美味。♡ 日本産の地雞扒 熊本縣 $140由日本熊本縣直送的雞扒，質素有保證！雞扒肉質很嫩口，燒

呢間店有好多唔同類型嘅牛扒可以選擇🥩佢嘅白飯、沙律同埋湯任食~佢今日嘅湯係牛肉洋蔥湯，洋蔥味好濃，味道中規中矩，食牛肉之前先飲一碗湯，會好暖胃😋牛肉油石板裝住，我哋可以自己掌握牛嘅熟度。牛肉好香，咬落去仲有肉汁！ 你可以自己選擇唔同嘅醬料，佢嘅芥末醬係出奇地好味！另外仲加咗一個元貝，佢嘅元貝好鮮甜，點煎都唔會好韌，而且好大粒😆😋😋佢需要喺門口先俾咗錢，然後再上菜。佢哋嘅服務員好有禮貌，而且好有耐性👍

突然好想食燒肉，一搵就搵到附近呢間石燒牛，環境唔算豪華但氣氛幾舒服，有少少簡約和風，坐低就聞到陣陣香味，肚仔即刻打鼓！佢嘅side dish係任添——沙律菜新鮮爽脆，冇雪味；白飯粒粒分明，唔會黐立立，仲可以任加日本飯素最驚喜係洋蔥蘿蔔牛肉湯，湯底清甜，好重牛味，我飲咗足足兩大碗❤️🥩 招牌板腱牛扒牛扒厚切又唔失嫩，石燒自己燒，幾過癮！邊燒邊食，肉汁keep住鎖喺入面，咬落去有啲筋但唔會韌自己控制到燒至金黃色，充滿焦香，正🐷 日本直送豚肉扒呢個係午市限定！豚肉厚度岩岩好，油花分佈靚，燒完之後表面微焦但入面Juicy，入口香甜，唔似一般豬扒咁鞋口簡單的點下鹽&黑椒已經好好味

如果你係牛扒控，真係要試下八幡平石燒牛扒專門店！今次專程去咗九龍灣分店，主打熱石板烤牛肉，牛扒熟度可以自己調整，食落真係好有玩味又滿足 😋。我點咗紐西蘭牛柳同埋幡平招牌牛扒。牛柳肉質超嫩滑，油脂分布啱啱好，放上熱石板「滋滋」聲響，香氣即刻飄晒出嚟，自己控制熟度，想幾生熟都得，啱晒我呢啲鍾意medium rare嘅人！至於招牌牛扒，肉味更濃郁，咬落去啖啖肉汁，完全唔會鞋口，真心推介！🥩除咗牛扒，配菜都好有驚喜。沙律新鮮爽脆，菜葉夠冰涼，配上芝麻醬，清新解膩，仲可以任食，食極都唔怕！🍃湯就係洋蔥牛肉湯，入面有原粒胡椒、蘿蔔、牛肉同蒜頭，湯底超濃郁，飲落好暖胃，仲可以任飲，真係飲到停唔到口！🍲成餐飯食落去超滿足，價錢合理，服務又好，係九龍灣搵日式石燒牛扒嘅話，八幡平真係唔會令你失望。下次一定會再嚟試其他款牛扒！

小弟九龍灣返工⋯⋯公司平時個飯腳都會好多諗頭，帶我去好多唔同嘅食晏地方，今次揀咗呢間石頭牛扒餐，但要預左食完之後個身d 衫頭髮成浸味🤪🤪….. 但佢有個好處就係有自助式有一個洋蔥豬骨湯和白飯可以任添的，啱啲大胃王……order要在門口先落單俾錢，電子支付。牛扒有幾個份量選擇，當然越貴越大份. 佢個牛扒感覺，唔知大家有冇食過金鳳，就好似嗰隻有厚度有口感的感覺嘅，記得加多啲蒜蓉真係好好味，同埋佢個豬骨洋蔥湯味，如果食晒個牛扒，用湯撈飯都好好味⋯⋯有時食晏食太多茶餐廳A B C D餐，間唔中試一餐都幾好…..

招牌牛扒 180g用石燒燒到牛扒剛剛好，切開肉質保留粉嫩效果，油脂分布平均。牛扒肉味濃郁，輕輕點點粉紅鹽已經吊哂味出嚟。建議大食既朋友可以考慮270g/360g，見到隔離枱好大塊扒😂😂😂午市限定豚肉豚肉一上台已經已見到色澤均勻，粉紅色豚肉睇黎好吸引。店員指引先冚蓋墊2分鐘，再反轉煎多兩分鐘就食得！豚肉脂肪比例適中。肉質爽口，唔會韌，配搭餐廳既任食白飯+鰹魚飯素，確實唔錯！P.s 餐飯有任食沙律菜，白飯，飯素，任飲洋蔥🧅牛肉湯

自助配料區更係方便到爆，沙津、湯、同飯都係任添，醬料同飯素一應俱全，想點配就點配😍最正係佢既蒜頭配醬係新鮮既生蒜黎，即刻添左黎送飯，配埋d燒肉汁即刻提鮮左👍📍八幡平招牌牛扒180g一塊厚實嘅牛扒放喺黑色石板上，表面燒到啱啱好嘅焦香，肉汁封得好好！石板仲喺度滋滋作響，好吸引視覺同聽覺。切開嚟睇肉質粉紅，咬落去個肉質爆汁同時鬆軟，好似d7成熟牛扒咁，香氣四溢！石燒技巧一流，就算放耐都保持到軟嫩多汁嘅口感🔥📍牛柳200g牛柳切得幼身啲，但每一片都係鮮紅色澤，表面微微焦香。入口即刻感受到佢嘅嫩滑，油脂分佈得啱啱好，唔會過於肥膩。配埋自家調製嘅醬汁，將牛柳嘅鮮味提升到另一層次📍日式清湯湯底清澈但唔簡單，有白蘿蔔同大塊豬肉，熬得夠耐，啖啖都係濃郁嘅肉香。白蘿蔔吸足湯汁，軟而唔爛，豬肉又夠腍，一碗湯已經好有滿足感💯唔似係味精湯🔹

最近去咗呢間餐廳試石燒牛扒，真係好有驚喜！牛味夠濃郁，封門柳和八幡招牌牛扒口感一流，再配埋牛肉洋蔥湯同胡椒香，簡直係完美搭配。最讚係沙律吧，好多菜，纖維滿滿，仲有檸檬水卡位，貼心到不得了，食得舒服又健康。而且可以任裝湯 真係好正 作為湯精的我 暖暖最有感觸係餐廳嘅人情味，見到店員細心記住熟客嘅口味，感覺好窩心，完全係老香港嘅味道。加上位於工廠區，別有一番風味，低調中帶住溫暖，成個用餐體驗都好正

小妹今日同豬去咗九龍灣食好西😆 今次去呢間「八幡平石燒牛扒專門店」😋 客人先睇想食咩，再係門口位置部機度落單，職會會指示想八達通或現金💰付錢，之後就可以入座～入到去餐廳乾淨企理，環境衛生，座位非常舒適，而且每張枱旁邊都擺滿調味料，牙簽，紙巾🧻等…而職員就擺放咗枱圍裙，餐具🍴非常貼心🥰自助區買餐時會包埋自助區食物🥘 當中有蘿蔔牛肉湯、沙律🥗珍珠米飯🍚所有食物都係免費🆓 任添😍正～特別推介呢碗蘿蔔牛腩湯😍味道濃郁，好足料及重牛肉味道👅 沙律食到新鮮味道，配埋芝麻醬一流🙂 八幡平招牌牛扒🥩牛扒上枱時大約3-4成熟，而黑色石板非常熱，小妹先將牛扒切成小塊，再用石板烤熟，以令每塊牛扒🥩燒得均衡😆 而招牌牛扒🥩屬於牛肩位置，牛味濃郁，加上本身已有鹽及黑椒調味，食落口好惹味。而且有三款醬汁自由點，分別蒜蓉、蜜糖芥末醬及燒肉汁，每啖都食到不同味道😙牛柳🥩呢款牛柳同上面☝️做法一樣，但牛柳相對肉質細膩，而且油脂分佈較為均勻，嫩滑多汁，不過食落口相對硬少少🤏整體來講真心不錯，兩個晚餐都只係$215，仲可以任添湯🥣沙律🥗白飯🍚真係抵到爆🥰仲可以享用自己燒牛扒🥩真係又有得玩，又有得食😌

🔥自助區任裝沙律、湯同飯🍚！抽風系統做得幾好，食完唔會成身油煙味👌，仲有貼心圍裙提供，唔怕彈油整污糟衫👗！🌟 美國封門柳230g 🥩🌟 肉質超軟嫩又多汁😍，牛味濃郁得嚟帶少少甜味，切開粉嫩色超誘人！自己控制生熟度，5成熟最正💯，加埋少少海鹽同黑椒🌶️😋！🌟 八幡平招牌牛扒180g 🥩🌟 肉質厚身有咬口，牛香十足！石板夠哂熱辣辣🔥，自己燒到心水熟度，配埋芥末同燒汁更提升風味🧄！🍽️自助區：沙律吧🥗：新鮮椰菜絲、車厘茄，配芝麻醬/柚子醋，開胃解膩！牛肉湯🍲：足料蘿蔔牛肉熬製，飲落暖胃又鮮甜白飯任裝🍚：加鰹魚紫菜飯素，送牛扒一流！

呢間石燒牛真係幾抵食～沙律、湯同飯都係無限任添，仲可以狂落飯素，啱晒大胃王～最正係免收加一🤩 座位隔離仲有好多醬汁可以自由搭配👍🏻✨招牌牛扒 180g $85 牛扒份量足，油脂分布靚，自己用石燒控制生熟度，雖然我唔小心燒到太熟🤣 但係都唔會硬倔倔咬唔郁👍🏻👍🏻✨青檸封門柳 230g $160封門柳肉質軟嫩，青檸汁清新解膩，230g超大塊，食到好滿足👍🏻👍🏻📍八幡平石燒牛扒專門店 九龍灣常悅道21號Eastmark 2樓5-6號舖

九龍灣八幡平石燒牛扒專門店以高性價比和半自助形式吸引食客，主打日式石燒牛扒，適合想大啖肉又不想花大錢的肉食愛好者。  **招牌牛扒（180g/$85）**採用牛肩部位，肉質鮮嫩多汁，上桌時約一至兩成熟，客人可自行在300°C熱石上調節熟度🔥。建議兩面微焦後切件再煎，鎖住肉汁，簡單灑黑椒鹽已夠惹味。  **青檸封門柳（230g/$160）**驚喜之選！肉質軟嫩帶嚼勁，青檸醃製後酸香清爽，中和油膩感🍋。燒至五成熟最完美，蘸少許蒜蓉醬油更提鮮，口感層次大升級💯！  自助區是亮點🥗：  - **沙律**：椰菜、紫椰菜、車厘茄等新鮮爽脆，配芝麻醬開胃。  - **洋蔥牛肉湯**：真材實料，牛肉、蘿蔔熬得入味，飲多兩碗已半飽🍲。  - **珍珠米飯**：加鰹魚紫菜飯素，簡單變日式風味🍚。  環境乾淨座位闊落，免加一服務費，性價比高👍，是工業區中的抵食肉食天堂！💥🥩

有時又想食多少少，但係又唔想去到食自助餐、放題咁誇張，呢間石鍋鍋牛扒專門店又可以滿足到我要求。佢哋嘅白飯同洋蔥牛肉可以無限添，而肉類方面，就有牛肉、雞肉同豚肉可以選擇，份量都可以根據食量去選擇。封門柳240g $160佢呢個係新出，上碟嘅時候係另外想，唔係一次過放喺石板上面，所以唔使怕好快就會熟晒。肉質方面，稍為有咬口，但係又唔會太硬，而且好有肉味，有時想滿足一下食牛扒嘅心嘅時候呢一個都係唔錯嘅選擇。招牌牛扒270g $125另外叫咗佢哋招牌牛扒中size，份量好多，而且肉質嫩滑。佢嘅條味入邊有蒜頭，加埋蒜香，更加能帶出牛肉嘅鮮味。

呢排公司好多嘢做大把deadlines 搞到個人精神緊張身心疲累 極度需要食肉補充元氣🤨 九龍灣Eastmark有間日式石燒店 今晚一於食餐好嘅🤓-自助區🥗日式沙律每日製作 保持新鮮 白椰菜紫椰菜絲清新 就算主菜食啖啖肉 口腔唔會覺得太油膩🧅湯品日日唔同款 洋蔥牛肉湯清清地好暖胃 白蘿蔔片多而清甜🍚珍珠米飯飲添 侍應姐姐好窩心 問我哋要唔要加飯素-🥩肉類牛肉係must have😙 我鍾意肉味較濃 點咗招牌牛肩肉同封門柳 一人份量相當足量 呢啲部位嘅肉 有嚼勁而且脂肪少 蛋白質含量高 即席燒完再蘸醬汁食 確係very good

失望透頂的午餐體驗：價錢貴、質素差、服務不友善及差，連普通燒肉速食都不如！最近滿懷期待地去了這家店石燒午餐，結果卻是一次令人極度失望的用餐體驗。食物質素差強人意：首先，肉質非常一般，完全對不起它的價錢。所謂的「牛」吃起來毫無油脂香氣，口感乾柴像煲湯瘦肉 ，甚至不如超市買的普通牛肉，不過奇怪地被燒的牛扒排出大量水份、懷疑在食材上做了手腳。價錢貴得離譜：這樣的質素，竟然敢收取如此高昂的價格，實在令人難以接受，卻完全沒有享受到應有的品質和服務，性價比極低。服務不友善且差：服務員態度冷漠，對顧客的詢問愛理不理，更別提主動服務了。而且順序混亂，自身問題又賴落人客身上。總結：這家燒肉店無論是食物質素、服務態度還是性價比，都令人失望透頂。與其花大價錢來這裡受氣，還不如去普通的燒肉速食店，起碼能吃得開心又滿足。強烈建議大家避開這家店，避免助長歪風！