Video
11-min walk from Exit B, Kowloon Bay MTR Station
continue reading
Telephone
63552065
Introduction
At a specialty Japanese-style stone-grilled steak restaurant, customers choose the type and weight of their favorite steak before taking the seat. Customers can use a hot stone plate to cook the steak. Rice, soup and salad can be refilled in the buffet bar as many times as you like.
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
-
Online Booking Service Not Available
嘩！呢日5:00嚟到九龍灣呢間石燒牛專門店諗住食個Early dinner🍽️ 見到原來而家做緊優惠啊，每日有8個名額食$5牛扒同埋20個名額送珍寶元貝同埋雪糕🤩 因為呢個優惠由下午四點開始㗎，我哋5點鐘嚟到已經冇晒優惠牛扒啦🥩 好彩仲有送珍寶元貝同雪糕嘅quota咋。八幡平招牌牛扒呢次係我哋第一次嚟食，試吓佢個招牌菜先🐮 餐廳會預先將牛肉煎至一至兩成熟，然後再放上熱辣辣嘅鐵板上面，我哋可以根據個人喜好，將牛扒切成一件件煎至我哋喜愛嘅生熟程度。呢一個招牌牛扒我哋嗌咗270g，份量都幾夠㗎，可以切啲同朋友分享🍴呢個招牌牛扒，肉味香濃，放喺鐵板上面燒真係好香噴噴。牛柳另外嗌咗一款牛柳試吓，呢一個就嗌咗200g。牛柳相對上肉質比較軟腍，入口比較juicy同嫩滑🥩 店員仲建議我哋可以加啲蒜蓉放喺鐵板上面燒一下，再加落牛柳度食。果然，燒香咗嘅蒜蓉真係好正。撈飯或者配埋牛柳一齊食，真係唔錯🧄自助吧除咗鐵板食物之外，出邊嘅自助吧係可以任食㗎。有和風沙律，沙律仲有兩款醬汁可以選擇，包括芝麻醬同埋柚子醋🥗 仲有洋蔥牛肉湯，入面嘅配料有好多，牛肉仲係軟腍腍㗎🍲 另外仲有珍珠米任添，加啲鰹魚紫菜飯素就更加好餸。🍚優惠我哋今日捕捉到呢個20個名額送珍寶元貝同埋雪糕，感覺就更加抵食啦🤪 珍寶元貝係另外上嘅，同牛肉一樣，上碟時只係輕輕煎香咗，未係全熟㗎🐚 店員仲好細心見到我哋嘅石板唔夠熱，幫我哋換咗塊熱啲嘅鐵板再處理元貝。元貝嘅味道都幾鮮，我哋就將佢切咗一半再煎，容易啲熟吖嘛。雪糕方面可以一人揀一隻口味，我哋揀咗泰式奶茶同埋豆腐雪糕🍦飲品落單嘅時候，我哋仲嗌咗一人一罐飲品🥤不過如果唔想飲呢啲有糖嘅汽水，餐廳自助吧都有食水供應㗎。限時優惠做到9月7日，大家記得要mark實時間去歎呢個激抵優惠啦🤩
continue reading
八幡平石燒牛扒專門店—全港有三間分店，今年到訪位於九龍灣Eastmark 2樓呢間分店，環境簡約企理，無太多花功巧裝修，座位多以卡位為主，空間感十足，令人坐得舒服😌 餐廳主打石燒牛扒，餐廳上有幾款牛扒部位選擇；例如和牛西冷、肉眼扒、牛柳等，而今次揀左招牌、牛柳兩款，兩款肉質同樣鮮嫩多汁，而牛肉煎得幾成熟由食客自己話事，配上無限味素飯、麵豉湯、沙律等放題，中和牛肉中的油膩感，令人胃口更好！總結而言，係幾唔錯既一間牛肉扒房🥢
continue reading
最近我同朋友去咗一間叫"八幡石燒牛扒"嘅專門店,試咗佢哋嘅招牌八幡平牛扒套餐。入面有好似牛肩胛肉咁嘅部位,質素真係非常好。之後亦有試過佢哋嘅鐵三角套餐,入面有呢間店嘅招牌牛扒、和牛同埋肉眼牛扒。食落真係完全無得挑剔,每一樣肉質都非常一流,好似融化咁軟滑,仲帶住一d微妙嘅香氣同豉汁。店舖佈置簡單靚仔,設計得好有特色。仲有沙律飯同埋牛肉湯任食，牛肉湯清甜有足料，仲有個開放式廚房,可以睇吓佢哋點樣一手一手咁用石頭烘烤牛扒,真係令人垂涎欲滴。職員仲會攞熱石擺喺枱面，仲可以自己體驗燒牛肉既滋味，燒幾多成熟自己話事😂整體來講,呢間八幡石燒牛扒專門店真係一個值得推介嘅好去處,無論想食頂級牛扒定係想試吓新嘢,食完之後覺得好味點讚IG店主送返一杯雪糕俾你，所以嚟呢度絕對唔會失望。牛肩胛肉 ：$85 180g招牌牛扒100g、和牛60g、肉眼牛扒100g：$260一份📍地址：八幡平石燒牛扒專門店 (Eastmark) (九龍灣)九龍灣常悅道21號Eastmark 2樓5-6號舖📍地址：觀塘巧明街99號巧明工廠大廈地下19號舖📍地址：鰂魚涌英皇道1010-1056號東匯坊地庫77號舖
continue reading
今年3月第一次幫襯，發現食物很美味，新鮮，加上十分友善的職員 👩💼幫我們換鐵板，是一個十分舒適的餐廳，如果不喜歡吃牛肉，可以選擇豬肉、雞肉、還有牛舌和鰻魚的不錯選擇、若果你是個精於燒烤的人，一定能夠燒烤到美味的食物，一百個推介。
continue reading
依家坊間越嚟越多石燒牛，幫襯過幾間都覺得一般般同埋都係座位好迫，坐得唔舒服，仲要食得好趕，咁啱經過呢間，環境好似幾寬敞，座位舒服，未食過就打算去挑戰吓我地三個人坐咗張大嘅卡位，唔使驚唔夠位擺嘢食，同埋餐廳內無咩油煙，呢樣幾好，我地叫咗西冷同埋肉眼，兩樣都唔錯，有肉味同埋多汁，百幾蚊就食到，cp值好高，當然唔少得就係沙律任食，湯任飲，白飯任裝啦，呢幾樣就不過理不失啦另外要讚吓呢間餐廳嘅服務幾好，主動幫小朋友果份牛切片，，等小朋友容易食啲，唔使切得咁辛苦，值得一讚
continue reading