Video
3-min walk from Exit A1, Yau Ma Tei MTR Station
continue reading
Telephone
93906521
Opening Hours
Today
18:00 - 04:00
Mon - Sun
18:00 - 04:00
Above information is for reference only. Please check details with the restaurant.
今日出旺角行完街留意到呢間新開嘅港式串燒店，見唔係咁肚餓，就試一試佢嘅串燒。睇舖名＜80后串燒＞就feel到呢間串燒舖好有個性同活力，而佢嘅裝飾都好有滿滿嘅香港特色。串燒二人餐 （$238）鹽燒雞中翼 1串鹽燒厚切牛舌芯 1串燒豬頸肉 1串燒蜜糖腸 2串墨魚咀 1串燒白鱔 1串燒翠玉瓜 1串燒四季豆 1串飲品兩罐，揀左王老吉同可樂。雞中翼雞皮燒得香脆，咬落仲充滿肉汁，調味剛好，唔會過咸。厚切牛舌彈牙有爽脆口感，但同時亦滿有油脂感，表面燒得焦脆香口，配埋佢呢度自家辣粉，非常惹味。燒豬頸肉夠juicy，燒到邊邊位有啲香脆。燒蜜糖腸正常墨魚咀 1串幾易咬到，細細粒好易入口。燒白鱔魚皮燒到香脆，魚油爆滿整個口腔。燒豬仔脾 2隻燒豬仔脾燒完肉質唔會好乾，仲食到連埋少少脂肪嘅油脂感。燒薯仔片 2串個人推介嘅其中一款食物，經過燒烤嘅薯仔keep到表面香口但咬落濕潤，加左惹味辣粉令人食唔停口。燒饅頭 1串饅頭燒到表面酥脆，裡面keep到柔軟，配埋煉奶食一流。蜜糖司華力腸 原條司華力腸加埋甜甜蜜糖做燒烤，腸衣十分香脆，腸肉結實，口感豐富，層次分明。呢度啲串燒價錢真係幾平，食下串燒飲下其啤會係幾爽。
continue reading
適逢母親節, 想帶媽媽食好西, 但同時又想支持下本地小店, 於是就揀左呢間串燒店試下, 而且堂食滿200仲有9折添架~燒新鮮即開生蠔即燒生蠔新鮮肥美, 咬落去無腥味/海水味, 一上菜吱吱聲熱辣辣, 再放上蒜粒&辣椒, 尤其惹味~鹽燒日本油甘魚鮫油甘魚鮫啖啖肉, 肉質新鮮, 外皮燒得挺香脆~記得要蘸自家製醬汁+檸檬, 更有提鮮作用!燒八吋大虎蝦超級大隻, 吃下去彈牙新鮮, 蝦頭帶點蝦膏味, 味道帶少少甘甜~燒雞全翼表皮燒得金黃香脆! 肉質非常juicy! 絕對串燒店必點菜式!燒韭菜串韭菜翠綠, 口感爽脆! 前面食得肉~當然要食返D蔬菜中和一下燒皇牌茄子茄子超大條, 再放上大量蒜粒蔥粒辣椒, 茄子鮮味更加突出!墨魚咀串墨魚咀彈牙爽脆, 平時串燒店都好少可以點呢款菜式, 個人都比較喜歡的~原塊魷魚串原條魷魚好大塊, 而且肉質亦很彈牙, 好新鮮超好味~醇滑嘉士伯（大支裝）食串燒點可以唔配返支冰涼啤酒飲下, 因為有D可能太辣既話, 可以飲返杯啤酒降下溫解下辣~~!!
continue reading
小店座位不算好多位，繁忙時間可能要等位。欣賞佢每枱都有一個爐，食得慢，或者同朋友吹水吹耐咗，啲食物涷咗，隨時可以整熱返。串燒一定要夠熱辣辣先好吃。燒年糕串煙韌好吃，外脆內軟燒杏鮑菇串多汁的菇，而且切得夠厚身燒韭菜串惹味好吃，冇乜韭菜渣，不會好老鹽燒南非鮑魚爽口彈牙，多蒜蓉粒鋪喺上面調味，清理好晒啲內臟，食得方便，一啖放入口印尼撈麵大吃的朋友串燒都食不飽，可以叫個撈麵～錫紙金針菇好大份，建議有兩個人以上先好叫。好多金菇，有上湯浸住，不會乾巴巴。燒皇牌茄子果然招牌菜。好多茄子肉，原條上係最好食，肉質軟嫩，撒上不同調味粉、秘製醬汁後，更惹味過癮。餐廳做緊優惠，例如：今次食咗$200，下次帶翻呢張單再光顧，可以減$20，即係9折！
continue reading
⭐️燒雞中翼串燒最考功夫嘅往往係最簡單嘅食材！呢度嘅雞中翼絕對係必點，外皮燒到金黃脆口，裡面嘅肉汁瞬間爆發，肉質嫩滑得嚟唔會乾柴。鹽燒調味恰到好處，唔會過鹹，反而帶出雞肉嘅鮮甜。師傅嘅火候控制一流，骨頭邊嘅肉都燒到微微焦香，食到舔舔脷！ ⭐️鹽燒厚切牛舌芯串牛舌控注意！呢串厚切牛舌芯絕對係全場MVP！採用牛舌最軟嫩嘅中心部位，厚切處理令口感更加豐腴，咬落去彈牙得嚟帶微微嚼勁，完全唔會韌。鹽燒簡單調味已經足夠突出牛舌嘅濃郁肉香，表面微焦，內裡保持粉嫩，每一啖都係享受。 ⭐️燒豬頸肉串豬頸肉（松板肉）本身油脂分布均勻，燒過後嘅油香更加突出！呢度嘅豬頸肉串燒到外層微微焦脆，內裡保持juicy，咬落去爽口彈牙，帶少少蜜糖甜味同炭香，完全唔覺膩。怕肥嘅朋友可能會卻步，但試過一口就會明白點解咁多人推薦！ ⭐️燒蜜糖腸串——懷舊風味，甜香爆汁細個喺街邊食嘅蜜糖腸，呢度竟然可以升級到咁高質！腸衣燒到脆卜卜，裡面肉汁混合蜜糖嘅甜香，味道懷舊得嚟又夠精緻。蜜糖唔會過甜，反而同腸仔嘅鹹味平衡得剛剛好，絕對係童年回憶嘅完美復刻！ ⭐️燒墨魚咀串——鮮味彈牙，驚喜之選墨魚咀唔係度度有得食，呢度嘅墨魚咀燒得恰到好處，外層微焦，內裡保持彈牙口感，咬落去鮮味十足，帶少少海水鹹香。加上微微嘅椒鹽調味，更加突出墨魚嘅鮮甜，海鮮愛好者必試！ ⭐️燒白鱔（微辣）——皮脆肉嫩，極致鮮美白鱔係串燒界嘅高難度食材，呢度嘅白鱔燒到外皮酥脆，魚肉依然嫩滑多汁，微辣調味更加帶出鱔魚嘅鮮味。最驚喜係完全無骨，啖啖肉之餘，魚油香氣喺口腔久久不散，絕對係全場最奢華嘅一串！ ⭐️燒四季豆串——清新解膩，蔬菜之選食咁多肉，當然要點返串蔬菜平衡下！四季豆燒到剛剛好，保持爽脆口感，表面撒上少少蒜蓉同辣椒粉，簡單但惹味，仲可以解膩！⭐️燒杏鮑菇串杏鮑菇燒過後依然保持超多汁，咬落去有種食緊肉嘅錯覺！表面燒到微焦，帶少少炭香，菇嘅鮮甜味完全被逼出嚟，加少少鹽調味已經足夠，素食朋友一定會愛上！ ⭐️鹽燒挪威三文魚腩三文魚腩本身油脂豐富，燒過後魚油香更加濃郁！呢度嘅三文魚腩燒到外皮香脆，內裡近乎入口即化，鹽燒調味簡單但突出魚嘅鮮味，食完兩條都嫌唔夠喉！ ⭐️燒虎皮尖椒串虎皮尖椒燒到外皮微微起皺，辣度適中，咬落去爽口帶少少焦香，辣味慢慢滲出，刺激味蕾之餘又唔會搶喉，係串燒中嘅完美收尾！
continue reading
今日放工約咗朋友去喝啤酒吃串燒輕鬆一吓！ 近日有最新推介去旺角一間好味滿分的串燒店！80后串燒位於砵蘭街109-113號地舖。 油麻地站A出口下車行過來，都很方便！ 室內的裝修簡潔，好有日式居酒屋的感覺！ 牆上貼滿了打工仔的心聲，真是會心微笑！每枱設有一個烤爐和鐵架，方便擺放燒熟食物，十分貼心的！ 串燒種類很多，有牛、豬、羊、雞、海鮮、蔬菜等等和多款特色小食！🐮燒厚切安格斯牛仔骨牛的味道濃，安格斯牛的脂肪分佈均勻，燒烤後能釋放出濃郁的牛肉香氣，帶有天然的鮮甜味。 厚切牛仔骨的脂肪在高溫下融化，滲入肉質，帶來濃郁的油香，內裏能保持多汁嫩滑。 骨肉之間有咬口，十分有鮮甜味！🐮燒牛柳粒、 鹽燒厚切牛舌炭燒的牛柳粒外焦內嫩， 肉很優質，脂肪少但纖維細，內裡柔嫩多汁，非常好味！ 牛舌厚切好有口感，咬下去鮮甜美味又多汁！ 鹽燒更能突出牛舌的獨特風味，超正！🐷燒五花肉、燒豬頸肉五花肉簿切燒得很乾身，焦脆可口，油脂豐富，入口甘香！ 豬頸肉燒得很焦香，但有肉汁，鮮味有咬口！🐔燒雞全翼、鹽燒雞中翼燒烤的雞全翼很香脆但不會太乾，味道濃郁又很惹味！鹽燒的雞中翼係另一個味道，能吃出雞的鮮味，燒得焦脆美味！🦑燒原塊魷魚原隻大魷魚，十分新鮮和大隻！ 燒烤得剛熟夠乾身，鮮味又多汁，非常好吃的！🍺青島啤酒來支大青島來吃燒烤就最適合，真是個絕配！這間串燒小店，食物做得用心，價錢唔貴；是很適合一大班朋友喝酒消閒的好去處！
continue reading