616牛肉火鍋專門店 (Times Tower)

Open Now

Now Closed

🌸. 食過返尋味信州和牛*𖥧𓇣 ﹊﹊﹊﹊﹊﹊﹊﹊﹊ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧之前去616試過最新推出信和牛真係好正😍今日放工秒衝咗去銅鑼灣再食過😍！佢哋嘅信州和牛係由616團隊喺日本長野縣直接採購嚟到香港。我試咗佢哋嘅信州特選和牛盛，其中有信州和牛肩胛同埋腹肉。我已經流口水啦！肉質好厚實，好軟嫩，油花又好細緻，分佈又好均勻。你食落去唔會感覺膩，反而仲會散發出獨特極致濃郁嘅和牛味香氣！真係叫人食完之後口齒留香！鍾意牛肉嘅你，餐廳仲有其他款式嘅牛肉可以選擇，例如清尾龍肉、牛駝峰、胸口膀同埋雙層肉。每一款都好好味，肉質嫩滑，真係食落去都大讚！餐廳嘅稻庭烏冬亦好正。湯底好濃郁，索哂啲湯令人食完之後都想再要一碗！餐廳人氣好高，好多分店，真係值得一去！如果你係肉食愛好者，一定要嚟試下呢間餐廳嘅信州和牛啦！𓆸 ॱଳॱ ⸜ ̠ꌇི͚̠⸝ 𓌉◯𓇋 ‎⸝⸝⸝ 𓎩 ⸝⸝ 𓌈˒˒* ⸜ ̠ꌈྀ͚̠⸝༶•┈┈┈┈୨♡୧┈┈┈┈•༶˒˒✩⃝̣⃝̣⃝̣⃝̣⃝̣⃝ͯ⃝ 616牛肉火鍋專門店 ≋ ≋ 銅鑼灣謝斐道新時代中心地下C號舖₊˚· ७── ⁼³₌₃

講到牛肉火鍋，好多朋友第一時間都係會選擇616🤪佢分店夠多，而且價錢都係好多人可接受嘅範圍之內，難怪越嚟越受歡迎👏睇返餐廳社交平台專頁介紹，原來616近期喺長野縣信州和牛牧場採購咗一批牛肉，最近喺各大分店都食到信州牛😸特選和牛盛 (信州和牛肩胛 信州和牛腹肉 信州和牛赤身)三款信州牛，分別係牛肩胛、牛腹肉、赤身😍肉質相當肥美，牛脂味充足😋油脂花紋，分佈得幾咁靚🤩🤩金花趾牛肉之中好罕有嘅部位，而且價錢唔平😝平時屋企打邊爐唔捨得買嚟食，呢度叫一碟淺嚐就啱晒🥳滑尾龍尾龍嘅脂肪位比較少，但相對嚟講牛肉味就好濃郁😄面頭仲有隻生蛋，俾大家淥牛肉之前去搞勻佢！食之前搞勻隻蛋，入口質感更加滑嫩😬牛肉盛宴，好豐盛啊！除咗咁多樣牛肉，仲點咗皇帝菜、炸魚皮😀鮮製手打烏冬，選用日本進口麵粉，入口有嚼勁，係我鍾意嘅粉麵口感😁烏梅汁、菊花桂圓露飲品方面就有呢兩款，提供到汽水、啤酒以外嘅選擇👍

平時都會lunch過嚟食一人火鍋貪佢吾洗等位又好食今日忍唔住試吓佢其他嘢叫左個$48 水煮牛肉麵佢送支飲品價錢來講 係好吸引味道其實好好麻辣味夠但係唔會太辣 太辣我都頂唔順豆腐入哂味但係唯獨係份量吾夠比較少如果女仔勉強可以男仔食呢個份量一定吾夠可以多D份量就好la🥹

呢間火鍋店,專賣牛肉,不耐就會同老公嚟撐枱腳,佢有唔同部位嘅牛肉,大家嘅口味而去選擇☺️而家佢仲有一個set係買三送一(不過係指定款式,唔可以更換的)我覺得呢個set好抵食,我嗌咗呢個set,然後openrice宵夜時間book位又送一個部位嘅牛肉😁😁好著數,湯底我叫咗必食嘅牛雜煲,因為我覺得好抵食,幾十蚊個牛雜煲去邊度搵ㄚ!普通冇揸嗰啲湯底,都要呢個價錢啦!另外嗌咗個麻辣牛肉餃同埋皇帝菜,啤酒同埋涼茶🤗食飽飽,捧住個肚返屋企

新年勁難訂枱,難得616有位可以打邊爐! 呢間舖主打係牛,當然要叫唔同部位試下，每款牛肉都好新鮮，好好味，同冰鮮牛肉冇得比! 仲叫咗蝦滑，好爽滑! 仲有少量海鮮可以選擇，不過616主打牛肉，我哋都係食牛為主!菜的種類也很多，水蓮，油麥菜，粟米，金菇，生菜，娃娃菜等都可以order，打邊爐都要食返啲菜平衡下營養。湯底都用咗大量牛骨煮，仲加埋蘿蔔，味道好濃郁。我哋仲叫咗酸菜湯底，鐘意食辣既朋友都可以試下，好適合咁凍既天氣打邊爐，食完暖笠笠!

大概有一年多沒有光顧此店，計畫於銅鑼灣吃火鍋，不然會想起幾家，其中的就是616。如以往一樣，點了鴛鴦鍋，酸辣和牛骨兩味，這次感覺酸辣的味道變了， 更靠近泰國式的烹調，新舊湯底各有千秋，只是沒有預期的老味道。牛肉當然仍是此店的主打，這次嘗了很多不同部位的牛肉，還是喜歡吊龍半，極罕牛爪，牛就可以省略了。另外，牛丸也不錯，夠彈牙。每碟份量不大，價錢也實惠，最適合二人同行又想吃多樣款式。現在用OpenRice訂枱，晚上8:30後入座又牛肉贈送。2人光顧，無加一，合共HK427。

今日lunch去616食午市套餐之前以為616只有打邊爐 原來仲有午市套餐叫左個水煮牛肉麵🍜 份量女仔黎講岩岩好 男仔應該唔太夠食 包野飲都係$48 叫左玫瑰洛神花茶 酸酸地幾開胃🥤見到隔離枱全部都係打邊爐 望到個餐牌好似$7x一個 搵次晏就嚟試下個一人火鍋先🍲 係附近返工🧳嘅話呢間都係一個唔錯嘅選擇🌟

一句話總結：無第二次🔴菜單有問題：［特別推介］里全部都係咩加拿大🇨🇦美國🇺🇸牛肉，點左唔好食先恍然驚覺其實我地應該點本地新鮮牛肉打邊爐先會好食.. ［套餐］里面的除左一個係新鮮牛肉其他都係「進口」即係冰凍伏中大伏我唔知道你地一間專門做牛肉邊爐的店點解會犯訥d低級錯誤我地一行幾個人無一個個覺得牛肉好食。🔴服務態度一般：迎門的女服務員真系態度好麻麻。🔴除了牛肉好差 其他都無問題：菜、湯底、牛雜，調料✅除左牛肉唔好食之外其他都好正🔴分析：去果日係星期六日飯點walk in里面都只係得兩三張檯有人可能食物流通速度慢 肉類唔新鮮牛肉是招牌也是靈魂無下次。

616 一向都主打高質牛肉不同嘅部位都可以食到佢哋嘅滑龍尾係我最鍾意食嘅上枱嘅時候有一隻新鮮嘅雞蛋喺上面雞蛋汁可以令到牛肉更加加香滑未食過嘅朋友記得一試依家616新出左一個特惠牛肉組合一共有四款牛肉澳洲五花趾安格斯橫隔肌匙柄牛駝峰其中牛駝峰嘅脂肪比例比較多係我鍾意食嘅餐廳嘅裝修非常之有特色餐紙上仲會印埋俾你睇每一款牛要淥幾多秒另外亦有不同部位嘅配搭食法例如用啲乜嘅醬汁最適合食用特別嘅部位真係非常貼心我今個星期已經第二次食616近排天氣轉涼 食火鍋就真係最適合

今日中午#中產窮L 因為出job 關係去左銅鑼灣至灣仔附近，係謝菲道搵到一間616火煱，見到有一人火煱78蚊午餐(免加1)就去試下。 616晚市就試過，是按碟收費，較適合人多去食，但午市除左有一人火煱外，仲有午市客飯仲包埋飲品，價錢都係40至80蚊上下，大家路過不妨試下。 味道方面，火煱醬料都是自助任拎，牛肉份量就較少得幾塊，可能因為質素高食材貴吧。至於其他配菜都幾充足，有2個蛋餃最好味，仲有1粒帆立貝，同2粒牛丸，食到最後，再加埋半份烏東落湯底，索哂D汁，非常惹味。 #616牛肉火煱專門店 #中產窮L

作為牛魔王，普通安格斯、和牛等都已經滿足唔到我🙈今次要食埋本地手切靚牛，最重要既係，呢度有好多平時一般火鍋店食唔既牛肉部位，最岩我呢d食肉獸🤤湯底揀左牛骨清湯，唔會太濃味蓋過牛肉鮮味，湯底除左有大大舊牛骨外，仲有幾舊牛腩，滾完湯好冧可以食埋😋牛肉我地揀d平時少食到既部位黎叫，牛坑爪、牛駝峰、五花趾、脖仁、牛胸爽等✨好可惜想食既吊龍伴缺貨，不過肉類黎講牛坑爪都好好味，有肉味得黎又有牛脂香🤤鍾意牛油味重既一定唔可以錯過牛胸爽，簡直係我既至愛😍除左牛肉，手打牛丸同爽脆魚皮小食都唔差～每碟牛貌似細細碟咁，但好岩樣樣都想試下既人，食牛食到飽晒人均都只係二百幾，性價比幾高👍👍

呢一間主打超抵食一人一鍋牛肉嘅火鍋店🍲佢地嘅牛肉真係好特別🐮不過最推介都係最Common嘅封門牛柳😎肉味真係好濃郁 食落口感又嫩滑✨配料都相當之豐富有：蜂巢豆腐，蛋餃，牛丸，金菇，娃娃菜等等 真係好抵食

火鍋就食得多🍲但係想食得刁鑽少少 可以嚟試下呢間616火鍋😎呢到嘅牛肉同平時火鍋店嘅唔同 提供好多唔同嘅部位😆真係聽個名都唔會知係乜😂不過最鍾意都係食封門柳 牛味濃又夠嫩滑💕貪新鮮可以試下唔同部位 各有特色😌

一打開menu，已經見到有好多唔同嘅牛嘅部位可以點，我哋就決定樣樣都叫嚟食下啦。牛肉一上枱已經見到好新鮮，擺落滾水淥幾下就食得，入口非常軟淰，牛味好出，同啲平價冰鮮牛完全唔同級數，而且價錢都係可接受範圍內。

牛肉質素OK，不過份量非常少，只得4片，仲要薄切+細塊。.配菜方面，牛丸、蛋餃好食。分量同樣少。.牛油麻辣湯底唔正宗，味道一般，不推薦。.總括而言，$78雖平，但分量都cut到好細，女仔都唔夠食。除非好細食，唔好食616，會食唔飽。