24-35 Fusion Fast Food

Open Now

Now Closed

Lunch得返半個鐘趕住食，難得附近搵到呢間小店，唔洗排隊，雖然店面唔大，都算坐得舒服除左南亞裔人會幫襯，都有唔少本地人，店員都識講中文，menu中英對照最重要係野食好快就到，3-4個字就食完個蒸餃都幾好食可能我唔識欣賞個Masala Tea,都係港式奶茶適合我多啲整體唔錯，會再幫襯

忽然又想食印度野😋灣仔銅鑼灣區唔多呢種菜式，不過OpenRice一search就搵到呢間位置偏僻啲，舖頭比較細，平日唔係路過都應該唔知佢嘅存在🙁Menu選擇超級多😍有白飯set ／手抓飯set ／烤麥餅set，每個都有唔同肉類揀，雞牛豬羊都有另外仲有多款不同製作方法嘅尼泊爾餃子Momo🥟當然仲有啲散叫嘅烤肉，又係選擇困難症發作嘅時候▶️ 豆湯Daal soup先來個黃色嘅湯💛，唔好俾佢個顏色嚇親，係天然嘅顏色，來自香料飲落味道偏清同水，唔似一般西餐creamy湯係啲豆同薯仔搞溶整出嚟嘅，有薯仔沙沙地嘅口感，加豆嘅味道，變相營造到佢好似杰身咁🥔個人覺得幾特別，一路食濃味嘅咖喱，間中飲番啖湯，咁就可以「調整」返自己嘅味覺▶️ 雞肉烤麥餅套餐Chicken roti set ($70)成個set好靚仔，鐵盤分為四格最大格放咗三大片接起左嘅印度烤餅🫓另外三格就分別放上紫洋蔥同醃咗辣醬嘅蘿蔔同青豆🧅咖喱雞肉🐔紅腰豆瑪沙拉🫘印度烤餅非常簿身，但搣起上嚟分成兩層，味道上似潮州薄餅，只係多咗好多小麥粉(唔知點解同之前起正宗印度餐廳食嘅味道唔同😅)不過我覺得呢個都好食，起碼薄餅夠軟身，捲住啲咖喱雞同紅腰豆食

成日以為銅鑼灣嚟嚟去去都係得個貴同包裝，再唔係喺街市啲平民飯兩餸飯，因為住喺附近已經唔知食咩好嘅時候。今日忽發奇想網上搜尋發現一間尼泊爾餐廳喺附近，由鵝頸街市行三分鐘左右，望咗餐牌好耐終於買咗佢個Pani Puri 同Roti chicken set 😍😍😍😍返到屋企全部試曬第一啖覺得好正，立即分享。呢間餐廳個感覺好平民好正宗，希望銅鑼灣灣仔有多啲平民又特色又好食嘅餐廳仔啦。 之前喺佐敦jungle食過類似Pani puri嘅餸回味無窮，今次再食呢間都好正。💛💛💛

24-35 Fusion Fast Food is a place I pass by regularly but not really sure if  I should go in or not. It serves Nepalese food. Something I've not had a lot of experience with but I do love their momos. So, one afternoon, I told boyfriend about this place and we went to give it a try. And I'm glad we did. The minute we entered, the staff was so friendly. Eager to tell us what was what. Patient with our many questions. Menu is in English and Chinese. There is no 10% service charge and you pay on yo

一直以嚟都好鍾意印度菜，但除咗kebab同Naan都冇咩試過其他嘢，呢間餐廳叫Fusion Fast Food，但其實一啲都唔fast🤣有唔少印度人坐喺入面食飯吹水，睇嚟都幾正宗、有好多捧場客😎Pani puri ($40) 應該係好多香港人認識嘅印度小食，但聽講啲薄荷水好難飲，所以成日都唔敢試，今次就決定搏一鋪😂第一啖唔加汁就咁食係非常好味，個波波好似粟米脆餅，入邊就有薯仔沙律，成件事好清新好開胃😋然後我哋試下加枱上面嘅綠色汁，唔….都係就咁食比較好😌第二樣就係我最期待嘅Momo ($45)，睇落同普通餃子冇咩分別，但感覺上層皮更薄更軟熟🤩的確一咬就斷，唔知呢個係傳統定點，啲餡比較少、唔夠飽滿，皮入面包咗好多空氣😗不過內餡嘅味道好正，雞肉肉質唔乾、仲有啲似豬肉帶少少肥嘅質感，加埋中間嘅辣醬就更惹味，二啖一隻好快就食曬😆最後就係”印度兩餸飯”，主要係揀中間嘅肉類，側邊兩款係送嘅小菜，我哋叫咗比較特別嘅水牛肉乾配手抓飯($70)，隔離綠色嘅係香料雜草🤓食落同平時嘅牛肉乾真係冇分別😂不過會易咬啲同埋重肉味啲，可惜雜菜用嘅某種香料我麻麻地，因為有啲似芫茜💩白飯嘅香料味都同平時咖喱嗰啲唔同，單

一早去越南領事館辦簽証，點知上午冇開， 唯有下午再去，經過此店見到店名好得意，再望下餐牌d價錢和食物照片，由於不是經常過來，所以咪試下囉。 我叫左一份$60雞肉炒飯 Chicken Biryani 和一隻咖哩角(好似$IO)外賣，等左一陣就有。Chicken Biryani 好重香料味的長尖米炒飯，見到有乾月桂葉，雞有點乾但都算好味，薯仔粒好香好入味，唯一可以改善係盒底油左少少。p.s.回家吃，自己煎左隻蛋就perfect!! Samosa 裏面滿滿的薯仔青豆餡料，回家隔左2小時先食都仲係酥脆和香口， 真係好味過北角米之蓮印度餐廳喎! 仲有包秘製辣汁附送添。

一間尼泊爾同東南亞風味嘅餐廳，好少見本地人去食，由坐低嗰一刻，陸續堂食同外賣都係南亞人士試過之後覺得幾特別，香港人都接受到嘅口味，雖然位於灣仔，但價錢唔貴，想試新嘢值得一試

小店鋪面好細，只有兩張四人枱同一張二人枱，但好乾淨而且坐得唔迫，落單後好快上菜。跟套餐嘅湯含有極高含量嘅豆同薯仔，雖然細細碗但都好飽肚。醃過嘅蔬菜好濃香料味，味道好辣，仲要再伴生洋蔥咖哩羊肉帶羊羶味，有筋有肉有辣味，同咖哩汁一齊煮過更加入味，跟餐配麥包比較薄身，無平時嘅naan咁油，每個餐有三大塊，點咖哩或者煮過嘅紅腰豆都好好食，份量好夠咖哩雞係完全唔同咖哩底，咖哩落咗蕃茄去煮，相對比較甜，但越食越辣，好開胃。套餐唔連飲品，額外叫咗印度奶茶，應該因應香港人口味下調咗甜度，但荳蔻味仍然好出，另叫都值得一試。

其實今次已經係我第三次幫襯，話說我三年前去過尼泊爾旅遊，當地的咖哩羊飯是我最鍾意的，不過返到香港真係好難食得番！有一日想食咖哩羊，第一時間就諗起清真惠記，可惜去到才發現惠記當日唔開門，所以便萬無目的地向灣仔方向遊蕩！無意無意被我發現它！這間店很小，得十個位！但做出嚟嘅咖哩羊飯同尼泊爾食到嘅有98%相似，咖哩夠香，羊肉又剛剛好，配菜又同尼泊爾的差不多，連碗湯都接接一樣，所以大家有興趣食地道尼泊爾菜，真係要到這間店試吓！

行咗成日，腳軟路過此店，見門口張貼餐牌，大大碟餃子都係三四十蚊，就入去食吓休息吓！問店員(唔知係唔係尼泊爾人)素菜餃子辣唔辣，佢話少少辣，佢地少少辣可能已攞我命，於是轉了佢話唔辣的芝麻汁雞肉餃子$35，以為好似火鍋嗰啲麻醬，點知係橙色味道似余均益嗰類辣椒醬，對於我來講辣咗啲啲，似有似無芝麻味，餃子正常，咁嘅價錢收貨啦！南亞式奶茶$10，茶味不算濃，有啲甜，可能食咗辣嘢，飲杯甜奶茶好舒服，加上有股香草味令人更鬆馳下次同老婆來試印度煎餅。