Video
3-min walk from Exit D4, Causeway Bay MTR Station
continue reading
Telephone
21111707
Introduction
The interior design is inspired by the famous mountain climbing resort Hakuba and has an outdoor area. You can explore the Apres Ski Izakaya atmosphere which local residents and adventure seekers love here.
continue reading
Opening Hours
Today
17:30 - 02:00
Mon - Sun
17:30 - 02:00
Public Holiday Eve
17:30 - 03:00
Above information is for reference only. Please check details with the restaurant.
About Reward Scheme
最近試咗間主打和食串燒同特色雞尾酒嘅Lounge Hakuba，個環境好有日本酒吧嘅feel，啱晒同朋友慢慢傾偈歎嘢食！佢仲有一個骰仔盒可以幫你決定飲咩，成件事幾得意雞尾酒方面，Karakusa Luck帶有清新嘅青瓜同生薑香，加埋herbs嘅香氣，好開胃！Maple Hunter就甜香撲鼻，楓糖漿同威士忌嘅配搭令到成杯cocktail好有層次感，啱晒鍾意甜嘢嘅朋友。前菜三重奏超吸引！芥辣八爪魚爽彈有嚼勁，芥辣香辣開胃。炙燒北海道帆立貝肉質鮮甜，表面燒到微微焦香。炙燒三文魚油香十足，肉質軟滑，同埋個秘製醬汁好配襯。料理方面，唐揚炸豆腐外脆內軟，蘸埋特製醬汁好惹味。甜甜辣辣炸雞crispy爆，肉質juicy，醬汁香辣開胃。蜜糖柚子雞翼外皮酥脆，醬汁甜中帶酸，好開胃！太卷系列都好出色，壽喜燒牛肉卷香濃多汁，牛油果忌廉芝士卷清新滑溜。串燒款款都有特色，紫蘇雞腿肉香草清新，明太子山藥香濃滑溜，金菇肥牛卷汁多味美，溏心蛋豚肉卷蛋黃流心配搭豬肉超正！壽喜燒牛脊肉炒烏冬做到香口彈牙，牛肉嫩滑，醬汁香濃。最後嘅烏龍茶牛奶布甸滑嫩香甜，茶香同奶香完美融合，收結一餐。整體嚟講，Lounge Hakuba嘅出品質素好高，創意十足，最啱同知己慢慢歎
continue reading
之前有日工作經過銅鑼灣世貿旁邊既535發現大堂的一角有間好特別既酒吧餐廳店內裝潢看似簡約又頗格調有梳化位 又有皮椅位 坐得好舒服重點係樓底好高 座位間距寬敞而且設有戶外區 適合拍拖或者朋友相聚適逄我地去當晚 港隊有足球賽事餐廳更加有落地大投影幕直播 頗有氣氛而且佢地既二人前套餐只要$650就可以食勻12道菜又真係抵 真係值得再去 //Cocktail//好有印象我望住drink menu Cocktail有好多選擇但餐廳好有儀式感可以擲骰由個天幫你安排邊一杯岩晒我呢D選擇困難症 //Sakura Blessing//第一杯賣相吸睛入口帶柔和花香微酸清爽 容易入口 //Morning Dew//第二杯就是用白蘭樹下Gin做base加埋檸檬汁、紫蘇葉Liqueur同Tonic製成酸酸地都好易入口 //前菜（3款）//芥辣八爪魚：八爪魚煙煙韌韌 沾滿wasabi醬少少攻鼻 少少刺激食落又好過癮炙燒北海道帆立貝：輕輕用火槍燒過令表面焦香帆立貝好鮮甜加上了檸檬汁令甜味更突出好開胃 炙燒三文魚：個人黎講幾分鐘呢個半生熟 入口即溶既口感三文魚肥美 魚油勁香 //串燒（4款）//溏心蛋豚肉卷：呢個出色! 豚肉包住流心蛋黃時間控制得非常之好而做到好好味既溏心效果剛好中和左豚肉既油膩感紫蘇雞腿肉：用咗孜然同柚子調味再用上紫蘇葉去中和番 配搭相當恰當雞腿肉肉質嫩滑 食落好感幾豐富明太子山藥：山藥爽脆 配上了明太子醬既鹹香味道夾得剛好金菇肥牛卷：肥牛多汁 金菇份量足用醬燒方式 醬汁惹味 //逸品料理(2款) //唐揚炸豆腐：豆腐外脆內軟 好鬆脆又多汁 甜甜辣辣炸雞：估唔到份量甘多 又幾抵食外層炸得香脆 炸漿唔會太厚肉質仍然嫩滑多汁 醬汁甜而不辣加上蒜味幾出又幾似韓式炸雞 //太卷//壽喜燒牛肉：牛肉配上酸瓜呢個組合 做飯卷夠經典個牛肉加上了壽喜燒汁做base更香甜牛油果忌廉芝士：忌廉芝士本身好creamy既口感加上了牛油果都係creamy牛油果卻可以增加多一層清新既味覺 //主食: 鰻魚炒飯//本身去到呢個位其實已經飽左但個炒飯又相當吸引呢個炒飯口感我幾鍾意簡簡單單用蛋、蔥花同珍珠米炒成濃郁既鰻魚汁令整體口感好似食緊燉飯甘 好入味 鰻魚好大份 //甜品//烏龍茶牛奶布甸：茶味好出 布甸口感好滑入口一點又不甜連埋個雲呢拿雪糕食會更加涼快
continue reading
想搵銅鑼灣區一間坐得舒服嘅居酒屋，呢間餐廳值得一試。店內裝潢以日本白馬滑雪勝地為主題，簡約得嚟有格調。樓底好高，座位間距寬敞，坐得舒適。他們的二人前套餐只要$650就可以食勻11道菜。前菜（3款）芥辣八爪魚：八爪魚爽口，沾滿wasabi醬味夠嗆但唔會太攻鼻。炙燒北海道帆立貝：表面焦香，加片檸檬提鮮，甜味突出。炙燒三文魚：半生熟口感肥美，魚油香濃，入口即溶。串燒（4款）溏心蛋豚肉卷：豚肉燒得香口，包住流心蛋黃一齊食，甜鹹平衡好滋味。紫蘇雞腿肉：調味有孜然同柚子香，肉質嫩滑。明太子山藥：山藥爽脆，配鹹香明太子醬，味道夾得剛好。金菇肥牛卷：肥牛外脆內多汁，金菇份量足，醬汁惹味。逸品料理（2款）唐揚炸豆腐：豆腐外脆內軟，吸滿湯汁，口感滑溜。甜甜辣辣炸雞：醬汁似韓式甜辣風，雞皮炸得香脆，食落唔會太油膩。太卷壽喜燒牛肉：牛肉入味又多肉汁，配酸蘿蔔解膩，勁正。牛油果忌廉芝士：芝士濃滑，牛油果增加creamy口感，味道偏濃厚。主食（2選1）壽喜燒牛肉烏冬：湯汁甜度適中，烏冬吸味，牛肉軟嫩，加溫泉蛋更滑溜。甜品烏龍茶牛奶布甸：茶味清香，布甸滑順，甜度輕盈，雪糕仲好好食添。飲品方面，一定要試試他們的特色Cocktail，有選擇困難症的朋友仲可以擲骰仔方式決定，有得玩又有得飲。Shiitake Oldfashion-松 $138以威士忌為基底，入口竟帶淡淡菇菌香氣，獨特驚喜，值得一試。Sakura Blessing-櫻 $128少女心爆棚的粉紅系打卡酒款！以Daiyame燒酒與Roku琴酒為底，加入櫻花利口酒，酸甜清爽。
continue reading
環境5分：酒吧餐廳就响世貿隔離，地點非常方便。餐廳地方唔算特別大，但係個樓面勁高，有梳化位有皮凳位，兩樣都好舒服，播D歌好輕鬆，格調好好，可以畀五分。衛生5分：梳化位同散枱都非常整齊，枱面同餐具好乾淨企理，衛生一樣畀五分。服務5分：侍應生好好心機介紹佢地主打嘅雞尾酒，落單後即畀左大大樽水，備菜上菜都咁快，效率好高，滿分。味道5分：1) 第一杯Smoky Ume “梅” 雞尾酒個威士忌味好出，酒量足，而且甜度啱啱好。2) 第二杯Wachini “山” 雞尾酒（$138）非常美麗嘅裝飾擺設，杯酒有紫蘇葉嘅味道，旁邊有青瓜同紫菜，紫菜有wasabi味道，好醒神，非常特別。3) 叫左個十一品嘅二人前套餐，包左前菜，串燒，逸品料理，太卷，主食同甜品。a) 前菜拼盤有三樣野。芥辣八爪魚煙煙韌韌。炙燒北海道帆立貝好鮮甜，配埋Ｄ檸檬汁落去好開胃。炙燒三文魚都幾厚肉，燒完都唔乾身。b) 串燒拼盤有溏心蛋豚肉卷，紫蘇雞腿肉，明太子山藥，金菇肥牛卷。個溏心蛋非常成功，蛋黃流曬出嚟，瞵豚肉包住好有層次又有肉味。紫蘇雞腿肉啖啖肉冇骨，一串有兩大舊。明太子山藥好爽脆，上面D明太子又唔係好鹹，仲有燒左嘅芝士，三樣嘢加埋好夾。金菇肥牛卷中間D金菇非常大抽，D肥牛又唔韌。c) 逸品料理包左個好鬆又多汁嘅唐揚炸豆腐。d) 逸品料理另外揀左個蜜糖柚子雞翼，細細條又香又脆卜卜，送酒好鬼正。e) 太卷有兩款壽喜燒牛肉卷同牛油果芝士卷，每樣有四小舊，個牛肉好香甜，個牛油果芝士卷芝士忌廉非常多，差唔多佔三分之一，好潤好特別。f) 主食揀左壽喜燒牛肉烏冬，Ｄ牛肉好爽好juicy，烏冬好粗好滑份量多。g) 甜品揀左烏龍茶牛奶布甸，個牛奶布甸本身好柔軟，仲一D都唔甜，個烏龍茶味好輕，連埋個雲呢拿雪糕食會更加香滑涼快，有生果食好健康。抵食5分：每人四百幾蚊邊飲邊食個咁豐富嘅二人套餐，有好歌聽特別享受，抵食滿足。
continue reading
一踏入銅鑼灣536 Tower，真係好似搭𨋢嗰下已經穿越咗去第二個世界咁！個升降機大堂竟然可以間開一個咁嘅空間，完全係別有洞天，設計得幾有格調！今次試咗佢哋個二人前套餐，$650可以食勻十一道菜，聽落都幾抵。1️⃣前菜三點盛，極致滋味打響頭炮：芥辣八爪魚：啲Wasabi勁嗆口，攻鼻得嚟又好刺激，八爪魚口感幾爽脆，食落真係好過癮。炙燒北海道帆立貝：帆立貝表面輕輕用火槍燒過，帶點焦香，夾埋片檸檬，鮮甜味即刻出晒嚟。炙燒三文魚：半生熟嘅狀態啱啱好，口感超肥美，三文魚油嘅香味濃到化唔開，真係有入口即溶嘅感覺。2️⃣跟住係四款串燒，各有特色：溏心蛋豚肉卷：呢個一定要讚！個溏心蛋嘅「溏心」效果拿捏得非常之好，流心效果一流，蛋黃嘅香滑正好中和咗燒豚肉嘅油膩感，兩樣嘢加埋原來咁夾，👍🏻！紫蘇雞腿肉：用咗孜然、柚子同紫蘇葉去調味，個味道層次幾豐富。不過可能燒得比較耐咗少少，肉質食落有啲偏乾身。明太子山藥：山藥本身口感幾爽脆，配埋鹹香濃郁嘅明太子醬，味道出奇地平衡，唔會太寡又唔會太膩。金菇肥牛卷：經典嘢，用咗醬燒方式，外層嘅肥牛燒到有少少脆口；入面嘅金菇份量十足，成卷咬落口感好紮實。3️⃣食完串燒，就到逸品料理：唐揚炸豆腐：睇個樣平平無奇，但食落先知有料到！呢度啲炸物個脆皮真係做得幾出色，外脆內軟，舊豆腐滑到超級誇張😆，爭啲用筷子都夾唔起。簡簡單單點啲醬汁，已經令人好有記憶點。甜甜辣辣炸雞：我哋揀咗呢款，份量有成八嚿，感覺幾抵食😝！最欣賞係佢個炸漿做得好輕巧又脆身，唔會太厚；面頭嘅醬汁唔會過多，恰到好處，食落有陣陣蒜香，甜味之中慢慢滲出辣勁，呢個幾推介~4️⃣然後係兩款太卷：壽喜燒牛肉：牛肉配酸瓜呢個組合，基本上係不敗之作。值得欣賞嘅係佢哋啲牛肉都幾有質素，食得出濃郁嘅牛味。牛油果忌廉芝士：嘩！呢個真係不得了！一啖咬落去，成嚿Cream Cheese嘅濃滑感即刻爆發出嚟，超級Rich！正當你以為會好膩嘅時候，牛油果醬嗰種清新嘅質感就慢慢湧現，加埋爽脆嘅青瓜，嗰種層次感嘅轉換...… 🥹🥹🥹 大推！一定要試！5️⃣主食（2選1）：鰻魚炒飯：個炒飯底我幾鍾意，簡簡單單用蛋、蔥花同珍珠米炒成，飯粒分明，再配上味道濃郁嘅鰻魚汁。最欣賞係啲鰻魚俾得幾大塊，而且好完整，睇得出唔係用啲碎濕濕嘅鰻魚，呢份用心值得嘉許。6️⃣最後係甜品：吉士鯛魚燒：呢個要另外加$38，作為甜品收尾都唔錯。7️⃣飲品方面，佢哋啲Cocktail都幾有特色，我哋揀咗兩杯：松：呢杯係Whisky底，飲落竟然有淡淡嘅菇菌香氣，幾特別。山：呢杯個賣相真係無得輸，成個盆景咁，打卡一流！味道方面以紫蘇味為主，加埋青檸汁，幾清新。總括嚟講，呢餐真係食得好豐富，由環境到食物都充滿特色同驚喜，絕對值得一試！
continue reading