Lung Mun Cafe (Closed)

復活節連放幾日，就諗住去行下觀塘啲攻下啦，搭Van仔嚟到觀塘之後一落車就見到呢間龍門冰室，即管入去同朋友試吓啦。一打開餐牌，見到啲嘢食都唔係好貴，有啲餐仲係＄30樓下添，唔怪得我哋都要等5分鐘先入到去啦，入面座位唔算太多可以容納到十幾人。我同朋友就嗌咗兩個下午茶餐，可以喺左邊揀一款右邊揀一款加埋都是不過係$31，仲包埋杯嘢飲添，相比起普通茶餐廳真係幾抵嘅。朋友嗌左個Q版焗肉醬意粉配奶油脆豬($31)，我就叫咗個芝士肉焗薯蓉配瑞士雞翼($31)。雖然焗薯蓉應該係用薯蓉粉整嘅，但係都好夠味，焗肉醬意粉就見到好多肉碎粒，同埋兩個都係新鮮焗出嚟㗎！瑞士雞翼雖然唔算好上顏色，食落去都好重瑞士汁味。我哋兩個餓鬼每人叫左一個下午茶餐之餘，仲嗌多咗一個蜜糖雞翼，＄38有六隻都算OK架，睇得出佢係新鮮焗出嚟嘅，如果係用蜜糖燒嘅話應該會仲正！…Read More

餐牌上食物林林種種, 有all day breakfast , 有排, 有玉子燒, 台灣食物, 韓式食物亦有西式意粉和飯. 當然唔少得有小食同甜品既選擇. 一次過滿足大家選擇, 價錢大約$20-95, 食物份量多, 晚餐來講性價比高!黑椒香蒜牛扒拼炸蝦鐵板餐配黑椒汁, 薯菜 (連餐湯, 飲品) $80牛扒超級大件, 硬軟度剛好, 熱辣辣既黑椒汁令牛扒肉汁更豐富美中不足係牛扒有D筋, 如果上菜前先去筋就更好炸蝦係即叫即炸, 同樣熱辣辣好脆口加埋大量薯條, 非常足料, 好抵食!芝士焗西蘭花 $28因為食左好多肉, 我地就叫左個芝士焗西蘭花西蘭花份量好多, 硬軟度適中芝士同白汁量都係好多, 夾埋西蘭花一齊食, 配搭一流!紅豆冰 $18又係大大杯! 紅豆軟淋, 如果多D紅豆粒 同多D奶味, 就好啦.整體感覺不錯, 價錢超值, 一定再去食!…Read More

在觀塘附近做嘢，唔想去apm 大商場食物，就行左過來物華街這邊找野食。行過這間龍門冰室，門口貼左openrice 2017食店大奬入圍食店的貼紙，就知道有質素保證。來這裡用餐都是熟客，下單都不用看餐牌,直接下單。原來他的常餐,在下午茶時段衹是廿九蚊,已經很久沒有看到下午茶飲30蚊以下了, 非常經濟實惠。外賣自取的單都很多。基本上廚房是忙過不停。今日突然間喺想鋸扒,所以點了星級什扒，西冷改豬扒跟薯菜。餐湯蕃茄湯，有薯仔粒，洋蔥，有放茄膏，所以比較杰身。這個雜扒餐分量很大,真係大件夾抵食。 有豬扒、雞扒、炸帶子、煙三文魚、薯菜，英式腸。熱氣騰騰的鐵板送上來的時候，我不敢要遠離一下以免被醬汁彈到。幾塊肥美的煙三文魚卷成玫瑰花放在鐵板的上面， 不過味道對我來說太咸了！厚厚的炸帶子，外脆內軟。豬扒和雞扒，大大件，岩曬食肉獸。薯條因為在底部，所以被醬汁淋濕了！如果可以另上，保持他的香脆會更好!最驚喜的是餐飲轉紅豆冰都係加六蚊好抵。他的紅豆冰用的不是淡奶,應該是牛奶來的。紅豆好腍, 起曬沙,紅豆冰好正。如果在懷舊西餐廳食,一定起碼超過一百蚊以上， 水準其實是差不多，所以真得價廉物美。滿分為10分(1分最低，10分最高)食物：7環境：7衛生：7服務：8價錢: 9舒適度：7總分：7…Read More

一放假就訓到下午，就同男朋友嚟食個茶記醫肚啦🐥 我就叫左茄湯叉燒炒蛋烏冬🍅🍅 好濃郁嘅茄湯，味道偏甜嘅，叉燒比較瘦，幾好食又唔會柴口🌊🌊炒蛋夠滑💁🏻💁🏻 另外嗌左蔥油雞扒飯🍚🍚 好香口！蔥油撈飯一流👍🏻👍🏻👍🏻雞排前得惹味，肉多汁👀👀 油菜係生菜，好爽口！大大碟🥗🥗🥗🥗 另外再加點奶油豬😍十分邪惡呀，上面滿滿牛油同煉奶😛😛 野飲係凍lemon賓😋😋凍冰冰好爽呀！…Read More

成日都經過“龍門冰室"，這次終於走入去食一頓冰室食物。冰室最在意的就是飲品，以及特色食物。望著餐牌～晚餐大致分成3種配搭：流心奄列，玉子燒，扒類晚餐好自然選擇了牛扒類，我同友人選了爵士西冷扒拼香草腸 配 薯條 及黑椒香蒜牛扒拼炸蝦 配 意粉。第一，黑椒汁好食，牛扒雖然薄但夠大塊，牛肉味都足夠。薯條是很懷念的茶餐廳薯條XD炸得很脆，意粉質感都不錯。但是，香草腸及炸蝦味道有點奇怪，所以只吃了一口。第二，脆辣雞翼超級超級好食,, 超香脆，辣味非常突出，一定要食！另外，檸蜜脆豬很難忘，這裡很有特式，檸蜜取代牛油和煉奶，甜甜的口味配上脆包，果然是必食推薦第三，飲品選了紅豆冰，凍檸7及凍鴛鴦。紅豆冰好重要。紅豆粒粒都好食，奶份量合適，甜味恰到好處。無試到凍鴛鴦，因為店員弄錯了大家的飲品，我怕麻煩就沒有換了，所以試了一杯普通咖啡而言。第四，因為圖片的吸引下，再點選了一份黑松露雜菌玉子燒拼滷水雞翼，走了飯><”。一開始來了個奄列，問店員時佢話廚師炒得差，呢個係玉子燒。連隔離枱都望了我這份食物，幸好另外的店員說了搞錯換了一份。雖然還是與玉子燒有點差距，但個黑松露味道確實好食。滷水雞翼沒有太過突出。第五，一定要說的是餐湯，這裡的是蕃茄薯仔湯，味道非常好飲，沒有採用太多味精，酸甜味恰到好處。整體來說，價錢是合理，份量夠大。…Read More

去觀塘做完野，由於朝早食完個早餐之後都無咩食過野，極之肚餓，想揾d快d有得食既餐廳，相信冰室係最佳選擇，所以揸車經過龍門冰室門口見有得泊車，就走左入去光顧！餐廳走懷舊路線，主要以卡位為主！適合2-4 人嚟用餐！餐廳提供好多唔同選擇，由傳統既茶餐鐵板，到而家流行既all day breakfast都有提供！價錢都幾大眾化！由於我太肚餓，我就叫左個$75 既雜扒餐，貪佢抵食夾大件！落單之後蕃茄餐湯亦隨即送到，濃郁既蕃茄味，酸酸甜甜，已經十分開胃，呢個味道令人熟悉，好似得小朋友時屋邨冰室既味道！碗蕃茄湯好快俾我飲晒，而個雜扒餐竟然快到喺我飲完碗湯無耐就送到！ 真係效率十足！個雜扒餐份量十足，内有雞扒，豬扒，煙肉，香腸，雞蛋等，樣樣都煎得香口，而且足足鋪滿整隻熱辣辣既鐵板，而最正係塊大大既雞扒，煎得外脆内嫩，肉汁豐富！仲有香味濃郁既黑椒汁，一d 都唔吝嗇，大大碗汁跟埋鐵板上，完全唔駛就住嚟倒落個鐵板度！黑椒汁除左辣之外，仲有少少甜，呢個味道同我細個去冰室食鐵板餐既味道基本上一樣，令人懷念！ 估唔到2018 年既今日仲食到30 年前既好味道！食完個咁惹味既鐵板餐，點都要飲返杯凍飲消消熱氣，我就叫左杯香滑既凍奶茶，令到呢餐快餐劃上完美既句號！…Read More

初一、初二都安排到親戚家拜年，難得初三赤口可以放輕鬆，那就讓自己好好休息，睡至自然醒後，與媽媽坐車觀塘行街。 由於不想上茶樓，免得加二、加三，我們選擇到茶記吃下午茶，見物華街開了龍門冰室，就直接拖著媽媽進店。 我點了常餐 - 蕃茄湯通粉，配料有16種選擇，我先將通粉改烏冬，再配鮮牛肉及3.6北海道牛乳炒蛋，另加HK$12點了油雞脾，再多加HK$4點了凍檸樂。 冰室的食物選擇非常多，單單是常餐就已經有好幾款，而且價錢非常可愛，每一款都很吸引，實在下不到決定。 個人認為十足超值，單單是大大隻的雞脾就已經值回票價，雞脾煮得挺入味，帶有香噴噴的滷水味，不滷，雞肉肉質亦不粗鞋。 烏冬方面，番茄湯底的味道偏甜，而湯內還有薯仔粒粒，令味道提升，而烏冬口感挺煙韌，容易掛湯，不過，由放配料同一時間放在湯內送上，所以炒蛋很快就過熟，變得不再嫩滑，而鮮牛亦煮得過火了，口感有點韌，整體來說還是不錯的。 媽媽點了蒽油雞扒飯，雞扒煎香後，入口香脆，口感不會過乾，加上蔥油是另上的，令整個飯的味道變得更特出。 平日多肉少菜，所以特別點了油菜來吃，西生菜口感爽脆，不會過淋。…Read More

誠意推介:黑松露蘑菇奄列帶子撈丁廚師毫不嗇吝!!!落左勁多黑松露,有圖有真相,真係勁多,超鐘意黑松露個種獨特既味道,有d似陣gas味!!除可自選奄列餡,重可選飯/意粉/撈丁,撈丁個汁好好味,有d甜甜地又有d似鰻魚燒汁!!!誠意推介:黑椒汁魚柳鐵板餐魚柳份量多,食起上黎外面好脆口,裏面好嫩滑,啖啖肉!!!油菜:生菜,加左放係枱既辣椒油,辣辣地重好味!!!誠意推介:龍蝦汁雜扒餐,雞扒+豬扒+香腸+西蘭花+蕃茄+薯條,重要有隻煎得好靚既有汁荷包蛋,好豐富!!!簡直係個超值雜扒餐!!!小食:雞翼羅宋湯熱杏仁霜,沖得好濃味好好飲!!!紅豆冰,一啖紅冰一啖奶,幾過癮!!!依到重有雪糕紅豆冰賣,不過當日好飽啦,食唔落個雪糕無叫到!!!**依到既廚師煮野真係幾好食,唔錯,平靚正之選…Read More

今日星期六同屋企人去官塘apm 閒逛，行行下就去埋官塘街市，行攰左就入左龍門冰室食下午茶☕️黎到大概下午3點，估唔到竟然幾乎滿座咁滯，等左幾分鐘就有人埋單，有位俾我地坐低。我地二個都唔太肚餓，叫左2個下午茶餐加個小食就算。我叫左個鰻魚汁脆雞翼撈丁配熱奶茶（$30）一入到去我周圍咁望，見大部分人枱面都有熱奶茶，所以我都唔執輸叫埋一份，果然唔錯！茶香奶滑，好飲過大x樂個d👍而個撈丁都冇令我失望到，撈丁軟硬度尚算適中，最正係d雞翼，估唔到真係炸到脆卜卜！放涼左都冇變淋！好味道！而家人叫左個雞蛋🥚西多士，估唔到咁大份！上面仲有厚厚嘅牛油，好邪惡邪惡！份肉醬著條我食左少少，味道唔錯，份量好足👍…Read More

星期日過左休閒既一日。 夜晚心大心細唔知食咩好， 另一半就提議去附近龍門冰室食，話佢地有好多選擇，真揀到我想食咩。冰室係物華街，好易揾。 8點鐘入去都算多人，但姐姐好好咁安排左我地坐卡位。餐牌真係好多元化，常餐，咖哩，意粉，麻辣麵，焗飯同鐵板餐都有。 最後我地2 都揀左鐵板餐。 我要左個黑椒汁美色雜排($75) 。 而另一半就揀左黑椒汁牛扒炸蝦($80) 。 ~男人係鍾意食雜排XD. 鐵板上菜時有"咋咋"聲，聲色味俱全。 以咁既價錢黎講，性格比好高。 雜排有豬扒，雞扒，煙肉，腸仔同薯菜。我叫左黑椒汁，黑椒汁係傳統港式果隻，唔太稀。以呢個價錢來說，是一眾街坊用膳既好選擇。…Read More

同老婆去開觀塘金舖街，見到有間新裝修既小小食店內裡爆滿食客，於是決定試一試。其實一間茶餐廳，差極好極都有個限度，所以我認為取勝之道就係抵食。我點了爵士西冷牛龍蝦汁扒配香草腸餐，老婆點了黑松露磨菇意粉餐。另外散點了油菜，瑞士雞翼。每個餐有羅宋湯，有飲品，似模似樣而且份量十足，一來到已胃口大開。羅宋湯味道不過不失，唯獨係冇乜湯渣，主菜西冷扒配有意粉什菜，還有條份量十足香草腸，淨望落去已絕對超值，味道都好好，尤其是龍蝦汁撈意粉，好味程度真係比一般茶餐廳高，而且條香草腸真係好似德國餐廳既腸，牛扒大塊之餘唔靭又有咬口，總之成個牛扒餐係好滿足，好抵食。至於老婆個黑松露蘑菇意粉，黑松味濃又大碟又多菇，同樣物超所值。而且意粉餐仲有沙律菜送，甘既價錢去邊度搵。小食點左瑞士雞翼，雞翼唔硬，煮得剛剛好，而且瑞士汁適中。我嫌太多肉太膩，所以點了個生菜，十二蚊同樣大碟，使整個晚餐不油不膩。這間餐廳，一句講晒，大件抵食又好味。…Read More

等左15-20分鐘原來未落單野食又落錯 多士變軟包個面入面仲有包 真心嬲！大軟想去食真係諗諗先服務又慢 話有膠仲要企係到問到邊到黎唔識變最後太嬲比錢走人最後，大家要去食真係諗雨先…Read More

Curry Beef Brisket with rice....i thought i was eating chewing gum ...reflected to their supervisor (cashier), her response was so interesting, saying that "next time will be more tendered" ...next time ?:(.....after finishing the curry sauce with rice (beef brisket couldn't eat anymore )....their impolite staff urged me to leave despite my drink's still got a half to finish....terrible experience....i will never return to this super fast food shop anymore …Read More

<抵食大件既舊式冰室 龍門>😄龍門冰室之前喺黃埔食過佢既扒餐 今次經過開觀塘做野 原來佢好多分店 就試下佢其它野食 😆環境有細卡位硬枱櫈 裝修同舊式冰室一樣 😄整體食物味道ok大份 同抵食 係快餐食抵食之選💪🏻🍴玉子燒🥚55蚊玉子燒蛋夠香 整開充滿住吞拿魚蓉🐟 連埋彈牙既撈麵一齊食 都幾match . 雞翼點左滷水💪🏻 都幾入味 骨肉分離 味道唔錯🐤😄🍴檸脆豬 24 蚊🍋🐷檸脆豬仔包 大大個切成一半 包皮外層香脆🍞查左好多 檸檸汁 加上少少牛油 酸甜開胃 🍋 連埋脆包 有口感又夠香濃 好味👍🏻🍴奄列餐 35 蚊🥚蕃茄蛋奄列🍅 蛋夠香滑 整開好多蕃茄醬 加上煎得香脆香腸🐷 同埋 奶油多士 夠哂厚身 🍞 又香牛油味 好正😍🍴椒鹽雞翼 38 蚊 🌶🐤勁多隻雞翼 椒鹽炸得好香脆入味 oh5面既雞肉比較煙靭 若果椒鹽咸味啖番少少更佳😆🍴蜜糖雞翼 38 蚊🐤🍯勁多雞翼 雞翼炸得好香脆 入面都算係幾嫩滑😃 出面有香甜既蜜糖醬 點綴都唔錯🍯甘飲品方面就正正常常 好似凍啡 可力 凍奶都中規中舉 . 食物質素正常 但勝在大碟抵食😄👍🏻Score 平均分 <6.9/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~Address地址#龍門冰室觀塘物華街 51 號地鋪~~~~~~~~~~~~~…Read More

>>>龍門冰室<<<有好幾間分店，其中一間位於觀塘，這夜下班後先去吃個飯再回家。餐廳位於物華街地舖，與地鐵站有點距離，但於區內居民而言則較方便。招牌有夠搶眼，不難找。 難得餐廳提供十分實惠的外賣自取快餐，HKD30有飯有汽水，減輕膳食支出負擔。(在whatsapp限時動態分享這幀照片，不消五分鐘已有朋友查詢餐廳地址！實在是抵食吧！) 在餐牌中找到全日早餐，也就不自覺點了一客傳統英式早餐(HKD68)。 這是套餐，配餐湯、沙律及飲品。揀了番茄湯為餐湯，味道比較清，沒太強的調味。 沙律是簡單的組合，配以簡單的沙律醬，清淡健康。 全日早餐非常豐富，包括煙三文魚、德國紐倫堡腸、炒滑蛋、煙肉、蘑菇、茄汁焗豆，餐牌上的薯餅被轉為薯條，還有餐牌上沒有提及的炸帶子、煎雞扒及番茄，大概是送給食客一個驚喜吧。煙三文魚雖然被捲至玫瑰花形狀，看似細小；但大概是為了遷就碟子大小，煙三文魚被捲得相當緊，其實不算少，一口一朵三文魚花的話，是非常實在的份量。炒滑蛋細滑綿密，也是比預期中多。德國紐倫堡腸可謂重量級，口感很為實淨，連同大大塊煎得香口嫩滑的雞扒，真的非常飽肚。 飲品可揀咖啡或茶。轉飲阿華田，唯味道略淡，是結尾的小小遺憾。 …Read More