麥記美食

Open Now

Now Closed

少有走上來堡壘街這邊, 所以如不是見開飯這兒對小店大有好評, 也不知道此名店的存在。店面只是用來製作食物, 幾個阿姐在店內即做包點, 也有點逼夾。顧客就要冒著寒風坐在街邊吃, 別有風味。這裡的名物是小籠包, 可是我怕 $15/6 隻太多, 改要了生煎包 ($10 / 5 隻)、鍋貼 ($10 / 5 隻) 共 5 隻 --> 兩款是可以混合的。不出半分鐘, 5 隻超迷你的生煎包和鍋貼便送到我手上, 快快找個位坐低吃。包子和鍋貼都是熱辣辣的, 煎得有少少燶邊, 非常香脆; 裡面的肉汁瞬即流出, 立時為寒冬帶來絲絲暖意, 加點醋汁一起吃, 解解油膩。一口一個, 話咁快食哂。呵呵, 看來除了「拮魚蛋」之外, 以後還可以拮生煎包、拮鍋貼喇!

認識這處是某同事推介，看罷一眾食家的貼食，覺得賣相極之吸引。故與同事坐言起行，飛身來一試。叫了菜肉餃、鍋貼、生煎包和兩塊蔥油餅。蔥油餅餅身極薄，唔熱又唔脆，兼冇乜蔥油香；菜肉餃好抵食，$10 有 6 隻，size 雖小不過皮薄餡足，蘸上陳醋，一啖一隻，十分滿足；3 隻鍋貼和 2 隻生煎包都是 $10，size 都係超迷你，生煎包冇肉汁「爆出」，不過包底與鍋貼一樣都煎得極為香脆。此小店勝在便宜，只能說抵食不能說好食。當下午菜或過口癮無妨。

還記得星爺經典電影 <上海灘賭聖> 麥當福開張的一幕，該名主打的是叉燒包、廣東包、蓮蓉包.... 現實中北角也有一間麥記，賣的不是美式漢堡，而是生煎包、小籠包、鍋貼、蔥油餅等中式小食 下午三點多來到，三人點了新鮮即包即煎的生煎包 ($10 / 5 隻)、鍋貼 ($10 / 5 隻)、三件蔥油餅 ($2 each)。蔥油餅準時三點出爐，我們手上的是最後三塊，熱燙燙的餅外脆內軟，再想想只是兩蚊雞一件，如此搶手真的大有理由。至於生煎包及鍋貼，賣相精緻，皮薄餡靚，特別是其咬開後散開出的肉汁... 一口一個，真的想再鯨吞五隻....結果，再叫五隻鍋貼去探望在醫院無啖好食的朋友...

呢間野成日聽人提起, 今日終於有機會幫襯 !去到見到個價錢, 第一時間就係覺得好抵, 小籠包 $15/6隻, 仲要係即叫即整, 鍋貼生煎包都係 $10/5隻小籠包水準唔錯, 皮薄料足, 點知個鍋貼仲得, 外層煎得脆脆地好好食真係又平又好食, 一定會再幫襯 !

閒日好少專登行上來。。。路邊小店，　幾有風味Ｏ既。尤其是當附近的小學放學的時候，有很多賓賓帶著少主前來。睇小朋友就幾好玩嘞！

o岩o岩落完雨﹐呢度又冇店內堂食﹐所以唯有抹乾佢地放係出面濕晒既膠 膠臺來坐。呢度附近大部份都係修車鋪﹐所以環境唔係好﹐加上天氣開始熱同成日落雨﹐成日有烏蠅飛來飛去。叫左鍋貼同小龍包。以價錢來講﹐呢都無可否認係底﹐但質素就唔係太掂。咬開d 鍋貼同小龍包見到有好多肥豬肉﹐食落有幾隻d餡裡面仲有碎骨添。好彩冇平時食野大大力咁咬。如果唔係隻牙就係咁“帶“。如唔介意環境﹐健康同有幾會咬崩牙﹐而齋睇價錢既話﹐呢度都算幾好既。

見食評講得唔錯﹐就去試試。剛剛落完大雨﹐佢地放係出面既膠臺膠椅已濕晒。因為呢度周圍大部份鋪位都係修車鋪同埋呢度鋪內冇堂食﹐所以坐係出面既環境唔太好﹐烏蠅飛來飛去。 食物方面的確係平兼底食﹐但本人令願比貴小小食d較健康同較有質素既。因呢度d小龍包同鍋貼咬開一睇有好多肥肉﹐味道偏鹹﹐最唔好既就係有幾隻裡面d餡有碎骨﹗但如果唔計較肥肉同環境因素而淨睇價錢既話﹐呢度可以話係一個好選擇既。

有時候食野真係唔可以淨係睇舖面係點而評定 , 就以麥記為例 , 舖頭細細間而且位置完全唔起眼 , 但係食物水準真係保持得好穩定 , 宜家出左名都依然係咁好食架。 生煎包 ~ 睇住老闆娘一個個咁放入大穫度煎已經覺得特別有人情味既好食 , 而且入面d肉好好食 , Size岩岩可以比d男仔一口食哂 , 煎得煙韌夠脆 , 但係又唔會有陣燶味 , 令人唔經唔覺會食下又一個食下又一個。 鍋貼 ~ 食鍋貼既精髓在其外皮煎得夠香口而不油膩 , 呢度正正可以做到呢一點 , 十1蚊5隻真係抵食丫。 小籠包 ~ 即叫即蒸 , 新鮮熱辣出籠 , 咬一口肉汁流哂入口真係好爽 , 認真係皮薄餡靚，蘸埋薑醋食更加係令人讚不絕口呀。

去完油塘換貼紙後 就依照原定行程到北角麥記食上海野上海野都可以話大人ge心水菜之一 難得搵到價錢相宜而且路程相近ge麥記又點會放過同大人食好野ge機會呢 所以就有此計劃對於北角完全唔熟識ge我地 惟有再次靠預先準備ge網上中原地圖協助懶醒ge我記錯左堡壘街係橫街 好彩大人對麥記對出位置有d印象 唔係都唔知要行多幾多冤枉路 感激大人!結果由北角地鐵站行左約十分鐘就到麥記只放左3張圓桌係對出行人路/馬路供堂食之用 都幾出乎我意料不過都無損我地對美食ge渴求 !首先我地叫左生煎包及鍋貼各3件 再order左1籠小籠包去到ge時候岩岩有新一批ge生煎包/鍋貼整起 所以唔洗等好耐就食到新鮮滾熱辣ge美食而小籠包就等左大約20分鐘 食住等都冇咩所謂詞彙貧乏ge我對美食都冇咩特別ge描述 只可以講2樣食物都十分好食!但略嫌生煎包ge皮有d厚 相比起鍋貼算係比較失色就個人而言都係比較鍾意鍋貼同大人相議後就決定再encore5隻鍋貼真係好正另外叫多1串墨魚 個人黎講覺得無咩特別相比起眼前ge上海美食就失色得多喇係我地食緊ge時候熱辣辣ge小籠包就送到又係必食推介 相當好食+有水準 (當你見到有仔細描述g

7-5-08 (三)近近地又去麥記下午茶，先叫小籠包，因為要等。吃了蔥油餅、生煎飽和窩貼雙併、菜肉餃，還試了魚蛋。小小的店子很多街坊捧場，服務良好，值得支持。

1-5-08 (四)本想外賣小籠包回家吃，因為即叫即蒸要等，等候期間索性坐在路旁的小桌吃其他的小食，窩貼煎得很香，底部香脆；生煎飽也是剛出爐，很好吃，感覺內裏的肉新鮮；蔥油餅更誘人，反正豁了出去，又試，真不錯；小籠包還未蒸好，又試了菜肉餃，也是即叫即煮，由於很 “袖珍”的，很快又吃完了；終於小籠包快出爐了，立即改為 “堂食”，還附上小碟有醋汁和薑絲，小籠包皮薄汁多，差點再叫，想起要等才作罷。每樣點心都很 “袖珍”，一口一個，又美味，所以小食也共吃了四十三個大洋啊。價錢表如下：小籠包 (15元6個) 一籠蔥油餅(2元1件) 兩件 窩貼(10元5個) 五隻生煎飽(10元5個) 兩隻 (不知平日可不可以散賣)菜肉餃(10元6個) 六隻

之前一直係Openrice的忠實Fans，每日基本上想要上黎睇睇。 3月29號，一早就開始我0既搵食之旅。首先，第一站係麥記，試左佢0既招牌生煎包同鍋貼，之前已經想黎，但唔係成日行開呢頭。0個日黎0既時候，發覺都幾難搵，一開始就行錯左路，所以搵唔到，初頭問人，都無人識。不過意外地因為行錯路而見到林峰，Yeah!買左生煎包同鍋貼，但唔係好特別，同一般食0既差唔多，只係皮算薄，同埋size較一般0既細，要食多幾隻先夠食。可能期望太高，所以有d失望！而且唔算好抵。加上唔係幾好坐，仲好熱下添。

話說上星期有日難得放假，好有心地出發去食鍋貼地點為北角堡壘街麥記美食，識我既人都知上海美食中我至愛鍋貼，當年睇有線蘇絲黃真人show就係介紹呢間野，睇完流哂口水即來試試不過兩次來到都因太晏及未煮熟為由望門而輕嘆，終於在我地三顧茅廬下終於有緣一吃﹗呢條堡壘街好騎呢，在街道中間有間屋仔收費站，在那兒進入的車輛及擺檔好似要比錢的，有0的似大陸的街道管理一樣﹗伸個頭入鋪，見到仲有幾件鍋貼，二話不說即叫左五隻，十蚊五隻經濟抵食鍋貼是小小的，我覺得食鍋貼的精髓在其皮層，一定不能太薄又不能太厚，嚼落要有口感亦要煙韌，底要煎得硬身脆口，呢間麥記完全做得到﹗好香口入面肉汁濃郁，好好味﹗食完五隻再叫多五隻﹗再試小籠包，十五蚊有六隻即叫即蒸，仍是細細隻的，咬開不是外面吃的充滿湯汁，而係皮薄餡靚，加少少薑醋齒頰留香﹗大食精唔多飽下為左等尚在煎煮中的生煎包，試埋.......呢度既燒賣同埋墨魚，味道不過不失﹗等左成半個鐘終於都可以食埋佢地既生煎包喇，包仔的骰咬落彈牙煙韌夠脆而不燶，好食﹗三點幾四點時間都超多人，門外露天凳仔坐到滿哂，老闆娘態度好客不過慢條斯理，如果你急著要吃東西又在繁忙時間的話勸你不宜來吃，一定

平平地想搵D野食，特地走到這裡，無生煎包，所以隻食鍋貼。皮薄，味道還可以，小了一點，但便宜也算抵。比得上德興隆，好似更好食D添。下次試生煎包。話時話，我地跟住真的再去了麥當勞麥記。

生煎包賣晒, 所以只係試左鍋貼, 燒賣, 魚蛋樣樣都好好味, 啲鍋貼好多肉汁,啲皮又唔會乾.魚蛋,估唔到咁彈牙,唔鐘意食既我都覺得好味呢, 加埋啲辣汁真係一流.燒賣唔會蒸到淋晒,好味因為當時天氣都幾凍, 所以好快就凍晒.雖然好細間,但係又好多人黎買,真係好野唔怕無人知.