麥記美食

Open Now

Now Closed

有時候食野真係唔可以淨係睇舖面係點而評定 , 就以麥記為例 , 舖頭細細間而且位置完全唔起眼 , 但係食物水準真係保持得好穩定 , 宜家出左名都依然係咁好食架。 生煎包 ~ 睇住老闆娘一個個咁放入大穫度煎已經覺得特別有人情味既好食 , 而且入面d肉好好食 , Size岩岩可以比d男仔一口食哂 , 煎得煙韌夠脆 , 但係又唔會有陣燶味 , 令人唔經唔覺會食下又一個食下又一個。 鍋貼 ~ 食鍋貼既精髓在其外皮煎得夠香口而不油膩 , 呢度正正可以做到呢一點 , 十1蚊5隻真係抵食丫。 小籠包 ~ 即叫即蒸 , 新鮮熱辣出籠 , 咬一口肉汁流哂入口真係好爽 , 認真係皮薄餡靚，蘸埋薑醋食更加係令人讚不絕口呀。