饗 車仔麵 (Closed)

饗車仔麵4餸麵(日式豬軟骨, 醉饗蛋, 滷水牛舌, 蘿蔔) $46醉饗雞翼4隻 $28黃店💛 由兩餸麵$30起, 每加款餸$8. 湯底有腩汁蕃茄麻辣沙嗲咖喱等, 選左秘製中辣. 湯底帶點微辣, 豬軟骨都頗軟腍. 牛舌厚身入味. 蘿蔔雖然多汁而腍, 不過比較淡, 應該就咁用水煮. 醉饗系列唔錯, 白斬雞咁樣, 睇唔出酒味都幾濃郁. 不過比起小食醉饗雞翼, 覺得都係醉饗蛋較好食. 可能因為浸係酒耐關係, 個雞翼肉質都幾鞋.另外好奇貪新鮮選左個菠菜麵, 除左顏色食唔到同菠菜關係, 而麵口感太腍. 果然車仔麵都係應該選油麵🙈

黃店車仔麵佢都算好多入食，lunchtime都要等下位🤨 鋪頭紬細，但佢地好細心，每張枱都有枝消毒液提供😝 但佢地的車仔麵我就覺得有小小失望啦🙈- 我地2個人一口氣試左醉蛋、魷魚、陳皮魚蛋、牛栢葉、滷水牛舌同豬大腸😆 但我推介的就只要醉蛋，牛舌同大腸🤭 醉蛋真係好醉，好入味，我平時好中意食呢啲’醉’汁的嘢，所以呢隻蛋就啱晒☺️ 佢仲要係流心，一咬啲蛋汁爆晒，好正👍🏻 牛舌同大腸好入味，牛舌好厚好腍好易咬🤩唔會有啲筋位咬唔開。豬大腸舊舊都好厚，係有餡個隻大腸，唔會整係得個皮😝-雖然都有幾個餸好，但其實佢好多都唔入味，例如魷魚。雖然佢係咖哩魷魚，但咖哩汁的味冇入到去，只係係面輕輕一層。而牛栢葉更加冇咩點處理過，就係一舊漂白左的牛栢葉放落湯到😣 完全冇咩味。陳皮魚蛋係幾有特色，但就一般嘢啦🧐 其實我話失望係因為我覺得個湯唔夠濃😟 可能因為我食嘢太濃，覺得佢地雖然個湯幾甜，食完都唔係好口渴，但比較淡，飲左2啖唔覺有啲咩味，要加pat沙嗲醬先好d🤔 所以我覺得去得深水埗會有更好車仔麵的選擇例如任你掂車仔麵，都係黃店來架！🤗如果食悶其他就食一次佢，等你地再話我聽覺得點！

嗰日去深水埗做完嘢去食返饗 車仔麵💛真係勁鍾意佢哋嘅蝦多士😍所以嗰日同朋友尼呢度食返碗車仔麵.我叫咗蕃茄濃湯多葱、幼麵、蘿蔔🥕牛柏葉🐮芝心丸、魚籽包心丸🍜每次尼呢度都係揀蕃茄濃湯🍅蕃茄味濃得尼唔會好酸👍🏻牛柏葉夠爽口，蘿蔔亦都好清甜☺️.朋友叫咗咖喱魷魚🦑栗米豬肉餃、鹵水牛舌、芝心丸、秘制辣汁撈粗麵🌶🌶🌶 秘制辣汁未去到好辣嗰種😆栗米豬肉餃🥟粟米香甜又多餡😌鹵水牛舌係厚切粒狀嘅，咬落彈牙少少😜.蝦多士 4 件🍤🍞新鮮炸起金黃色嘅蝦多士，食落熱辣辣仲好香脆😋蝦膠鮮甜彈牙🦐每次食都覺得好好味.炸魚餅🐟魚餅食落有少少香茅味道，配埋泰式風味嘅甜辣醬🤤正呀‼️.門口仲有放置文宣扭卡機

出街食支持下黃色經濟圈。深水埗啲出名既黃店都大排長龍🤩咁就支持下其他小店。呢間門口都好多好靚既文宣，假日2點左右去到，等左大約10分鐘就入得去。落單紙係過左膠既，可以循環再用👍🏻 叫左2碗，一碗係腩汁+小辣+醉蛋+雞腎+牛腩。一碗係牛筋+豬手+豬軟骨。兩碗都覺得唔錯，最難忘係個湯底，好濃好好味。埋單加埋飲品每碗都係$45，好抵食！而且仲有yellcard 送呀！好正呀🤩

香港特色美食點少得車仔麵😋饗車仔麵主打溏心蛋、陳皮魚蛋、南乳豬手 仲有餃子、雞翼即叫即整嘅小食 比其他車仔麵嘅選擇有更多 環境都亁淨好多！.👉🏻兩餸一麵餐($30)麵我簡左米線 份量正正常常麵條質感幾滑身💛餸就試左推介嘅陳皮魚蛋同溏心蛋魚蛋好彈牙 有濃郁陳皮回甘嘅味道溏心蛋幾流心 調味落左酒 好香酒味☺️湯底調味可以再重手少少～.👉🏻蒜香雞翼($28)本身想叫醉饗雞翼 但店員話當日未有就轉左蒜香味道嘅 雞皮好脆 熱辣辣内裏肉質都好滑 煮到可以鎖住肉汁🥳——————————-饗車仔麵深水埗基隆街391號地下

之前特意嚟到深水埗食黃店車仔麵，嚟到嘅時候都幾多人，我哋喺門外等左一陣，仲抽左兩張卡。等咗大概15分鐘左右就有得入去，餐廳最近因為疫情都重新擺過啲枱，所以入邊呢只係得幾台客人，唔逼。我哋兩個人叫咗煎餃子、蝦多士、同埋兩個車仔麵。煎餃子，我最鍾意呢樣，好少車仔麵店會有煎餃子食，外皮好脆，內裏好多汁。蝦多士，我朋友最鍾意食 佢一路食一路係咁話好好味，咁的確係炸得幾軟熟。第一碗車仔麵墨汁墨魚丸、醉響蛋、咖喱魷魚、墨魚腐皮卷餸。份量好多，好好食，要提嘅係佢個醉響蛋有種醉雞嘅味道，好特別！湯底好清甜，應該係冇落味精，可以放心飲晒佢！第二碗車仔麵有墨汁墨魚丸，醉嚮蛋、牛筋同埋鮮蝦腐皮卷。牛筋好淋，應該煮咗好耐，好正！總結：環境坐得幾舒服，食物質素好，服務態度好，而且又係一間黃店，大家都可以黎支持下！

作為同路人梗係得閒都要支持下黃色小店， 呢間位於深水埗嘅黃色車仔麵， 入面嘅內籠裝瓣都掂搵咗好多色彩繽紛嘅塗鴉， 咁肥雞呢今次就嗌咗個三餸麵， 包括豬紅 蘿蔔魷魚雞翼煎呢一啲大路嘢湯汁就要咖哩汁， 食車仔麵因為食嗰啲唔係一啲好名貴嘅材料最緊要睇佢嘅卤汁同埋湯底做得好冇， 咁佢嗰個咖哩汁呢其實都唔錯食落去都幾香香料味， 而且佢個份量都好大碗， 小食就嗌咗個炸雞翼同埋蒜泥白肉， 佢嘅蒜泥白肉都幾重了滿滿嘅蒜泥配上口水汁， 每一口都蒜香撲鼻。

由呢間舖頭啱啱開支持到而家最近疫症期間呢間細細間嘅舖頭得返幾張枱 梗係要去支持下佢！舖頭入邊貼滿文宣，連張單都有口號，梗係要去support!!-四個餸都只係$46當然要食佢嘅醉饗蛋！流心蛋，再加上係平時花雕醉雞嘅汁，好好食😋仲要左豬軟骨，蘿蔔，芝心丸。記住要加秘製辣醬！唔算太辣，但係會提升咗車仔麵嘅香味！豬軟骨好林，好入味！佢個麵底係勁大份，平時食車仔麵硬係覺得食完都唔飽，呢度嘅麵底係大份到食唔晒😂-另外叫咗雞翼做小食，好香脆！有啲似M記嘅脆香雞翼🤣-呢度又唔似另一間車仔麵咁迫，環境又衛生，下次會再嚟！

深水埗好食嘅車仔麵真係唔少，有幾間都係我嘅最愛車仔麵。而係西九龍對面嘅饗車仔麵，一直係我嘅飛佛。不過今次食車仔麵之外，竟然發掘到佢啲小食都係非常好食，所以真係好想介紹俾大家！今次想介紹大家就係呢個蒜香雞翼，同埋辣魷魚。先介紹呢啲辣魷魚，首先佢嘅辣汁非常好食，配埋脆卜卜嘅魷魚，簡直係最高境界。令一款非常推薦嘅小食就是蒜香雞翼，脆卜卜嘅雞翼皮，加埋一浸浸蒜香，完美保存肉汁，好食到一個點。呢兩款小食，真是來這裏必點。

14日既禁聚抗疫，讓我意識到係時候學下下廚。要下廚，先要去懂得買餸。媽媽級既朋友兩肋插刀，話同我去全港最平既深水埗街市買餸。咁當然順道去附近食埋野啦。沿住街市直行到尾，就發現呢間黃店，咁就要懲罰下佢啦。門口有很多文宣，等位期間可以慢慢欣賞。車仔麵套餐，經濟實惠。佢地跟足規矩，保持1. 5公尺。仲有探熱，提供搓手液。叫左二個3餸麵。可揀麵底或菜底因為好耐無食過通菜，所以大家都揀左通菜做底，同埋食多啲蔬菜，健康啲。湯底：沙嗲汁，惹味得黎唔會太辣餸料：貢丸，豬軟骨和冬菇湯底：秘制辣汁。少量辣汁已經非常刺激餸料：陳皮魚蛋，冬菇，墨汁墨魚丸陳皮魚蛋細細粒，有濃郁陳皮回甘味，是懷舊美食。天然墨汁染制而成既墨魚丸，更加鮮味十足自家制日式豬軟骨，大大件，仲有成5件咁多，超抵食。入口軟腍，肥瘦均勻，啲軟骨全部都輕易咀嚼。貢丸，彈牙得黎又不死實冬菇細細隻，但好入味辣醬魷魚$38佢地啲辣醬真係無得輸，非常惹味魷魚爽口又入味，吃得很滿足。蝦多士$25/2件想不到這兒會有這種懷舊小食，所以點了一份試試。蝦多士新鮮炸起，很燙，炸到外層金黃色，吃起來香酥不油膩。裡面仲有厚厚既蝦膠，蝦味濃郁，足料好食。意想不到既驚喜

一向要排長龍的小店，疫情下，今晚唔使點排隊就可以入坐。每枱不可坐多過4人，所以坐得舒適！😆可選擇麵底或菜底，食車仔麵我怎可不選擇麵呢！🤔2餸→$303餸→$384餸→$46我點的是油麵底，沙爹醬，多葱(一大湯匙葱粒) ，豬軟骨(好腍軟入味) ，豆卜(夠軟沒油噏味，剪開了更入味易吃，墨魚腐皮卷(非常彈牙，滿墨魚味) ，陳皮魚蛋(細細粒的魚蛋，陳 皮味不會過重而搶了魚肉味y:第二碗是波菜麵(+$2) ，秒製辣汁(小辣) ，多葱，牛筋(軟滑帶煙韌e:，牛腩(腍中有饞勁) ，南乳豬手(外皮夠腍起膠質，入味) ，牛舌(爽腍)y:這個辣汁不算辣，下次必會試中辣。我們還點了：❮腐乳通菜❯，份量一般，通菜頗嫩，因太耐沒吃通菜，故追着w:❮辣醬魷魚❯爽脆的魷魚掛滿好好味的辣汁，口中的辣味回湧上舌頭，y:❮蒜泥白肉❯以為是普通的蒜泥白肉，原來加了麻辣。不要輕看，真的做到少麻少辣，堆上滿滿又綿又香的蒜泥，配上半肥瘦的爽口腩肉，真是驚喜，好好y:加了杯凍咖啡只是7元，抵呀！車仔麵底份量足夠，點平宜種類的食材會有4,5件，大大碗，童叟無g:

出街食飯，一定係黃店優先。今日就去左位於深水埗近西九龍廣場既呢間黃店，鋪頭主打車仔麵，另外亦都有啲特色小食。餐廳貼滿文宣，立場非常清晰依家去大部份車仔麵店，揀餸都有分唔同價錢，有啲餸可能要十幾蚊份。不過呢度就係所有餸都一樣價錢，兩餸麵$30，三餸麵$38，四餸麵$46，下午茶時段3-6pm仲有野飲送。食物選擇都有幾多，懷舊車仔麵餸、自家製配料同埋一般丸類都有。麵底可以加$2食菠菜麵，感覺比較健康，而且菠菜麵唔係度度都有得食。菠菜麵口感爽口，闊度剛好，唔錯。配料必點醉饗蛋，佢除左係一隻流心蛋，佢仲係一隻醉蛋，味道就好似平時食醉雞咁，酒香味濃，加上流心蛋黃既口感，真係必食。自家製滷水味道都唔錯。另一推介就係蝦多士（$25/兩件，$45/四件）既然四件平啲，所以我地都叫左四件。蝦多士上檯時熱辣辣，蝦膠鮮甜彈牙，外層香脆。蒜泥白肉（$32)味道偏辣少少，但愈食愈過癮

🥢深水埗黃到金醉蛋車仔麵🥢呢間車仔麵位於西九龍中心斜對面，之前一直book mark了這間車仔麵店，除了出名黃到金之外，亦都好想試下佢既黃金軟滑醉蛋🥢三餸麵餐$38 凍飲+$7滷水大腸，醉饗蛋，粟米豬肉餃，菠菜麵+$2，麻辣湯，中辣秘製辣汁大腸滷得入味又夠淋無異味，醉蛋富有淡淡的酒味，質感流心軟滑夠蛋香，栗米豬肉餃新鮮好吃，驚喜有菠菜麵，本身好鐘意食，但唔夾麻辣湯，麻辣湯底味道較淡身，檯面沒有醬料提供，所以下次呢個麵要配其他湯底🥢滷水牛舌，腩肉，鮮蝦腐皮卷 ,粗麵，沙嗲湯廷切牛舌質感厚肉，入口富爽彈質感滷水入味，白烚腩肉無咩味道，蝦條感覺唔錯🥢警署對面的黃色車仔麵店，黃的程度從文宣以可看到，門口有放置文宣扭卡機，可惜已沒有卡提供，電視播著的是有線新聞，電視上不斷重播住777叫人唔好出街食車仔麵，偷聽到老闆們說林太叫人唔好食車仔麵的擔憂，經濟步入寒冬，黃色小店一定要支持，唔出街食都可以買返屋企食

難得可以早放工 同同事食埋個晚飯先係呢啲時勢 當然要支持本土小店小店提供消毒酒精俾食客 👍🏻車仔麵配搭齊全 仲有自家制配料而且配料有特色 陳皮魚蛋 墨汁墨魚丸 醉饗蛋早啲食仲好抵添 會送飲品同埋唔駛點排隊 大家都好醒目我叫左 四餸河粉 墨魚腐皮卷 麻辣雞腎 韮菜豬肉餃 日式豬軟骨 車仔麵湯 秘制中辣汁朋友叫左四餸粗麵 咖哩湯 鹵水牛舌 麻辣雞腎 牛筋 醉饗蛋之後叫左小食 醉饗雞翼 魷魚車仔麵好足料啲餸份量足豬軟骨好大片 而且入味同夠淋河粉唔會煮到爛晒碎晒雞腎爽口 墨魚腐皮卷煙煙韌韌醉饗蛋 竟然係糖心蛋 好香酒味牛舌 係粒狀既咬落係爽口既 比起一片片更有口感魷魚 又係爽口既 唔會咬唔開 同樣係辣汁 但唔會over天氣熱最啱食醉雞翼 同樣淹得入味酒味啱啱好 雞肉夠實食到飽飽好實在

深水步咁多黃店，大家唔好去哂果一兩間啦，行前多少少呢間車仔麵都係黃到金架！車仔麵可以揀湯/撈麵，我揀左4個餸，識食一定食羅白！因我羅白超甜超淋！🤣🤣另外個牛筋都好入味，就算浸左湯都好夠味，而且份量好多，炆得夠淋又唔會漿口！👍🏿重點，流心蛋！佢既流心蛋係醉雞汁，所以有濃濃酒味，實在太正，而且入面真係好流好滑！醉雞汁太好食，所以我地叫多份醉雞翼黎share食😂😂😂都唔失望，同一個汁都係好食！