饗 車仔麵 (Closed)

之前特意嚟到深水埗食黃店車仔麵，嚟到嘅時候都幾多人，我哋喺門外等左一陣，仲抽左兩張卡。等咗大概15分鐘左右就有得入去，餐廳最近因為疫情都重新擺過啲枱，所以入邊呢只係得幾台客人，唔逼。我哋兩個人叫咗煎餃子、蝦多士、同埋兩個車仔麵。煎餃子，我最鍾意呢樣，好少車仔麵店會有煎餃子食，外皮好脆，內裏好多汁。蝦多士，我朋友最鍾意食 佢一路食一路係咁話好好味，咁的確係炸得幾軟熟。第一碗車仔麵墨汁墨魚丸、醉響蛋、咖喱魷魚、墨魚腐皮卷餸。份量好多，好好食，要提嘅係佢個醉響蛋有種醉雞嘅味道，好特別！湯底好清甜，應該係冇落味精，可以放心飲晒佢！第二碗車仔麵有墨汁墨魚丸，醉嚮蛋、牛筋同埋鮮蝦腐皮卷。牛筋好淋，應該煮咗好耐，好正！總結：環境坐得幾舒服，食物質素好，服務態度好，而且又係一間黃店，大家都可以黎支持下！