雪山冰廳

Open Now

Now Closed

懷舊冰室越來越少，總店係深水埗有多年歷史嘅雪山冰廳，今次去呢間位於長沙灣分店，選擇左幾款招牌經典小食 ~冰廳翻新後裝修風格時尚，以湖色綠為主調，牆壁及地面鋪上懷舊風磁磚，既而展現出復古典雅風格。避風塘生炸髀       $45大大隻雞髀，炸得剛剛好，炸粉唔會過厚，外皮脆卜卜，雞髀肉好嫩滑，肉質唔會乾身，保留到肉汁，避風塘炸蒜好香好脆，配合新鮮嘅沙律，蔬菜粒沾滿沙律醬，食落酸甜爽口，雞脾加沙律很夾。紅豆冰招牌菜炸髀配紅豆冰，簡直絕配！淡淡花奶香，與甜甜嘅紅豆混合起來，很不錯。經典芝蛋牛肉漢堡包      $40芝麻麵包外層烤得好鬆脆，充滿茶記風味，牛肉嫩滑，加埋裡面嘅芝士、流心煎蛋、牛油連埋一齊食，咬落去好juicy，層次相當豐富，相信作為漢堡包王既你地一定鍾意。榛子醬西多士      $39邪惡嘅西多士，炸至金黃色，有大大塊嘅牛油被熱度融化左，裡面係濃濃嘅榛子醬，淋上糖漿，然後切成小塊，外脆內軟，食落出奇地唔會好膩，仲食到榛子粒粒嘅口感，好惹味。熱檸檬茶色澤對辦，飲起黎茶味芳郁，口感清香。熱杏仁霜飲落去好濃郁嘅杏仁霜味，好足料，甜到啱啱好。

店名：雪山冰廳地點：長沙灣青山道413號東景大廈地下4-5號舖1.波士頓龍蝦麻婆豆腐+白飯 $108+6真係有龍蝦肉，麻醬同龍蝦又幾配搭，豆腐，肉碎，豆瓣醬和花椒數者混合上黎，份量又足，都ok🫣🫣2.榛子西多士 配杏霜 $39西多士好正，記住一定要趁熱食，溶化嘅牛油，甜甜嘅蜜糖，配上輕微融化嘅榛子餡，入口好滿足，雖然凍左都ok，但熱食最完美，口感一流👍👍3.避風塘生炸雞髀 配紅豆冰 $45非常惹味，炸香嘅蒜蓉放係炸雞髀上面，炸嘅雞髀火喉又啱啱好，做到外皮脆肉質嫩，重要有少少肉汁😍😍，好好食，食雞髀最正係落手食，還要配埋紅豆冰，一啖肉一口紅豆冰，無得輸

之前係長沙灣行完街都食過呢間雪山既午餐，今次又黎到呢邊就比次機會試下個火鍋啦。椰子文昌走地雞鍋，見到覺得ok所以試下。呢個湯底係比較淡，不過有朋友食沙嗲鍋所以可以加啲湯過黎先沒咁淡。火鍋材料方面，整體都ok既，雞既口感都算pk，少少滑啦，而且份量可以接受既，其他火鍋配料就算係正常味道，蟹棒就真係夠哂大條，獅子狗 金菇味道都係正常，所以呢個try係可以接受而且百幾蚊有呢個質素同份量都算是值得既。總結黎講，今次火鍋一試係ok.火鍋放題既另一選擇，不過呢個湯底係會淡啲。

雪山冰廳原汁原味發揚香港茶餐廳的文化，甚麼美食均可以在雪山冰廳吃到，雪山冰廳是歷史的老字號，長沙灣店是其分店，但其水準一如深水埗總店出品穩定，所以用餐時也幾乎整間店客滿，生意甚佳。波士頓龍蝦叻沙摻摻湯頭加入多種香料熬製，搭配上參巴醬，濃郁又帶點椰奶風味，朋友很喜歡，特別是在秋冬季節，來上一碗叻沙湯麵，真的暖胃又滿足。摻摻可以一次過品嚐米粉及油麵兩種不同嚼感，吸附著叻沙湯底的精華，給人雙重享受。波士頓龍蝦叻沙摻摻用料不少，除了波士頓龍蝦外，還有魚片、豆卜、雞蛋、參巴醬、乾蔥，隨便一夾都是料，吃到朋友欲罷不能。豆卜吸飽湯汁挺濃香，魚片意外彈口頗不賴，波士頓龍蝦肥美肉厚，蝦膏豐沛，龍蝦肉彈嫩鮮甜，盡是肉汁。不容錯過雪山冰廳的避風塘生炸髀，避風塘生炸髀嚴選雞髀生炸，油炸好的生炸髀呈現美麗的金黃色，再撒上避風塘炸蒜，避風塘生炸髀雞皮酥脆，雞肉鮮嫩多汁，生炸髀香鹹帶點辣勁，涮嘴又開胃，令人難忘。每次到港式茶餐廳，我都必點椒鹽豬扒飯，椒鹽豬扒飯最能看出茶餐廳的功力跟道地程度。始祖椒鹽豬扒飯(炒底)是雪山冰廳的招牌料理，深受食客喜愛，椒鹽豬扒的入味和香嫩的嚼感令每一口都成為味蕾的享受，鹹香滋味使炒飯更

長沙灣這間雪山冰廳比深水埗店為大，環境比較闊落舒服。餐牌選擇頗多，加入不少新派創意菜式，價錢親民。椒鹽豬扒飯，份量足料，豬扒肉質鬆軟，加上椒鹽，好惹味。最鍾意炒飯底，有蛋絲、蔥粒，甜椒、炸蒜，飯身粒粒分明，只係炒飯都已經好好味。檳城叻沙海南雞米線，喇沙湯底濃郁惹味，帶有椰汁香，米線滑身彈牙，海南雞份量都頗多，肉質頗滑，這個配撘很不錯。奶醬多，烘底脆口，內邊既奶醬多得滿瀉。飲品推介樽仔奶茶，茶香滑身。

呢間雪山冰廳一直以黎都係心目中好地道又抵食既茶記，而且仲有好傳統既手寫餐牌，阿姐既服務亦都好好，真係會轉登黎食佢既椒鹽豬排飯。大阪燒熱狗呢個真係未見過而且係有驚喜! 熱狗腸熱辣辣再加埋大阪燒既醬汁，估唔到係咁夾而且價錢亦都唔貴，真係要試!鮮茄焗豬排飯另一個招牌菜式，豬排肉質夠淋而且好入味又有肉既質感，加埋炒飯底係粒粒分明，茄醬調味亦都幾好，甜酸比例都岩岩好，真係幾好食而且新鮮焗起又夠芝士，整體都係一個好食既焗飯!椒鹽豬排飯呢個真係每次黎雪山冰廳都必食既菜式，豬排係比起焗豬既更加厚而且超入味，加埋佢又炸過同埋大量蒜蓉既調味，食落真係好惹味! 另外炒飯底亦都好出色，粒粒分明熱辣辣而且仲有少少辣椒吊味，極力推薦一定要食!

和朋友經過長沙灣，見網上推介便來試試了。花旗參麥冬燉赤肉 燉湯套餐轉燉湯+$15，見到幾乎枱枱都叫，當日天氣有點冷，便叫來試試，入口時好香花旗參味，有一隻雞腳食，好足料的燉湯，每日轉不同的湯料，要睇當日餐牌，非常值得一試！自選香鍋 每餸$25-35 三餸起自選餸好處係有好多不同肉類同蔬菜配菜選擇，選好餸加香辣醬同香料花生芫荽爆炒，香氣十足！一鍋送一碗白飯，抵食！椒鹽豬扒飯（炒底）見到其他blogger 推薦必食，所以我哋都叫嚟試吓。一試，哇，炒飯好有鑊氣，唔淨係蛋炒仲有好多配料如豆角三色椒，口感豐富，豬扒厚身嫩滑，都好惹味香口，棒子西多士西多士就食得多，棒子真係首創，啱哂愛朱古力的食家，味道都幾夾西多士，推薦！

今日放工，又近近地去咗長沙灣食飯雪山冰室都算係老字號性價比相當高今日老公點咗一個招牌焗豬扒飯👍🏻👍🏻👍🏻👍🏻👍🏻豬扒超級厚切蕃茄又夠多加上係炒飯底好食又出色我自己就點左個霸王雞飯套餐👍🏻👍🏻👍🏻👍🏻👍🏻再加咗一個燉湯姬松茸燉赤肉好香好香姬松茸香味燉湯味道好夠霸王雞好滑仲要係配菜飯再加多個小食避風塘炸雞髀👍🏻👍🏻👍🏻👍🏻👍🏻即整即炸香口又脆又夠辣超級惹味

位於長沙灣嘅雪山冰廳，店舖都算幾大，幾多人食，夜晚九點後去到坐滿咗六七成，餐廳餐牌都有幾多唔同嘅食物款式，我哋去到嘅時候啱啱好係貓頭鷹時段，可以叫貓頭鷹餐牌的優惠套餐，大約$60左右，包一杯熱飲。最推介係菠蘿油，送到上枱既時候仲係暖笠笠，而且餐廳幾貼心，牛油會用冰塊保持佢嘅溫度，避免牛油溶化，擺落菠蘿包就可以有冰火嘅感覺，呢個位勁讚，而且個菠蘿包皮超脆，性價比高！普通夜晚時段價錢會高少少，其他食物味道都幾好，係一間嘅推介嘅茶餐廳！

雪山生意經常好旺，質素有保證，經常過嚟食早餐。我鍾意佢沙嗲牛可以跟米線，沙嗲牛好食，肉質嫩無筋，加錢可以跟丹麥多士配炒蛋，雖然牛油邪惡，不過丹麥多士真係好香脆。裝修新淨，係難得乾淨嘅茶記，卡位闊落坐得舒服。店員態度都幾好，食得開心

平時都係去開百分百。見佢新裝修幫襯吓。今次就直程叫外賣返屋企 佢呢個漢堡包，會唔會太有誠意🤣🤣 靚到咁樣。好少何外賣有咁嘅質素。根本上香港人唔介意食嘢貴，但係你要有返咁上下質素，我就唔介意俾錢你賺

長沙灣雪山冰廳，六十多年歷史的茶餐廳，食物質素有一定的水準，而且隨著時代的變遷，更加入多種有特色的新菜式！👏🏻👏🏻👏🏻👏🏻👏🏻近日天氣開始轉涼，餐廳更推出了三款砂煲火鍋暖意的新菜式，包括迷你秘製雙冬羊腩煲、椰子文昌走地雞窩和特級牛肩胛香濃沙嗲鍋，真的風味十足！必叫！必叫！今次點了椰子文昌走地雞窩，白皮雞皮白雪雪，皮爽又有彈性，肉質較為實淨，配搭椰子清湯，暖意爆分！👏🏻👏🏻火鍋更配搭雜菜、雜菇、走地雞、蟹棒、獅子狗、雙丸，價錢只需$108！👏🏻👏🏻👏🏻另外點了滋潤燉湯二人套餐！只需$188👏🏻👏🏻先來燉湯兩盅，足料入味香噴噴！是日燉湯是五指毛桃赤肉湯。餸菜揀了是日海上鮮，即是新鮮的蒸魚，每天也有不同的魚，都會寫在黑板上，清楚列出來，今次點了豉汁蒸盲糟，很新鮮，蒸得好嫩滑！正！另外包一款季節小菜，而我點了菊花蜜糖焗一字骨，蜜糖很豐富！非常惹味！肉易離骨！👍🏻👍🏻

老字號1956年的雪山冰廳想知道點解可以屹立咁多年？馬上入嚟幫襯所有答案就可以搵得到。因為實在太完美椰子文昌走地雞鍋夠晒風味的砂煲，用沙子現場煮熟 夠晒風味雞肉融入椰子味道 清新 清潤 啱晒冬天感覺配上不同配料生菜金菇，獅子狗魚蛋，蟹柳等等夠晒風味的味道 又可以打邊爐，又可以食雞五指毛桃燉赤肉湯兩盅原盅燉湯非常鮮味，打開蓋香氣四溢美味瘦肉雞腳 煲出來的燉湯絕對係色香味俱全 啱晒就快進入冬天飲過全身都溫暖菊花蜜糖焗一字骨賣相一百分 味道都係一百分鬆軟一字骨 配上美味醬汁 甜味口感豬肉嘅濃味 配搭得一流美麗菊花瓣配襯 更顯冬日嘅味道 夠晒甜蜜蜜豉汁蒸盲糟廣東人蒸魚，絕對係最重要 原條 大大條的盲糟 肉厚順滑啱啱好 當然這裏還有其他海魚選擇豉汁撈飯 更加係重要之處 這個重點識識嘅香港人一定唔可以錯過香港的秋冬配上美味的佳餚這就是香港人一直追求的味道環境由美麗服務又周到簡直係香港人之福

唔好以為冰廳只有港式茶餐，宜家既冰廳美食多元化，有埋好多家常便飯同拿手菜式，今次來冰廳食羊腩煲🍲都係第一次，想食羊腩煲，就試下呢間長沙灣老字號冰廳———雪山冰廳❄️呢排新出既迷李秘製雙冬羊腩煲，剛好滿足我想食羊腩煲的慾望，細細煲一個人可以品嚐又不浪費。煲仔雖細🍲，但該有的儀式咁都會有，首先上煲開火，煲到熱辣辣滾既時候，就可以放生菜🥬，羊腩大大舊彈牙，仲有D冬菇真係食得出靚貨，炆耐d撈羊腩湯送飯一流阿。食完羊腩煲成個人暖笠笠，冰廳最正可以中西合璧，唔夠侯再食多個鮮油多做甜品，歎埋北熱咖啡☕️就正到爆啦。

📍 雪山冰廳🌍長沙灣青山道413號東景大廈地下4-5號舖 Shop 4-5, G/F, Tone King Building, 413 Castle Peak Road, Cheung Sha Wan📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝雪山冰廳1956年開業，有60多年歷史，自從搬黎長沙灣先認識，每次爸爸黎探我都話要食佢~▸椰子文昌走地雞鍋 ◂＄１０８✿  雞件逐件放入砂煲，煮沸就可以食，椰子湯底清甜又暖胃。雞件保持鮮嫩口感。在雞件使用文昌雞，雞味澎湃，經椰子水吊出鮮味後，變得更加甜美爽口，透著淡淡椰香，配搭秘製醬油和沙薑，食落多汁嫩滑，一點都不會柴。另加長豆卜＄１５同白飯＄１０ ▸ 乾炒馬拉盞芥蘭牛肉河◂＄７０✿ 同我平時食嘅馬拉盞味不同，無咁死咸，有蝦米同瑤柱絲香味十足，勁惹味，尤其是雞蛋，加入醬油大火猛炒，鑊氣！