雞蛋仔專門店

Open Now

Now Closed

雞蛋仔係我鍾意食嘅小食之一，呢間雞蛋仔專門店究竟有幾專業呢，佢除咗雞蛋仔同格仔餅之外仲有小食，魚蛋燒賣走唔甩，但係我都俾佢嘅雞蛋仔同格仔餅深深吸引住，佢真係有超多味，仲要係超邪惡😍😍😍因為食完個晏冇咁肚餓，雖然好想食邪惡嘅格仔餅但係最尾都係叫咗雞蛋仔，我就叫咗個士多啤梨雞蛋仔，佢係即叫即整既，大約等咗6分鐘到就有喇，熱辣辣，超香士多啤梨味，佢雖然入邊冇一粒粒嘅士多啤梨果肉，但係佢真係好軟熟，蛋漿都做得好好，外面又夠脆，真係唔錯，下次真係要試吓佢啲格仔餅，諗起都肥幾磅😆😆😆😆

唔知點解朋友成日出門都話要食格仔餅, 今日難得去大埔玩, 走咗去雞蛋仔專門店外賣佢份大熱嘅格仔餅<金莎朱古力格仔餅>因為而家唔可以喺街度除口罩食嘢, 唯有外賣返去慢慢嘆可惜街頭小食就係街頭小食, 外賣返去成件格仔餅都淋晒, 口感好似蛋糕以格仔餅黎講, 呢份金莎朱古力格仔餅可以話係幾足料, 口感偏實大食妹唔係好鍾意咁實在嘅格仔餅, 但總有人會鍾意雞蛋仔專門店嘅金莎朱古力格仔餅連格仔餅餅底都加入左朱古力, 配搭金莎朱古力醬料, 幾有創意

難得入到大埔，當然要試吓好多人推介嘅格仔餅，呢間鋪頭果然臥虎藏龍，唔係對住大街，而係係商場入面，我同朋友都花咗啲時間搵。出面好少有金莎朱古力格仔餅就決定試吓，我地未到中午食，所以唔洗等好耐，落單後大約五分鐘就已經有得食。格仔餅外脆內軟，仲有粒粒花生，口感非常豐富，而且有唔算好甜嘅朱古力醬，咬落去熱辣辣，每一啖都有朱古力味，真係好滿左。重點係金莎朱古力格仔餅價錢唔貴，$30都唔洗，有咁嘅質素真心性價比高！

大埔必食❗️雞蛋仔老字號🐣 呢間舖屹立大埔十幾廿年一直深受街坊歡迎😋🐨由細食到大 人生第一次食雞蛋仔/格仔餅亦係係呢間舖食🥰 個陣一試就愛上今次專登帶🐻‍❄️試下當中三款人氣小食 原味雞蛋仔 $17 🔖4.6/5分 士多啤梨雞蛋仔 $17 🔖4.5/5分- 即叫即整 收到手時熱辣辣🔥- 一定要即食 夠哂脆卜卜😍- 味道不會太甜 🐤蛋香味足夠- 仲有多款味道可以選擇 金沙朱古力格仔餅 $25 🔖4.5/5分- 格仔餅同雞蛋仔一樣 即叫即整 - 超級脆身😍 餡料夠多 朱古力流心🍫加上nuts 口感一流🥰- 不論係格仔餅定餡料 都唔會太甜 味道剛好👍🏼👍🏼👍🏼- 口味都有多款可供選擇 📍 雞蛋仔專門店 (大埔)大埔安慈路4號昌運中心榮昌閣地下14A號舖

算係大埔最出名嘅一間雞蛋仔專門店，雞蛋仔同格仔餅有好多味道可以揀，有原味、朱古力味、士多啤梨味，而且仲可以加配料喺雞蛋仔入邊，我認為最好食就係金莎朱古力格仔餅，配埋個原味格仔餅皮就啱啱好啦👍🏼另外，個人覺得佢另一面嗰啲小食就比較普通，如果對食嘢有少少要求嘅就唔太建議叫啦 (小食方面其實大埔仲有好多好選擇嘅)🙈

第一次入大埔就搵到下次再入大埔嘅理由♥️不嬲我都係一個花生大fans，搭車去緊昌運中心時，其實我都唔知大埔有咩岩我食，要令一個好有減肥決心嘅人掃街，果樣食物一定要有好大嘅魅力係巴士上見到迷你花生夾餅已經好想食啦，因為好似我係台灣細個最愛嘅麥仔煎，雖然質地有d不同，但是材料都一樣，係香港可以搵到呢個味道真係好感動～～ 差點食完又再衝返再買第二個食，同埋可以同老闆話要少甜、脆d （提要講就有得客製化）好少係香港有咁嘅小食店，要支持下次我要食兩個🤤

老未號大埔雞蛋仔專門店日日都咁多人光顧的。即叫即整，我就叫左一個花生粒芝麻格仔餅(HKD20)和草莓醬格仔餅(HKD20)，餡醬超級足料，每一口口感都會好多醬汁，食完滿足感十足，好味。

係雞蛋仔專門店，但係今次冇買雞蛋仔夾餅因為我見到冷糕，呢樣野唔係週圍都有得食就試吓佢....呀姨話整個新鮮嘅比我以前勁鍾意行到邊食到邊宜家疫情關係已經唔敢手拿住熱辣辣既冷糕要飛回家才可以食佢外表脆脆，個心中間厚嘅位少少似夾餅入面係花生，椰絲，糖粒幾得意嘅不過一次就夠我下次都係食返雞蛋仔同格仔餅😂😂😂😂

食完粉果佬，入去昌運中心打個轉，一入到去就好大陣蛋香味，就買左底雞蛋仔試下。🐒原味雞蛋仔💰$17蛋香味夠，唔會太甜，拎到個陣仲暖既，外脆內軟，一路食都keep到個質感，唔會話擺耐左就淋哂。見到仲有其他口味，不過就無試到，仲有冷糕都好似好吸引🤪

連中午都無得堂食，唯有乜都買返屋企食！但有時出去做野⋯無得返去食就唯有企喺街食⋯唉⋯無乜必要都係留喺屋企做廢人算⋯金莎朱古力格仔餅 $25喺商場聞到好香雞蛋仔味，行入啲見到有間都幾大嘅雞蛋仔專門店，不過見雞蛋仔無乜特別，所以就揀咗呢款金莎朱古力格仔餅！即叫即整，熱辣辣。金莎朱古力醬都算多，有啲脆粒喺入面，幾有口感，朱古力嘅味道亦唔錯。格仔餅都幾厚身，不過外層表面唔係脆身，同埋始終朱古力醬比較傑，所以食落都幾乾。不過整體嚟講都Ok，而且好飽肚，食完一件就飽晒！另外佢除咗有雞蛋仔同格仔餅外，亦有比較少見嘅冷糕，不過一次真係試唔晒，下次有機會都想試下～雞蛋仔專門店大埔安慈路4號昌運中心榮昌閣地下14A號舖

朱古力迷小分享🍫. 呢間大埔人一定有食過，我就細細個已經聽過呢個名啦🥰中學嗰時已經有幫襯開。今次帶好少食甜野嘅男友嚟試吓，回味下我的少女時代食過嘅格仔餅，順便分擔下脂肪😛我哋叫咗金沙朱古力格仔餅，等大概10分鐘，商場有冷氣，所以等下都👌🏼 有得食啦，我咬咗一啖就俾男友試下，本來以為佢捱義氣陪我食，點知佢就搶住繼續食，停唔到口咁食，連平時唔好食甜點嘅佢都愛上咗😎我好鐘意呢個軟棉棉口感嘅格仔餅，個人覺得如果太脆就係西式waffles啦，軟身先岩我😚流心嘅係朱古力醬Nutella同溶咗嘅金沙熔岩🐒好味到流晒口水🤤如果你鐘意食 繽紛樂，一定會愛上呢個格仔餅，😋味度控制好好，唔會太甜，但又夠味😃非常推薦哦！ .

很久以前試過它的撈麵，咖喱撈麵好像和平時的印尼撈麵有所不同，味道帶有一點咖喱味，而且比較香濃，味道還不錯。有天終於試一試冷糕，還以為前邊的只是放着，如果我要冷糕，它可能會新鮮弄一個更熱的，但原來，前面的就已經是弄好的冷糕，阿叔只是隨便順手拿起一件，放入紙袋，就收$17了。紙袋裏邊的冷糕，可能因為放在熱爐上面，因此還不算完全放涼了，旁邊的比較薄部份，就較為香脆，但是它本身也不算太過香濃，蛋味也不太濃。而且兩邊位置只有糕(即皮)，但味道不太濃香，亦都沒有什麼花生、椰絲、糖粒。中間部份即使有些花生、椰絲、糖粒，但都不算甜，而且因為餡料都是固體狀，沒有什麼奶油、煉奶、糖漿或是花生醬，令到那些餡料不會黏着一團。因此，糕還糕，餡料又自己在裏邊，不算非常之配搭，是極其普通的甜品。要吃小食，任何一家麵包店的蛋撻都應該好吃一點

話說呢間雞蛋仔其實喺大埔開咗好多年以前補習前成日都會買底雞蛋仔食不過慢慢覺得麻麻好味啲粉太厚 冇蛋味🤦🏾‍♀️所以冇幫襯好多年🤦🏾‍♀️.直至琴晚東張西望有訪問呢間鋪今日經過就買咗底冷糕冷糕係香港傳統小食基本上都係夾餅雞蛋仔嘅味道但入邊有花生,砂糖同椰絲🤔佢味道唔會太甜 可惜冇乜蛋味不過佢新鮮即叫即整所以都幾熱辣辣幾脆口.Anyways食完今次都冇話特別想再幫襯可能因為都唔係特別太好味今次幫襯純粹係試吓香港傳統小食冷糕反而大埔另一間喺寶湖商場嘅雞蛋仔店TakEateasy就真係回頭率高！下次有機會會幫佢哋做返個食評😁

大埔呢個商場仔，除咗大榮樺既牛仔柳正之外，有間賣港式小食既舖頭我都成日幫襯既，不過今次啲水準就一般喇。去到落單，老板都好好人話重新整底熱既比我地，咁我地就攞住張飛仔等喇今次同平時一樣都係嗌朱古力雞蛋仔，熱辣辣好香好吸引。但食落去好似啲朱古力味冇平時咁濃，平時會有少少好似流心既感覺，今日就...普通啡色雞蛋仔囉😅😅😅同埋可能趕住出貨，今日唔係每粒都清脆俐落咁啪得開，有啲位會淋啲，吹得唔夠耐。以$17一底雞蛋仔黎講，今次真心麻麻喇，不過見其他人叫原味雞蛋仔呀冷糕呀嗰啲都好似ok，會再試多次睇下係咪只係老板一時失手，溝稀咗個粉漿🤷🏻‍♀️🤷🏻‍♀️🤷🏻‍♀️

今日終於一試睇食評同平時d人講好好味既「昌運雞蛋仔」。我地叫左朱古力雞蛋仔，加一杯「杯芽奶茶」，好期待既，點知一拎上手就知伙了☹️（合共$31）點解甘講？因為佢超級凍。店員隨手拎左個擺凍左既朱古力雞蛋仔比我地，朱古力味唔夠濃，唔脆，基本上熱辣辣既食物應該係對雞蛋仔既最低要求吧，完全失望🙍🏻店員亦都唔係十分nice同有人情味，野飲明明叫700cc但一d都唔大杯💁🏻‍♀️總結，完全大失所望，唔會再幫襯😂