雞蛋仔專門店

Open Now

Now Closed

呢間雞蛋仔屹立不倒咗喺大埔好多年今時今日一個雞蛋仔可能同一盒兩餸飯，差唔多價錢💸但呢度咁有名氣只係買$20 ，都算係抵👍🏻其實呢間店另外一樣出名嘅嘢就係冷糕因為喺香港真係好少地方有做，但係食咗太多次啦，今次就食返雞蛋仔啦😆 芝麻雞蛋仔：本身以為啲芝麻會係黑芝麻但就算佢哋用白芝麻，可能因為有溫焢過，啲芝麻味都好出😋而且每一粒雞蛋仔都有芝麻，非常真材實料👍🏻而且雞蛋仔都好香蛋味，外脆內軟但未做到每粒都滿滿嘅粉漿脹卜卜 朱古力味雞蛋仔：雞蛋仔表面有啲朱古力紋🤤食落真係每粒都有朱古力味，但嗰種朱古力係牛奶朱古力，所以會有啲甜不過$20一底，都咁真材實料，真係唔錯！👍🏻 菜式：- 芝麻雞蛋仔：$20- 朱古力雞蛋仔：$20 味道：🤤🤤🤤🤤/5性價比：🤤🤤🤤🤤/5

行過呢條熟悉嘅小街，香氣撲鼻，我忍唔住走咗入一間人頭湧湧嘅小食店。店面唔大，但每一個人嘅臉上都掛住滿足嘅笑容，我知道，呢度一定有嘢好嘢。我點咗份魚蛋。一試，哎喲唔錯喎！嗰魚蛋外面炸得金黃香脆，入口即化。真心攪得一手好滋味，口感完美地平衡咗酥脆與鮮嫩。攪啲辣椒醬就更加惹味，稱得上係「手工極品」，聽我講，咁嘅好味道，嚇死霸王花！再來，一定要試埋個豉油雞。肉質嫩滑，㖞得嚟唔肥膩，就算係咀嚼肉塊，都能夠感受到啲肉汁嘅潮濕同豉油嘅香味混合成一種「滋味浮雲」，一啖嘅享受，完全忘記咗周圍環境嘅喧囂。最後，嗜甜如命嘅我當然唔會放過甜品。黑糖燒仙草，滑溜溜嘅口感，加上黑糖嘅心暖意縈，每一啖都似喺講咗聲「食多啲啦！」响應，我就咁著迷咁喺呢個小小嘅天地食得心花怒放🌸。簡單嘅街邊小食，每一口都充滿暖意。有時候，快樂就喺呢啲小小嘅碟碟碗碗裡面。食到嘴角微笑，係咁簡單嘅享受，無需太多修飾，每個味蕾記下嘅，都係港式小食嘅淳樸同趣味。呢啲味道，真係令人憶牙難忘🥢🍜👍！

好鍾意食格仔餅雞蛋仔 各叫左一份 雞蛋仔都幾鬆軟 食落蛋漿好有份量好厚 花生醬煉奶份量亦都好多夠唒甜 超推介朱古力雞蛋仔 雖然冇朱古力粒但係淨係個蛋漿已經好香朱古力味 外脆內軟👍🏻

今次閒日放學時段黎到 (3點幾)，都有大約3-5單喺我前面，最後等左12分鐘就攞到，比預期中快，本身我預15-20分鐘。嗌左兩樣野，首先係原味格仔餅 ($20)，即叫即整既關係，所以等左一陣。格仔餅熱辣辣，都做到外脆內軟，有砂糖、花生醬、煉奶，醬既份量亦比到足。落單果陣老闆會問想要熱/暖，識揀緊係揀熱啦，擺左喺度唔係即食邊好味架。另外嗌左香芋奶茶，加黑珍珠 ($22)，珍珠屬於有咬口果種，我自己就鍾意呢間既珍珠多啲。至於隻香芋既味道，同雀巢既香芋味雪糕一樣咁濟。挑剔既位有兩個，首先係口感，冇同區既TakEatEasy咁厚。其次係甜度，今次嗌既係少冰少甜，飲之前亦有搖勻先飲，但由於杯野飲係一早整好 (大約早格仔餅10分鐘)，所以都擺左喺度一段時間，變相飲到最尾既時侯，個甜度就差咁啲喇。其實我見另一單，佢地反而係先整餅，後整野飲比客人，咁樣就唔會有我講既問題出現喇。總結一下，42蚊有格仔餅+大杯珍奶，性價比絕對冇得輸，格仔餅醬既份量足夠，外脆內軟，即叫即整又得，要現成既都得，十分推薦。至於珍奶就一般啦，口感冇同區既另一間小店咁醇厚，另外亦有飲到尾甜度唔夠既問題 (原因係店家先整野飲，後整格

朱古力雞蛋仔 $19 ✨：8/10係好食嘅雞蛋仔😋😋蛋漿半滿，最緊要係即order即整，會吹乾一陣先俾你。到手仲係熱辣辣，外脆內軟。🤤🤤🤤不過真係要食快啲，因為始終有水汽，慢慢俾水汽整軟咗，個質感就冇咁好😶😶其實鍾意原味多啲，不過難得朱古力唔使加錢，一於試下，估唔到都幾香朱古力味。😋雖然冇朱古力粒，但係都夠味。🤤不過其實價錢都有啲貴。🙈最唔好應該係要排隊，成日都keep住有人龍🤣🤣

雞蛋仔專門店都開左好多年㗎啦，我都由細食到大🤣見咁耐冇食，行過又聞到好香啵！我哋今次食嘅係朱古力味雞蛋仔🥰🧊朱古力味雞蛋仔 $19 7/10雞蛋仔係即叫即整㗎😻包保拎上手係最新鮮同熱辣辣👻但就要比啲耐性啦，因為都要等成5-8分鐘㗎！🫢係落單時記得要同店員講清楚你嘅要求啊😋要脆啲、多漿、熱啲同軟啲👍🏻我哋嗰日就叫左朱古力味嘅雞蛋仔🤪朱古力味都幾香濃🍫，但就覺得唔太夠脆身，如果可以再脆啲就好😍店員都建議要快啲食！🫶🏻如果唔係就淋得好快，冇咁好食㗎啦🥹🙈人均消費💵： $19性格比： 8/10好食程度😋：7/10回頭指數💓：7.5/10 📍 雞蛋仔專門店 (大埔)大埔安慈路4號昌運中心榮昌閣地下14A號舖

金莎朱古力格仔餅， $29真係賺到佢笑，價錢同質素根本唔成正比。啲格仔餅擺到凍哂，一啲都唔脆，個冷糕又難食，街邊十幾蚊雞蛋仔好食過佢。另外就係，老闆娘一啲衛生意識都冇，隻手掂完錢轉個頭又掂啲食物，我同朋友食完都肚痾，建議大家唔好去試伏。

之前食過金莎朱古力格仔餅啖啖朱古力味道好濃郁每一啖口感都好豐富反而今次叫嘅芝麻椰絲雞蛋仔食落有啲失望係有濃郁嘅蛋味,但椰絲芝麻味道好淡可能我真係食慣濃味食物不過好欣賞呢間小店好有人情味雖然已經有整定左嘅雞蛋仔喺度但老板會問你想食熱辣辣嘅定係微暖想食熱辣辣嘅佢會即刻整俾你大約6至7分鐘左右如果趕時間又肚餓嘅話都有整定左嘅可以快速攞走啱晒香港人急速嘅步伐

中秋節同朋友仔由大圍踩單車入到大埔運動完梗係要慰勞吓自己見到有路人拎住份格仔餅自己都流晒口水🤤🤤即刻search OpenRice就搵到呢間鋪頭睇到Menu已經比金莎朱古力格仔餅吸引咗朋友仔就比中式班戟吸引咗最後我哋再叫多個原味格仔餅咁就可以試晒兩個味🤩即叫即整，熱㷫㷫，整👍🏻講吓金莎朱古力味先榛子醬配埋粒粒果仁正正就係金莎嘅精粹不過對原味始終有情意結咬落去食到啖啖砂糖嗰份滿足感係無可取代，所以推介大家食返原味朋友話班戟啲醬都唔孤寒好有兒時感覺價錢仲平過格仔餅如果大家想無咁heavy，可以考慮食班戟鋪頭仲有賣傳統冷餅為咗食，下次再努力運動入大埔試埋佢🤪🤪🤪🤪

-{大埔雞蛋仔店🧇}難得嚟大埔試咗依間雞蛋仔~🤤朱古力雞蛋仔🤤 ($18)雞蛋仔好香蛋同朱古力味🤩但唔中仲食倒啲粒粒😚蛋漿落得好夠☺️但蛋漿側邊落得唔太平均👖褲評: 7.8/10好抵食而且又有蛋香 不過要新鮮出爐就要等耐啲所以要咗個即食嘅 希望下次有得食新鮮出爐啦😉性價比: 10/10服務: 7.5/10環境: nil🚩 雞蛋仔專門店 🚩地址: 大埔安慈路4號昌運中心榮昌閣地下14A號舖 #fuudjai #fuudjai小食 #fuudjai大埔 #fuudjai甜品

屹立不倒咁多年既雞蛋仔專門店，每次番親黎都會買佢地既夾餅。試過咁多次，每件夾餅都系即叫即整，keep到新鮮熱辣既感覺。可能潮式冷糕夠傳統，所以最吸引到我一食再食。 ⦁迷你花生夾餅/冷糕 $17用雞蛋仔既粉漿做了果外殼，入面再鋪滿花生、糖、椰絲等。令到外皮脆得黎又有點軟熟既感覺，最重要系啖啖都有餡。 依家咁傳統既小食就真系買少見少，好想有日有個地方，可以聚集所有傳統街頭小食。希望可以令傳統唔再被時代流失掉。

小時候，常常吃到夾餅，後來才知道，原來被稱為「冷糕」，在香港已經很少見。因為Honey住在大埔，後來才發現，原來在昌運中心可以買到夾餅(冷糕)。正直放工和晚飯時候，叫一份冷糕，我等了差不多十分鐘，好多人在等呀！我媽媽很喜歡，每次我到大埔，都會外賣冷糕給她吃。香脆的外皮，而裏面的糕芯是鬆軟的。餡料有：花生碎、白糖、椰絲，很香脆，好香口。阿姐密密手不停做。所以全是即製，熱辣辣的。看…幾多單在等冷糕的味道，就是兒時的味道，也是大埔的味道。

早排去了大埔掃街，去完買燒賣粉果，轉個灣入昌運中心，就會叫到一間雞蛋仔小吃店。呢到無座位，全部都是外賣。主要有雞蛋仔同格仔餅，除了味道多選擇多，更是即叫即整，新鮮熱辣辣。金莎朱古力格仔餅的餅底已經是朱古力味，加上內裏的榛子朱古力，只聽到都流口水。由於新鮮整好的格仔餅，內外有少少脆口，夾住的榛子朱古力醬非常幼滑，不會有一舊舊的醬，加上一粒粒舖得平均的榛子粒，為格仔餅添了點口感。冷糕真係買少見少，我自己都係第一次食冷糕，所以都比較唔到。雖然冷糕有個冷字，不過我收到的冷糕也是新鮮整好，仲係暖暖的。冷糕入面包住好多花生椰絲碎，食落有點似甜薄撐。你話佢好食都係的，但我覺得大家都係吃回憶為主。另外一提，每份雞蛋仔/格仔餅都可以以套餐價配一杯台式飲品。雖然飲品就無咩特別，不過解下渴都OK的。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

雞蛋仔係我鍾意食嘅小食之一，呢間雞蛋仔專門店究竟有幾專業呢，佢除咗雞蛋仔同格仔餅之外仲有小食，魚蛋燒賣走唔甩，但係我都俾佢嘅雞蛋仔同格仔餅深深吸引住，佢真係有超多味，仲要係超邪惡😍😍😍因為食完個晏冇咁肚餓，雖然好想食邪惡嘅格仔餅但係最尾都係叫咗雞蛋仔，我就叫咗個士多啤梨雞蛋仔，佢係即叫即整既，大約等咗6分鐘到就有喇，熱辣辣，超香士多啤梨味，佢雖然入邊冇一粒粒嘅士多啤梨果肉，但係佢真係好軟熟，蛋漿都做得好好，外面又夠脆，真係唔錯，下次真係要試吓佢啲格仔餅，諗起都肥幾磅😆😆😆😆

唔知點解朋友成日出門都話要食格仔餅, 今日難得去大埔玩, 走咗去雞蛋仔專門店外賣佢份大熱嘅格仔餅<金莎朱古力格仔餅>因為而家唔可以喺街度除口罩食嘢, 唯有外賣返去慢慢嘆可惜街頭小食就係街頭小食, 外賣返去成件格仔餅都淋晒, 口感好似蛋糕以格仔餅黎講, 呢份金莎朱古力格仔餅可以話係幾足料, 口感偏實大食妹唔係好鍾意咁實在嘅格仔餅, 但總有人會鍾意雞蛋仔專門店嘅金莎朱古力格仔餅連格仔餅餅底都加入左朱古力, 配搭金莎朱古力醬料, 幾有創意