陳根記

Open Now

Now Closed

聽講好吃，特意前來試試。唔建議慕名而來。唔建議慕名而來。唔建議慕名而來。重要的事說三遍。食物一般般。三個菜，白灼黃沙蜆沒咩好講，都白灼了。蠔仔煎蛋，一般。出面平平地都吃到的味道。麻婆豆腐，唔麻唔辣，鹹中有點甜，符合唔吃辣的朋友的口味。330吃完感覺好一般。中規中矩，沒唔好吃，都沒難吃。

第一次去呢間鋪食，以前大排檔個邊食過，昨晚約6時左右去到陳根記，我哋大約12人，已經到了10個人，問攞枱，門口姐仔態度差好粗魯，一定要齊人先比枱，同佢講有兩人在途中都唔比，如到時到齊咗無枱咪攞飛囉，唔夠5分鐘人齊，比咗3張細圓枱拼合，目測1張細枱只能坐3人，就算3張細枱拼點坐12人呀！後來同個姐仔講先換張大小小嘅2張圓枱拼，如果有枱點解唔早比呢？希望個位姐仔以後安排及態度好啲，如果生意好姐仔做得辛苦咪唔好做囉，我哋嚟享受食飯嘅，唔系受氣，而且找數時要比加一架，希望可以改善吓安排位嘅人的態度。

好鍾意食呢間餐廳，以前有大排檔食到而家🤗🤗每次去到必點沙拉骨，份量十足，仲有啖啖肉，配埋沙律醬，好正啊，越食越開胃😋仲有佢哋嘅乳鴿，皮脆肉嫩，啖啖肉，真係好滿足！會再嚟幫襯

平日好少食到大排檔風味，今日朋友介紹我去食陳根記，佢讚不絕口，又話好難揾位，我地大约8點半去到，好彩等左無幾耐就有位。入到去好多人食緊，坐位擺得好近，餐牌有好多選擇，我地揀了一陣，2個人叫了3碟餸。清炒菜心好大碟，但比較油，又比較淋，麻麻地，下次不會再叫。白飯魚煎蛋不錯，好咬口，有蛋味，白飯魚多，夠大碟。鹽水硯，硯好多，新鲜，硯好大粒，有咬口，好食。我地食完之後倾左好耐，侍應無催我地走，可以慢慢食，慢慢倾，是朋友聚腳的好地方。

wasabi手撕雞這個好像是必點的菜式 但wasabi味道不算太濃烈都幾好食嘅 但如果wasabi可以再濃d 就更加好了 依家係完全唔會令人有驚喜嘅感覺·蠔仔餅好普通 正正常常·白椒鹽九肚魚普通炸物·乳鴿不算是很大隻那種 肉質還算可以·（唔記得佢叫咩名😂）唔知咩炒鴨舌嘅嘢 份量都係幾多·名字好似是金湯什麼魚肉丸的 魚肉的肉質不彈牙個湯的味道就是近似酸菜口味 幾好飲嘅·豉椒蒸鱔魚偏細小不是那種厚實的魚質不會有豐富口感 味道正正常常·芒果一口脆好好食🤤外脆內軟 味蕾的一大享受

沙田人對陳根記絕對有情意結。佢搬到石門後，我今日先第一次食。頭抽豉油雞好入味、雞好滑，我覺得keep到以前喺禾輋嘅水準。避風塘雞翼，啲雞翼略嫌乾身、細隻，但蒜底好正，打包返屋企繼續用。價錢係貴嘅，冇計啦人哋出咗名嘛...不過點到唔係以前冬菇亭嘅感覺，香港應該保育大排檔...

10幾年無食過已由大排檔搬了入舖新店在石門地板設計用返以前街邊地板樣式圓枱，膠椅椒鹽九肚魚炸得乾身，好味炸大腸唔錯其他食物質素一般本想羊腩煲，可惜下星期才開始售賣

夜晚9點零10點石門好多餐廳都收左門～陳根記開到11點，10點截單！所以就入左黎陳根記啦😜1. 椒鹽鮮魷坦白講都幾好食的！佢炸得好酥脆！！但佢真係純炸炸，唔係椒鹽嘅感覺～推薦指數：⭐️⭐️⭐️⭐️2. 椒鹽牛仔柳炸左就一定冇咁嫩口架啦，不過勝在夠香口送下飯😜推薦指數：⭐️⭐️⭐️3. 菜心炒牛肉好食嘅芡汁！！ 個芡打得靚都冇得輸😋🤩推薦指數：⭐️⭐️⭐️⭐️總括而言，普普通通嘅質數！不過夜媽媽想食下有鑊氣，可以飲下酒大聲講下野同朋友傾下計嘅都係一個選擇！整體推薦：⭐️⭐️⭐️

陳根記📍Shek Mun👍🏼WASABI蟹子手撕雞 (例) $100雖然加咗價🥲，但無阻本人對佢嘅熱情😍❤️‍🔥 Wasabi唔會太攻鼻，手撕雞唔會韌，青瓜同海蜇增加爽脆口感，配埋鹹香調味，好食！當係開胃前菜又得，又可以當係加餸送飯食，如果住石門我一定成日買🤣！未試過嘅不妨一試😌味道🌝🌝🌝🌝🌗環境🌝🌝🌝🌚🌚服務🌝🌝🌝🌚🌚抵食🌝🌝🌝🌚🌚整體🌝🌝🌝🌗🌚#yyss_shekmun #yyss_石門 #yyss_屯馬綫 #foodie #foodiehk #hkfoodie #香港美食 #石門美食 #新界美食 #yyss_大排檔 #yyss_港式

每天限定的乳鴿點了一份來吃，感覺好像好搶手，不過不失，沒有什麼太大驚喜，不過味道唔錯。生炒骨味道就像菠蘿咕嚕肉一樣，甜酸汁剛好，配飯一流。人多比較擠迫，繁忙時間會有時限食用，自己點餐自己清洗碗筷，上菜時間不長不短，味道有煱氣，下次會試下其他菜色。

好耐好耐以前，係陳根記未入商場前食過，印象中食物係幾好食，尤其是wasabi手撕雞，好中意食。今日係附近做完運動去京瑞廣場揾食，竟然發現陳根記係度，同行朋友未食過，我又想食返個手撕雞😂所以就多年後再食。環境方面同大牌檔時候無得比，係好多，每張檯之間都有少少逼，不過勝在有冷氣，大家會食得舒服，不過少左大牌檔風味，除左熱鬧🤣Wasabi手撕雞（例牌） ＄100無以前試咁好食，感覺上wasabi味唔夠，雞肉有D太淋，分量正常偏少香煎蠔餅 ＄98都幾多塊，蠔仔分量正常，不過整體偏油，放耐左，凍左食油感幾重，建議趁熱食南乳蔬菜粉絲煲 ＄78菜分量多，粉絲都夠，南乳味適中，不過不失芒果河粉配雪糕 ＄39西瓜兩食 ＄52芒果河粉幾好食，但芒果汁偏濃西瓜兩食西瓜幾甜，但係西瓜波配下面D涼粉就唔多夾總結：無左以前大排檔果種感覺，食物偏貴，係正常好少少大牌檔既味道，偶爾想同一班朋友熱鬧下，食下小炒飲酒都可以食，食飯直落甜品呢度都有

公司食飯，招呼鬼佬老細，又想貼地啲，就揀大排檔陳根記啦。👍🏻真心抵贊既，環境，冷氣夠凍，人多但吾焗，燈火通明，無話一般大排檔個種那渣污糟邋遢，草根得黎好舒服。👎🏻真心要踩既，食物細碟到法國菜咁，鬼佬老細大開眼界:沙爹牛肉粉絲煲，煲仔size吾夠我手板大滷水拼盤，連毛監屎連豆腐十件左右一行十人你眼望我眼全部吾好意思起筷Ok,你可以話大家對份量標準吾一致，thats fine.各位觀眾，最神奇既事情要發生啦:我地叫左全隻wasabi手撕雞。嘩，啖啖肉好開心呀，食到底，竟然八條雞卑骨放响底呀。一隻雞有八條雞卑骨呀，呃錢呃到呢‼️食物味道: 辣酒煮花螺淡而無味，剩睇顏色都出晒事同menu張相實左爭太遠，d螺殼泥沙又吾洗。俾d heart好冇？大排檔曾幾何時係抵食，好食，香港特色既代名詞，但可惜今次，我完全睇吾到。如果再係咁落去，真係吾好怪d人返晒深圳消費！

以前喺禾輋經常去陳根記食晚飯的，因為大部分小菜都好食，而且種類亦多，自從搬左去石門后都未試過，今次諗住試下但有啲失望，覺得完全唔同，餸菜味道差左，種類亦冇咁多，今次叫了5個餸，只有頭抽雞比較好食，其他四個餸都唔好食，其中椒鹽豆腐個皮有啲韌而唔係脆，裡面有啲實唔係滑，以前佢地喺禾輋時我地都有叫呢啲餸，同宜家係兩回事，而且宜家每日不論平日或假期都要限時個半鐘，唔齊人都唔想比人入去，如果完全冇賣點，重要咁樣既話，都唔會再去啦。

陳根記搬咗去石門之後一直都好想試，終於係平日嘅過咗晚飯時間嚟試一試😋環境十分之企理，店員不失有大排檔嘅招待，十分有味道，有返之前大排檔嘅回憶‼️今次同keke小編兩個人去叫咗三個餸，份量十足👍🏽-🐥Wasabi 手撕雞🐥呢樣餸咁出名未坐低已經睇住自己一定要叫，估唔到出咗嚟之後食咗第一啖終於明點解👅 有wasabi 味之餘又唔攻鼻，啲雞滑嘟嘟，唔會太鹹，大推呀🤟🏽-🦑椒鹽魷魚🦑去大排檔一定要食啲有鑊氣嘅嘢，因為本身小編好鍾意食魷魚所以叫咗。啱啱上菜嗰陣時脆卜卜，魷魚好彈牙唔韌，非常新鮮，又唔太鹹，味道啱啱好！-🧸XO 醬小炒皇🧸呢個小炒皇火候十足，不太油膩，用料普普通🫶🏼 食落有少少鹹太鹹

昨晚第一次去此間食店食飯，貴價都沒問題但食物質素其差，坐位亦不舒服，不值得去。再不會幫襯呢間陳根記了。朋友們也有同感，他們都對此間食店為之失望，只此一次再沒下次的光臨⋯⋯以我們食咁多小炒店此間的小炒火喉未到家，應該多多改善，現在出面咁多競爭遲早失敗。自己亦不明白之前那麽多食評為何咁吹噓推介呢間食店，之前毎次去也排隊，去一次就中伏。但未去過又唔知咁差，最近經過又沒有排隊出現所以咪去一試吓！總之是失望啦！