Chung's House

今日天朗氣清,  去 數碼港探朋友,  乘機去 鍾菜館  歎個午茶.  特別一贊, 鍾菜館 位於商場地面層, 可以在酒家門前上落車, 極方便大眾 出入. 到達鍾菜館, 第一個感覺, 酒家外觀中式設計, 頗優越, 真誤以為我們身在中國.接待處用上石頭砌成的檯.  只欠古裝服飾美女,看右方有木雕座椅, 帆船及金龍金鳳擺設, 打卡最好. 餐廳樓底高, 座位設計獨特, 有 大圓枱,  梳化座, 燈光和詣.適合家庭, 朋友聚餐. 餐廳裝修得好雅緻.  有多間 VIP房, 牆上有不同中式擺設, 中式花瓶擺設也非常配合. 還有值得打卡的 [木門] 玉石對聯, [屏風]  看看中國的典故.石砌的牆,  又像去了影城, 感覺好特式.欣賞環境後, 到選擇食物.   我們掃描 QR碼 可以自助點餐, 看著雲石台, 配翠綠色餐具, 感覺好清新.   每張枱有加熱水裝置, 自己加茶加水極方便.  茗茶每位$20.我們叫了蝦餃, 燒賣, 叉燒包, 都是一位一籠, 清潔大方. 蝦餃蝦肉新鮮, 爽口.  燒賣內有花菰, 豬肉打得彈牙,  吾錯.釀辣椒,  鹹水角, 煎餃 也合水準. 紅油抄手,  做得好食.春風得意腸, 腸粉皮很薄,   口感挺滑.  肉餡很多, 有蝦, 瘦肉, 菰菌.  伴有菜遠,  同靚豉油. 鹹水角,   炸得鬆脆,  唔會油膩.叉燒飽, 叉燒味濃,  飽好鬆軟.叉燒酥, 叉燒饀料豐富,  入口鬆軟,  面上貼滿芝麻焗得香口. 蒸蘿蔔糕,  好熱, 調味不錯. 洗手間也有與別不同的設計, 入門牆上有中式國畫, 好美.每個洗手盆,  有自動皂液及吹風機,  設備好好.食物款式多,  坐得舒服, 我們自駕,  停車場有免費泊車.  會再來. …Read More

今晚同家人來到<鍾菜館>吃晚飯，最鍾意呢度近數碼港，可以行下公園散下步，而且喺呢個商場食飯消費，仲可以有free parking，喺呢個環境食飯，行下relax下，消磨時間，實在非常寫意。以中菜餐廳嚟講，呢度嘅裝修美輪美奐，感覺非常高貴，坐得非常舒適。<五香牛展>這個前菜冷盤，味道正常。<沙薑雞 半隻>百幾蚊嚟講，其實有少少失望，因為雞嘅肉唔多，感覺半隻雞都比較瘦。<鍾家炒飯>炒飯材料非常豐富，有蝦肉一齊炒，又有好多叉燒肉，用上砂鍋盛住嘅炒飯，保持到熱度，非常好食。雜菜煲份量非常之多，用上粉絲、瑤柱、蝦乾、冬菇等等，都幾足料。<大澳蝦醬骨>呢個骨感覺非常驚喜，入口蝦醬味濃郁，外面炸得微微香脆，惹味好食。<香煎金錢鱔>呢個係白鱔來的，用上大蒜和大蔥嚟炒，但係感覺一般，因為白鱔嘅肉吾多，比較細件，而且炒完之後入口肉質有點硬，可能用傳統豉汁蒸嘅方法來煮會更美味。整體嚟講，晚飯食物質素中等，人均消費唔使300蚊都叫做抵食嘅，因為環境真心非常舒適，下次有機會可以嚟試下其他菜式。…Read More

睇完早場經過鍾菜館想飲茶。見裏面地方闊落，又唔太多人就走入去。屬於稻香集團，所以每枱旁邊都有自助沖茶機。 減省人手之餘，手㾗嘅朋友飲緊茶有啲細藝仲可以自己決定啲茶泡幾耐沖出嚟飲。但係一台四個人嗰個茶壺有啲細，沖茶沖到唔停手，同枱小朋友就好雀躍！阿姐服務有待改善。生煎包是即煎的，連鍋上，但阿姐只放在枱邊等客人自己端到枱中間，有點牙煙精選幾個點心講下。蝦餃食神話蝦餃好食 ⭐️⭐️⭐️⭐️⭐️/5春風得意腸中間係吉列蝦，幾有誠意，但紅色嘅腸粉賣相怪怪地雖然味道是正常腸粉。伴碟菜心有驚喜喎。炸銀絲卷特別正，鮮炸、外脆內軟，掰開銀絲卷裏面藏著縷縷麵絲添！ 炸雲吞大大件、蝦肉大粒，但有翻炸之嫌。家鄉煎薄撐正常味道，雖則落青豆有啲特別…叉燒酥係逐件上，好多芝麻喺面，唔鍾意芝麻嘅朋友就唔好叫啦。環境舒適闊落，大量卡位、枱同枱中間距離好遠，傾計ok。數碼港嘅好處都係唔會太迫，同埋有免費泊車。…Read More

數碼港停車場多充電位，泊車又有優惠。所以假日泊好架車去鍾菜館歎下茶都係一件樂事。鍾菜館環境古色古香，座位闊落，唔會好似一般酒樓咁人多就會好嘈。平日食飯時間比較多人外，假日會疏落啲。座位旁邊放置左個自動沖茶機，有加水、煲水功能，掃描QR碼就可以自助點餐，所以基本上咩都自己嚟，唔需要客服。我好少飲普洱，因為好多酒樓嗰啲都會好苦澀。但呢度啲普洱反而我好鍾意飲，唔澀，有茶味。點心如牛肉球內有馬蹄，食落爽口；黑毛豬叉燒腸啲叉燒好味，但如果個粉皮薄啲更好。大部分點心都整得唔錯，價錢唔太貴。陳皮炒河粉就覺得又貴又唔值，無肉，可能貴在啲陳皮絲，不過食到啲係陳皮嘅苦味而唔係甘味。雞白杏仁茶就好正，好香杏仁味，甜味適中。整體嚟講呢度係中午歎茶嘅好地方。…Read More

Dim sums are in general with good tasteRecommended cha siu, fried tofu (with a really crunchy skin and super soft tofu), and fried carrot cake (great xo source on it)The tool to add water to your tea bowl was also very advanced so that you don’t need to wait for waiters to help.But there was a chicken bowl that we could skip trying a next time because the chicken meat was tense……Read More

誠意推介這間食肆，位於數碼港的鍾菜館。機緣巧合看見他們阿拉斯加長腳蟹優惠，$228/両。本身都會去開港島游水，決定今星期游完水過去一試。Book位時訂賣隻蟹。四個人食四兩半，再加其他小菜好夠食。其中一位朋友超鍾意吃，話好香蟹肉味之餘又啖啖白雪雪的肉，好鮮甜！他之後還推介比他的親戚，他們試咗一次大讚，他們食開長腳蟹，話質素很高，有優惠更加抵食。決定再食多一次😄。這個大澳蝦醬骨我哋一致好評，出邊食蝦醬骨蝦醬味很淡，他們整到恰到好處！炸得啲肉一啲都不乾👍🏻，有水準！這個鹽香燒乳鴿都同樣好味，皮脆肉嫩。另外他們每台有自動煲水設備，不需要叫侍應添滾水，超級方便！這件豆豆千層糕，睇餐牌是以為是中式糕點，但味道比想像中好。不太甜。食肆非常寬闊，樓底好高😄。對長腳蟹冇興趣亦可以試他們的小菜，他們做得都很出色，有很多其他款式我們都想試，留返下次吧！…Read More

🌹最後一天假期，安排了去數碼港《鍾菜館》飲茶，數碼港是第一次去，交通尚算方便，去到的時候感覺像遠離市區，其實又好近，感覺良好！🌹 星期日，食店開門是10點，我們去到的時候內裏是黑漆漆一片，但一搭正10點，燈就着啦，即刻解除心中不安。為有座位提前致電訂定位，但原來人不多。🌹時間尚早，位置可以隨意選擇坐下，每一個位置都能感受古色古香的味道，恍如在古代進餐一樣，很多打卡位，影了很多滿意照片。餐廳點餐用Bar code，沖茶添茶亦是自己動手，好像中國大陸，覺得不錯！🌹餐廳部份點心是單一個叫，這個亦是值得讚，有時一籠有四至三個，食飽肚子試不到其他，這樣可以叫多款來品嚐。🥢生拆鮮蝦餃⭐️⭐️⭐️⭐️皮薄用料足潮州粉果⭐️⭐️⭐️⭐️餡料足，皮厚薄剛好芋泥煎堆仔⭐️⭐️⭐️⭐️外皮脆，餡料幼滑鳳爪⭐️⭐️⭐️⭐️味道十足，份量夠叉燒包⭐️⭐️⭐️⭐️义燒餡豐富豬仔豆沙包⭐️⭐️⭐️⭐️賣相趣緻，豆沙不太甜春卷⭐️⭐️⭐️⭐️香脆可口牛肉⭐️⭐️⭐️⭐️牛肉嫩滑，份量足鹽香燒乳鴿⭐️⭐️⭐️⭐️肉質嫩滑，外皮香口個人評分食物味道茶味道環境衛生服務抵食回頭率…Read More

知道鍾菜館在數碼港，今日同媽咪趁假期落嚟飲茶。新舖新思維，已經用數碼落單，都算方便。叫了幾個基本點心包括燒賣、鮮竹卷、叉燒腸、珍珠雞和一碟陳皮炒河。炒河先到，等到食晒，啲點心重未到。看看落單時間，已超過半個鐘。搵個部長追追，態度極差敷衍了事。其實又入餐館到斟茶到送餐都是九流態度。好在今日心情好，唔係一定俾佢激死。公道講食物係OK嘅。鮮竹卷有翅(魚肚)湯浸，多湯而且鮮味得嚟唔覺重味精，珍珠雞足料，燒賣係逐粒叫($15 一粒）。碟叉燒腸就等足一個鐘都未到⋯咁嘅服務態度下次真係唔敢再嚟！…Read More

Best Chinese food I’ve had in Hong Kong. The fried rice is spectacular with the most fresh prawns. The egg dumplings are amazing (haven’t had this in other Chinese restaurants) and remind me of my childhood. We couldn’t finish the food (the portion was very generous) so had to take away some. The tea was brewed with original fresh tea leaves. The decoration is also ancient Chinese which adds to the overall dining experience. Definitely coming back again - recommend for taking your parents or grandparents. Suitable for group dining. …Read More

3樣餸消費了$1080多，有蒸魚，牛肉粉絲煲，大蝦，和甜品。晚上沒什麼客人。環境裝修好好古色古香，地方夠大。但服務不怎麼專業，有待改善。希望下次還有機會過來品嘗。…Read More

外賣 60$ 白切雞飯1. Menu得白切雞 但黎到係油雞 唔知做乜2. 切幾舊雞 等左成15分鐘 仲要係講緊冇人 多人真係等成個lunch都似3. 60$ 燒味飯 中環都差唔多價錢 人地隻雞就又香又滑 呢到就又硬又淡4. 唔好睇佢d飯好似好多 其實扒兩啖就食哂5. 叫個外賣 冇啦啦膠盒又收2$ 紙袋又收1$ 埋單就61$我就實比差評 唔會再係到食外賣 60$係cyberport大把選擇 一定唔會係到嗌個super overpriced既燒味飯…Read More

好少見到香港會有酒樓用充滿古色古香嘅裝修風格（大部分為西式裝修）見到嗰一刻真係忍唔住係心入面 「哇」咗一聲 處處精致細膩透著用心除咗裝修高質 點心亦相當出色 以酒樓質素黎講真係非常唔錯 每一樣點心都可見酒樓對待絕不馬虎求其 無論係蒸定炸 而更特別嘅係 蝦餸燒賣小籠包（不推介）都係一粒粒叫 就算自己一個又或者4-6個人都可以唔洗叫兩籠浪費 最後賣單523 4個人份量個個都會飽肚 以咁樣嘅質素真係性價比高 就係地點比較隔涉 如果唔係住係數碼巷都唔會特登過黎飲茶 但真係香港少有高質酒樓 可惜好似冇咩人知道…Read More

正如題目所然，呢一頭唯一在艾美酒店的中菜酒樓也關了，鍾菜館的開將正好給數碼港附近居住或工作，又對飲茶吃中菜有偏好的人燃點了希望。之前來過一次沒有訂枱，未能光顏。今日上午十時一開門即到就一定找到枱。這兒內部裝修下了一翻心思，當然喜好因人而異，但整體而言我覺得環境是十分舒服。開了茶在桌旁有一張有裝置的手推車子，玻璃茶壺放上裝置會自動入水和煲水，十分有趣。我叫了普利茶，茶味茶香是可以的。接著，當然立即叫點心。又是自動化的。客人要用手機先掃二維碼去到特定網址點菜。叫了點心大約十數分鐘點心陸陸逐逐送來。整體感覺點心味道十分好，好明顯是即叫即蒸！而且材料十分新鮮！有好幾類點心如蝦餃、燒賣、要一隻一隻叫，但每隻份量十足！點心的水準十分高，如十分滿分來說我會給9.5分！結論：我肯定會再來幫襯，希望水準能繼續保持！…Read More

可能平時去開的中菜館大部份都唔多講究室內設計，主要都是抱著以點心的質素考量為主的心態，所以這次我來到數碼港的鍾菜，真的給餐廳的外觀及室內的設計「感染」了！先講門面，其裝修大部份都以木及玉為主，考究的雕刻給你一種好溫暖及傳統的觀感。其次餐館內花瓶的擺設非常配合餐館室內的中菜的氛圍。由門面到坐下枱，整個感覺到非常舒服，甚至乎（誇張講句）有點似返左古代高級中菜館的感覺。同時，可能因為空間大，所以每一張枱的距離十分寬敞，而每張枱旁，都有一個自動加水裝置，隨時都可以自己加茶。或者係我大鄉里，見到這個裝置時，也忍不住玩了幾分鐘😂 講了咁多門面，是時候分享食物。點心方面，與平時一般餐館一籠一籠的叫法不一樣，這裡是以一件一件去點菜。所以，當點心上到的時候，我們每一個人的位都被圍著一件件的點心，好似食西餐咁。我叫了的都是正常的點心，燒賣、蝦餃、蘿蔔糕、春卷、腸粉、叉燒包等水準是中上。所有都是熱辣辣上，唔會太淋而且鮮嫩。不過春卷，他們的做法較以往的不同，他們的春卷較大卷，如果你是同客人食飯的話，會非常狼狽，因為脆皮會散到成枱都是。另外要介紹是他們的泡飯。真的好食到停唔到口。泡飯的飯不會有過多的飯焦，而且咬落香甜。湯水跟湯的比例很配合，不會出現有時候太多飯但唔夠水的感覺。因為今次我去試食午飯，budget也有限，所以都未能使到太多的美食佳餚。但整體而言，我可以話這個餐廳是色香味俱全，無論是餐館的設計，以致食物的設計，都是非常優雅。感覺去了一個古代格式的高級中菜館，但又crossover了好多現代的設備。最後，他們的洗手間也別樹一格，洗手盆居然用了通常係飛機場先見到的設計。我唔識點解釋，睇圖啦！…Read More

新年好多時無論出街食這去朋友/家人屋企食都離不開食盆菜。甚至今個新年情人節也在吃盆菜。我品嚐過不同地方做的盆菜，當中，有啲比較地道和傳統風味。但隨着時間演變，盆菜往往已在新年變成一名主要餸菜，對道菜嘅要求亦有更高追求。很多食肆亦都隨着食客要求提升盆菜質素。這次在中菜館是第一次叫盆菜外賣跟朋友一起品嚐。取盆菜是的確有個意外驚喜。首先我沒有預料到他們會給我一個咁精美嘅clay pot。我只想像他們會使用一個鐵盆而已。一向吃盆菜裏面包括很多不同的材料。這個盆菜不算大，價錢亦不算特別便宜，但是用的食材精緻。…Read More