釜や本舖 (Closed)

又是H8的食店，這店在地舖，看到門口有人派單張，而且入面也有很多人姑且試試，坐低之後打開餐牌看看，來以選擇的真的不多，沒想到竟然這麼少選擇，我叫了一客吉列豬扒配清湯烏冬，吉列豬扒炸粉不算厚，也炸得乾身，不會太油！而豬扒也不會太乾，做得不錯！主角烏冬也不錯，夠滑！又不會太軟，只是份量太少~

派傳單$48一個set免加一, 好似幾抵, 就去試下。$48 lunch set 只有幾款揀, 烏冬有(冷烏冬, 咖哩烏冬, 蕃茄烏冬,熱烏冬) 配 (吉烈豬扒, 吉烈雞扒, 炸蝦, 天婦羅蕃薯及南瓜) 配飲品1) 冷烏冬配天婦羅+熱檸茶, 冷烏冬夠凍, 但烏冬唔夠煙un, 自己買既手打烏冬仲好食, 天婦羅炸得ok, 熱檸茶超苦。2) 冷烏冬配吉烈雞扒, 雞扒炸得香脆, 但雞肉唔夠滑.3) 蕃茄撈烏冬配吉烈豬扒, 濃濃蕃茄撈烏冬, 好開胃, 但吉烈豬超鞋, 超un,炸得超老><$48 食呢d 質素唔值囉, 只此一次, 下不為例。

路經尖沙咀厚福街見到間頗光猛嘅的食店，(招牌寫著什麽麵匠) 滿以為是拉麵之類，但見不用等位，有些兒担心:! 這是香港人之奇怪心態，要等位又怕，唔洗等位又驚! 不過，見到間舖咁企理乾淨，姑且一試啦! 入到店內才知這是間鮮製烏冬店‧打開餐牌，直覺上有幾款都想食，微求同伴意見下，於是點了一客吉列豬扖、配咖喱飯，見標榜义燒烏冬說讚，所以要了一客，友人喜牛，於是又叫了一客吉列牛肉餅，朋友說，如想知道啲烏冬是否新鮮好味，非吃冷烏冬不可，所以又叫了一客冷烏冬，見到鄰枱吃溫泉蛋，好似好好味咁，引到我非吃不可，又要多個溫泉蛋‧hmm 啲吉列豬扖配咖喱飯，簡直絶配，無得彈，义燒烏冬吃得出啲义燒不是行貨，據店員說，這是店內的日本廚師每天精心炮製的，吃了一啖，確是非一般拉麵店的行貨义燒，但怕肥一族見到會卻步 ，因感覺會比較肥膩，不過，只要吃了一口，絶對會愛上它!冷烏冬配吉列牛肉餅 - 冷烏冬，麥香撲鼻，爽滑彈牙，尤其那湯汁，吃得出是精心調校的，加上新鮮羗茸，些少芥末及葱花，及天婦羅碎，超美味 而啲牛肉餅，也吃得出是自家製的，只買$25 超值‧這餐頗滿意，又唔太貴，吉列豬扖$55 / 咖喱飯$20 / 义燒

引言無食物咖哩烏冬，日式咖喱幾唔錯，烏冬應該係呢到既撚手野，不過就真係唔識欣賞，係日式超市都買到呢個水準既烏冬。蛋烏冬，烏冬感覺同上，蛋碎感覺係可有可無，其實可以做得更好的。吉列豬扒，炸得金黃色，肉就未係好嫩，不過驚喜位係帶點肥，水準都唔錯。蝦天婦羅，正常的，不過個蝦有點韌。服務及環境要搵店員唔容易枱放得密密，香港地，明白的抵食度唔平亦唔貴總結豬扒幾好，烏冬我真係唔識欣賞。

這間鋪頭其實裝修很美, 很多次都想試, 但因為曾見過經理在門外抽煙, 感覺不好, 結果一次都沒去過.這次因為朋友說很想吃烏冬, 上網CHECK過知道這鋪是日本元氣的子公司, 所以想, 應該質素不會差的, 而且門外還有日本人招呼, 後來上網知道這人是主廚, 很親切, 而且這鋪子燈火通明, 所以怎樣也該試試才決定是否會番頭.好了, 一行三人進去, 兩日叫了叉燒烏冬, 一人叫了鰻魚飯, 另叫了三文魚刺身和木魚花豆腐, 另加一個沙律.人比較多, 等了20分鐘才有一樣野到, 但如果是好吃, 或許這是值得的, 而且在門外看了很久, 也有一點期待.木魚花豆腐味道不錯, 是全晚最欣賞的食物, 雖然這食物普通, 也從來不是周遭也做得好味, 所以一吃就喜愛了!三文魚刺身色澤不錯, 可惜平均每塊十數元, 一碟4塊, 根本不夠分! 最重要是味道不佳, 雖然師傅強調是即日做的, 可是感覺並不新鮮!鰻魚飯是朋友點的, 她覺得味道可以, 但汁有一點濃.最後主菜是: 叉燒烏冬差不多$70一碗烏冬, 當然認為質素應該滿好, 可是這卻是最失望的一道菜!味道不怎麼樣, 雖然寫明是每天即製, 可是感覺像是味精那般, 不怎麼特

尋日同男受友行到去尖沙嘴厚福街個頭唔知食咩好..咁啱有人遞左張單張個黎~件個價錢都ok~咪諗住試下新野囉,,,我地叫左四樣野︰分別係黑豚烏冬、咖喱飯、吉烈牛同埋傳揚豆腐..首先講個烏冬︰個湯淡而冇味，d烏冬好似浸左好耐咁,,,同埋份糧少得可憐....另外我就食左個咖喱飯同埋吉烈牛....我開頭問左個男店員個牛扒有幾大啦~佢就比俾好似隻手咁大既size我~~同埋講話會切食...點知個牛黎到..先知道隻碟先係隻手咁...個牛小得可憐...而個咖喱飯又得好小咖哩咪...好似只係拎d汁求其撈飯就算...豆腐係唯一覺得可以既野..味道算ok啦同埋呢間鋪既service唔係太好..可能我坐近廚房啦,,成日見到待應響度嘈...仲有同埋遞極手都冇人理...仲有個唔好既感覺係佢地好想趕你走,,,明明呢一刻放低筷子..仲有豆腐未食完，就有兩三個待應問你「仲要唔要」...有個直頭快速收埋男友對筷子..好彩叫住佢...如果唔係實冇得食呀

之前好像有睇過雜誌介紹，就同朋友試一試。我們叫了牛肉烏冬及吉列豬扒烏冬，烏冬不夠彈，吉列豬扒有D油，味道一般。總括，服務及環境不錯，但質素同價錢不符! 去一次就唔會再去。

今日天氣不穩定,朋友B帶隊吃晚飯.B說今次單獨回港,住在美麗華酒店, 所以會四處找好吃的試.這家烏冬店位於街的盡頭, 燈光相當充足.烏冬也可口, 吃了一些不同的天婦羅. 感覺有點熱氣. 所以後了支啤酒下下火.氣氛環境也不錯, 食物水準也好. 只是冷氣實在太凍. 還有的是, 食品種類不多, 希望可以改善.總括也是頓蠻好的店子.

月頭出糧諗住去餐好野! 女朋友話上次見有間野食烏冬,就一心諗住去試下。 入到坐底望望menu就知中伏了,如果有得選擇我都話願意比錢食,但係甘大間野得個幾樣野,無得選擇之際,我選擇吉列吉扒飯,而我女朋友就食牛肉烏冬。先講講我豬扒飯,份量少味道淡,無什何醬料比你點,係豬扒上面得幾滴醬汁,成餐飯又乾又無味! 我發現唔係我一個人覺得d野食太少,而且甘既質素價錢唔合理! 只要去過一次就唔會再去,甘樣做生意都唔係辦法。

晚飯時間路經呢度, 見新開未食過, 又唔駛等位, 咪入去試吓, 主打食烏冬, 但都有小食、飯類...等選擇, 不過唔算好多款., 點咗個掛辣烏冬食, 唔係好辣, 還有隻溫泉'凍'旦, 烏冬唔'林', ok ga, 服務也唔錯, 會留意客人是否需加茶, 上菜也很快. 其實都唔係咁差, 不過都係試一次就夠啦.

上星期三晚同老婆＆個friend去厚福街一帶搵野食. 記得之前有friend講過H8地下有間烏冬專門店, 凍手打烏冬都係廾零蚊碗, 一行三人決定去試下.因為已經成9點, 去到唔使等位, 但亦唔算太少人. 始終係新開張, 裝修算唔錯, 夠光猛. 坐位唔算寬闊但可接受.打開menu都幾錯愕, 總共得10款8款烏冬, 選擇相當少. 我揀凍牛肉烏冬($55), friend揀肉醬湯烏冬($45). 但我老婆就非常惆悵, 因為佢一唔食牛肉, 二唔食唔熟透o既蛋, 而呢度大多數款式都會懶係加隻溫泉蛋上去. 所以總括o黎講, 佢只有兩款選擇: 海鮮or吉列豬扒, 兩款都同樣盛惠八十大元. 結果佢揀o左海鮮烏冬.先講我個牛肉凍烏冬. 賣相ok但略嫌細碗. 烏冬食落幾煙圻, 凍食口感幾好, 但牛肉唔出色, 心諗下次會食$25碗o既淨凍烏冬. 叫個friend comment o下佢個肉醬湯烏冬, 佢凈係講o左句: 都話去排隊食拉麵啦!到最昂貴o既海鮮烏冬出場喇! 味道如何呢?? Sorry, no comment, 因為佢無放過落口. 一眾海鮮包括: 帶子一隻 (size OK, 但係霉過梅菜!); 蝦

星期六人在尖沙咀,見6點鐘周圍都係人決定先去覓食,印象中有一間烏冬店新開,前一排在雜誌又見到介紹所以一於去碰運氣~誰不知, 橫街當時流量尚少,有大量位置, 於是就衝入去坐了..坐下來才看食評, 劣評居多,既然人在店內, 不妨一試~所以與男友叫了: 雞蛋肉醬烏冬:肉醬味道濃, 好野味, 配以溫泉蛋, 非常好食掛辣烏冬:以為是辣的....唔辣的..都好食, 肉醬好食D 烏冬質素: 係冇日本讚歧烏冬的彈牙, 但係質地都唔係好軟身, 好淋的感覺湯: 呢度唔係一大碗湯配面食的, 但係份量剛剛好, 令到烏冬唔會黏住, 又夠味~份量: 一人一碗會是下午茶的份量, 如果再叫小食, 可能會夠一個晚餐份量~我地都覺得並非如之前食評所說得那麼不好食...我地決定左會再來,不過會是下午茶時段^^**由於是新開張, 免收加一呢 XD

MENU冇乜選擇，而且份量偏少，起初都有啲驚食唔飽!!試咗個茄蛋烏冬，好似只係茄醬加蛋汁撈鳥冬,有酸嘅茄膏味!!烏冬本身麵質都教人失望。另外再食咗個雜菜天婦羅，都係失望!材料一般，認同之前嘅食評講同大門橫丁差得遠。依晚市所見，服務有點兒亂。有啲唔明點解會咁多人食，不過我地何嘗又唔係見到人多所以試試,總之試一次就夠喇!

首先係烏冬勁淋，完全一d煙un 嘅感覺都冇，質素仲差過超市d急凍烏冬。另外佢價錢比自家貴,一碗清湯烏冬加塊炸豬扒要$80，塊豬扒又唔係大塊，炸到又乾又鞋，好後悔！仲有d沙律菜係cheap cheap 的西生菜，切完仲係一舊舊咁上碟，都唔知有冇洗過，好心就揚散佢先攞俾人食！叫咗個茄蛋烏冬，酸到不得了，同大門橫町的蕃茄湯差幾條街！個炸牛肉卷冇啦啦有d芝士，炸起仲有麥記陣油益味，盛惠$70三舊！最後想話佢d櫈全部都冇pan冇得i,全心想d客快d食完快d走，我俾得咁嘅價錢，就唔expect咁嘅座位！原來冇人等位係有原因的！

六月十一日 (星期六)除了拉麵熱潮外,烏冬都曾經盛極一時而這般熱潮在我心中從未減退這家新開的烏冬店,我倆已經路經過好幾次了今次做完GYM後,專情過來試試見到店子門口貼著試業間期,九折和不設加一收費據雜誌所說,這家是真正日本總店所開的第一家海外分店選址香港的確是正確的選擇呢,因為這裡有很多與我一樣的烏冬迷看過MENU,烏冬的款式大約有10款左右以一家烏冬專門店的確選擇較少大熱天時,決定放棄湯烏冬,點了兩客凍烏冬,再加其他小吃凍烏冬很有特別,是用竹鏟來盛的麵條比較硬而粗,與一般手打烏冬一樣吃落烏冬很彈牙,口感十足凍烏冬加上豉油和蒽花等配料,配合得宜,推介點了兩款小吃,分別是蝦肉雜菜天婦羅和炸雞件蝦仁比較細粒,肉質欠爽天婦羅內有麵粉和紅蘿蔔絲吃下不覺得油膩,可以說是凍烏冬的好拍檔炸雞件覺得不太特別而且雞本身偏肥,所以吃落感覺有點油膩不得不說的是服務太體貼店員經常幫我們整理檯面的碗碟...以至我們沒有自由的時間哩烏冬的確值得一試配料就要大家碰碰運氣喇