金飯館貳·零 肉餅·焗飯專門店

Open Now

Now Closed

#fafafoodblog旺角 #fafafoodblog中菜🍴芝士焗肉醬配蘭王蛋飯 72 蚊🥚🍚一上枱勁香 飯熱辣辣 肉醬好 juicy配埋洋葱 蕃茄碎 葱花等等 飯粒分明 配埋蘭王蛋 充滿蛋香 仲要 d飯俾芝士拉絲痴住哂 冇得輸🧀🍴黑松露墨魚肉飯飯 62 蚊🍚D黑松露多到蓋過個餅 墨魚餅好彈牙 d墨魚粒好彈牙 飯粒軟身 連埋黑松露 仲有流心蛋 撈埋白飯 好香好正🍴芝士滑蛋鰻魚刈包 68 蚊🥚🍞刈包夠軟熟 入面有層牛油同少少芝士增加香度 鰻魚夠肥美 醬汁夠香甜同滑蛋好 match一啖咬落去夠哂層次感#墨魚餅 #芝士 #煎蛋 #肉醬 #刈包 #鰻魚 #肉醬Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#金飯館貳零肉餅焗飯專門店 旺角廣華街38 號地鋪~~~~~~~~~~~~#fafafoodblog #為食花太郎 #fafafoodblog旺角 =====

食過兩次主打炒飯既金飯館都覺得滿意而家分店 @goldenbowl2.0 開左係旺角 衝啊啊啊~(˘▾˘~)除左炒飯 仲鑽研埋肉餅同焗飯平日晚去都坐無虛席 有心理準備要搭枱啊◦ 蝦頭油肉餅飯金飯館既蝦頭油炒飯之前已經見識過有幾香而家既肉飯版加埋櫻花蝦同煎蘭王蛋簡直係白飯殺手(∫’•͈﹃•͈)∫嫌唔夠惹味仲可以加秘製醬油同豬油 肉餅本身好厚 但肉質鬆軟唔會乾硬◦ 蜜桃鮮茄焗豬扒飯茶記長年最受歡迎既經典款(≖֊≖)金飯館用蜜桃取代左菠蘿 更加香甜我一食個茄汁就approve 因為佢唔係假茄味.ᐟ‪‪‬炒飯底出色 夠哂乾身 畢竟佢靠炒飯打出名堂豬扒份量夠多 不過個人覺得可以更有咬口◦ 沙嗲牛肉蘭王蛋刈包唔記得左佢份量都大 仲貪心叫多左個包沙嗲牛肉實在太吸引嘛(˙𐃷˙)刈包熱辣辣軟綿綿 欣賞沙嗲牛肉既調味適中唔太鹹加埋燶邊蘭王蛋 化身完美港式comfort food(˶ˊᵕˋ˵)旺角店仲新增左台式飲品部 試左葡萄柚綠茶都唔錯～

有日行經旺角廣華街附近新開的肉餅及焗飯茶餐廳 。蝦頭油肉餅飯 ($68) - 喱度每款焗飯都會配一隻蘭王蛋，蛋邊煎得香脆，中間濃郁的蛋黃汁配埋飯食一流。肉餅多汁，除了豬肉，中間還有一隻隻原粒蝦肉，配埋蝦頭油及櫻花蝦非常香口，想再惹味啲可以配埋秘製醬油及豬油。 。蜜桃鮮茄焗豬扒飯 ($78) - 豬扒份量好多，鮮茄多汁鮮嫩，蜜桃香甜，飯底加了蛋炒過，非常乾身，粒粒分明。 。千味泡菜雞扒刈包 ($58) - 喱個包結合了韓風，加了泡菜及炸雞扒，加了泡菜辣辣地更惹味，刈包非常煙韌。 。香芋珍珠奶茶 ($18) - 浩茶製作的香芋珍珠奶茶香芋味濃，但偏甜，不好甜記得要點少甜。

同朋友黎旺角食飯，佢介紹黎呢間喔～肉餅飯好好食！ 蛋係用蘭王蛋，蛋黃紅卜卜，食到好多章魚係入面，松露醬就淡左d, 重有埋豬油同秘製醬汁. 食到碗底有抽獎，慳左5蚊爽丫丫🤗比我想像中好食，大推🤭

之前已經好想去牛頭角間分店，因為聽聞佢哋嘅炒飯非常出名。點知有人講呢度開咗分店，仲要係好近嘅旺角。之後不斷有好多人係沙嗲牛肉嘅群組吹奏呢間新店，以前喺牛頭角就話比較難去，而家真係冇乜難度。於是同兩個朋友去咗食早飯，一人叫咗一個飯。可惜當日最後都係冇食沙嗲牛肉，但係叫咗令人滿意嘅肉餅飯，肉餅嘅出色令我諗起荃灣嘅肉餅哥，而且食完仲有得抽獎，都算幾新穎，最重要係加埋隻燶邊嘅蘭王蛋，好正，加埋一齊非常打卡。今日仲叫咗一個蝦油炒飯，呢個炒得非常之夠鑊氣，好精彩，一定要推薦，佢嘅櫻花蝦已經好香，加埋啲蝦又炒落個飯到整體融合度好好，呢個絕對食到間餐廳嘅炒功。另外食咗個瑞士汁雞翼，還不錯，不過冇炒飯咁出色。金飯碗都冇特別聽過佢嘅焗飯出名，喺餐廳推介我哋一定要試，好奇下就叫咗一個。我即刻諗起紅棉，基本上佢哋醬汁飯同豬扒都落過下苦功，所以整體感覺好好。佢嘢飲嘅選擇都幾多，仲要有好多size，例如2L，天氣咁熱就啱晒。最驚喜係食完隻碟見到「免費雪糕」，就可以得到免費雪糕一杯。下次先至食沙爹牛肉，因為始終我都比較想食佢嘅下午茶餐，見到社交平台話有通粉，以佢嘅通粉仲好食過好好運，的確令人滿心期待。

之前去過牛頭角既金飯館…試過佢地既椒鹽豬扒同炸牛腩唔錯尤其炒飯底好味知道MK開左間2.0版就過黎試下…呢度原來無椒鹽豬扒同炸牛腩…反而有d新嘗試~即叫即做肉餅9點黎到都仲要排隊…不過好快就有位我地點左芝士肉醬蘭王蛋飯…雞軟骨肉餅飯同沙嗲牛肉炒腸粉雞軟骨肉餅飯配左蘭王蛋先黎…造型是靚仔的🤩🤩。隻蛋仲要燶邊…正！店員溫馨提示可以加入豬油撈飯…肉餅熱辣辣…咬一啖…肉餅質感有彈性…加埋雞軟骨…有時咬到加入爽脆口感。個白飯有飯香…加埋豬油…隊穿埋隻蛋撈渾仲好味。個人覺得個醬汁改做豉油仲正跟住出埸既就係芝士肉醬蘭王蛋飯…一樣靚仔。幻想下芝士肉醬意粉…換左炒飯底。個肉醬味道做得唔錯…甜酸度啱啱好…炒飯就係金飯館既主角…飯炒得又香又夠乾身粒粒分明。如果芝士肉醬多d就好送飯後加既沙嗲牛肉炒腸粉都到埋。沙嗲汁係帶甜嗰種…帶少少沙嗲香…腸粉煎香…微脆…配埋個沙嗲汁好味仲有其他野仲想試…例如雞翼同刈包呢度野食本身唔錯…但係都好緊張客人反應。老闆物體見到客人食剩野都會了解下…或者主動同客人交流有乜野可以改善…有心做好檔生意…**呢度有好多籃球衫擺設…老闆應該籃球迷**

呢間野嘅肉餅真係冇得輸，今晚試咗蔥油肉餅同埋奧爾良雞軟骨肉餅，兩個都好掂。佢嘅肉餅好有層次感，入面啲肉有大有細，似係人手啄，唔係用攪拌機絞碎晒啲肉，另外食落去無乜肥肉，真係有驚喜。雖然蔥油肉餅佢哋嘅招牌菜，不過我自己比較鍾意奧爾良雞軟骨肉多啲，因為肉餅入面有啲雞軟骨咬吓咬吓好爽。仲有佢個肉餅飯係唔會蘭王太陽蛋，所以蛋味好香濃。我哋仲叫咗蜜桃鮮茄焗豬扒飯，呢個都幾好食，蜜桃配番茄就唔會咁酸，豬扒嘅肉質都唔錯。我哋仲嗌咗個小食，係沙嗲炒腸粉，沙嗲醬香，不過就嫌啲牛肉韌咗少少。

-金飯館貳·零 肉餅·焗飯專門店🍽️-芝士焗肉醬配蘭王蛋飯 $72金飯館係出名個炒飯底！焗飯一定要係炒飯先食😌加埋佢大量芝士肉醬唔洗怕d汁唔夠撈食齋飯🤣-古法滷扣肉刈包 $58滷扣肉好入味而舊扣肉並唔係完全肥膏而係一半半好均勻😌加埋砂糖花生酸菜個味道又好夾😋-瑞士雞翼 $42呢度唔止飯出色小食都好出色！個瑞士汁勁入味甜甜地仲要滷到成隻雞翼都好入味😋-黑牛$18/ 百香果綠茶 $18推介飲黑牛平時係加一球朱古力雪糕係面呢度係成杯軟雪糕再加可樂入去🍦🥤-🌟評分:🏅🏅🏅🏅📍地址: 旺角廣華街38號地舖-#foodieluveat#foodisluveat_hk#foodieluveat_旺角#foodieluveat_粵菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #炒飯 #金飯碗 #肉餅飯 #焗飯 #旺角 #廣華街

之前喺社交平台睇到有人話呢度嘅沙爹牛好食，今日過開海就專登慕名而來。嚟到已經係晏晝食lunch，冇曬麵食，只係得飯。於是乎就叫咗一個他蝦頭油炒飯，同埋一個沙爹牛肉燶邊煎蛋飯。沙爹牛肉味道可以，但唔算太突出，反而係個炒飯有驚喜。炒飯用咗蝦頭油黎炒所以好香，上面就有咗好多細蝦乾，再加上有啲細粒蠔仔，成個飯配撘好有口感，香口惹味。鍾意香口嘢嘅朋友一定要試。至於沙爹牛肉飯雖然冇乜大驚喜，但已經比一般茶記出色。沙嗲牛友唔好錯過。最後跟餐嗰杯珍珠奶茶就麻麻地，有其他更好嘅選擇。

【旺角•金飯館貳·零 肉餅·焗飯專門店】✨@goldenbowl2.0————————————————————————金飯館 2.0（旺角店）是主打生煎肉餅飯的人氣專門店 將富有港式風味的肉餅飯華麗升級 嚴選上乘食材作配搭 更為追求水準限量出品 全部肉餅飯均即叫即煎 特別推介蔥油肉餅 蝦頭油肉餅及金莎鹹蛋黃肉餅等 保證帶來最具話題的肉餅風味 另外還有多款滋味焗飯、惹味炒飯、爆諂三文治及特色刈包也是人氣之選🍯｜咸蛋黄肉餅飯｜HKD 56咸蛋黄肉餅 口感嫩滑 香味濃郁 增添吃肉餅既風味 非常適合送飯食 撈飯 更加惹味🍯｜芝士焗沙嗲牛肉飯｜HKD 85葱花炒底飯 牛肉軟熟剛剛好 沙爹夠香亮 蛋香非常濃郁 熱辣辣

📍金飯館貳·零 肉餅·焗飯專門店旺角廣華街38號地舖 🦔⸒⸒酸豆角蝦堡刈包 $68炸蝦餅超級厚身！咬落去好彈牙 夾住酸豆角一齊食冇咁滯🤓 刈包包體都鬆軟 食完都飽飽地🤣蝦頭油炒飯 $83炒飯係金黃色 聞落去好香 仲有勁多海鮮配料 例如蝦、帶子、蠔等食落去口感豐富 又惹味 芝士焗沙爹牛肉飯 $85焗飯大大兜又足料 沙嗲牛肉份量好多沙嗲汁食落辣辣地 芝士仲有拉絲效果🥰飯底係乾身嘅炒飯 撈埋一齊食夠哂味道👅X記瑞士雞翼 $42雞翼食落去好入味 瑞士汁好香一共5隻 肉質軟淋金牛 $18上面有個雪糕 下面係cream soda 飲落去甜甜地 百香果綠茶 $19下面有少量百香果粒 叫咗走甜 但飲落去都會甜甜地 綠茶解膩

食物質素同本店一樣都係滋味嘅，飯炒得粒粒分明，雞扒嫩口好食，燶邊蘭王蛋無懈可擊。但係服務質素真係搞唔掂，同食物質素形成極強烈反比。我六點幾晚市去食，店面其實都係比較疏疏落落。坐咗埋位將近十分鐘，揮哂手叫哂唔該都冇人落單。其實唔係冇侍應架喎，眼見有4個樓面，一個掛住落外賣單、兩個忙pack外賣、一個呀姐唔知做乜q行行企企。行行企企個呀姐唔知係咪唔識中文，喺其他人忙到甩轆嘅時候even佢得閒都係唔會落單，只會叫你等陣，然後就走咗去。亦都因為樓面唔熟手唔知做緊乜，無論堂食同外賣都係好混亂，要等好耐。我唔知係因為分店新開定點啦，總之如果繼續係咁真係勁趕客，真係唔會再食。

肉餅的確係手打口感，但主廚推介嘅黑松露肉餅飯，味道好一般。就係肉餅本人。蛋 就係普通嘅蛋 無咩好主打。個醬，完全係意外入穫咁。唔搭調。餐廳推介的食法: 淋豬油鼓油？鼓油超jammy, 似日式炸豬扒醬。完全無港式風味。慕名叫金飯王，專程嚟食飯，啲米飯漿糊口感。勁鐘意食飯嘅我，1/3都食唔落。勁哂錢嘅一頓飯。如果售價係四十蚊，可以返工經開試一餐。但賣到六七蚊一碗，我情願食返平時茶記碟頭飯。落單個四眼中年漢態度其差。

《燶邊流心蘭王蛋飯🌻》———————————————-#金飯館貳零肉餅焗飯專門店 ⭐️-之前有食過呢間金飯館， 十分高質，性價比極高，最近佢哋開埋去旺角，又點可以唔食下🤣-🧀 芝士焗肉醬配蘭王蛋飯焗飯用上泰國米，米香突出，粒粒炒得金黃乾身🧡 重點係用咗日本蘭王蛋，煎燶邊，吉穿橙黃色嘅蛋黃撈埋芝士肉醬飯底嚟食，夠晒邪惡😈-🐥 奧爾良雞軟骨肉餅飯肉餅煎得好酥脆，咬落仲有雞軟骨嘅口感，夠哂香口🤩 簡直就係白飯殺手～-最近佢哋仲同浩茶合作，我哋飲咗香芋珍珠奶茶同青蘋果汁，味道清新，都幾唔錯，而且抵飲😋-⭐ 參考價錢︰芝士焗肉醬配蘭王蛋飯：$72奧爾良雞軟骨肉餅飯：$62香芋珍珠奶茶：$18青蘋果汁：$18-🍌 抵deal 指數：7/10💰 人均消費：$300

👌🏻新開係旺角小巷中既一間港式餐廳，主打港式肉餅飯，最近熱氣野食得多，都想食返啲健康少少既飯調劑下 💪🏻👅 黑松露墨魚肉餅飯 ( $ 62 )點估到咁傳統既肉餅飯都可以加入黑松露 😍 見到 Menu 有呢個 option，身為黑松露控當然要點黎試下～上枱就聞到濃烈既黑松露香氣，肉餅飯之上加入一飯香煎蘭王蛋，鮮美好食，肉餅食落結實，間唔中咬到墨魚粒粒，同黑松露香氣混合並不違和。餐廳有提供秘製豬油及醬油，點上肉餅食更添鮮味 😋😋 🍹 芒果綠茶 ( $ 19 )甜甜既芒果香味，溝勻左會試到綠茶底，另外飲品中有粒粒蘆薈，咬住食好正 😋▫️◾️▫️◾️▫️◾️▫️◾️▫️◾️▫️◾️▫️◾️▫️金飯館貳·零 肉餅·焗飯專門店 (旺角)📍旺角廣華街38號地舖