金峰靚靚粥麵

Open Now

Now Closed

食物無問題，但事實好多同類舖頭都會做到，但想講既係外賣安排，真係會令人發火！我知不少幫襯過嘅食客都知道佢哋外賣嘅安排好差，一個阿姐處理落單入單，呢個係根本嘅問題，儘管我知道佢哋只係地區小店小本經營，不相信會有求進嘅心態，所謂嘅人情味風味，當你面對咁差嘅服務態度其實已經不值一提。10個人排隊10分鐘都郁唔到兩個，我忍唔住上前問下姐可唔可以快啲，換來一句搞唔掂有乜計，你做老闆你問返個客有乜計，我真係火都黎，問返佢一句你哋係咪唔憂做，阿姐仍然答返我同一句說話。當然我明白，少我一個客唔會執笠，多我一個客唔會令佢生意興隆，但做生意就是講口碑，我相信佢請多一個人，令到成個運作更加順暢，換來嘅可能係更多嘅生意額，我肯定佢哋知道自己呢方面係有嚴重嘅問題，但係得過且過亦無打算優化運作嘅心態。總結一句，以後唔會幫襯。

依家好多舊式嘅餐廳都變晒型轉為新式嘅餐廳，大部嘅嘢食都已經由人手製轉成做機制，有時候唔係話機制就做得唔夠舊式嘅嘢好食，係始終舊式嘅有佢自己嘅風味，係無可取替嘅。好似粥檔咁樣，以前嗰啲舊式店真係有佢自己熬粥底嘅技術，做得係特別好食。而家嗰啲新式做出嚟嘅粥，反而唔會有嗰種軟綿，又好有米香嘅感覺。喺呢度終於比我搵返你，一平時經過呢度嘅時候見到好多人排隊，今次終於有機會試到。坐低左之後見好多人都叫牛肉粥食，咁我諗牛肉粥應該係呢度幾出名嘅產品。咁我亦都叫咗一個牛肉豬潤粥試一試佢嘅龍與鳳。佢嘅牛肉整得好淋，煮出嚟仲令到個粥底好有牛肉汁嘅味道。豬潤唔算係超爽嗰種，但食落都爽，切到一塊塊小塊。個粥底先係靈魂所在，個粥好綿，就算搞左好耐d粥都唔會返水，而且𢳂上黎嗰陣時，會見到一粒粒嘅米飯嘅蓉，好有feel 。仲叫咗一碟炸兩嚟食，呢度嘅炸兩外皮唔係好滑果種，而係舊式粥店比較厚身少少嗰種。油炸鬼就非常之脆身，雖然油炸鬼唔仰熱辣辣，但係就算包住左腸粉好耐，都唔到令到佢唔脆，所以非常之好，正！雖然呢度得嗰五張枱係度，而且每張枱起碼都要坐五個人。坐嗰陣時候係有啲唔係咁舒服，但係呢啲就係歷史遺留落嚟嘅一啲痕跡，係好

由於是星期日的關係, 這間店外總之企滿了人, 當時我一個人去, 入坐前需要拿一個牌仔, 那惡女人告訴我暫時未有牌仔, 叫我企企在門口外位置, 有人入時會拿牌仔給我, 未幾, 有人入坐, 她給我牌仔, 當時店外週圍其實都企滿了人, 我選擇企在原來的位置, 隔了一陣, 她見我企在那裡, 大聲駡我"攞左牌就吾好企係到啦", 我當時呆了, 我又不是企在她的店內, 週圍都是人, 等位又沒有特定位置, 她這樣也要管..她總是達到一個目的就是趕客, 我決定呢一世都吾會幫襯。如果有十個喊, 我可以比十個。

第一次來吃之前聽聞這間店很受歡迎星期六午間來看到門口的人潮已經嚇一跳幸好大部分人都在等外賣堂食等大約5分鐘就有位裡面大約有4張檯坐得頗逼首先點了豬紅粥（特價$21）粥底算綿豬紅有口感不會一夾就散然後點了鹹肉糉（$14）簡單的就是綠豆加蛋黃的配搭加上調製過的醬油質素還可炸兩（$14）腸粉不太薄油炸鬼好夠脆但沾醬味道一般我只加甜醬已覺得味道麻麻齋腸（$10）腸粉頗滑但實在欠了米香總括來說這間店好像過譽了而且下午吃完後覺得好口乾之後喝了好多水呢

食物還可以，但吾係講到咁超。炸兩及粥㡳都吾錯。不過各位要有心理準備，果位化濃妝嘅大嬸老板，好鐘意搵客人出氣。態度惡劣不只，語言極盡侮辱，見到有客人跟她説可不可以換位比較寛一點，她就單打了十五分鐘，直到那位客人走了，她還在惡言。吾使咁賤下嘛。

第一次買外賣， 一個阿姐做哂外賣， 收銀， 安排入座， 顧得收銀安排入座又顧唔到外賣安排入座，顧得安排入座又顧唔到收銀同外賣， 買少少野等落單又要等成15分鐘先幫你寫， 寫完等外賣又要幾個字， 大熱天時起度等等等， 浪費我時間， 下次唔會再幫襯

今朝同朋友兩個人去食早餐，每人叫左一碗皮蛋瘦肉粥。來到熱辣辣，香噴噴！滑瘦肉新鮮，皮蛋夠多！又叫左碟，即炒銀牙炒麵，爽口脆身，要即整先有咁既效果之後唔夠食，仲叫左一碟手拉蝦米腸粉。係金鋒先食到咁好味

🍲住鰂魚涌嘅朋友都知道呢間粥鋪係永遠都唔憂做永遠門口都會有人龍排隊今次專登慕名而來可能係唔憂做嘅關係服務態度真係差啲粥底係滑 但無喺網上俾人吹捧到又滑又綿而且豬潤較老無咁新鮮咬落唔識彈口之餘仲有殘餘物又好奇怪 唔知點解雖然啲潤係老左啲但夾埋啲粥一齊食就有特別嘅texture其他粥如豬紅粥就食唔返呢種感覺或者係未瞓醒嘅關係有時候做人混混沌沌都唔錯價錢：$26抵食：3.5好食：3.5（1最低 5**最高）💥指數：💥💥💥地址：金峰靚靚粥麵 (鰂魚涌)鰂魚涌祐民街2號地下 (香港水族廣場)#explosion鰂魚涌 #explosion中式

這是鰂魚涌最好吃的粥店，也是一間每次去吃也要排隊的店。平常等候時間大約20到30分鐘，這次只等了15分鐘，還算可以。這店的價格與其他粥店比較，不算便宜， 但味道真的一流。我暫時還沒有吃過比這間更好的粥店。環境和服務合格，沒什麼特別，因為這不是這裡的賣點。衛生尚可，桌面整潔。 粥本身就好食，所以食什麼粥最主要看你喜歡什麼。腸粉、脆油條與豉油的完美結合。難得可以保持爽脆。

中午唔知食咩好,朋友突然見到對面街有間粥店,有好多人排,羊羣心理下我地又排 ,店內地方細,得幾張檯,門外分左兩條隊,一條外賣,一條堂食。大約等左五分鐘,唔太耐就有位 。一坐下呀姐就催落單 ,好在我地係門口等位時已經諗定食咩。是日特價皮蛋粥 ($20)都幾足料咸肉粽($13)切開幾失望 ,除了半隻咸蛋,同綠豆邊就無餸銀芽炒麵 ($9)蝦米腸粉 ($13)加埋芝麻更香更好味食完所有嘢時覺得喉嚨有些乾,唔知邊樣有味精,好想飲水。

同朋友食晏，見到鋪頭前面好多人排隊，就走入去試吓多人到要攞籌等位等安排入座。叫了招牌的皮蛋瘦肉粥，鹹肉糭，炒麵，蝦米腸粉皮蛋瘦肉粥：皮蛋瘦肉的量尚算正常，瘦肉軟滑有彈性，吃得出醃過的；但皮蛋「na」喉，足底夠杰，但沒有米香，似是加了粉開出來的感覺；剛吃下去沒有太大的味精感覺，但吃完後立刻封喉鹹肉糭：非常行貨，豆多，咸蛋得半隻炒麵：芽菜和面的比例接近一比一，麵炒得不夠香，不夠乾身，吃下去沒有紮實的感覺蝦米腸粉：即叫即拉，腸粉幾香，蝦米夠大隻夠香有咬口，可惜米漿太厚，略嫌不夠滑看見收錢的阿姐和不同食客有傾有講，很明顯阿姐和食客都很相熟，可見這是一間專做街坊生意的鋪頭，人情味有餘，但功夫略嫌不足

係附近番工 見無咩人排隊就決定去食碗粥腸粉好味,不過五記得走油所以食到最後其實見到碟底好多油下次要走油!!魚腩豬潤粥粥底其實好好味,不過魚腩有d太"林"好多食評都話服務態度不好幫襯甘多次都feel到不過想食粥 附近就只有佢都只好硬食

星期日中午去食，依然很多人等位。而我一位就等左10分鐘左右就有位了。一坐低立即有侍應上前招呼。 叫左一碗是日特價既瘦肉粥，只需要$20！份量比一般街市粥檔差不多，但勝在粥底夠綿，瘦肉份量好多！所以特價$20黎講係超超值。之後再叫左一碟炸倆（$13），當中既油炸鬼仍然非常脆口！絕對唔似一般既炸倆咁，中間既油炸鬼已經「林」曬。

數月前喺金峰堂食炸兩，一入口就知油炸鬼係返炸，又硬又油，食到滿口返炸油味，肚子滯了一天。以為這是不幸的間中廚房錯手或失手嘅情況。今日外賣一隻糭和一條油炸鬼，近近地行返屋企食，隻糭幾好無問題，但條油炸鬼又係好似上次一樣咁可能喺返炸，又硬又油，成個紙袋都喺油，用手摸吓都成手油，點敢食呀，唯有掟落垃圾桶。金峰啲粥、腸粉、炒麵都唔錯，但㸃解條油炸鬼㑹咁失敗？其實如果油炸鬼喺當日上午炸，凍咗都唔喺咁大問題，㸃都好過返炸或者焗返熱充當新鮮即炸，其實一食就知，唔好當顧客喺儍嘅。兩次都喺咁，唔知幾時先至再有胃口去金峰食嘢。

此店位於116巴士總站旁，沿路都是小店食肆，連阿蘇曾經推介的大利清湯腩都在有分店在附近。競爭雖然激烈，但此粥麵店是長年都很受街坊歡迎，店外總是有人龍排隊等位或買外賣。而粥麵店的老闆靚姐亦是店的生招牌，她每天都化行妝和穿上色彩繽紛的靚衫，負責安排客人座位，處理外賣 order，收銀和指揮員工工作，忙得不可開交。不過，靚姐亦很有性格，粥麵店只開朝7晚5：30, 一星期有一天休市，而且不設電話外賣，顧客必需親身到粥麵店才能買到靚粥。今早接近9時到達粥店, 要等2張檯, 同時亦有7,8人在等候領取外賣。埋單時9時半左右, 外面已超過20人在等候, 不得不驚歎靚姐和靚粥的吸引力沒法擋。