金峰靚靚粥麵

Open Now

Now Closed

喺怪獸大廈隔離門口排晒隊一問之下原來排隊係排買外賣堂食拎飛隨便企等叫就得有啲遊客見隊就排完先話堂食派飛姐姐都安排返俾佢地快少少入入面企理 但坐得少迫蔥花蝦米腸炒麵 牛肉粥整體味道服務態度都唔錯

終於有機會幫襯得到呢一間粥舖(因為上兩次黎都無開門，真黑仔)，早餐時間黎到，一個人食唔到好多野，所以只叫咗炸兩同豬潤粥，價錢比想像中貴，尤其是碗豬潤粥，成$35一碗，都真係有D貴，不過作為一間老店而且又成日有人排隊，佢D出品又真係幾好食嘅，當中最出名嘅就係佢個炸兩，皆因佢入面條油炸鬼竟然係脆嘅，印象中就算即叫即整都未切有脆嘅油炸鬼(除非佢連條油炸鬼都係即叫即炸啦)，衣家$19就食到脆油炸鬼嘅炸兩真係無得頂呀。

今日過來工作，完事已一時許，行過見咁多人排隊，反正午餐求其吃，咪來湊熱鬧囉⋯⋯正在等位之際，門外大大個餐牌，一目了然，已細選等待入座中⋯⋯一支公很快有位，一坐低便點餐蝦米腸粉$19~腸粉內，除有葱花外，蝦米大大粒，灑上芝麻，豉油，美味。皮蛋瘦肉粥$35.~粥底棉棉有米花，一讚！但這裡和一般的瘦肉粥不同，平時吃鹹瘦肉是醃好一大舊的，再將鹹瘦肉煲熟再撕開一絲絲的，但這店用上肉片，筆者比較傳統，感覺前者有下火功效⋯⋯但當然只是老派的感覺，並無實際數據支持⋯⋯瘦肉都幾多片有趣的是，刀功一氣呵成⋯⋯皮蛋足料，都有半隻之多。整體來說港島區這些老字號粥舖已買少見少，棉棉粥底，唯一美中不足是醃料重手左少少，吃粥後有點點口喝，但這些老店，筆者也覺得，值得支持。

剛行完山，肚子咕咕叫，我同朋友閂咗入呢間餐廳，正！冇等位，坐低馬上叫咗碗皮蛋瘦肉粥同炸兩。粥口感絲滑得嚟又濃郁，皮蛋夠味，瘦肉又嫩，真係好夾😋！至於炸兩啊，豉油可能手滑咗少少，下次輕手啲就完美喇。油炸鬼唔算太脆，下一次希望可以即叫即炸，食落去咁先至過癮嘛！周圍望一望，見隔離檯嘅腸粉好似值得一試，下次一定要嚟挑戰下👀。坐喺度，感受到呢間嘅地道香港風味，啲阿姐服務勁忙亦都講嘢幾犀利，但呢度咁多人捧場，服務質素就算忍下又如何？食得開心就行喇！整體嚟講，呢度嘅衛生都做得唔錯，場地整潔，有種煥然一新嘅感覺🌟。咁平民價錢，食到咁嘅真材實料，下次行完山一定再光顧！

聽講呢一間粥店的炸兩好好食，今日終於有機會試吓，真係好得，最重要係炸兩入面嘅油炸鬼係脆卜卜嘅，呢件事真係好勁，未試過出面D粥店食到油炸鬼仲係脆嘅炸兩。至於D粥就係一般，味道正常咁啦。

🇭🇰金峰靚靚粥麵·呢間粥舖我係由細食到大嘅 不過因為佢好早閂門 同埋佢禮拜六日成日都排超長龍🫢🫢所以我已經好耐冇食啦😂今次我哋係下奏點幾兩點嚟到 等咗10分鐘到就有得食😎·豬潤豬肚粥$58 l 銀芽炒麵$12 l 炸兩$18佢呢度既粥係真係生滾嘅 所以食落真係好綿 不過我自己就覺得佢呢度既豬潤唔係起沙個種黎既 食落口感無咁好🫢反而豬肚口感好啲🤣🤣之後炒麵就同我細個一樣咁好食 唔會話太油 不過佢呢個係比較細碟既 不過咁多年都無咩點加價算係咁🤑之後最有驚喜係佢個炸兩 佢呢個真係整得超好味😋佢個皮係好薄好滑 中間既油炸鬼熱辣辣 而且好脆 食落超正😍😍·#rbyeat#rby港式#rby鰂魚涌·📍鰂魚涌祐民街2號地舖

一早起身要去太古城做嘢最大嘅動力就係可以幫襯呢一間粥品店，因為識咗咁多年，佢嘅炸兩入面條油炸鬼真係次次都卜卜脆㗎。咁多年來水準都保持到真係犀利，依家就話有氣炸鍋嗰啲各式各樣嘅爐去令到條油炸鬼唔使翻炸都可以脆口，以前嘅年代都唔知佢點樣keep到呢個水準(當然可以即叫即炸啦但係我又唔信就咁一碟炸兩都會為你即叫即炸條油炸鬼囉)。另外仲叫咗皮蛋瘦肉粥，味道唔錯嘅，就係正正常常一碗皮蛋瘦肉粥啦，都係炸兩比較出色。

今朝心情唔太開心，所以決定去金峰靚靚粥麵慰勞下自己。今日唔算多人，等幾分鐘就到我，終於拎到食物。牛肉粥 $27識食就梗係叫特價粥，原價$34，依家$27夠抵食。即叫即煮，瑤柱粥底濃郁又夠滑，牛肉算多又嫩滑，食落真係好好味。蝦米腸粉 $18蝦米腸粉入面嘅大粒蝦米、葱花，味道鮮美，同腸粉嘅質感完美結合，令人回味無窮。之前仲食過叉燒腸粉$18， 叉燒腸粉皮薄而彈牙，叉燒肉切成細粒，一口咬落去，味道豐富而美味。

約咗朋友行山，但早了到達出發點，附近找嘢食。見來到這裏竟然不用等位，平時門口時坐滿人的！ 所以把上也進來，坐下了。簡單基本，叫了炸兩，皮蛋瘦。阿姐落單速度很快， 兩三分鐘已經上枱。炸兩方面，豉油落得比較多，希望下次不要太重手！油炸鬼不算硬，但也不算爽脆，顯然不是，即叫即整。粥方面非常棉，也很足料，非常好吃，難怪大排長龍。 隔籬枱吃普通腸粉，看上去也很像樣，下次會考慮一試。衛生算很好了，地方光猛，乾淨。服務普通啦，阿姐很忙可以理解。

銀杏白粥兒時上學前在大排檔嘅早餐回憶，這裡的白粥做得還可以，火喉掌握非常好，米粒糯、綿、滑、入口有清香回甘嘅銀杏味道，要挑剔的話腐竹、米、水嘅比例可以再調校一些，例如降低腐竹量20-30%，水嘅比例提高番5%左右效果可能會更加好（純個人意見）。銀芽炒麵失望，炒麵做得稍為油膩同欠鑊氣，唯一可以係啲芽菜仔炒得剛剛熟帶點點生，唔錯。叉燒腸粉唔合格，上枱時已經覺得唔係好對路，腸粉皮比較厚，用筷子夾落啲腸粉係霉霉爛爛咁，失敗！入口只有醬油味道蓋過哂啲食材本身，問題重點應該係調較米漿份量比例同蒸嘅功力尚代要改進。。。炸兩原本只想叫條油炸鬼試一試，點知啊姐話週六、日不賣”淨”油炸鬼，必須要點炸兩。。。（唉，知道了，生意難做嘛。。。不過都想問問老板為何要這樣？）。炸兩完全唔合格，油炸鬼炸得過透，配合啲厚皮霉揼揼腸粉外皮完全係分咗手嘅男女咁。。。失望。。。綜合嚟講，合金峰只係一間尚存的傳統粥麵店，距離”師傅”味道尚要繼續努力！

是日中午，天氣開始轉涼🌬打算買碗粥返去做lunch~ 一去到就已經見到大排長龍，有十餘人等候，可見深受歡迎🫶🏼不過都需要等差不多20分鐘🥲，不太適合一啲趕時間嘅人士～是日特價-瘦肉粥 $26粥底綿滑，稀杰度剛好。粥底本身已經夠味，外賣會再附送一包胡椒粉，可以按自己需要加～瘦肉嫩滑冇渣，亦唔會話因為特價而比少啲份量💕推介指數：⚡️⚡️⚡️⚡️餐廳環境：⚡️⚡️⚡️服務態度：⚡️⚡️⚡️⚡️再訪：Yes

第一次食係差唔多10年前真係食過最好味嘅皮蛋瘦肉粥每次去間附近都一定會去食雖然價錢唔平但真係好好食蝦米腸同糉都推介唯一唔好係佢random休息有時真係會白行一趟又無電話打去問

食咗皮蛋牛肉粥+炸兩粥好足料，牛肉好多，$33我覺得真ok炸兩油炸鬼真係脆卜卜，豉油味道有好味堂食真係好小位，所以如果lunch 時間真係唔好去我去嘅時候係2：30pm 還好有一個位

食友推介的粥店，一於去試吓，叫了皮蛋瘦肉粥、銀芽炒麵及油炸鬼。皮蛋粥用了鮮嫩的肉片代替瘦肉，而且肉片及皮蛋分量也不少，粥底杰身而綿滑；炒麵色澤偏淡，未食前還以為唔多夠味，但原來麵條煙韌又爽彈，而且非常好吃；油炸鬼拿上手感覺唔多夠熱，但咬落非常酥脆，應該也是剛剛放涼了吧；見其他食多叫炸両配粥，看來都應該不錯！食物有水準而且價錢優惠，難怪一早到來已座無虛席；下次來，可以再試吓其它食品！金峰靚靚粥麵地址: 鰂魚涌祐民街2號地下

金峰靚靚粥麵係我食過最好味嘅粥店之一.店外經常大排長龍. 外賣隨時要等半個鐘. 隨機休息. 我都摸過幾次門釘. 好明顯生意好, 唔志在.鋪面環境幾狹窄. 坐得好迫. 非典肺炎之後執過下啲枱. 闊落咗少少.金鋒係傳統粥店. 有各式生滾粥. 食材新鮮. 用咗瑤柱粥底. 好綿, 鮮味! 另外腸粉炸兩炒米粉等等都非常出色. 但係我冇見過人食麵喎. 點解叫靚靚粥麵呢?今日點左皮蛋瘦肉粥. 瘦肉係碎咗嘅滑肉. 唔會又乾又鞋. 掂! 早餐叫多咗杯奶茶. 質素當然係一般般.