辣得棧海鮮火鍋專門店 (Closed)

二人套餐好豐富，不論海鮮、肉類、蔬菜定係手工丸類都包含咗幾款，可惜牛胸爽售罄，所以轉咗都係安格斯牛肉，另外，揀鴛鴦鍋都唔洗加錢，咁就可以揀齊有辣同唔辣嘅湯底。*此餐廳收取加一服務費。精選二人火鍋套餐（單點$438）；2隻鮮鮑魚、4隻海蝦，肉質彈牙，味道鮮甜，煮完都唔會好縮水；2隻廣島蠔，好大隻，食落好Juicy；4隻大蜆，食落好新鮮，不過比較細隻；安格斯牛肉，肉質嫩滑，牛味濃厚；黑毛豬腩片，肥瘦相間，食落唔油膩；2粒墨魚冬甩，將墨魚滑整成冬甩形，再喺表面鋪上蟹籽，雙重鮮味；櫻花蝦豬肉丸，表面鋪滿櫻花蝦，令豬肉丸食落好香口；芝心牛肉雲吞，芝士流心餡料，味道鹹香；配菜包括有萵筍、粟米、冬菇、冰豆腐，冰豆腐食落充滿湯汁。雲南野菌鍋（跟餐$0），好足料，內有大量豬手、竹笙、冬菇、杏鮑菇、秀珍菇、金針菇、白玉菇，豬手有六大嚿，口感軟腍，食落充滿膠原蛋白。小辣重慶麻辣鍋（跟餐$0），麻、辣兼備，辣度3分。醬料（兩人$30），包括有指天椒、生蒜、麻油、芫荽、豉油、陳醋、蔥花、炸蒜、沙嗲醬。棧鬼C飲（單點$38），內有大量奇亞籽、青檸、檸檬，奇亞籽食落有口感，紅茶甜度3分，茶味濃香。西柚乳酸爆珠梳打（

呢間位於紅磡九龍灣係新開的火鍋店環境唔錯，我哋有得坐房，所以好舒服，唔需要等太耐好多材料都係新鮮即叫即整我哋亦都有得揀唔同款式嘅湯底湯底方面亦都有豬骨食到個人10分飽肚，仲有我哋都嗌咗各式各樣嘅魚丸同埋蔡佢哋嘅牛肉肥牛真係好好食，配上湯料真係好正打邊爐好有感覺仲有佢哋嘅腐皮配上蔬菜價錢適中，但係真係一分錢一分貨好好食佢哋仲有各式各樣嘅飲品俾大家選擇適合解渴，可以慢慢坐唔會太心急亦都幾唔錯嘅選擇嚟㗎如果大家好鍾意食打邊爐嘅話

嚟到黃埔嘅火鍋店打邊爐，呢間店面積都幾大，座位寬敞，有啲卡位有獨立電視睇，幾正😂火鍋醬料有好多揀，我揀咗炸蒜、蒜蓉同埋麻油。竹蔗茅根水好清甜，下火一流，飲晒後食埋啲料😂我同朋友揀咗個2人餐，湯底5揀1，我揀咗個雜菌湯底，送豬骨同埋好多菇，健康唔油膩，飲咗唔少😂個2人餐包好多嘢食，唔係普通野，有冰豆腐、櫻花蝦豬肉丸、芝心牛肉丸呢啲特別嘢，海鮮特別係蜆同生蠔好新鮮，啲肉都係靚料嚟，呢個份量2個人食都好飽！整體嚟講呢間火鍋店啲料都高質，個湯味精唔重、唔會好重口，食完唔會充滿罪疚感。

最近紅磡新開咗間海鮮火鍋店，主打港式風味嘅邊爐～ 店內設有漁缸供應當日新鮮食材，另外亦提供多款配料、小炒等小食，適合一大班人聚會嘅好地方！湯底有辣有唔辣，老少咸宜，可以一試👍🏻精選二人火鍋套餐包括火鍋湯底五選一、四款海鮮、三款肉類、三款手工製作類同四款蔬菜～ 樣樣有少少，營養均衡，又唔洗自己諗，好適合選擇困難症人士呀😎火鍋湯底可以揀鴛鴦鍋，雲南野菌份量十足，菇類有好多款而且估唔到入面仲有成五六嚿大大隻嘅豬腳！豬腳煮至淋身，肉骨分離，嫩滑又彈牙，好有骨膠原，個人十分喜歡💕 另外清湯底都幾有驚喜，竟然有娃娃菜作為base，味道鮮甜，感覺無味精，當湯飲都得🤣海鮮類有彈牙嘅鮑魚、爽口嘅海蝦、巨大版嘅廣島蠔同鮮甜嘅大蜆～ 肉類分別有安格斯牛、黑毛豬腩肉同爽脆牛胸爽，值得一讚嘅係呢度嘅擺盤，以花花造型呈現，好食之餘又打卡able😌 丸類就有飛魚子冬甩、櫻花蝦豬肉丸同芝心牛肉雲吞，三款都比較罕見，鮮味突出，食落彈牙，果然係手工製👌🏻 而蔬菜類包括萵筍、粟米、冰豆腐同冬菇，最後加埋油麥菜同唐生菜就啱啱好啦，開心仔～

📌 辣得棧海鮮火鍋專門店 - 紅磡紅磡南道紅磡灣中心地下20號舖🗓(20/2) 星期一 ⏰ 晚上7點左右 💈特式：今個月頭係尖沙咀食過一間手工火鍋，另一半一直念念不忘，咁啱見住開個區都開左間手工火鍋店，上openrice一睇，見到呢間開業無耐但評價竟然去到全好評，見到咁一面倒嘅正面評價就決定去試下。🥩🍔🌭🌮🥗🥯🥘🍲🍝🍣🥟🍤🍱食物：見餐廳除左散叫，仲有d二人火鍋套餐可以揀，咁就可以方便個d有選擇困難症嘅顧客，我今次就揀左個至尊海鮮二人套餐，一坐低店員就會提供一個九宮格咁嘅調味盤比客人自己調配醬料，而家等我同大家講下🍲味道先。鴛鴦鍋湯底 - 湯底有5款選擇，就算揀鴛鴦鍋都唔洗加錢，我就揀左重慶麻辣鍋/雲南野菌鍋，個麻辣鍋有唔少香料，味濃夠麻，又鮮又辣，鐘意食辣野嘅朋友仔必試。個野菌鍋就清清地，入面亦有好多菇菌同豬手，d豬手索晒菇菌嘅香味勁好食，而且個野菌湯用嚟淥牛肉/海鮮/蔬菜都好夾，唔會蓋左食材本身嘅鮮味。🦀🦐🦪海鮮 - 海鮮有蟹/大元貝/鮑魚/海蝦/廣島蠔，每款海鮮都好新鮮，可以話係鮮味十足，鮑魚彈牙又唔韌，海蝦每隻都鮮甜，蠔又夠大隻，蟹就用左肉蟹，唔算好大隻，但都有厚厚嘅蟹肉，

親愛既同事要走了，同佢食餐Farewell飯🥹我地鍾意食海鮮同打邊爐，兩樣都有齊就試下 呢間先🔥至尊海鮮二人餐$5681️⃣有五款火鍋湯底，有麻辣鍋/鴛鴦鍋湯底/雲南野菌鍋/清湯，我哋就揀咗🌿芫荽皮蛋🌿估唔到芫荽俾得勁多😳岩哂我！2️⃣海鮮（蟹/鮑魚/海蝦/花膠/廣島蠔）一次過滿足五個願望😋海鮮好新鮮用咗膏蟹，加埋有蟹膏好香甜👍🏻鮑魚口感好爽口，𠝹咗花吸埋啲湯汁更加正！其他就正常發揮啦。3️⃣肉類（牛頸脊/黑毛豬肋條/羊肉）牛頸脊肉味特別香濃，有嚼勁；黑毛豬肋條肉質軟腍，有肉汁；羊肉唔算好有羊羶味。4️⃣手工製作類（黑松露墨魚丸/花膠鮮蝦丸/芝心牛肉雲吞）最特別我覺得係芝心牛肉雲吞，平時就比較少見，味道都唔錯，都想再encore😁5️⃣蔬菜類（萵筍/粟米/鮮淮山/冰豆腐）打邊爐一定要加埋蔬菜。每樣有少少唔驚食唔哂，清吓腸胃👍🏻黃金炸魚皮$68: 份量都幾多喎，鹹蛋味唔算好濃郁，但係我覺得個味道啱啱好，又唔會好油膩😋

辣得棧，位於黃埔，非常方便既地點，裝修雅致，走時尚風格，卡位超大超舒服😌主打高質食材邊爐，手切牛、活海鮮、特色火鍋料、手工餃/滑等，見到都想食🪄當然，叫得做辣得棧，麻辣鍋當然推介🌶鴛鴦鍋，辣得棧重慶麻辣鍋x芫荽皮蛋湯，個麻辣鍋好香，望落唔算好油，而芫荽個邊就超驚人，你睇下相🤣爆多芫荽，芫荽控一定滿意😆先食麻辣湯好朋友，風琴豆腐，完全麻辣燙感覺👍🏻個麻辣好麻好香，開頭一食好辣，但好快辣完唔會lar喉又唔會咳，驚喜💗有少少台灣麻辣既感覺，正，繼續食，堅果墨魚滑冬甩，幾有創意，賣相靚，滑既口感有啲有咬口既堅果係入面幾得意😗新鮮牛頸脊(細)，用左仙氣盤裝感覺矜貴左(係咪描述得好好呢🤣)🧝🏻‍♀️ 頸脊仲要係鮮牛，就係食佢既口感同牛味，都唔錯🤗而依個麻辣鍋唔會好辣，夾牛肉都唔會搶味🫶🏻花膠鮮蝦雲吞，又係手工野，雲吞皮滑，大粒蝦同花膠真材實料，正😄仲有我都未食過既黃門鱔丸，望落普通丸，但一食係超超超濃海鮮味😎唔食得腥既要小心，鍾意食魚同鱔既會覺得好爽🎉成餐邊爐整體確實高質，最深刻都係啲創意手工野同埋個麻辣湯底，值得返啅🙊啤酒仲有折，食得夠爽😇

呢排好喜歡食辣，所以又去左食麻辣火鍋。呢間辣得棧新開的，有海鮮打邊爐。醬料九公格，不過其實麻辣湯就唔洗點啦。叫左 #至尊海鮮二人套餐 HK$569有得點鴛鴦湯底，一邊係芫茜皮蛋，一邊係重慶麻辣。芫茜皮蛋爆多茜，係成個full架，超香。二人套餐一大盤一次上曬!!海鮮有蟹、鮑魚、蝦、廣島蠔、花膠。都幾新鮮，蟹就細隻左少少。肉類有和牛頸脊、黑毛豬肋條、草原羊肉。量唔算多，不過件件都好食，羊肉好大塊，豬肋條好爽口。黑松露墨魚丸、花膠鮮蝦丸、芝心牛肉雲吞。每樣2件，加加埋埋都好多野食啦。蔬菜就有萵筍、粟米、鮮淮山、冰豆腐。一大塊羊肉，加麻辣湯果邊正呀。芫茜皮蛋湯D皮蛋都唔少，食左先。海鮮都唔錯，飽魚好乾淨同起埋。和牛頸脊唔太大塊，但幾香牛味。芝心牛肉雲吞好得意，個味好似食緊漢堡包咁架。呢度有幾個set，我食就係中間呢個，份量好夠啦，2個人食都好飽了。

My families and I went to a restaurant called "Spicy hotpot HK" (辣得棧海鮮火鍋專門店)located in Shop 20, G/F, Hung Hom Bay Centre, Hung Hom South Road, Hung Hom紅磡紅磡南道紅磡灣中心地下20號舖There are chicken casserole,grilled fish,hotpot in different flavours to choose fromChongqing chicken casserole秘製重慶雞煲HKD$268 /whole birdthe chicken is large sized.with secret recipe,tantalizing kick.soft and tenderFish maw prawn wontons花膠鮮蝦雲吞HKD$78with the springy bouncy fish maw,addes delicious umami flavour and texture contras

👦🏻👧🏻今日去到黃埔篤波🎱，篤到肚仔餓梗係要搵野醫肚，為食既👦🏻提議不如打邊爐🍲，就揀左新開既「辣得棧火鍋專門店」。至尊海鮮二人套餐 🌟鴛鴦鍋（辣得棧重慶麻辣鍋/芫茜皮蛋湯）麻辣鍋用左唔少香料，有花椒粒、辣椒、八角等等，麻香十足，辣味持久，真正做到「麻、辣、鮮、香」🌶️🌶️🌶️；芫茜皮蛋湯就岩哂芫茜控黎朝聖，湯底芫茜多到好似一座山咁⛰️，芫茜新鮮，皮蛋晶瑩剔透，唔會有澀味。🌟蟹/鮑魚/海蝦/花膠/廣島蠔 海鮮類一個字：鮮！店舖用左肉蟹🦀，蟹肉豐滿，爽滑鮮甜；鮑魚肉質軟腍得嚟又有咬口，鮮味十足；🦐海蝦肉夠哂厚，索埋麻辣汁簡直一絕；花膠膠質感重，岩哂想美顏既人士；廣島蠔肥美飽滿，甘香可口。🌟和牛頸脊/豬肋條/羊肉🐮和牛頸脊係牛隻活動比較多既部位，所以脂肪比較平均，既重肉味又有咬口；🐷豬肋條肉質軟腍多汁，帶少少油脂同筋膜，食落仲帶有香濃肉香；至於羊肉嫩滑，無太大既羊羶味，岩哂我地既口味👍。🌟黑松露墨魚丸/花膠鮮蝦丸/芝心牛丸墨魚丸釀入左黑松露，咬落肉汁豐富，並且帶有陣陣松露幽香；花膠鮮蝦丸咬落彈牙，口感豐富；芝心牛丸牛味濃，配以香濃流心芝士🧀更是一絕，不過要小心咬落去「辣」親條脷👅。🌟萵筍/粟米/鮮

今日試了一個精緻又抵食的火鍋套餐，二人份都價錢都只是＄438。火鍋湯底有5款選擇，分別有重慶麻辣鍋、雲南野菌鍋、芫荽皮蛋鍋、清湯鍋同鴛鴦鍋。而點鴛鴦鍋的就可以從首4款湯底中揀選其中2款，今次選了小辣的重慶麻辣鍋和清湯底。套餐中的食物有齊海鮮、肉類、手工製作類(即丸同餃類)、蔬菜，種類齊全。海鮮有鮑魚、海蝦、廣島蠔同大蜆，全部海鮮都非常新鮮。肉類有安格斯牛肉、黑毛豬腩片同牛胸爽，牛肉味道濃郁，牛胸爽油香滿分。手工製作類有墨魚冬甩、櫻花蝦豬肉丸同芝心牛肉雲吞，款式創新特別。蔬菜類有萵筍、粟米、冬菇同冰豆腐。另外再後加單點花膠鮮蝦滑同炸醬鈐卷。總括食物質素不錯，座位又舒適，期待下次再到來!

又一個適合打邊爐既晚上🫣❤️今次由朋友帶我去試佢屋企附近新開既餐廳。餐廳位於紅磡灣中心，就係poly宿舍對面，由黃埔/紅磡過去都勁方便。由於餐廳只係開左幾個月，所以好新淨😆，最重要係廁所都好乾淨(好重要)！呢間火鍋店唔係任飲任食。如果好似我地咁得2丁人，單點項目嗌唔到幾多野食！餐廳好貼心地推出左2款2人套餐！超級好呀真係！我地簡左平小小個款 $438，原諒我唔記得影餐牌🫣🫣。湯底：麻辣+芫茜皮蛋麻辣夠香，唔會得死辣，帶有淡淡藥材味，淥完個牛肉唔洗點豉油，就咁食已經好夠味。另外芫茜皮蛋我真係重點推介！芫茜控必食！勁大量芫茜呀～而且皮蛋都比得勁足，仲有馬蹄&豆腐，清甜爽口。二人套餐包括：肉類：安格斯牛，腩片，牛胸爽海鮮：鮮蝦，鮑魚，大蜆，生蠔另外仲有櫻花蝦豬肉丸，芝士牛肉雲吞，蝦丸，鮮冬菇， 萵筍，粟米，冰豆腐。一大盤冰盤拎上黎，排得勁靚真係岩晒打卡！而且食材真係好新鮮好新鮮！最愛牛肉，勁濃牛味，又香又滑。仲有蝦丸勁彈牙，芝心牛肉雲吞都好有驚喜！建議一開始先落粟米&冰豆腐，冰豆腐好似海棉咁吸晒d湯真係好滋味呀🤤❤️👍。另外仲有個新張優惠建議大家加配，$198加購象拔蚌刺身。又係擺放得勁靚🫣❤️港

同母親大人嚟紅磡,年幾兩年無嚟,紅磡真係變化好大~好多舊樓都拆咗要重建🏗,好多啲小店都搬咗...不過都有好多新開嘅新店,好似呢間火鍋店就係其中一間~裏面好新淨,啲位好闊落同舒服,有啲仲有私家電視機添🖥!嘢食方面,我哋叫咗個精選二人餐,貪佢包羅萬有~又有海鮮又有肉類,仲有啲菜同丸~上檯排得勁靚😍,全部都放喺冰上,感覺比較乾淨衛生~而啲安格斯牛同牛胸爽都排得靚靚成朵花咁🌹,牛肉好香肉味,切得略厚🐮~我同母親大人都係第一次食牛胸爽,真係好爽口彈牙,好特別~海鮮有蝦🦐,有鮑魚,有廣島蠔同蜆🦪,啲蜆真係好鮮,一開口就食非常鮮甜~其他仲有墨魚冬甩,牛肉雲吞🥟,冰豆腐,粟米🌽等等~因為蔬菜唔太多,所以另外叫咗西洋菜🥬,靈芝菇同埋炸芋件~西洋菜都夠份量,重點係洗得好乾淨,喺屋企懶得洗就比較少用嚟打邊爐,但真係好正😋!而炸芋件係我由細到大都好鍾意用嚟打邊爐嘅料,佢哋嘅芋頭好粉好腍,吸滿湯汁好好食~佢啲湯底都唔錯,我哋個雜菌鍋好足料🍄🍄🍄,一上檯都見有好多菇,仲有竹笙添!一大班人嚟呢度打邊爐都唔錯~

今日又係紅磡搵食，紅磡灣呢邊開左間海鮮火鍋店，除左單點仲有二人套餐，岩哂我地人少少又想食多款既人😚😚套餐有兩款，我地揀左貴d 有多d 海鮮既款🙆🏻‍♀️🙆🏻‍♀️至尊海鮮二人套餐 $568湯底可以揀駑鴦鍋，我地揀左清湯底+辣得棧重慶麻辣鍋，小辣唔辣，但係好夠香清湯底成個放咗滿滿嘅娃娃菜海鮮類有蟹/鮑魚/海蝦/花膠/廣島蠔肉蟹夠晒結實，鮑魚細心𠝹左花，煮完幾軟幾好食，花膠都大大片吸咗湯幾好，海蝦同廣島蠔就正常肉類包括和牛頸脊/黑毛豬肋條/ 羊肉，牛頸脊質素好好油花均勻仲想再食😋😋豬肋條可以煮耐啲識落都幾彈牙好味🤩🤩羊肉好香好食又唔羶🐏🐏黑松露墨魚丸/花膠鮮蝦丸/芝心牛肉雲吞手打丸類夠哂彈牙，另外嗰個牛肉雲吞幾有驚喜☺️☺️香嘅肉味加埋啲芝士幾夾😉😉萵筍/粟米/鮮淮山/冰豆腐蔬菜類每樣少少，浸湯又幾好味，整體唔錯📍 辣得棧海鮮火鍋專門店 (紅磡)紅磡紅磡南道紅磡灣中心地下20號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #

呢幾日咁凍最啱就係打邊爐😋放工見到呢間好full，又做緊個二人套餐優惠幾抵食就即刻入左去😎佢個二人套餐都幾多嘢食，首先有幾款海鮮包括蝦，大蜆，仲有蠔😮肉類方面就有安格斯牛肉，豚肉同埋牛胸爽😋不過今日牛胸爽售罄就幫我哋轉埋做牛肉。除咗肉類之外，仲有幾特別嘅芝士牛肉餃同埋櫻花蝦豬肉丸🤤驚食到濟仲有幾款蔬菜嚟去油膩👍 湯底我哋今次就揀咗鴛鴦鍋，要咗一個麻辣湯底同一個菌湯底😆首先講吓個湯底，呢兩個湯底都好出色⭐️⭐️⭐️⭐️⭐️麻辣湯底有分大中小辣，小辣對我嚟講啱啱好，味道好濃郁好夠味👍而個箘湯非常非常有驚喜👍👍👍👍入邊啲料好好好好好多😍除咗唔同嘅菇，連豬骨，金菇同竹笙都有！比起出邊其他箘湯呢個真好足料，個湯仲好鮮甜下次一定會再encore👍食物方面安格斯牛肉好有肉味食落去好滑，而蝦亦都非常鮮甜（特別擺埋喺個箘湯度😍）芝士牛肉餃好特別，咬落去真係有好大嚿芝士😆而櫻花蝦豬肉丸個口感外脆內軟又大大粒好正👍 唯一可以改善嘅地方係佢啲蠔未解凍就上碟，望落去仲有層冰係出面。而豚肉對我嚟講肥膏比例過多～呢度份量都算幾多，每款嘢食大約有四至五件好飽肚🤤我哋另外仲加咗個花膠蝦滑，冇諗過份量好多而且蝦味好重唔會食落去好似