輝記車仔麵

Open Now

Now Closed

有人話不用餐餐大魚大肉, 有時簡簡單單吃一餐, 也可以很滿足, 我絕對同意, 因為講呢番說話嗰個人係我心愛嘅人, 有佢陪住我食, 食咩都梗係滿足啦.但今晚佢又要加班, 惟有獨自去尋歡, 想起先前同佢食煲仔飯嘅時候, 途經呢間車仔麵, 發覺都幾多人吓, 今日經過, 可能係落雨天嘅關係, 幫襯嘅人唔太多, 就行埋去試試聽過唔少食車仔麵中伏嘅故事, 所以响嗌呢碗麵之前, 哄埋啲由對眼同鼻哥幫我決定食乜, 最後揀咗幼麵餅+豬皮+碎腩幼麵餅:食落有佢應有嘅麵粉味同蛋香味, 唔會似其他新派車仔麵食店, 用埋啲大路貨, 食極都食唔到麵味豬皮:浸煮嘅火喉掌握得非常好, 唔會過份軟諗或過份爽彈, 舊式古早味道, 唔會剩係得豉油味, 此外, 用嘅亦唔係啲漂到白一白嘅豬皮, 如要挑剔, 只係其中一塊有豬毛牛腩(碎腩):比起雪藏牛腩(當然唔係和牛, 安格斯之類), 其實用新鮮碎腩, 成本唔平得好多, 但炆得好, 真係比雪藏牛腩好食得多, 起碼唔會食到攝痛啲牙罅, 呢檔嘅碎腩有柱侯醬同磨豉醬嘅香味, 炆得夠諗夠滑, 食落唔會覺得柴, 坊間少有做得咁好後記: 睇返openrice站嘅舊食評, 就更覺得呢檔家庭式經

啱啱要喺附近上堂 平日見到呢度好多人幫襯 雖然地方好迫夾想到好想入嚟試下手字好靚既車仔麵餐牌第一次食，叫咗車仔麵必選嘅油麵大腸豬紅蘿蔔 油麵係剛加少少林，大腸又入味，蘿蔔清甜切到一啖一口， 而且份量都幾多，叫四個餸就真係好飽嘞

每次經過油麻地, 都無緣食輝哥車仔麵, 因為座位不多, 每次都是坐滿人, 今次見到有位, 終於有機會試下, 雖然環境麻麻, 我又係女仔, 但都唔會介意, 最緊要好食一碗豬紅豬腸蘿蔔, 豬腸大大舊, 豬紅好入味, 蘿蔔雖然夠林, 但係未算甜, 湯底唔錯, 如果有埋特色辣汁/醬會更好, 三餸一麵, 餸的份量好多, 比較其他車仔麵, 輝記的餸完全係double 份量, 所以其實都幾抵食看到老闆自強不息, 更加要支持下, 你黎過就會知道看到牌上寫Speaking English Here, 原來係老闆識講英文! 我一邊食一邊都見到有不少遊客黎幫趁, 英文又得, 國語又得, 老闆好野!

新科技電話未足半年開始出現問題,離開客戶服務中心後,不如走到油麻地港鐵站另一端看看能否有機緣光顧只在傍晚開始營業的輝記車仔麵。營業時間似乎剛剛開始,車仔前只有兩位客人靜靜的在排隊,我也加入為一份子在狹小車仔麵檔前等待著。當一切準備妥當,左手掌殘缺的老闆不慌不忙的開始為客人煮食,靈活程度其實與常人無異,工作速度比很多年青一代餐飲服務員更靈巧敏捷。客人們的車仔麵無論選多少款式也是盛滿湯碗似的,只因輝記的一份餸菜真的不算少,價錢也是一般價錢,相對是抵食的了;車仔中的餸菜選擇沒有新式車仔麵的多選擇,傳統的會都有齊。老闆舀了又舀的一份豬腸都是大大圈的一段,厚厚腸壁仍有點脂肪,炆得外層入味而腸壁保持Q彈;豬紅不是正方形的常見一款,質感比坊間買到的嫩滑一些,但又沒有花園街明記的滑不溜口豆腐花般特別;豬皮切成長條型,炆得爽口不會淋之之,而且每件豬皮也沒豬毛的唷;讓車仔餸更大碗的蘿蔔切成大小均一的正方形,每方蘿蔔沒有出現花心,沒有明顯甜味令食味更佳反更純樸;牛腩是牛碎腩,十元八塊的車仔餸當不是用上高級坑腩或爽腩,這些碎牛腩不就是車仔麵才有的牛腩形態嗎??可惜今天沒有雞腸,不然這碗車仔餸更為完美。湯底極為

忽地麵癮大發。除了傳統又經常吃的雲吞牛腩的粵式粉麵以外，還有經濟抵食又夠草根的港式車仔麵可供選擇....若論到環境地段以至到門面裝修格局方面，相信沒有那一處比這間"輝記"夠草根了吧....是夜一個人走進廟街 ---- 一個我從小就流連的地方。四處燈火通明，這邊廂的"四季煲仔飯"門外站着一條超長的人龍；另外那邊的牛什檔門外，亦企有不少享受着這平民美食的饞嘴人...至於我呢，就選擇行前幾步路到了"輝記"。斗室之內除了老闆及一位年輕人以外，狹小的空間就只能擺下兩張左右的摺檯。很自然地當我抵達之時已被坐滿。唯今之計，就只有選坐到門外的唯一一張桌椅上....坐低後邊吃麵邊能感受到車子及行人不斷在身邊擦過，人車之間只是咫尺之遙，再加上腳底就是去水渠的渠口位....這種如此平民的用餐環境，還真不是每個人也受得住的....下午吃的不多，現在可以豪氣一點來個四餸麵。先到檔前望一望，看到有店自慢的雞腸，馬上便要了。之後再吃麵時見到旁邊的大叔一叫便是雙份，由此便知這味的受歡迎程度。再來的便是我常叫的牛腩及蘿蔔；另聽說這裡的豬紅是不錯的，又叫了一份；最後是選麵底，此刻才赫然發覺沒有我慣常點的油麵....對我來

第一次光顧輝記，便給他的齊腕殘掌所驚嚇，但逐漸變成欣賞及支持；由推車仔到入舖，由單身一人到有妻有兒，真的見證了輝記殘而不廢的精神。為了默默支持，唯有多點幫趁最實際，何況輝記有「無得輸」新鮮雞腸？每天六點半開檔，往往未到七點就賣清雞腸，夠誇張了吧！正因為貨源少，所以大部份七點前的客人，必定會點一份，甚至於兩份雞腸。簡單的放入湯中焯熟，滿口是油香，豐腴滑溜，超正；而豬紅亦是滑不溜手，咸香但又不羶。菜心是另外上，澆點牛腩汁，十分惹味；再配一份米粉，吃著吃著，彷彿已回到當年歲月。

雖然，命運是對手永不低頭，但是，失去了又會否真的低頭？你我也不敢去想到這個可怕的假設性問題，對一些身體有缺陷的人，而能夠保持正面思想，不自暴自棄，仍然能夠自食其力，實在衷心敬佩。油麻地廟街外面的鴉打街，有一間門面殘舊的小小車仔麵店 - 輝記，店主沒有左手掌，由煮麵，收銀，也是一腳踢。這間輝記賣的是傳統車仔麵，沒有多多花臣，只是最基本的車仔麵，魚蛋，豬紅，豬皮，蘿蔔，大腸，雞翼尖之類，想要創新口味？對不起，沒有。只見店主的活動揮洒自如，與正常人沒兩樣，左手用來托著碗，右手來煮麵，效率比很多食店還高。本來想要雞腸，為時已晚賣光，豬紅很滑，蘿蔔爽甜得天然，魚蛋，豬皮是一貫的味道，湯底濃而不濁，最怕喝到味道曖昧，內裡不知加了甚麼的湯底。另外點了韭菜花，簡單地白灼，再淋些醬油，連車仔麵價錢為＄34。吃得滿頭大汗，環境欠佳是意料中事。食物好不好吃，未必完全在乎於味道，外來的種種因素，也能左右大局，雖然不算是好吃得令人驚艷，但看見店主殘而不廢，憑著僅存的一隻手來養妻活兒，值得嘉許。如果連地產霸權也搞著他的話，未免欠缺一點人性。

話說近排成日心思思想食車仔麵...(淨餸)去到邊都想搵車仔餸食.尋晚要去登打士街O個邊, 就上黎SEARCH下油麻地有冇車仔麵啦.有啦有啦. 好野...兜左咁多路都係為左佢. 叫左 菜心豬紅蘿蔔柏葉(想試雞腸, 但冇晒LU...)菜心新鮮豬紅好滑蘿蔔冇渣柏葉爽口一個人一對手. 我去到前面排左4-5個人. 真係要等等.店內好似得一張枱 (2個位)街就放左2張4人枱價錢OK, 而且分量足p.s. 外賣盒加$1

其實我也挺喜歡吃車仔麵，不過我點淨餸多，因為有時不吃粉麵淨吃餸已經覺得好飽，而且要淨餸的話，餸會多一點。在香港島，我最愛的當然是榮記，雖然價錢不便宜，但我很喜歡吃那個的雞翼尖和濃湯汁西洋菜，而在九龍區，最愛去的就是這裡，好吃、便宜、份量超多。是晚我在旺角做完運動，突然間好想吃這裡的淨餸，可是已經餓了，不想走路，所以坐了兩個巴士站去。雖然我愛吃剩餸，但其實每一次來我都是點同樣的東西，只是選的菜會不同，夏天會點通菜，冬天就要韮菜，另外再配豬紅、蘿蔔，這次新嘗試了牛栢葉。每次看到老闆用失去前掌的右手替我把菜切成小段，我都想問他那些冒出熱氣的菜不熱嗎？看他用右手壓著熱熱的菜，心裡總有點不忍，同時我是真心佩服他。這個時代有不少人，有手有腳卻不努力，不是說拿綜緩的人不好，只是同時間你自己也應該付出點努力。老闆每一次都把盒子裝得滿滿，蓋蓋子的時候裡面的湯都溢出來了。拿著外賣，急急的回家開餐。打開盒子，韮菜相當澎湃，鮮甜無渣；蘿蔔清甜；豬紅爽又夠味；牛栢葉亦脆口。喝一口加了腩汁的湯，很滿足。坦白說，那店的不算很乾淨，裝修又殘又舊，我也有試過看到菜裡面有小蟲，可是我還是會去幫襯他，雖然車仔麵的餸很普通，

在鴉打街有一檔大排檔是個人非常欣賞的,那必定是輝記,多年來看著他殘而不費,自食其力,由街邊推車仔,到今天有妻有兒,門前總是有一大條長龍,實在替他高興. 最重要的,是用兩腳支持他,差不多每次路過,只要有時間.點都會來一碗雞腸米或麵,特別是輝記用上新鮮雞腸,入口滑溜,有一朕雞油的油香,肥美芳香,別處真的吃不到,再蘸點余均益辣椒醬,那就更惹味了. 大家如果有機會經過,只要見到一條人龍,大概就是此店了. 不過要記得開門時間是晚上六點半,早到亦沒用

上次睇到食評, 嚟拜會過輝哥, 但係上次就唔知點解, 唔可以開枱係路邊,只可以係鋪內進食, 但係客人太多, 天氣又凍, 個個著住大褸, 攪到D人攞住碗麵企係街度食.今次同女友行開油麻地唔知食乜好, 就嚟拜會輝哥.今次叫咗三餸, 豬紅+雞腸+牛腩 河粉,豬紅 : 好似滑豆腐咁, 同平時係其他地方食到嘅唔同, 鍾意食豬紅嘅朋友一定要嚟試吓.雞腸 : 爽脆, 正 !! 牛腩 : 食到舊式嘅炆牛腩. 如果可以炆埋牛根就正啦 !!河粉 : 唯一要彈嘅一環, 河粉質地太粗厚.另外就係價錢抵, 大大碗, 大男人食一碗都夠飽.

由讀大學時光顧輝哥，看他在街邊擺擋，看着他的小兒子做功課；到現在輝哥的兒子也已長大。 自己也40歲，也成為爸爸。一個傷殘人士晚上在品流複雜的廟街附近開檔，當中的苦況不難想像。 但輝哥卻堅持多年，靠一個小檔養家活兒。 比起十多年，輝記的價錢只是貴了少少，但份量依舊十足。星期一晚叫了豬皮，牛腩及牛栢葉外買回家 ($25)。 翻熱時，食物幾乎把裝滿了。豬皮及牛栢葉爽口，牛腩較肥。 湯底味濃。$25的價錢，如此份量的食物及簡陋的車仔檔， 自問不可要求吃到天下美味或上等食材。 吃的只是一個雖然身體傷殘但仍努力工作養家的男人所煮的食物；繼續光顧也是對這一個男人的尊重。

猶記得小時候在上水有一檔車仔面, 是兩公婆開的. 一個GAS爐, 除了一般粗糼面及米粉, 配料是很熟悉的腸仔, 魚蛋,豬紅等等, 多年後這個車仔檔因租金問題結業後便很難在同區找一檔類以的車仔檔, 直至在OPENRICE看到這一家便蠢蠢欲試....甫到店鋪雖然己經十點多, 依然有很多人, 也是兩公婆開, 顧客有些是上了年紀的人, 也有一些遊客買一碗面試一下.隨後看到它掛著的餐牌有很多熟悉的車仔面配面, 最後點了東西如下:粗面一個 - 面很Q, 不會太"林"蘿蔔豬紅 - 很好, 不會一夾就散, 蘿蔔很爽甜沒有渣牛腩 - 有牛味, 不會因鹼水湯底破壞其味道, 不會太"硬"聽說這個車仔檔有一個好感人的故事, 其實這些才是真正的香港文化精神特點, 應予以保留及支持!!!

終於試了輝記的車仔麵, 早個多月前的 2 個晚上曾専誠往輝記,但 2 次都吃閉門羮, 後來住在輝記附近的朋友告訴我此店老板輝叔跌傷了腿所以沒法營業 今晚再往輝記, 終於沒有白走了, 店內祗有輝叔和他太太 2 人, 輝叔的左手需是殘癈, 但對他弄車仔麵絕對沒影響, 就像常人一樣快捷. 店真的非常小, 車仔餸也沒太多花巧餸, 祗有老老實實的 10 款左右的傳統餸, 因店太小和天氣太熱, 所以還是外買帶走, 跑上友人家借個方便品嚐好了 點了幼麵 + 豬紅 + 豬腸 和 牛腩 $25, 滿滿的一大碗，再看到車仔旁放着一大樽余筠益辣椒醬, 嘩! 正呀 辣椒醬中XO, 嗜辣的我馬上把辣椒醬加入麵內. *可惜當晚雞腸一早沽清* 幼麵餅普通豬紅 - 幼滑中帶脆, 又夠味道, 據報導說輝叔以前曾在屠房工作, 所以舊同事會把豬紅留給他, 亦即是說輝記的是正豬紅, 不是坊間的一般雜紅啦, 真係好正, 好味道豬腸 - 是帶點肥脂的大腸頭, 鹵得入味又不太淋, 帶點點嚼勁, 又係好味 這個豬腸要比 " 車仔麵之家 " 出色多了. 牛腩

我第一次去食...同我一起坐的婆婆.講故事我知.輝記係一個傷殘人仕.以前在街邊推車仔..到有自己物業.養育子女成人....是一個殘而不廢的人....碗麪末到時.婆婆熱情到斟茶俾我飲....仲好細心話如果食完先斟,會熱到飲唔到....估唔到婆婆係食客.....對我呢個萍水相逢的人.....都咁關心環境...如果大家只是路過一定不敢去食....坐裏面迫同亂..出面好濕我今年2x歲,輝記呢種車仔煮的車仔麵,我5至7歲時係的村食過....現在的車仔麵扭曲左個意思...係廚房煑.整多幾個餸就叫車仔麵 點了三個菜...雞腸.柏葉...牛腩米大大碗26元........雞腸平時車仔麵店係無...呢間店冼得好乾淨.夾雜左肥膏的香味....柏葉好爽.牛腩林好入味....但肥膏好勁.....而成碗麵味道都頗鹹食完飲杯茶....杯茶好香....飲落甘甘地...婆婆話壽眉我覺得係香片...全間店的人都唔識斟茶...多謝婆婆介紹....故事感人....食物正宗好食....不過太油,太肥,我不敢成日食......