Viet Street (Closed)

「越老仔」！是銀杏館主辦的！銀杏館是一間專門聘用長者做餐飲的餐廳。相信大家不會陌生，只是之前不知道他們有開越南菜餐廳。店內電視播著他們長者團隊結伴越南，學習正統越式風味，很有心。因最近早上不想吃肉，便叫了素。餐牌選擇也挺多還有一份我沒放上來。 點叫了素扎肉湯河， 樣子與真的扎肉很像，當然吃下去有分別，較有彈性，素扎肉味道一般。 幸好鹹鹹的湯底令整碗湯河昇華，如果多些香料便好。 飲品是自助形式所以$32原來說真的很便宜，我也喝了數次菊花蜜。( 另一份$39元的早餐餐牌還包含牛油方包) 還有一部即磨咖啡機，我沒影出來。…Read More

地點係西九龍中心既2樓 吉野家隔離 咁入面都吾係話好大 去到係食晚市套餐 食套餐就可以任飲水吧既飲品有凍檸水 洛神花 菊蜜 凍咖啡 咁套餐呢 有一款前菜小食 四選一 有春卷 越南春卷 沙律 仲有一個吾記得左而主食呢 今次就食左個88$既咖哩豬頭肉飯配香草魚餅 配料好多份量充足 同埋另外一個粉就係$78 好多餸 面底係金邊粉 好多 好抵食 食到飽 之後再有一份當日精選甜品 甜品就真係麻麻地 一小嚿 但依間野其實吾食套餐都抵食 都係40$-50$ 算平 而且都好大份量 …Read More

小店社企，一向十分支持。呢間銀杏館開嘅越老仔 佢專請銀髮族，更係會支持。經常黎幫襯佢下午茶。主要係任坐加埋任飲出面特飲同咖啡奶茶0茶類等 其實真係好很抵嘅。特飲都有4款。間會唔同 今次有洛神花，凍寧水，有機柑桔蜜，凍咖啡，仲有熱啡 自己調味嘅熱奶茶.....（有時會係凍雪梨蜜）。飲品多數傾向淡淡地嘅，咁飲多幾杯都唔覺“漏”呀。叫左越式豬扒湯河，同埋一個傳統越式法包。味道有水準嘅，湯河個湯底好清甜 。個法包都幾脆，不過相對地無咁抵，自己覺得啫。同睇你有幾鍾意食法包啦。平時自助飲品吧要加$12，下午茶叫嘢食就包埋，所以真係好抵呀！…Read More

得知西九龍中心開了社企銀杏館-越老仔，就一於星期日返完教會，一家四個口就黎呢到食個晏仔。一貫如其他銀杏館既水準，服務既年長員工是十分用心，又待客如賓既態度對待每一位顧客。十分專業，亦十分感到他們的認真。那份熱愛工作的心，讓我動容又讓我感動。難怪香港昔日有如此光輝燦爛的日子，正正就是他們活生生地經營出來的。贊呀👍👍👍講返食物，我地叫左3個午餐，分別是「手作春卷撈檬」、「烤豬頸肉撈檬」、「香茅豬扒蛋餅飯」。我兩位公主👸👸食到反哂肚。最出人意外的是套餐包埋係自助無限添飲服務，對我呢個水怪黎講，實在太好啦。我特別欣賞提供既熱紅茶，好香濃，茶味十足，正呀。之後，我一定會再黎幫襯，正呀😁😁😁…Read More

一開頭見到真係嚇左一跳，估唔到呢個價位既份量都咁豐富。青瓜、醃蘿蔔絲作前菜，酸酸’MayMay’咁，好開胃。越式豬扒肉質整得好鬆化，味道好香，再配埋佢個豉油汁，送飯一流。同埋，飯面頭上面既脆脆口感好得意，撈埋D飯一齊食都好好食。..同豬扒飯一樣，配菜都好足料，洋蔥、芽菜同香菜令到成碗河粉個口感層次都好豐富。河粉亦煮到軟硬適中。..🍐飲品吧-雪梨蜜好夠雪梨味，清清地，甜度岩岩好(十分為滿分的話大約有三四分甜左右)，唔會好似樽裝飲品個隻雪梨茶咁甜，而且飲落好滋潤，飲兩杯都唔覺個口好甜。💐飲品吧-洛神花菜幾好飲，個味好特別，但係略為甜了一點，大約六七分甜左右，如果好似雪梨蜜咁無咁甜既話，應該會仲好味。..📍係西九龍中心行過發現呢間餐廳，第一眼就比佢個價錢牌吸引，下午茶三十幾蚊有個飯而且仲包任飲吧，岩曬依家熱辣辣既天氣入去飲餐飽。吃著吃著，發現原來呢間係鼓勵長者就業的社企，銀杏館。但係由我地入餐廳、到落單以至侍應捧上食物時都無發現到，證明長者既服務質素絕對不遜色於普通侍應。相反，經歷了半百的店員做事細心，為我們介紹食物及飲品吧，捧上食物時亦小心翼翼，令我地感受到佢地對工作既認真同熱誠，下次經過一定會再幫襯。下午茶餐牌…Read More

我們又吃銀杏館了🤗這是為鼓勵長者就業的社企，在全港各區開設不同類型的餐廳😊經典牛肉火鍋 $79基本上就是一般的越南pho，再將所有東西分開，由客人逐樣放入鍋中煮熟。可選河粉、檬粉或麵。配料方面有生牛肉、牛腩、牛百葉、牛筋、牛丸、豆卜和有機蔬菜等。牛骨湯底有香味但底味不夠深。配料質素不錯，唯一是那牛百葉一大片沒有切開😅這次選了河粉，河粉本身質地不錯，但不耐煮，放入鍋中容易煮過頭，變得過腍易斷。蕃茄海鮮套餐火鍋 $79蕃茄湯底中隱約透出蟹膏味道，應和餐牌上的蕃茄蟹膏湯河粉用上同一湯底。但配料中只有蝦、青口、魚蛋、墨魚丸、 豆卜、蕃茄和有機蔬菜，沒有了蟹膏，感覺總是差了一些東西的感覺。麵底選了檬粉，但和河粉一樣不耐煮，很快便會煮過頭。套餐包含飲品吧任飲，可自選各種果汁及冷熱咖啡等飲品。…Read More

西九龍中心二樓呢個位置嘅餐廳成日都易手得好快🙈，今次開嘅新餐廳係屬銀杏館旗下，亦都係社企餐廳，特意聘請長者👴🏼做侍應👍🏻，豐盛耆年。餐廳做越南菜，所以改名食哂字叫做「越老仔」，有意思有意思。由於新開張，所以都等咗成十分鐘先有得入～就睇住Menu等啦，每日有幾款精選午餐($49)就包埋自助飲品吧🍹，但未必啱食嘅就睇返佢主餐牌，有小食、湯粉、撈檬等等。我同同事Share食，就叫咗一個C餐金不換炒牛肉飯($49)🐄。Well嚟到發現唔通我哋嘅理解有錯，點解唔係炒飯嚟嘅？而係炒牛肉+白飯🍚，味道都幾好食嘅，炒得幾香幾夠味，但我心目中係食炒飯👉🏻👈🏻。如果係咁嘅牛肉飯，有更好嘅選擇。側邊有搭啲青瓜同蘿蔔，但味道偏淡麻麻地。餸同飯嘅份量都唔算多，男仔應該唔夠食。另外要咗碗單點越老蕃茄蟹肉湯檬($56)，都有幾多餸嘅，例如蝦🦐、魚蛋、豬紅、蟹膏🦀、扎肉同蕃茄🍅，每樣都有兩嚿到，但蟹膏真係少到不見😠。個湯底我覺得一般，茄味有點假又唔鮮，同埋太多蔥/生芽菜果啲，令臭青味太重。午餐Set就包自助飲品吧，價值$12/位，有菊花茶🌼、凍紅茶、有機柑桔蜜🍊等等，亦都可以沖熱飲☕️。飲品就唔錯嘅，又可以任飲👍🏻。總括嚟講，社企餐廳值得支持嘅，食物味道就正常啦，唔係好啱我胃口，有機會都可以試下其他嘢食嘅。定價我覺得喺呢區少少偏貴，例如非lunch set要成$5x碗😕。服務方面，老友記都好落力，又主動介紹餐牌，但始終有啲啲生手，有少許混亂，不過可接受😊。環境就乾淨企理，但少迫。…Read More

支持社企係我重寫食評既第一波銀杏館-越老仔茶餐抵食，因為有自助吧，凍飲有幾款，檸水、洛神花、柑桔蜜熱飲，就要咖啡、奶茶、茶包我其實唔餓，但要搵個地方坐，只係睇餐牌，價格合理，加上職員好歡迎，所以雙腳就又左去啦叫左 奶油豬，一枱個刻，仲有香味，個size 仲係出面倍半飲品，我自己用佢檸檬汁加熱水，暖檸水因為佢檸檬汁 極夠味，檸味甜味酸味，加d 水中和剛剛好其實最令我欣賞係呢度既職員，我落單前講，我只係想飲野，佢已經準備好紙袋比我帶走 隻朱加上睇住佢地對待其他客人，佢地好珍惜呢個工作，完全感受到佢地好敬業樂業，舜間充滿正能量有時食野，食味道，同時我好欣賞態度…Read More

深水埗平民美食多就出哂名，康瑞食芋圓~西九龍中心就有平民food court！今日就同朋友去西九覓食，見到有間新鋪個名叫「越老仔」咁熟口熟面～上網search下，原來係銀杏館分店！但新到連食評都未有～勇者無懼～二話不說入去試食先～揀左香茅雞翼撈檬，另外再叫咗蒜香芝士焗青口同越式炸春卷～香茅雞翼撈檬－足料又大碗！檬粉新鮮彈牙，魚露相對越老店淡口點，但仍十分惹味！但個人就鐘意濃返啲～更加越南風味！香茅雞翼夠入味～隻隻都烤到脹卜卜～維持到越老水準！蒜香芝士焗青口（2隻）－好好味！上面鋪滿一層厚熱溶芝士，夾埋青口食帶點咸香，而青口亦好肥美！正！越式炸春卷（4條）－炸得金黃香脆！熱辣辣上枱～加分！餡料都好足～啖啖都爆餡～同樣維持到水準～推介推介！！提一提～其實銀杏館係間專推長者就業嘅社企～我雖然都有去佢地分店支持～但估唔到佢地咁低調！靜雞雞起商場開新鋪，而哩間嘅菜式比油麻地店嘅選擇少～價錢定位亦都幾貼地，平均50蚊就食到主食！值得一提係叫套餐包自助飲品吧～伯伯話除咗咖啡，仲有2-3款自家製健康飲品，我個日去就有雪梨水同有機柑桔蜜，味道唔會太甜～如果連佢地招牌自助沙律吧都有埋就真係正正正！…Read More

中午到此越式店的第一次，其實有期望，可惜失望。可能試一款粉未見真章，先讓我講述。店子燈火較暗，影相質素差見諒，餐牌上有带自助飲品套餐，$49價格暫且放弃，心儀了豬扒叫了雙拼粉，粉的樣子一般，缺乏九層塔葉，一塊小豬扒三顆魚疍(做優惠只收單拼錢)，餸的味道僅及格欠驚喜，豬扒很一般魚疍還有點魚味，但重要是湯底全無鮮味偏寡淡，及後加極了魚露醋都無改善，奇怪！本人試過其它越南粉店都未試過咁差，價錢須低$35但比起隔離譚X米線質素及抵食程度仍有距離，只覺老闆一係太注重健康，或一係慳味精或餚湯的骨肉。…Read More