Viet Street (Closed)

一開頭見到真係嚇左一跳，估唔到呢個價位既份量都咁豐富。青瓜、醃蘿蔔絲作前菜，酸酸’MayMay’咁，好開胃。越式豬扒肉質整得好鬆化，味道好香，再配埋佢個豉油汁，送飯一流。同埋，飯面頭上面既脆脆口感好得意，撈埋D飯一齊食都好好食。

越式香茅豬扒飯

$34

.
.
同豬扒飯一樣，配菜都好足料，洋蔥、芽菜同香菜令到成碗河粉個口感層次都好豐富。河粉亦煮到軟硬適中。

越式香茅豬扒湯河

$34

.
.

自助飲品吧

🍐飲品吧-雪梨蜜
好夠雪梨味，清清地，甜度岩岩好(十分為滿分的話大約有三四分甜左右)，唔會好似樽裝飲品個隻雪梨茶咁甜，而且飲落好滋潤，飲兩杯都唔覺個口好甜。


💐飲品吧-洛神花菜
幾好飲，個味好特別，但係略為甜了一點，大約六七分甜左右，如果好似雪梨蜜咁無咁甜既話，應該會仲好味。
.
.
📍係西九龍中心行過發現呢間餐廳，第一眼就比佢個價錢牌吸引，下午茶三十幾蚊有個飯而且仲包任飲吧，岩曬依家熱辣辣既天氣入去飲餐飽。吃著吃著，發現原來呢間係鼓勵長者就業的社企，銀杏館。但係由我地入餐廳、到落單以至侍應捧上食物時都無發現到，證明長者既服務質素絕對不遜色於普通侍應。相反，經歷了半百的店員做事細心，為我們介紹食物及飲品吧，捧上食物時亦小心翼翼，令我地感受到佢地對工作既認真同熱誠，下次經過一定會再幫襯。


下午茶餐牌