豬仔糖水 (Closed)

見到佢d冰味幾特別，叫左個２７蚊既豆茸冰島同個朋友仔share．．．點知即時愛上佢個豆腐冰入口即溶，滑得黎又有好豆腐味，加埋佢個set跟埋白朱古力花辨，有一種淡淡的感覺..好似好幸福咁 =P 我其實唔係非常喜歡豆腐花，但真係就好喜歡佢地既豆茸冰島！７點幾見間鋪冇乜人，可能仲係食飯時間..我會叫多ｄ人黎幫襯，等你多ｄ生意，豬仔加油啊~

經過大角咀見到d大大嘅poster做廣告,因此好奇一試。一去到門口,見到入面只有兩枱客,不過盡管試試。只得兩枱已經好噪,原來嗰兩枱都係係嗰度做part time,但當日唔使返工=.=點咗個PP島(因為睇相好似好吸引><),但一試發覺d生果好唔掂,有d爛爛哋=.=唉....其實呢d糖水應該無乜難道可言,精髓之處應該係要配新鮮生果ma,點知d生果都唔掂而且兩個雪糕係無得自己選味ga....睇餐牌嗰度有好多唔同款嘅糖水,但我只係試咗一款,可能唔夠全面。不過都算抵食嘅

之前黎過幾次都覺得麻麻,今次同朋友經過再黎試下,但都係失望要左西瓜冰同紫米露紫米露先上,頗稀的,椰香味不足而且偏淡,一般酒樓貨色西瓜冰則甜得過份,明顯係糖水作怪,而且加左d類似西米既物體,有d怪怪地咁希望果d"非會員"既食評唔係廣告黎啦@.@

食完喇沙同愛人去左呢度試甜品。1. 抺菜冰川﹕有好多點擺埋一齊，逐樣黎講 a. 脆米 -- 都唔係粒粒脆，一般 b. 紅豆 -- ok，唔會太林 c. 綠色啫哩 -- 無乜特別 d. 小丸子 -- 就咁食好d e. 抺茶綿綿冰 --- 茶味唔係好夠，淡左d將全部撈埋食就出事，其他配料既甜味完全蓋過抹茶味，只係好隱約食到茶味，大部份時間都係得配料甜味，若然可以再淋d綠茶醬我應該會好味d！而家香港開始周圍都有綿綿冰食，但個人認為都係台灣果邊比較好味同埋抵食！

自從上2個月搬左去青衣之後就少左好多機會返黎大角咀食下油渣麵呀雞翼呀仲有至就腳(以前)又至得我心既糖水~~阿妹今日開學，就諗住接佢放學，順便故地巡遊一下*青衣冷冷清清真係唔係好住得慣*行過豬仔又忍唔住入去食返碗...個店員話新出左益力多味同豆腐味既棉棉冰我不嬲都好鍾意飲益力多沙冰既, 就梗係試下益力多味啦(呢到叫乳酪冰河)阿妹依然叫佢既例牌榴槤冰王...我同阿妹d口味真係...差得好遠(我係唔識欣賞榴槤的人)佢果個冰一出... 陣榴槤味真係好勁!! 佢就猛話好香好香, 好味好味而我就...默默咁期待我果個益力多冰~豬仔既出餐速度算快, 唔使得好耐我個益力多就出場啦佢地配左西瓜同芒果汁仲有棉花糖, 食落去酸酸甜甜, 我先發覺芒果同益力多幾夾, 值100分呀!!!個店員話其實豆腐都好好食, 清清的下次再返大角咀我一定會試下

尋晚放工約朋友黎大角咀聚聚,搵個地方傾下計食d野~~最後決定去"豬仔", 第一次去到環境幾好,幾舒服~~我同朋友顧住玩,坐左好奈都無比人催落單~~(之後d員工仲要好nice同我地影相~~)好多野都好想食~~最後點左個"慕黑冰山" + 士多啤利~~有好多配料組合,多到唔知點揀好~~"慕黑冰山"味道適中,唔會太甜或太淺,賣相幾靚,影相影到溶先食......老細同職員服務態度好,好nice~~一定會再同朋友去

我地呢d新界人真係好日都唔出市區，除左返工之外，其他時間都做井底之蛙。星期日見班同事咁高興去打牌，我梗係跟埋一份啦!點知，真係俾我有驚喜，話說呢，我地果日去左大同新村麻雀耍樂啦，玩到咁上下，A同事就提議試下附近新開既糖水，輸到嬲嬲地去散下心都好既，結果行左2條街就到。唔知係唔係假期關係，去到已經好爆，個伙計見我地幾條友，即刻排埋左2張枱俾我地。我第一次去同事就介紹左我食個"芒后冰塔"--(Mango~I like it)，原本呢個係跟棉花糖同藍莓，但我又唔係好鍾意食...結果轉晒做~~紅豆+大西米+木瓜..呵呵呵........一食落去...冰冰涼+芒果味，真係好味~~d 大西米又好"煙韌"...木瓜都好清甜...其他同事都叫佢唔同口味..有個咩綠茶, 仲有個係榴槤tim....口味好fresh...不過我試晒...最好味都係芒果..我地見咁多人都唔好意思hir咁耐返去再戰過~~

上次聽朋友講旺角有間"格舌"既糖水鋪我會like一個棉棉冰叫"慕黑冰山",就跟個friend由朗豪坊坐18元的士去試下啦～ 但係結果佢純朱古力味太重，唔夠甜！苦苦地~ 我不嬲都100%鍾意濃濃味既朱古力甜品，於事即場同店員反應...今次又係旺角陪另外一個朋友去食 豬仔糖水，貪佢唔駛等位朋友仔叫左"黃金海岸"，我又叫左個"慕黑冰山"．發覺真係有所改善~"慕黑冰山"加埋朱古力醬淋面，濃濃朱古力味sweet左好多又夠凍，脆脆米+綿綿冰食落去blog blog脆～好過癮！而"黃金海岸"有大大粒蘆薈肉+新鮮生果+芒果冰汁，好夏天消暑!我打字雖然麻麻地又慢，但都要表揚一下，希望豬仔繼續加油努力～

行過豬仔糖水,都一定會入黎外賣Rainbow+花奶.不但係因為佢價錢平.生果好好食.d大西米好有咬口 更重要係我同個服務員好好傾. 佢講d野好好笑.不過去完一次台灣旅行再加上到了男友家中訓了數天一返到黎入去想再搵佢傾計.連個影都冇埋~轉哂d新員工! 而且d新人個個都木口木面-________-唔知係咪冇再做呢?如果係的話 我為這感到可惜~不過我仲會支持豬仔糖水的Rainbow 請多多加油 (;講完以上既感想之後;就要講下同男朋友7月27去食左d咩啦~haha同男朋友入去.男朋友話我次次都食Rainbow好悶喎咁又係既,咁我就叫左佢地新出既棉花冰我就食朱古力, 陣朱古力味好香好濃 岩我呢個鍾意食99%朱古力大既女生加埋棉花糖好有初戀感覺 (;男朋友試食PP島. 因為佢好鍾意食雪糕不過d朱古力條就差d啦,吾脆既.但係雪糕就唔錯.加埋d生果 不過西瓜可能失水準因為都...冇味既! 其他都唔錯 埋單都係51蚊!! 十分抵食...不過都係果句啦 要訓練員工唔好木口木面

成日同班車友周圍食糖水大大話話都成勻港九新界依家周圍都興食棉棉冰，我鍾情6茶，所以去到邊都係有6茶就一定係食佢唯獨是呢間既6茶吸引我有果份正宗綠茶既味道 - 甘甘地既苦澀味好有日本6茶Feel的呢!!

甜品癮發作 ，友人揸車去豬仔食糖水做宵夜，我都係叫芒果樂園：新鮮芒果肉加埋"滑劣劣"既牛奶奶滑，再加冰涷曲奇雪糕，真係非常滿足！再加埋賣相成個花之卷壽司咁可愛，真係值得一讚!　朋友叫左新野”抺茶冰”，佢話好夠綠茶味，紅豆幾好食，下次我自己叫個試下先！希望豬仔繼續努力加油！

奧海城食完飯，個fd榴槤癮發作，帶左我同男朋友去大角咀食糖水~佢一坐低就叫左個榴棉冰王，我雖然都好鍾意食榴槤，但穩陣起見，叫左個芒果西米露，男朋友就叫左個Rainbow最先黎係個芒果西米露，食落去發現有驚喜，因為裡面加左大大粒既大西米超彈牙，超煙"un"到個榴棉冰王黎左我就忍唔住"嘩"左聲勁香榴槤味，個樣仲好靚，2話不說就食啖先味好濃，用香蕉同黑珍珠做配料配得唔錯最後尾到個Rainbow，男友話ok，d生果都算幾新鮮下次再過奧海城食飯一定會再黎食糖水~~

同男朋友住左大角咀半年初初搬黎見到有間糖水舖準備開張滿心歡喜因為我男朋友係一個甜品怪!呢到有d港式糖水，有又d西式d既野仲有新出綿綿冰真係咩口味都岩由開始到依家我真係覺得d糖水越做越好今日係我同男朋友拍拖週年想2個人靜靜地冇乜地方想去就落左豬仔食糖水見到裡面爆爆地場仲以為冇位啦點知個Staff見到我地企左係到唔知點算既時候即刻出黎話埋面有位真係冇諗過果時成12點幾都仲咁多人我叫左個慕黑冰山、男朋友本來想叫個普通既芒果西米露食因為佢話呢d到西米露加左大西米好好有咬口個Staff就介紹佢食全新既黃金海岸除左有雜果，仲加入左大西米同蘆薈肉，用芒果汁做底食落又爽又有口感佢就故且試下，碗野一黎到佢就急不及待食食落真係覺得幾特別!!之前食過一次覺得個慕黑冰山有D苦, 個Staff話因為用純正Dark Chocolate做介紹我下次試下加朱古力Topping，今次加左真係好好好食同個 Staff 傾多2句先知原來有時忙起上黎佢地連晚飯都要差唔多收舖冇乜客先食覺得佢地好盡責果份親切感我相信係大角咀呢d舊區先至有!!

早個零兩個月前見到大角咀有間新開的糖水鋪,見佢乾乾淨淨就走去試下啦...坐低之後...淨係見到d員工自己有自己一台食野吹水.....都唔係點理我地...放伍個menu就算~我點左個最普通既椰汁西米露......一黎到..見到個樣已經打左個突.....d西米比平時果d大一倍半到啦...果時已經心諗...唉..賴野...一食..我真係咁大個人第一次跟糖水可以只係食一啖就俾錢走...難食到呢...真係太過份...唔知係加左花奶定係咩...陣味怪怪地...再加埋d一舊過既西米...一出門口我就講我以後都唔會再去!!!!

同朋友駕車到旺角食完飯,跟住唔知去邊到食糖水好.. 其中個fd話係大角咀有間叫”豬仔糖水”，晚上咪錶位充足，係旺角朗豪坊揸車，轉３個彎就到，仲話有棉棉冰食又唔使等位..就去試下啦我叫左個芒后冰塔，D fd 叫左個格格脆雪山同抺茶冰川，d賣相幾靚，映左d相芒后冰塔 - 味道幾夾，但冇Menu個樣咁特別.. 抺茶冰川 - 配料分量可以多d 格格脆雪山 - 又冰又火又脆，正!唔知下次黎keep唔keep到呢種質素..始終新開張