豆漿大王

Open Now

Now Closed

攞咗飛等位，我地3位，當時一直叫號既都係2位，叫到我飛號就跳咗，以為佢係未有3人台，後來其中一個家人先行離開，想同佢講轉2人枱，點知佢同我講過咗我張飛，個職員堅稱自己有叫，但係當時我一直企佢前面等佢叫，佢係無叫到跳咗我限飛號，其實係咪覺得我3個人消費唔起？咁可以老實講不招待我哋，唔洗咁，重講大話話自己有叫！呢啲餐廳，搵鬼去啦！

之前經過排咗幾次隊，次次都過咗飛去，所以冇入到去食。今次決心排隊拎飛，不過天氣太熱，中間一下商場行，每10分鐘出嚟望，都係走飛，卒之職員俾我哋補飛。不過排隊拎飛真係有啲問題，永遠唔知叫到幾多，叫得嗰2秒冇人應就即刻下個Number，咁多客整返個電子顯示版好難咩😅好耐未食過啲餐廳係冇得自動拎飛叫飛食物嗰方面都真係好普通，芝麻有冇食過以前嘅，不過就咁食落口都覺得好普通。擔擔麵叫做小辣，不過食落口完全冇味，冇味道唔想攞其他嘢一齊落去食，個湯底完全唔吸引。小籠包還好，有少少湯汁不過皮偏厚。嗌咗杯牛油果豆漿，幾特別，不過冰太多冇飲筒，牛油果嘅味喺晒底。最正常不過滷味六小拼，肉好食好入味好腍，不錯。環境擠迫，員工服務態度一般，黑口黑面😓

平時經過每每見到好多人排隊等待入座。今天(7月26日下午12時左右)與太太路過見到沒有人龍所以即時入內午飯。可惜有以下不愉快的經歷。一間以”豆漿”中的王者命名的食店但是連製作豆漿的品質都未能做好！除了叫了粢飯, 上海餃子麵同煎餃了夫婦二人還點了一客豆漿共享。食物品質素一般但個豆漿喝了一口就即時發現有少許燶味。告知店員後只回應佢哋的豆漿用豆多所以才有此獨特的味道。叫佢哋入去廚戶試吓跟着出嚟就話已經叫咗廚房注意一下並沒有對客人作出進一步跟進(如更換飲品)。現有的燶豆漿似乎還是繼續供應給其它客人！當時位於我們對面的另一臺客人亦有投訴其豆漿的味道不大對勁但要求店員更換後亦不得要領。面對這家沒有品質要求及良心的食店相信此次是本人的第一次光顧亦是唯一一次的光顧了！難為自稱”豆漿大王”。

期待已久餐廳降臨沙田✨豆漿大王之前喺新蒲崗食過，一直念念不忘佢既粢飯！終於等到沙田開，專登去食🤭之前每次經過都大排長龍，今次下定決心點都要等位一試！⭐️雞扒粢飯 $26我最期待既粢飯，粢飯食落比較乾身，一咬就散開曬，同埋都唔係好食到雞扒味😅真係有啲失望！⭐️秘滷六小拼（肉骨、雞中翼叫做、蛋、牛肉、鴨腎及豆腐）$90全部嘢都滷得好入味👍🏻食落就濃味咗少少，不過配飯或者麵就啱晒啦！⭐️上海小籠包 $30黎到嘅時候熱辣辣，食落都有肉汁，但係皮就好似有啲厚，比較硬身，冇乜特別！⭐️上海排骨 $28睇相就知呢個好食啦，啱啱炸起香噴噴，而且肉質軟腍，推介推介！⭐️酸辣餃子麵 $48賣相一般，酸辣湯味道唔算酸又唔算好辣，餃子味道比較普通！總結 對比起新蒲崗店 係遜色好多🥲

新店開業，非常多客人排隊，望打方便又美味的粢飯，價錢合理！🥢雞扒粢飯$26雞扒炸得香口，油炸鬼炸口，肉鬆口感酥而不膩，加上榨菜平衡油膩感，粢飯入口糯糍，非常滿足！另外粢飯可選擇切為兩件，方便與朋友分享！👍🏻🥟煎餃子（每客4隻）$28很有驚喜！油煎過的面皮很是焦香味，新鮮韭菜豬肉完美交融，一口咬下去湯汁流了出來！層次分明，味蕾瘋狂舞動～🥑牛油果豆漿（凍）$24是用即溶粉沖出的牛油果味，味道不似預期，建議大家飲返原味豆漿好了！🌰榛子豆漿（熱）$18加了榛子，口味偏甜！本人覺得比牛油果豆漿好味，容易入口很多！

嘢食一般，唔係特別好食，但係啲姐姐喺11點幾lunch Time都未到就係咁催人走，同佢講飲緊嘢就快走，仲要隔30秒又搵第二個阿姐過嚟催，講緊係由入座到走40分鐘都未到，食到一肚氣，唔想受氣嘅唔好幫襯。仲要我覺得嘢食係同新蒲崗嗰間分別都幾大，冇新蒲崗嗰間咁好食，冷氣又太凍直吹個頭，如果佢唔係開喺沙田，覺得會有好多人幫襯，真係唔好怪人北上消費，過嚟食飯仲要俾人趕，用盡一切方法想人快啲走，我諗好多人除咗嗌外賣都唔會想再嚟堂食第二次

今次主要講野食, 開始無咁多人等位, 一去到有位坐~小朋友叫左個蒸饅頭 同 蒸銀絲卷, 最後出黎的賣相好差, 蒸饅頭上有少少污糟野, 用紙巾抺走大人食左, 銀絲卷面塊皮係爛, 唔夠飽再叫多次 蒸銀絲卷, 塊皮依然係爛, 所以呢次影左相...另外係甜粢飯有咸味, 仲要係小朋友食得出, 清楚講出甜粢飯切割位有咸粢飯果D 料, 我都O 左咀, 不過呢D 就係預備食物的用心唔夠, 希望做飲食服務的從業員, 知道食客對食物係有期望, 貴店的門面同出來的食物品質有落差。希望正視~

都唔係好特別啫個人覺得：個粢飯有啲太乾太硬，正常唔係軟熟啲嘅咩🤔湯麵嘅湯比較淡味（酸辣及擔擔湯）酸辣湯唔酸又唔辣，成坺嘢咁個擔擔湯就係喺個清湯度淋咗一劈醬上去，湯還湯，醬還醬個排骨真係好硬，喜歡乾身嘅人或許會喜歡嘅雞扒ok上海排骨飯個飯好硬，冇乜汁，乾噌噌豆漿有啲太甜六格小食拼盤，六個小食味道一樣，五香肉骨唔錯，其他唔係好入味四人座位少少迫冷氣夠大多人D嘅時候攞飛排隊有啲混亂整體嚟講冇乜必要食第二次

中學年代係黃大仙返學學校后面就係豆漿大王因為好平，當時變左飯堂自從搬左去馬鞍山之后好少再返去個邊點知今日俾我係沙田巧遇佢粢飯：回憶的味道，比起當時好似細左一啲，但味道如初，油炸鬼脆脆，心中世一，無可取代。姜汁奶花：以前真係好滑，呢間未去到好滑，但味道一樣，有進步空間。上海排骨飯：排骨炸得好味剛好，連雪菜好好味！星期日人頭湧湧，等左半個鐘先入到去，要搭枱，可能平日去食會好一啲。 成餐飯一百蚊2個人，仲要平過食永年！下次黎沙田又多一個選舉❤️

酸辣湯味道古怪裏面豆腐超硬，粢飯裏面嘅油炸鬼硬，肉鬆同榨菜超少，凍豆漿超甜服務員態度-食嘢就要等位，唔想等就唔好嚟食！明明有位都唔安排入座，製造人潮？！兩pair兩人坐四人枱，四個人就要分開枱坐，真係唔知咩概念！千祈唔好多人安排嘅情況呃倒！

之前新蒲崗試過總店今日黎朝聖佢的沙田分店上月開業，經常門口一大堆人無入去食同埋新開張一定麻麻地過左成個月佢仍然要等位！不過好在等左十幾分鐘就入到去鹹粢飯$20粢飯保持到水準！同新蒲崗一樣，少飯料多！黎到呢度都係$20，絕對係沙田友福音！午餐：五香肉骨麵+凍豆漿 $50肉骨好淋好入味呢啲骨出面食好貴😅 麵淋左少少湯底好味豆漿有豆味，但個人覺得可以再濃一啲價錢抵食，呢個區黎計真係算係咁肉鬆奶脆多 $26呢碟野當甜品一流 超邪惡！小籠包 $30無特別驚喜2個人食$126元無加一，仲要叫到成枱野食真係抵到爛好在我係沙田友完全係CP高有心人氣小店品質雖未及新蒲崗但絕對收貨！宜家咁多食肆執，加油撐住！

鹹粢飯唔係鹹嘅係甜嘅炸菜咬落去係甜唔係鹹或者有少辣味太甜的鹹粢飯唔應該叫“鹹粢飯”雞扒粢飯比較似鹹粢飯多啲希望鹹粢飯會變成鹹的包粢飯既竟然用嘅係膠袋而唔係微波爐保鮮紙粢飯嘅高溫膠袋是否會有釋放塑膠成份呢？唔方便擺入微波爐返熱酥炸雞翼飯啲飯好乾好似隔夜飯

本來幾期待的，之前有食開新蒲崗嗰間，諗住沙田有了就方便了。點知去到一試，感覺比新蒲崗差，啲waitress 態度又差，隔離台個客話薑汁太少，想加啲，佢話要加6蚊應該暫時都唔會再幫襯了。

知道沙田開左間，一直想同屋企人試下. 但新店開張實在人多，今日碰下運氣， 總算食到.除左粢飯，其餘野食都好一般..唔係IG 吹到咁好食.另外佢地對於排隊既安排都有d問題….我地3個人，店舖又唔大，都知要排一段時間.A飛係1-2人B 飛係3-4人如果B 飛冇人就會拆做2張A飛， 明白既.佢地叫2張B 飛，見冇人就會開始叫A飛.拆完台又冇晒4人台，如事者B飛等得比A飛耐好多.差唔多45分鐘後終於叫到我 ，前台話有張2人台，問我得唔得， 定再等下….我3個人點坐2人台….當然只可等….走果陣有同收銀反映，希望改善下.收銀只望左我一眼咩都冇講，感覺好冇禮貌.整體感覺唔太好，野食又麻麻，唔會再幫襯🥲

因為太多人嘅關係，所以就諗住外賣，收銀姐姐已經講可能要等20至30分鐘，其實都冇咩問題，就叫咗一碗酸辣餃子上海麵同粢飯，返到屋企諗住開餐嘅時候，點知餃子冇放係碗麵到，變咗淨上海麵⋯會唔會太過分