豆漿大王

Open Now

Now Closed

上海餃子麵🍜 $35 (包豆漿🥛)呢間係糧尾必去架😂價錢好抵而且食物都唔錯😍今次叫左個上海餃子麵😝餃子大大粒 皮雖然唔係好薄但夠淋 而且餡都幾多 仲有4隻甘多😋另外上海麵條都幾好食 軟硬適中 湯底夠濃😚叫左杯熱豆漿 係用碗上嘅 好大碗🙊仲叫左一個上海正宗粢飯($15)同朋友share😍🍙好好味 餡料好豐富 有炸菜、肉鬆、油炸鬼等等🤤食落糯米煙煙韌韌 油炸鬼脆卜卜 味道夠😎可以買黎做早餐🤗😂呢到唯一唔好嘅就係工廈店舖比較細間 座位都好窄🙈坐得無甘舒服😛

已曾有同事試過食物有怪味， 已不只一，兩次， 也反應過，但今次食炸某又有怪味就有點過份， 亦再跟他們反應， 然後個老闆娘出來後說她試過沒有怪味，就問我同事想換什麼， 我同事即說點會沒有怪味， 有很重的殺蟲水味喎，同事唯有叫左碗淨麵算了。氣憤是他們講到好似我地講大話咁 ，已不是第一次食物有怪味， 反應完不改善不特止， 還要態度這樣， 門口阿姐好熱情叫人入去，但入到去就另一回事，所以我們已列入永不幫襯名單。

第一次嚟呢度搵野食，個門口都幾隱蔽，行過左差d搵唔到我哋兩個人入到去，見到仲有大把四人枱，但阿姐偏偏叫我哋同人地搭枱結果我地寧願坐中間既二人枱二人枱擺位極窄，極奇怪，都唔知過唔過到消防條例我地叫左粢飯，有甜&咸選擇，甜粢飯雖然係幾少見， 但係我哋都係鍾意食咸多啲飯夠煙韌，軟硬適中， 餡料油炸鬼脆口，榨菜野惹味，肉鬆中規中矩炸雞扒 雖然味道ok，但係超級細塊， 中間仲有舊肥，唔值$20呢個價叫咗兩碗甜品，一碗係凍豆腐花，另一碗薑汁奶花 我哋誤會咗薑汁奶花喺類似薑汁撞奶， 原來唔係， 其實係豆腐花加薑汁奶， 薑奶都夠辣，豆腐花香滑， 食法配搭幾新鮮， 我係第一次食到凍豆腐花，都一樣咁香滑，重豆味酸辣湯淨餃子，酸辣湯夠辣夠酸，配料足但餃子皮厚，但一夾已經想散咁，肉餡少

係澳門工作/年，發現澳門有好多特式食物，其實好多都係舊式食物，但...因為香港既鋪租越來越貴，舊式既食店就漸漸被淘汰！例如咸豆漿知道呢到有咸豆漿食，即刻出發搵美食鋪頭細細，不過都好多人食先講下我既最愛..... 咸豆漿!!! 真係好好味, 味道岩岩好, 入面有蝦米仔, 有油炸鬼同蔥花豆漿完全冇燶味 ! 香濃豆味 煎餃子（ 韭菜餃子）, 呢碟餃子, 足意令我再黎呢到10000次  !!!皮薄, 超多餡, 餡既調味岩岩岩岩好 ! 唔太咸, 唔會淡 ! 唯獨係油左小小, 要自己用紙巾吸下油酸辣湯 + 釀豆腐, 反而呢2樣有小小失望...酸辣湯有d太酸...味道唔係我like 果type ...釀豆腐, 塊肉太太太小啦, 豆腐係好味...但....成個咁食就唔係好夠味lulast but not least , my favourite 栥飯, 其實好想食埋甜既...不過太飽啦已經....如圖所見, 超多餡, 栥飯夠唒軟身, 肉鬆香口, 油炸鬼夠唒脆, OMG ! 好想再食多個呀 !!!! 

呢間專門食粢飯、豆漿、豆腐花嘅鋪頭唔大，今日黎到只係想食碗豆花，廢事阻住人做生意，都係外賣一碗豆腐花返去慢慢嘆。食豆腐花要稱得上好味，我有兩個指標，第一係佢既質感----豆腐花要夠滑，第二係佢既香氣----要聞到或食到有豆味。呢度既豆腐花唔錯，兩樣都兼備。大熱天時，要雪凍最好味！豆腐花，係健康嘅甜品，可以一試！

本人好鐘意食瓷飯，今日去開新浦罔見到open rice comment 幾好，所以去買個外賣返屋企食，點知失望，咸到飛起，一d都唔好食，很失望，原本諗住下次試下其他野，我諗都唔駛再去了。..............................

剛剛的星期二，同咗木先生衝出港島去咗新䈬光為咗食瓷飯豆漿。之前飲食雜誌已介紹過呢小店嘅粢飯，一直都想試我地點了二件粢飯，西多肉鬆，熱豆漿及熱豆花。粢飯好新鮮，油炸鬼好脆香口，不過d飯有d散，吾夠實，但整體都不錯，好味道。另外西多肉鬆都幾得意，第一次食呢個西多配上甜甜的肉鬆熱豆漿都有豆味，至於熱豆花真係一試難忘，本來想外賣多一碗，但被木先生阻止了依家喺香港，食到新鮮製作的粢飯同飲到有豆味的豆漿越來越難。只有小店先堅持新鮮製作。

老婆心血來潮想食豆漿，呢間出名，就去 。名不虛傳，都幾僻，但出奇勁多人勁旺。叫左個雞排酸辣湯麵，一個薑汁豆漿，一杯凍豆漿，一個“痴”飯同埋一個紅油抄手。所有野都真係幾好食。酸辣湯有豬皮同豬紅都幾SURPRISE。雞排呢炸粉多左少少，LUR左出黎冇食，但算係正路。薑汁豆漿唔算甜好正，“痴”飯又真係即包好好食，下次實加六蚊再加料。紅油抄手又有SURPRISE，平時係街食通常都得個粉皮細細粒，呢度勁足料。埋單＄84，抵到爛。有機會再黎食。不過餐廳位置唔易搵，工廠區，附近又整路，又冇地鐵，得巴士到。不過沙中線通左，呢頭實起租，希望佢地捱得住。

今日LUNCH買了一個脆香雞扒上海麵﹑一個痂飯﹑一杯凍檸茶外賣帶走，回到公司，一發現沒有雞扒，服務很差平時都係光顧堂食，都冇乜野，但冇諗過外賣反而咁差日後不會再光顧

來到數次, 多數是下午茶或午攴試過栥飯, OK, 脆卜卜下午茶試過:-菜肉雲吞麵, 幾抵食酸辣牛展湯麵, 牛展夠林, 夠入味, 酸辣湯不太酸, 對於我較愛酸味, 略嫌不夠熱豆漿, 幾夠味今晚來試晚餐, 叫了1) 上海排骨飯, 排骨煎得夠香脆2) 韮菜煎餃, 很多韮菜, 但好像有點 "黑糊椒"味, 及較為濃味, 長者吃了一件, 覺口渴3)雙拼套餐 <肉排拼腎> , 這個餸, 覺得好好味, 肉排都炆得十分"林", 套餐 40多元, 有飲品跟, 加錢轉豆腐花也可 最吸引是某些飯餐 (晚市), 下午茶, 午市, 飲品加幾蚊, 可以轉樽仔奶茶或樽仔咖啡幾好味, 又抵 

本來我對粢飯/ 豆漿沒有太大喜好，不過於網上討論區得知新蒲崗的豆漿大王有全港最好食粢飯的美譽，令到我實在心思思想試，故特意到新蒲崗試試虛實. 豆漿大王的門面很不起眼，也沒有大大招牌，差點走過了頭. 推開大門，想不到內裡空間很大，裝潢一般，枱與枱相當密集，就如同一般工廠飯堂. 沒想過周六下午4時多店內食客仍然很多，不知有多少人如我一樣，是因為看過討論區的好評而來呢? 由於剛吃過米芝蓮糖水仍未落格，又不好意思點得太少，決定要2個粢飯，1個外帶，另一個堂食，再點一碗推介的鹹豆漿試試! 其實單點食物比起下午茶餐貴得多，最便宜的茶餐才不過$18而已，還送凍/ 熱豆漿，可惜自己胃納有限，否則也想試試這店的炸物. 咸粢飯 ($13) 平時吃粢飯都必定是吃咸的，不過這店居然有甜粢飯 (砂糖& 油條)，不過初次來到，還是吃回基本的咸粢飯. 店員也會問客人要否剪開粢飯? 也好，可以和父親分着吃! 粢飯即叫即包，熱辣燙手，不過餡料不太多，就是一般的炸菜、油條& 肉鬆，不過油條仍是脆口的，這算難得! 鹹豆漿 (跟粢飯+ $14) 其實個人覺得鹹豆漿居然索價$14 是超貴，不過既然那麼多人讚賞，也

見到介紹所以同男朋友嚟食點咗兩個加料粢飯 一杯凍豆漿 一碗咸豆漿第一次飲咸豆漿 好咸香嘅味道 有少少似稀粥粢飯好足料 男朋友嫌啲炸菜太咸 不過嗜咸嘅我覺得好滿足haha唯一後悔嘅係點咗咸豆漿 因為食完粢飯已經好飽 加上粢飯太咸 再飲咸豆漿真係有腎虧嘅感覺🙃

去到12點幾咁岩有lunch set！lunch set其實唔係抵好多！兩個人食五樣野，好滿足。太好食唔記得影相就食晒，臨走仲要叫多個粢飯加肉鬆外帶秘製鹵肉碎拌麵雖然係拌麵，但係一d都唔乾，又唔會太鹹。姜汁豆花姜味唔會太重岩岩好，佢應該幫我加埋糖水，因為一黎到就食得咩都唔駛加。d豆花勁滑酸辣湯好足料、好多豬皮！每一啖都有餸粢飯一定要食！佢裡面條油炸鬼脆卜卜！最好係你想另外加 肉鬆+2 油條+2 炸菜+2 全加+6 因爲有時好想食多d料，你叫佢地加人地都唔會so你。呢到俾多兩蚊就so你鐘意仲可以加夠六蚊全加

今日晏晝幫襯，點咗肉鬆脆多、粢飯及豆漿，等咗近廿分鐘，見隔離枱遲過我地點，但兩碗麵都已經到咗，咪追吓單，點知真係漏咗單其實漏單事小，但態度事大。因為有啲趕時間，我就話可唔可以快少少。點知個侍應大叔竟然好粗魯咁話「食野係要等㗎啦，唔等得嘅唔該...」（指住門口）甩單嘅餐廳見得多，但甩單仲要態度咁囂張嘅真係第一次見！平心而論，食物係好食，特別係肉鬆脆多士，但惡劣嘅態度已足以令人失去品嚐食物嘅興致。可惜！

睇完早場，駕車到新蒲崗豆漿大王試試粢飯，原來粢飯都有甜的，可能遇著放工時間，我們進店後陸續很多客人進來，幾乎座滿，也有不少人是排隊購外賣的⋯除了粢飯外，豆漿大王也有很多食物種類⋯Lunch set價錢合理，附近的食客大多叫飯和麵⋯Lunch一般吃不下太多，所以今天我們只點了咸粢飯和豆漿、豆腐花⋯咸粢飯有油炸鬼、肉鬆和炸菜，油炸鬼夾在中間還很脆的，肉鬆也很乾身，所以一定是即叫即包啦，讚！咸豆漿材料也很豐富，小小炸菜，油炸鬼，還有大量蝦乾，感覺很特別～凍豆腐花ok平平地又一餐😝