西塔老太太烤肉

Open Now

Now Closed

係度卜咗位，朋友入去先，完全冇問任何野就求其比個位佢坐，到咗坐低之後，個位打風咁大風，叫閂細啲，個肥肥地嘅女員工即黑晒面，再問卜咗位嘅，係咪留呢個位比我哋，佢個面黑到一個點，員工剩係送order 黎，每枱客都有員工幫手燒嘢，我哋完全冇人招呼，更加冇人幫手燒，加茶都要叫一陣先有人應。只係得5枱客！食夜晚貴一倍仲要係咁樣嘅service！2人餐+2碟肉+2甜品，埋單成千2蚊。朋友介紹，佢試過食中午，係完全不一樣體驗。有招呼，有人幫手燒，有介紹，態度不錯，性價比高。2人餐+4碟肉+2菜，埋單先5百令。

見呢間燒肉店做緊早段離座半價優惠，就搵日放早去試下。入到去先知原來佢係內地大型連鎖店，入面連店員都係講普通話，好彩都有啲店員係可以廣東話溝通嘅。坐低枱面前已經放滿前菜，食晒仲可以任添燒汁橫隔膜橫隔膜肉質係相對靭啲，但好有牛香味鳳梨牛排呢碟要讚嘅係用菠蘿汁嘅酸醃肉，令到牛排更加嫩冧，而且欣賞餐廳用新鮮菠蘿，清甜去膩雪花肋條牛肋條嘅油脂真係好似雪花咁均勻地分佈特色肥牛及瘦牛望落肥牛嘅脂肪好多，但燒完其實大部分油脂都溶左，所以食落又唔會太油膩蘑菇拼盤水冷麵食完咁多肉，最正一定係食返個又冰凍、又酸甜嘅水冷麵，完全幫我地嘅口腔急降溫！牛肉海帶湯最後仲有個海帶湯，清熱解渴二人套餐來講份量極多，仲要有半價優惠絕對係性價比高，整體係超值！

西塔老太太，在全國都有好多唔同分店，佢哋擺枱嘅餐紙上面有寫，香港都有一間，在尖東Signature 既噴水池邊上，係地面鋪。可能係咁嘅原因，今日星期日，都好多人排隊，所以吸引左我地行過去睇下食咩，排下排下好快就到了。坐低都聞到隔離各枱香氣撲鼻嘅燒肉味，order左之後好快店員就擺滿左一台食物，除了有醃好既生肉，有冷盤前菜、泡菜蘿蔔絲、醃青瓜，呢d泡菜等小食可以無限添置，餐廳還有提供雜菜沙律 & 同埋包住肉一齊食嘅生菜片，我們之後就咁包住燒肉黎食。先飲牛肉海帶湯，之後就開始我地今餐的燒烤，呢個係特色鮮烤元貝（兩隻），之後放入個金屬既container 裝住，可以保持到海鮮的精華，煮左一陣就食得。今餐燒肉比較特別的是香翁鳳梨牛排，因為真係第一次咁既配搭去燒，牛排厚度適中，for 燒肉剛剛好，燒過嘅菠蘿🍍蒸發咗啲水份，剩番多d糖粉都幾好味。而醃過既牛肉片燒起上黎好多汁，睇呢張相就見到肉汁既光咁，牛肉用調料腌製過，可以令到啲肉完全入味，而佢哋用原始泥爐烤肉（睇過佢用既泥爐燒，都係比較古法烤肉）與韓式嘅烤肉相結合，效果出黎就比較特別嘅中式韓國烤肉咁，食果時仲可以連埋芝麻醬一齊。香港普遍黎講係少有

👵🏻西塔老太太喺內地係一間非常之有名氣，性價比好高嘅連鎖燒肉店，我同屋企人北上消費都食過幾次，終於係尖沙咀尖東開咗，雖然已經預了費用方面同內地會有分別，但對於香港店也是十分之期待。店內的每張枱與每張枱之間都十分之寬敞，絕對唔迫夾。我哋點了一份”周年慶優惠二人餐”套餐，餐廳會為每位客人提供自家製麻醬同秘製醬汁。西塔老太太的🥩肉味濃郁又唔會韌，配搭佢嘅自家製麻醬食，直接令牛肉口感提升同惹味同時又豐富了口感。我們係傍晚時間大約七點入座，已經有很多客人在門口等候，員工很迅速地安排左我哋入座，上餐速度極快。總的來說，今次在香港品嚐西塔老太太，大致上都能令我們覺得非常滿意，食物質素和服務和環境，都令我下次再有聚餐會再選擇👵🏻西塔老太太！

今次試左呢間有名嘅燒肉店，主打各款牛肉料理，今次我地就試左佢哋嘅極上牛肉二人份套餐。「老太太特色肥牛」真係入口即溶，肉質非常嫩滑，而且肥瘦比例剛好，燒完之後肉汁滿溢，每一啖都帶住濃郁嘅牛味，再配埋佢哋嘅特製燒肉醬，提升左牛肉嘅鮮味，真係食完一片又一片停唔到口。🥩至於「老太太特色瘦牛」，呢款就啱曬鍾意瘦啲口感嘅朋友。瘦牛比肥牛少左一份油脂，但肉味更濃郁，而且燒完之後都唔會太乾，依然保留住牛肉嘅鮮味同嫩度。🍖跟住介紹一下「雪花肋條」，呢款係牛肉中嘅精品，雪花紋理清晰，油花分佈均勻，入口極度嫩滑。燒到半熟嘅時候，雪花肋條嘅油脂會慢慢融化，令到整塊肉更加多汁，一咬落去即刻感受到肉汁四溢，成個口腔都充滿牛肉嘅香味。而「香翁鳳梨牛排」就係一個有趣嘅創新之作。呢款牛排係用鳳梨醃製過，帶有少少酸甜味，酸甜嘅鳳梨味道同牛排嘅香味互相融合，口感豐富，好有層次感，令人一試難忘。🍍「澆汁橫隔膜」係燒肉當中比較少見嘅部位，但係呢款橫隔膜牛肉真係好有嚼勁，燒得啱啱好嘅時候，肉質彈牙而且帶有豐富嘅牛味。🍴唔可以唔提嘅仲有佢哋嘅「蘑菇拼盤」，雖然蘑菇唔係主角，但係同燒肉一齊食真係好配，經過燒烤之後，蘑菇嘅鮮甜味被完全

呢間西塔老太太喺深圳食要排好耐隊，終於等到佢開嚟香港！我哋點咗極上牛肉二人份，17:00-19:00前離座有半價優惠兼且免加一，好抵。套餐內容包咗五款肉（鳳梨牛排、雪花肋骨、特色肥牛、特色瘦牛同燒汁橫隔膜）、蘑菇拼盤、冷麵同海帶湯，相當豐富職員好快就送上冷麵同海帶湯，而且會好貼心噉問使唔使幫我哋分兩份。海帶湯清清地幾好飲，啲海帶煲到好腍；冷麵麵條彈牙，重有塊牛腱同蘋果，湯汁酸酸甜甜，好refreshing啲牛賣相對辦，鳳梨牛排擺盤吸睛，牛排都幾大塊，重可以燒埋啲菠蘿食，好juicy；雪花肋骨脂肪分布均勻，肉質柔嫩；特色肥牛脂肪豐富，烤完之後油香四溢；特色瘦牛瘦得嚟唔嚡口，入口有濃郁牛香；燒汁橫隔膜醃得夠入味，鹹鹹甜甜噉幾好食

這家燒烤店的用餐體驗令人印象深刻，從一進門就能感受到濃厚的韓式風情。店內的裝潢簡約而不失典雅，讓人感到舒適放鬆。肉品選擇豐富，尤其是牛肉片和豬五花，質地鮮嫩，經過精心腌制，烤制後散發出誘人的香氣。牛肉片入口即化，豬五花則肥而不膩，令人回味無窮。除了肉品，配菜也是一大亮點。新鮮的生菜、爽口的泡菜、以及多樣的韓式醬料，為整體口感增色不少。泡菜酸辣適中，完美地平衡了燒烤的油膩感。自助的調味區提供了多種醬料，能滿足不同食客的口味需求，無論是偏甜還是偏辣，都能找到合適的搭配。服務方面，店員始終面帶微笑，熱情周到，細心為顧客介紹菜品和烤制技巧，讓人感受到賓至如歸的體驗。無論是與朋友聚會還是家庭聚餐，這裡都是一個不錯的選擇。整體而言，這家燒烤店以其出色的食材品質和周到的服務，營造了一個愉悅的用餐氛圍，讓人流連忘返。

嗰日同朋友喺尖沙咀科學館道食晚飯，發現咗呢間人氣燒肉店「西塔老太太烤肉」，見到佢哋五點至七點前離座有半價優惠，就趁機入嚟一試。餐廳裝修光猛企理，員工服務態度好主動，好似係上網見到嘅評語一樣，而且真係唔使加一！首先講下佢哋嘅招牌菜，「西塔老太太特色瘦牛」同「西塔老太太特色肥牛」。瘦牛非常嫩滑，燒製後每啖都充滿鮮甜味；而肥牛油脂分布均勻，不會過於油膩，每啖都入口即溶。另外，「雪花肋条」亦相當出色，外層微焦但內裡多汁，非常滿足。然後就要提下佢哋特別推介嘅鳳梨配搭，「香翁鳳梨牛扒」。我本身對呢個配搭無乜期待，但原來菠蘿與牛扒能互相提升，一齊食竟然可以解膩又變得更嫩！呢個真係打卡必選，加埋賣相已經好吸引。除咗以上幾款之外，我地仲試咗「澆汁橫隔膜」，口感有啲脆，有少少嚼頭，同埋調味令雞排更加惹味。「蘑菇拼盤」則包括多款蔬菜，可口健康。「冷麵」酸辣適中，又彈牙，好適合用作解膩。最後仲有「海带湯」，湯底清甜，而海帶量非常豐富。整體而言，我覺得呢間店不論價格、質素還是環境，都值得推薦。今次兩人只需$298就可以飽飽地走出餐廳，而且套餐份量不少，相信三人份都夠。有機會一定會再嚟一次，再享受佢哋美味既燒肉！

今日去尖東搵食，佢話想食燒肉就試下😄佢地嘅沾醬幾有特色， 佢地自家製麻醬，加啲醬油同醋，有洋蔥同蔥粒，用黎點薄切牛係好夾😌極上牛肉二人份第一次黎都唔知嗌咩好，嗌左個2人餐試下先17:00-19:00前離座仲要係半價！$300都唔洗😆🥢老太太特色肥牛真係幾肥😆燒到著哂火咁要侍應幫我地handle🤣但就係因為燒起上黎啲油脂味出哂黎！好焦香好好味🥢老太太特色瘦牛話就話瘦，但其實食落都好嫩滑，呢款少左啲油脂感，燒起上黎唔會太焦香，但就多左份肉味😋🥢雪花肋條一條條咁口感又唔同😁呢款有啲咬口點埋辣燒肉汁食覺得幾夾👍🏻🥢香翁鳳梨牛排呢個都應該算係佢地嘅招牌牛扒用菠蘿醃過，啲肉好鬆軟好滑配埋菠蘿食一流🥢燒汁橫隔膜呢款比較厚切，燒完都保留左好多肉汁同埋佢本身都有用燒汁醃，唔洗點點汁都已經好好味😌🥢蘑菇拼盤有金菇、雞髀菇，同蘑菇🥢冷麵麵嘅質感幾好🥢牛肉海帶湯

Vivian近排美食之旅，尖東篇～～Vivian經過呢間餐廳幾次都想試，終於有時間食到🥹叫左極上牛肉二人份，Vivian胃表示食完好漲卜卜，仲要$298，包括海帶湯，水冷麵，幾碟牛肉，抵食仲有呢啲免費前菜小食呢間d醬汁幾好味，尤其是呢個醬一定要撈勻到烤肉：用菠蘿裝裝住嗰啲牛肉好嫩，因為菠蘿本身有種酵素可以令到肉更嫩，仲要有陣菠蘿香味，不錯不錯其他牛肉都唔錯，仲有海帶湯海帶湯好鮮甜，仲要份量比得好足同埋水冷麵夏天食燒肉，加落水冷麵食，都幾正

今日同朋友聚一聚慶祝生日, 朋友話想食下燒肉好耐無食過, 咁岩見到佢有個套餐半價我地就book 左位啦呢個極上牛肉二人份套餐包左好多種牛肉部位和配菜老太太特色肥牛 & 老太太特色瘦牛這道菜的肥牛肉質鮮嫩，脂肪分布均勻，入口即化。我仲配埋生菜同前菜一齊食tim!雪花肋條 &澆汁橫隔膜雪花肋條的脂肪分布如雪花般均勻，肉質細膩，口感豐富。橫隔膜肉質較為緊實，富有嚼勁。香翁鳳梨牛排這道菜將牛排與鳳梨結合，創意十足。牛排肉質鮮嫩多汁，鳳梨的酸甜味道中和了牛肉的油膩.又或者直接當係燒菠蘿都得~蘑菇拼盤蘑菇拼盤包括多種新鮮蘑菇, 我地唔小心燒到燶左, 店員仲好有心機咁幫我地剪走, 我係香港咁耐都未試過有呢個服務牛肉海帶湯這道湯品清淡可口，牛肉的鮮味與海帶的清香完美結合。湯入面勁多海帶! 冷麵冷麵口感彈牙，份量十足! 酸酸甜甜, 這道菜在整個套餐中起到了很好的解膩作用。整體而言, 這份極上牛肉二人份套餐整體來說非常豐富，會推薦給其他朋友們~

今晚同老公響尖東呢頭搞完結婚啲野之後都唔知食咩好，就開咗個地圖出嚟搵吓，發覺原來呢間喺大陸好出名嘅餐廳竟然係香港開咗~ 我哋之前返大陸都冇試過又咁啱諗唔到食咩，一於喺香港試吓啦~ 我哋因為唔想諗所以就叫咗套餐，啲肉大部份都係有調味，調味偏甜，所以我同老公都覺得幾好食，有啲似韓式烤肉，啲肉嘅質地都好軟熟，幾好食餐廳提供嘅前菜都係泡菜，睇返餐廳嘅發源地都好似係中國東北嗰邊，所以可能因為咁樣有啲韓式烤肉嘅感覺(亂估) ~ 食哂之後我同老公都覺得不得不提嘅係餐廳提供嘅麻醬，係我咁大個人食過最濃郁嘅麻醬，配合埋個肉真係一流，忍唔住一啖又一啖食，另外鐵板芝士粟米邪惡得來都好好食美中不足嘅係聽聞大陸嗰邊係真係用炭爐嚟燒，但係香港因為法例問題所以冇得用炭，變相冇咁香，不過整體質素都相當唔錯，值得一試

多啦A夢黎左香港，去完探佢，所以唔諗咁多，睇下尖沙咀有咩新野食，竟然發現呢間“西塔老太太燒肉”，平時番大陸排晒長龍，依家要book定，應該未係好多人知呢間過江龍啦，可能係新開，做緊優惠-7點前離座「極上牛肉二人份」半價！！$ 298，重點冇加一！！！！入位已經準備好一系列既前菜，沙律，泡菜，薯蓉，食完係可以再加的👏👏👏🐻「老太太特色肥牛」、「老太太特色瘦牛」,兩款牛肉正丫。肥牛肉質鮮嫩多汁,肥肪分佈岩岩好，唔係over俾人一種醇厚和牛美味，而瘦牛口感彈牙,搭配獨特的醬料,層次感十足🐻雪花肋條肉質綿密細緻,脂肪恰到好處🐻香翁鳳梨牛排好出色，將嫩嫩既牛排同鳳梨既酸甜交織一齊，俾人耳目一新既滋味🐻澆汁橫隔膜肉嫩多汁，夾埋生菜一齊食，好正丫🐻蘑菇拼盤口感豐富層次分明，飲食均衡，食左一輪肉，食個菇解解膩🐻冷麵彈牙爽脆，湯汁帶酸味，超解油膩感丫🐻牛肉海帶湯清爽可口，超多海帶，用料十足丫👍👍整講黎講，「極上牛肉二人份」$298呢個價CP值好高，兩個人已經好飽啦，肉肉質素又好好，值得再黎食丫

深圳的西塔老太太烤肉，估唔到來左香港開，仲未去深圳食到，見香港有 早鳥優惠 5-7pm做緊半價，仲要唔使+1添，即刻約同事過嚟試下位置係尖東 噴水池對面 門口正正對住，地鐵站過嚟就要行多少少路。覺得門面不夠明顯，如果再加多少少燈光就更好，可以更容易找到。早了優惠價錢真係好抵，仲要免加一，做到七月尾好似。。。如果可以再做耐啲就好，堅抵。原價套餐係呢個價錢台面仲有張建議你用咩醬料去配搭咩食，好細心。前菜種類就不算多，不過都可以再潻的。蔬菜類，也不算太多款式，不過啲姑好新鮮，燒起唔會太乾仲有汁係入面。肉類分別有，老太太特色肥牛，老太太特色瘦牛，肥牛肥膏比較多，煎起上嚟好香口，油脂爆曬出嚟瘦牛就比較有咬口，肉味較濃。雪花肋條，啖啖肉。香翁鳳梨牛扒，煎起有淡淡鳳梨味。呢個冷麵，好清新，好好味我勁鍾意呢個牛肉海帶湯，佢加左蒜蓉落去，超好飲。整體呢個價錢好滿意，職員仲會主動幫我哋分埋湯同麵，服務態度不錯，再做優惠會再嚟。

這間燒肉店實在叫人垂涎三尺。店家嚴選上等肉品,用心烹調,令人一嘗正宗燒肉的美味。最先上桌的肥牛和瘦牛,肉質鮮嫩可口,入口即化。調味恰到好處,不會過於鹹咸,更增添一份軟滑鮮甜。而雪花肋骨條更是燒至恰當,外焦內嫩,汁水四溢,肉質軟糯帶勁,簡直完美。接著的鳳梨牛排,更是別具創意。牛肉與清甜鳳梨交相輝映,酸甜適中,充滿驚喜。加上獨特的烹調手法,令牛肉更加鮮嫩多汁。除此之外,餐廳還備有蘑菇拼盤,以各種不同菌菇入饌。質感爽脆,汁水豐盈,實在是燒肉佳餚的絕配。而橫膈膜菜式,成就出軟嫩彈牙的絕佳滋味。作為配搭,濃郁鮮美的牛肉海帶湯清新解膩,與燒肉絕配。餐廳還貼心提供精心製作的冷麵,口感細緻,大快朵頤。值得一試！