西塔老太太烤肉

Open Now

Now Closed

行街見到呢間好多人講嘅燒肉店，就去咗試吓！入嚟環境好好，座位都好闊落。我哋嗌咗一個雙人餐，一入到去就會上好多前菜，有生菜可以俾你包住牛肉食，亦有啲沙律薯仔等等，可以俾你開咗個味蕾先🤤牛肉海帶湯海帶味超重，飲落去好舒服唔會太鹹，食完燒肉可以攞嚟解膩。份量好多，大概有4-5碗！白蘑菇香口多汁，配埋牛肉食一流！特色蝦肉腸平時冇食過呢一種腸，一開始係軟腍腍，但係燒完就會變到脆卜卜，食落超級多汁，勁香，反而呢個腸真係估唔到咁好食！香翁鳳梨牛扒擺盤好靚，雖然牛扒相對會韌身少少，但係換來嘅係更濃嘅牛味，而且隔離仲會有原塊嘅菠蘿俾你燒嚟配住食，菠蘿嘅甜味同牛扒相容～老太太特色肥牛/瘦牛呢兩隻都係相對薄切嘅牛，所以食落去更加有種入口即溶嘅感覺，我自己就最鍾意食呢兩隻，加埋本身條配好嘅芝麻醬，值得encore！冰糖山楂本身自己唔係好鍾意食好甜嘅嘢，但係呢個冰糖山楂食落去真係冇想像中咁甜，都幾有驚喜的！總括嚟講價錢絕對對得上個質素，同價位嘅燒肉嚟比真係好高質😋

其實你哋知唔知尖東都有西塔老太太的分店？今日我就嚟食燒肉啦‼️呢間係我做完facial後成日來的飯堂😂見我素顏都知咩料啦🥹📌老太太特色肥牛及瘦牛🐮我睇住職員燒以兩款牛肉，燒到好搶火🥹如果係我燒應該淆底💀我就中意夾埋生菜同泡菜食，或者可以配搭特色芝麻醬一起吃，咁食就冇咁油膩。
📌香甕鳳梨牛排今日MVP🌟牛排帶點鳳梨的清香，肉味香濃。我就喜歡燒至七成熟口感細軟👍🏻最後還烤上新鮮菠蘿味道很甜🍍 📌雪花肋條肉質很嫩，帶有豐富的油脂，令人食指大動😋📌牛肉海帶湯有勁多海帶！味道很鮮甜！是一個白飯小偷🍚📌特色蝦肉腸一碟有12條🤤口感及味道很像脆皮香腸！唔好睇佢生時扁平的，烤熟咗就會漲返‼️很好味😆📌烤白蘑菇🍄‍🟫燒一會兒後，釋出水份後便可食用！第一次冇燒燶到仲好Juicy！讚👍🏻📌冰糖山楂完全冇人工甜，只有山楂的酸甜味，解油膩一流

尖沙咀食午餐多數都係茶餐廳，今次比我見到有韓國嘢。門口見到餐牌唔止烤肉，仲有水冷麵、石頭鍋飯、辣炒魷魚、溫泉蛋肥牛丼，賣相好吸引，價錢可接受，一於試下啦🤭一個人就叫左個溫泉蛋肥牛丼試試，估唔到勁大碗！！而且相當足料，肥牛鋪滿一層，上面仲有隻溫泉蛋，大大粒👍🏼👍🏼味道正正常常，$78唔使加一，仲有免費前菜同餐飲，冇得彈啦～😗

今次試咗尖沙咀新開嘅「西塔老太太烤肉」，$298歡樂二人餐有齊5款肉+配菜+海帶湯，份量夠晒兩個女仔share！ 🥩 烤肉拼盤亮點 ▫️老太太特色肥牛：油脂花紋靚，烤到微焦入口即化 ▫️老太太特色瘦牛：醃得入味，肉質軟嫩唔乾柴 ▫️雪花肋條：牛味濃郁帶嚼勁，油脂香慢慢滲出 ▫️香翁鳳梨牛扒：創意配搭！鳳梨烤過後甜味爆發，中和牛肉膩感 ▫️特味雞腿肉（辣）：韓式辣醬醃得透徹，嫩滑帶微微後勁🌶️ 🍄 配菜驚喜 ▪️白蘑菇：反轉烤到出「蘑菇湯汁」超鮮甜 ▪️海帶湯：清甜暖胃，海帶煮得夠淋 👵🏻 老太太獨門吃法 店員教路用生菜包肉+蒜片+韓式大醬，再加片烤鳳梨，酸甜清爽好解膩！ 💡 小總結： 人均$150食到捧住肚走，全程有店員幫手烤肉超貼心！特別推薦鳳梨牛扒同肥牛CP，性價比完勝連鎖烤肉店～ 📍西塔老太太烤肉 (尖沙咀)尖沙咀科學館道14號新文華中心地下1A-1C號舖

內地好出名既西塔老太太烤肉終於都可以係香港食到啦 今次就試左位於尖東既分店見到佢地既2人餐就覺得好吸引 因為睇到咁豐富就覺得一定要品嚐品嚐餐廳環境最岩同三五知己燒住肉飲下酒咁加上坐得好舒服二人餐 $498白磨菇 完全估唔到磨菇既食法唔係食係飲 係飲磨菇係燒緊既時候所自帶既磨菇水 味道十分清甜牛肉海帶湯 海帶味道完全融入左湯頭入面加埋牛肉既鮮甜，味道十分有鮮味調味都岩岩好特式蝦肉腸 蝦肉腸係炭火燒烤後有咬口 仲會脆脆地口感好好老太太特色肥牛瘦牛 2種都各有特色牛味都十分濃，個人覺得肥牛既口感更佳配合生菜就更加豐富香翁鳳梨牛排 上到台牛排花紋十分有層次都十分新鮮 燒完後油脂更加濃郁左口感十分滿足 最推介一定要試呢樣小菜配菜都可以添食咁一定食到飽飽啦

今日放咗工之後，喺尖東附近搵嘢食，跟紅磡呢邊有間地舖，見到餐牌推介「一周年慶二人餐」價錢唔貴，好抵食，所以就入咗去。餐廳裝修新淨，座位寬敞又舒適。入到餐廳，服務員服務非常殷勤，先會遞上一啲前菜、同埋茶。我哋order咗二人餐，食物包括：「老太太特色肥牛」、「老太太特色瘦牛」、「雪花牛肋條」、「香翁鳳梨牛扒」、「特味雞腿肉」、「白蘑菇」、「牛肉海帶湯」，仲有多款特色調味料。服務員非常貼心，佢會幫你剪肉、同埋燒肉，亦都會教你點樣燒得好食，燒幾耐先至熟，等等……整體食材非常新鮮，牛肉香滑幼嫩，最特別係白蘑菇，燒完入邊仲係好Juicy，好好味，非常推介。埋單並無收額外附加費，價錢合理，性價比高，兩個人食啱啱好，美味有好抵食。

平時都係食日式或韓式燒肉，想平平哋燒烤肉有咩選擇？內地過江龍西塔老太太烤肉嚟咗香港已非常親民價吸引客人，最近一周年更推出超值套餐，平時要$488而家只需要$288就可以享用到二人套餐非常抵食，一於去試吓。餐廳包括咗所有前菜醬汁，另外有五款唔同嘅肉類，搭配了蔬菜及海帶湯。最推薦嘅係豐利牛排，用上高質牛小排，入口軟滑油香爆滿。另外亦有一款肥一般瘦嘅牛肉收牛主要食得出牛肉嘅肉味另外肥牛搭配了自家調配嘅芝麻醬汁，自家製調背脊汁建配上肥牛非常夾。套餐仲有雪花牛肋條，雞腿肉，白蘑菇。白蘑菇餐廳侍應仲教我哋先燒底部3分鐘再反轉，蘑菇汁保留咗喺蘑菇入邊好似一個杯咁裝住，唔會燒到乾，果然好介紹。大家而家唔使再返內地香港可能比內地更超值。

叫左1週年慶優惠二人餐，包括老太太特色肥牛、老太太特色瘦牛、雪花肋條、香翁鳳梨牛排、特味雞腿肉（辣）、
白蘑菇、牛肉海帶湯。先來多種前菜，有醃蘿蔔洋蔥、醃蘿蔔絲、生菜沙律、薯仔沙律🥗等等，非常醒胃。牛肉海帶湯，入邊充滿好多海帶，有啲牛肉絲，同埋有啲蒜粒，清得黎，又有濃郁嘅海帶味。侍應教落燒咗蘑菇頭先，燒幾分鐘，先調返轉，好得意，熱力逼蘑菇汁滲喺蘑菇囊入面，滿滿蘑菇精華味道。雪花肋條，肥瘦分布均勻，肉味濃郁彈牙。老太太特色肥牛，同打邊爐食嗰啲肥牛似，牛肉味道濃郁。特味雞腿肉，雞肉彈牙，包係生菜，放啲蒜片同青椒，味道夾。香翁鳳梨牛排🥩，鮮鳳梨燒到好甜好多汁，牛排有肉味。

📍 西塔老太太烤肉 (尖沙咀)尖沙咀科學館道14號新文華中心地下1A-1C號舖之前返內地見到呢間人氣燒肉店西塔老太太烤肉長期大排長龍，佢個周年慶套餐只係$288！👉周年慶套餐💰$288😋😋😋😋.8/5前菜任加，沙律🥗，薯蓉，醃蘿蔔等😋😋😋 雖然話係二人餐，但份量唔係二人，因為我哋兩個就係食唔晒🤣🤣⭐️老太太特色肥牛⭐️老太太特色瘦牛⭐️雪花肋條⭐️鳳梨牛排⭐️特味雞腿肉⭐️白蘑菇⭐️海帶湯佢各款肉味都好鮮味，而且佢係用炭火燒零舍好味，而且份量又多，正，侍應仲勁好主動過嚟幫我燒肉回頭: yesyesyes，價錢超抵！係香港用咁嘅價錢食到咁豐盛既燒肉，絕對會再食😋😋💕

又貴又唔好食 又細碟！ 諗住同朋友慶祝生日🎂點知乜套餐都無。 一碟牛$168 細碟到爆。兩個人埋單 $820 餓住個肚走。 乜都無得食，選擇勁少。 劣店一樣！ 好少寫食評，忍唔住要提提大家！ 不！要！中！伏！

同朋友唱完k就去隔離新文華中心食個燒肉先👅適逢依家佢哋有周年優惠，我哋就order咗個二人餐，都幾夠食㗎！前菜方面有沙律，蘿蔔，薯蓉等等，我最鍾意佢個薯蓉🤤 好綿滑。😋佢呢個麻醬好香濃，鍾意麻醬嘅人一定要試吓。😋牛肉海帶湯好清，海帶份量好多，一人可以飲兩碗😋 肉類方面包括特色肥牛，特色瘦牛，雪花肋條，鳳梨牛排，辣雞腿肉。牛肉入口軟腍，牛肉味重。辣雞腿肉嫩滑，唔會太辣。鳳梨牛排比較特色，食得出係鮮鳳梨唔係罐頭菠蘿，個牛排燒到咁上下，用返鉸剪剪到細細塊。😋白蘑菇有六大嚿，燒腍咗之後好鮮，啲菇汁好甜。😋地方都闊落，而且唔臭油煙味，食完燒肉都唔會一陣味。

1️⃣ 烤活鰻魚 鰻魚肉厚身，口感爽脆，完全冇腥味‼ ️不過間中食到細刺，小朋友食要小心d。2️⃣ 老太太特色肥牛🥓食材肉眼可見的新鮮，油脂紋理豐富，烤得外焦裡嫩，搭配特色麻醬更加好食❕3️⃣ 老太太特色瘦牛🥩肉味濃鬱，比牛肉嫩少。搭配生菜&泡菜，整個生菜包肉。4️⃣ 雪花牛大力🥩肉感較重，口感有嚼勁。燒完都不嚡，咬落去滿滿肉汁。5️⃣ 牛肉腸🍖6️⃣ 嫩豆腐湯（配白飯)🫕🍚超濃郁的豆腐泡菜湯，微辣，好岩餸飯。7️⃣ 烤蘑菇烤完完全不乾，爆多汁，但就有少草青味。🌟秘製麻醬一定要試試呢配搭，真的很好好食‼ ️現烤鮮肉搭配秘製麻醬，味道更加昇華。———————————————————————✅呢個價錢這麼多野食，仲要質素不差，cp 值真是真高‼ ️✅全程有員工幫手烤，亦不會烤焦，自己完全不洗郁手，服務態度仲要好好‼ ️

雖然以前喺內地食過 但係真係好少去深圳原來香港都有 食物質素仲好唔錯人均$100左右竟然可以食到烤肉 感覺真係好超值 就算兩個男人食都絕對足夠都幾受歡迎最後都訂座我哋點咗二人套餐 上菜速度非常快套餐個名叫做：極上牛肉二人份比較特別的是 這裏用朝鮮族傳統的方法烤肉用上菊花炭 烤肉更加能保持原汁原味雪花牛肋條顏色望落去都好新鮮服務員有幫手燒肉 估唔到真係有服務雖然我哋自己都可以燒 但有人幫手睇吓都唔錯夾住新鮮生菜食 感覺比較健康咁多款比較鍾意 ：鳳梨牛排真係成個菠蘿送上嚟 跟埋菠蘿用上菠蘿汁醃製烤肉會更加 鬆軟因為用上菠蘿的天然酵素調味汁當然不可以缺少 招牌的醬油非常惹味 仲有薯仔沙律老太太特色肥牛 +老太太特色瘦牛牛肉厚薄適中 ！服務員烤的蘑菇拼盤！吃到蘑菇的原汁原味 好多汁最後仲有海帶湯食到最後差啲食唔晒

今日嚟到尖沙咀發現呢間過江龍烤肉店😋即刻入去試下！一入餐廳好快決定叫個極上牛肉二人份，試哂幾款肉。尖東地段食燒肉398 兩個人好抵食！😁未開始燒肉 先有幾款前菜👍🏻有沙律菜、生菜(可以留返包住燒肉食😛)、泡菜、韓式醃芽菜…醬料都有特別嘅組合：花生醬+醬油+蔥😂食落幾香 似麻醬味老太太特色瘦牛唔鐘意太油膩嘅就岩哂，燒出嚟都唔會太靭老太太特色肥牛食完瘦肉 試下肥牛 同樣出色👍🏻肥肉比例6:4 ，肥瘦均勻。燒到有啲焦最正，成塊食都唔膩。雪花肋條成晚最愛😍，肥瘦比例適中，烤肉味道都夠濃香翁鳳梨牛排牛排厚身，肉味較濃，口感似橫膈膜。再配埋菠蘿夠哂fresh 平衝返燒肉嘅味道澆汁橫隔膜最有肉味。醃料同上面啲肉一樣都入味👍🏻牛肉海帶湯足料 有好多牛肉絲海帶，上枱時出曬煙，一上枱儘快飲碗熱湯☺️冷麵酸酸地，幾開胃。入餐廳前仲流緊汗，即刻食兩啖降降溫。好岩配燒肉。店員好好，見我地兩個人，上湯同冷麵果陣就幫手分兩碗裝，唔使自己分👍另外我哋燒咗一個鐘頭多啲，都換咗三次網，服務周到。可以encore 👏🏻

今日嚟到呢度食韓式燒烤餐廳嘅環境設計簡約乾淨，營造出舒適嘅氣氛。枱與枱之間嘅距離恰到好處，提供咗足夠嘅私人空間。適逢佢哋有周年慶祝二人餐，就叫咗佢哋嘅二人套餐啦。叫完個二人餐冇幾耐，店員就已經已經送上開胃小菜同醬汁。醬汁種類非常之多，有孜然粉，辣醬，花生芝麻秘製醬汁，燒肉醬等。首先嚟嘅就係牛肉海帶湯，一上場就滾住咁樣上枱，如果冬天嚟真係好正，熱辣辣，暖笠笠。飲完湯之後，啲新鮮嘅牛肉雞肉食材就已經鋪滿成張枱。餐廳主打韓式烤肉，肉質鮮嫩，選擇多樣，烤完之後香氣四溢，肉汁豐富。醬料亦相當出色，特別係他們自家製嘅花生芝麻醬 ，鹹香濃郁，完美提升咗肉嘅味道。餐廳仲提供多款小菜，例如蘿蔔泡菜，薯蓉，沙律，蒜頭同生菜。由於我哋好鍾意將啲肉夾住啲生菜嚟食，食完啲生菜，店員都會幫我哋refill。服務方面，店員親切友善，會細心介紹每款肉類嘅最佳烤法，亦會幫忙照顧烤爐嘅火候，仲會不時幫我哋換下個烤網同斟茶。總括而言，呢間烤肉餐廳環境乾淨，食物份量足，兩個人就啱啱好啦。喺尖沙咀同朋友食飯，又可以多一個選擇。