華園甜品專家

Open Now

Now Closed

跟男朋友去了新蒲崗mikki行街，有間非常出名的甜品舖近在眼前, 雖然只是黃昏時間，但怎也要入去品嚐一番～由於只有我跟男朋友吃，我們只點了蕃薯糖水（＄14），及甘露豆腐布甸 （＄23）～ 在店舖有宣傳豆腐布甸是新產品，而我跟男朋友討論時發現此布甸有三種配料，甘露，芒果及雜果～ 結果我們點了楊枝甘露加豆腐布甸，想不到效果是這樣的好，勁好味呀！！  豆腐布甸本身是很淸的，但一配上楊枝甘露則非常襯，芒果不算太甜，但味道剛剛好，但只是整碗的味道太甜～ 若果減少些糖分應該效果會更好～ 原本是我男朋友點的甜品，結果我差不多成碗食哂，呵蕃薯糖水方面則若果再多些薑味會好些（因為我係勁鐘意薑汁味的）～ 但整碗也是非常美味～ 果然真的是甜品專家 

即興食甜品，新蒲崗區選擇不多。去左好出名既「華園」，米芝蓮一星小店。店內無咩裝修，都唔好期待有服務。甜品款式好多好齊全。最吸引係價錢，大部分十幾蚊有交易！我地叫左芒果布甸同什果西米露。賣相一般，但足料好味！芒果布甸上面有一個雪糕球，比布甸更精彩，好香雲尼拿味！什果西米露有三種生果，西瓜、蜜瓜、火龍果，全部都好新鮮，西米露都夠滑！甜品好食，但唔算太大驚喜。質素同九龍城區各大甜品店無咩分別，分別就係佢賣一半既價錢。如果你只想食一碗平靚正甜品，而唔想花錢買裝修、服務、賣相的話，不二之選！

吃畢晚餐後，我已擬定下一個目的地，跟大家提出亦沒異議。在地膽引路之下，來到《華園甜品專家》。是間主要吃中式糖水的小店…事前從網上媒體等等得知此店獲得2016年米芝蓮街頭小食推介，是真正的「平民米芝蓮食府」。分別點了薑汁燉雞蛋（$18）、海帶香草綠豆沙（$14）、合桃糊（$17）、腐竹薏米（$14）。其實我到來前是想吃店子的喳咋，可惜餐後戰意大減，怕吃得太滯而沒點。由於我們各自吃一碗的關係，所以我只簡評海帶香草綠豆沙，海帶切成幼絲，易於咀嚼；綠豆煮得綿滑、有點起沙而仍富「咬口」。整體微甜、稀稠度剛好，不會「糖水還糖水、綠豆還綠豆」。總消費$63，期望店子不會因為取得米芝蓮之名而被業主加租，始終飲食業經營艱難，加上像這類售賣糖水等等平價食品的店子，就算真的出名了，「（個人估計）都唔會好似人哋金行藥房賺咁多」，請給有心有水準的食店一個生存空間吧。

通常去開新蒲崗都會去華園買桑寄生蓮子蛋茶外賣，今日日頭來開見無乜人第一次坐低食，天氣熱熱地今次點左凍既芒果布甸同芝麻糊豆腐花食，芒果布甸香芒果味但比較甜、加上花奶一齊食就啱啱好，而芝麻糊芝麻味香濃、加上豆腐花一齊食味道淡左無咁香，下次可以試下芝麻糊加芝麻湯丸先，臨走前我都叫左兩碗熱桑寄生蓮子蛋茶拎走，因為呢度的桑寄生蛋茶好香甜好味

吃完雲吞麵, 時候尚早, 不如吃甜品吧. 人在新蒲崗, 要吃甜品, 不二之選當然是華園甜品專家. 懶洋洋的下午, 人客不多, 也好, 靜靜地投入自家的音樂世界吧.華園香甜喳咋 $19: 8.5分, 店子的招牌名物是喳咋, 那有不吃的道理. 就來一碗吧. 用料相當足, 下了不少紅豆, 綠豆, 芋頭, 西米等等, 椰香十足, 味道真的幾香甜.這個下午, 在享受著一個人的寧靜, 吃著華園甜品專家的喳咋, 感受著那份香甜, 有時候, 不用到甚麼三星餐廳五星酒店, 只要吃到地道的街頭美食, 這已經是對忙碌生活的打氣好方法.

米芝蓮香港指南 首推的 街頭小食推介，位於新蒲崗的【華園甜品專家】亦榜上有名。 甜品售價仍然保持著大眾化，每碗價錢介乎10多至20元，還要是冷熱同價。除此之外，甜品是吃得出用料新鮮，甜度適中兼且味道純正，好像……我點的 熱芝麻燉鮮奶 $20芝麻燉鮮奶是上層燉奶下層芝麻糊，燉奶滑溜卻少奶臊味，下層芝麻糊黏稠幼滑，芝麻味香 ，最重要是糊在吃到底時，沒有出水情況發生。

飯後甜品, 不解釋 ~華園甜品專家榮獲 2016年 香港 米芝蓮 街頭小食推介 .... 勁!Menu ~合桃糊 $17合桃糊沒有油膉味, 合桃味卻是四溢出來, 質地濃調杰身, 口感幼滑和順, 泛帶油光, 甜度適中, 合桃味是非常濃香, 極品也 ~本篇完 ~

網上看到有文章介紹新蒲崗必食小食，當中包括這間中式糖水店。店面看來普普通通，但原來是米芝蓮推介食店。身為黃大仙友，我又要出動喇！晚上九點，糖水鋪外有條小人龍，以為要等位之際，發現原來人龍只是排隊外賣，店內剛巧有最後一張五人枱。很快下了單，甜品亦很快送上。今晚是黑白配，大家點的都是黑白甜點。養顏杏仁糊 $17很重杏仁味，比較甜，而質感較水狀。金牌芝麻糊 $17特地為了這個金牌芝麻糊而來，但略為失望，味道較淡。芝麻燉鮮奶 $20好可愛的燉奶，上層為燉奶，下層是芝麻糊。燉奶超滑有奶香，食完暖笠笠，而且不會太甜 ，可以一試。 食完覺得這裡的中式甜品不算出色，我想車軚人對道地中式糖水的口味跟本地人有著一定差距。

若不是男友住在附近，大抵不會認識華園，及後每次過來都總是掙扎一輪究竟吃不吃好，好麻煩。自從它獲得米芝蓮的美譽後，幾次經過小小的店子都總是擠滿了人，是夜見不用等位，便和男友入去看看奪奬後的它還能不能保持水準。合桃燉鮮奶 $20除了中式糖水以外，一整張A4菜單上亦夾雜著一些如綿綿冰、布甸等的新潮玩意，不過作為傳統糖水店，我每次皆是點它的燉鮮奶組合，因在外面不是太易吃到；雪白的鮮奶一看便知滑溜，奶味濃郁又香甜，中間注入了一些合桃露，為燉奶減減膩，吃畢一碗盡是滿足。芝麻燉鮮奶 $20男友和我一樣都喜歡燉奶，而他則選了另一口味，黑漆漆的芝麻糊浮沈在燉奶內更顯突出，芝麻味道有少許霸道，但幸運他這碗的燉奶比我的凝固得更好更滑溜，同樣美味。那管它是不是米芝蓮，以這價錢來說絕對收貨；而店子小小難免要搭檯，見旁邊的街坊一行五人都是喝桑寄生，想必其他糖水也不錯，順路經過的話值得一試。

中意薑味既朋友宜個絕對甜品絕對唔會令人失望!!!薑汁味十分重，但又唔會過辣!!!只係可惜係薑汁味太濃，完全覆蓋左奶味!不過，每啖都十分香滑!宜個甜品十分養顏，美女們不可不試!

偶爾一次係電視見到介紹宜間舊式糖水店得到米芝蓮榮譽而心動!!Boxing Day 係附近食完飯之後，決定一試!合桃糊$17合桃糊甜味適中，唔會太甜!而且好幼滑，唔會食落有一粒粒既合桃碎，差唔多係完美之作!!!但如果合桃味再濃郁D，就會更好!!芒果河粉$23同平時食既芒果河粉好唔同，宜個河粉好明顯有椰汁味!!而且河粉咬落彈牙有口感，估唔到舊式既糖水店都可以將宜道甜品做得咁好!!

華園這樣的舊式糖水店買少見少。價錢十分大衆化，選擇不少。合桃糊拼腰果糊，味道淡淡的，微甜，兩樣的味道都𣎴突出，只有滑滑口感呈水狀，若稱為合桃露或腰果露更為合適。記得以前在香宮吃過腰果露，那種nutty的香滑令人念念不忘；而永華的合桃露也是一絶，合桃的香全都溶化在碗中；和他們相比，實在太大落差，完全感覺唔到材料的味道。但以廿蚊都唔洗，一試無妨。楊枝金露ok, 有豐富的西米同芒果肉，甜味和芒果味味適中，味道不錯。

自從華園甜品拎左米芝蓮之後，令我又重新留意反呢間舊式糖水鋪。依家既年青人（包括我）追求食物賣相多於質素，令呢d老鋪漸漸被人遺忘。而我最鐘情華園既糖水，就係芝麻糊，距地既芝麻糊有別於坊間既鋪頭，唔會杰到你食幾啖就覺得飽滯！入口濃濃既麻香，亦唔會太甜，芝麻磨得香滑，非常出色！

在華園被米芝蓮推介之前已經食過，覺得味道確實不錯，這種街坊小店在現在更是珍貴。所以當華園被米芝蓮推介之後，確擔心會有人滿之患，難以再舒舒服服食碗中式糖水。但今日去到未見人潮，好在今次叫了腐竹薏米糖水($14)加了兩粒麻蓉湯丸($3/粒)。不過今次很失望。腐竹未有完全溶化，一片一片的。水份也太多，水汪汪，完全沒有綿綿的感覺，只覺得水多料少。湯丸不過不失，還有點太軟，沒有煙煙韌韌的口感。可能是我個人口味問題，真的不太欣賞。我還是因為之前吃了一碗好難食的粥，打算食碗華園糖水補數的，失望 

22 · 8 · 2015 星期六華園甜品專家 (新蒲崗)：新蒲崗祟齡街38號地下係新蒲崗廣場對面，一間幾有人情味既糖水舖，叫左個楊枝金露( $18)，有芒果、西米、少少西柚，味道吾錯，性價比幾高😊😊會再黎食！#ktravelneat新蒲崗 #ktravelneat黃大仙 #ktravelneat觀塘線