英皇餐廳 (Closed)

我地兩人叫左兩餸- 檸檬烏頭魚 --> 魚成條上~好味~又開胃~- 翠肉瓜炒鮮魷 --> 有蝦醬跟埋~唔錯~跟住加左個- 炒雜菜 --> OK跟餐有- 白飯 x 2 --> OK- 中湯 x 2 --> 麻麻~一碗熱~一碗唔夠熱~- 綠豆西米甜品 --> 食左一好好味又唔話得~不過真係好有住家飯feel~我見好似好多一家人起道開飯~應該都幾warm~而且都幾健康~我地叫左多菜少肉~而佢炒得又唔油~係貴左少少~但會再幫襯!!!

琴日太夜十点幾先食dinner附近收晒老公話想試下我樓下間英皇不叫２人歺,點了一个餸(包一碗飯,一碗湯),再加碗飯、$10油菜、$10凍飲=D一齊飲!个餸叫左回窩肉,又ok啵,ｄ飯硬硬地,岩我地老公最後加多个飯二人盛為$84,哈,平平地差吾多啦仲有,有个著啡色衫(其他橙色)嬸嬸好有禮貌又幾nice,个地下有雞><,叫佢可吾可以掃走佢,佢轉頭就即刻掃左走同埋最後有腐竹糖水送

我今日在35度下踩單車.到了天富啦...我就搵左間餐廳飲下午茶.先計環境.在餐廳而言都幾大間.環境難得好乾淨.員工都係足夠的天水圍呢一個地方難找一間好食的食店..難得呢間做到服務員做事勤快..我專登點服務員斟水.都好快做到.而臉上都係有笑容.我今日仲要拿散銀去找數.收銀一面數.仲有講禮貌言語.抵讚...一個雞脾薯條...一杯紅豆冰..27元...我覺得貴.不過好食...雞脾薯條.雞脾大大隻,上枱時都係熱..難得鹵水汁唔鹹.鹵水汁不止在雞皮上.還滲入雞肉中.肉質鮮嫩.令人回味...而薯條熱辣辣.卜卜脆....值得一讚.茄汁另碟上...好衛生...紅豆冰...紅豆不會過林...粒粒好咬口....而味道不會太甜.少冰粒...重奶味在天水圍難得一見的好餐廳......住天水圍的朋友不妨一試

記得師傅差不多一年前黎過呢間食店後, 就已經冇再黎過, 點解? 因為當時覺得真係麻麻地, 但早一個月前師傅決定比個機會佢, 於是就貢左入去, 結果係感覺都可以喎, 於是今日晏晝一兜友, 師傅又再去多次, 睇下佢係咪真係好左, 順便一次過將兩個食評寫埋一齊啦, 好的話當然要表起佢啦!今日入到食店唔多人, 侍應好快安排坐底; 一點幾食晏時間, 一條友都唔使搭枱, 已經真係唔錯; 坐底第一時間睇下有咩好食, 左睇右睇好似冇咩吸引, 最後就求其柯打左個午餐, 就揀左蒜蓉雞扒飯, 有餐湯, 同餐茶, 於是師傅就柯打左羅宋湯同埋凍檸茶!首先登場嘅係羅宋湯, 羅宋湯d料幾足, 椰菜同紅蘿蔔都幾多, 加上煲得好腍, 味道都幾濃, 仲帶少少辣, 相比上年嗰次真係有進步, 感覺唔錯; 而個主餐蒜蓉雞扒飯賣相一般, 但就有兩塊雞扒, 而且都算幾大塊, 試下雞扒真係煎得好香, 皮脆肉滑, 味道不錯; 而蒜蓉汁就唔係好濃蒜蓉味, 似茄汁多少少, 呢個位扣少少分啦; 凍檸茶就茶味唔濃, 檸檬唔香, 加上唔夠凍, 一般! 至於一個月前師傅都係要左羅宋湯, 焗豬扒飯同同熱檸茶,仍記得個羅宋湯同今日嘅差不多, 所以覺得

試了兩點便開始的下午茶, 選了以下食品:只可堂食的"無骨海南雞飯"餐, 飯連例湯只需$20! 最好的是, 加$6便可加杯紅豆冰, 雖然不算大杯, 但$6算抵飲。海南雞肉很嫩滑, 雖是下午茶餐, 但製作卻沒有馬虎, 配上三款醬料: 豉油/蒜蓉/辣醬, 任君選擇, 好味! $20的價錢但醬料卻齊全, 絕不敷衍顧客。飯是傳統油飯, 有飯味。我認為$20的海南雞飯在其他地方很難有如此水準。難得!"三角西多士+炸雞翼", "三角", 其實是'梯形", 即是半塊西多士! 西多味道一般, 兩塊麵包之間的花生醬不夠均勻, 有的地方味很淡, 其他部份味卻很濃, 需要改善。炸雞翼卻有驚喜, 外皮香脆可口, 醃料味道濃郁鮮味, 但不蓋過肉味。"日式照燒牛脷飯", 牛脷雖然較簿, 但夠大塊, 配上甜豉油, 算是不錯的選擇。可惜的是我們遇到了漏單的情況, 因之前有食客落單後轉了檯, 做成混亂。不過追一次order後食物就立即送上, 尚算可以。另外, 門口貼了張紙寫上"早餐至上午11:45", 可見餐廳的熱誠及進取。一定會再去試其他菜式。

閒日出街開飯，成日要諗食咩，有時都幾頭痛。去左頌富商場，想比個機會之前口頭上BADLIST左的五十嵐，屋企人極力反對。唯有再諗，去英皇啦，一向對呢間茶餐廳印象不錯，點知今次去，係感覺最差的一次。去到，要等位喎~~等左冇耐，有位，同一PAIR人，SHARE一張4人枱。不時下午茶去，坐位好舒服，可能人少，有時又可以坐卡位。今次，個位真係有D迫，坐左最近上菜位的枱，D侍應轉來轉去。落ORDER:焗豬扒飯+餐飲凍檬茶少甜。$38+$2凍飲。對呢個焗豬飯，幾失望，有芝士，但冇芝士味，有蕃茄，但冇蕃茄味。豬扒，都有幾件，但都係細細件，散"修修"咁。飯底就好似冇炒底，整體可以叫做冇味冇道。無骨海南雞飯。$27，屋企人話好食，雞如果連皮食就有D雞味。我又食唔出有雞味喎，但肉都幾嫩滑的，油飯就幾有水準。淨飯，唔連餐飲。講返落完ORDER，同枱有一PAIR客人，因為我地係揾2個唔同侍應落單。咁大家都落完單，佢個侍應就好快手，即係"畢"左2碗湯比佢地。幫我地落單個侍應，走來放低返張單之後，我們2碗例湯一路都冇黎，佢係完全唔駛跟進。跟住我望住人地飲湯，直至到海南雞飯和檸檬茶到左，我就知道個侍應真係冇跟2碗湯，

早幾日師傅一兜友黎左呢間食店, 最主要嘅原因就係未試過, 於是膽粗粗咁入左去搵野食; 一坐底就睇下有咩好食, 但左睇右睇都唔覺有咩好食, 最後揀左樣比較穩陣嘅食物, 就係焗豬扒飯!呢個係是日晚餐, 有餐湯, 師傅揀左羅宋湯, 而餐飲就要左凍檸茶! 先試下個羅宋湯, 講真味道一般, 羅宋味唔多覺有, 淡淡地不過勝在夠熱, 可以啦; 再試下個主菜焗豬扒飯, 豬扒唔算太乾亦唔韌, 不過就幾咸, 口感隨即驟降, 而飯亦不算乾身, 普普通通咁啦, 不算出色; 凍檸茶就茶味唔濃, 不過夠凍亦可, 收貨啦!總括黎講食物水準一般, 服務又係普普通通, 而環境都合格, 價錢唔算太貴啦, 埋單四兜野, 有湯有茶有飯, 接受到啦; 師傅一兜友黎左呢度求其食一餐, 總算試填飽個肚, 不過如果有機會師傅都未必會再黎, 笑臉就真係比唔到!

一家人四口子去吃晚飯見到套餐四餸加湯送飯似乎唔錯從約三十道菜中揀了四個如下：頭一道 "菜無骨海南雞" 半隻 (雖皮厚但肉還嫩，卻略嫌醬汁較少)"西芹醬爆牛柳" (西芹太多牛柳件切得不夠幼細，無乜XO醬味)"咸魚雞粒豆腐煲" (雞粒多不過唔夠魚香)"粟米班塊" (算係最好的一道菜，魚新鮮件數非常多)四碗白飯軟硬適中附送之四碗羅宋湯非常濃香夠甜，惜偏辣。埋單HK$168唔收加一，抵食。

蔡欄先生說:味覺是最忠實的,騙不了任何人,好的食物,始終讓人留下深刻印象。今天要介紹和品評的食物也是我喜愛的炒飯小弟家住天水圍,這裡食肆也夠多,但是能令留下深刻印象的不過五間而今次將介紹的--就是英皇餐廳這間餐廳的裝潢不錯,燈火柔和,令人感到舒適及食慾增加同樣地,我會點咸魚雞絲炒飯加凍奶茶的色香味主要是我品評炒飯的方式先談顏色,炒飯不太油,炒飯是金黃色的且有蔥花芥蘭頭伴碟,顏色耀目,甫入眼簾便已加了分接談香,一般其他餐廳的炒飯為慳料通常都會落"看不見的咸魚粒"來炒可想而知咸魚香會係有幾燶而這次的炒飯,我記明顯看得見有咸魚粒且散發著陣陣的咸魚香,更令人唾涎三尺呢~最後就談味道,味道中有雞蛋香和咸魚香,加上嫩滑的雞肉炒飯乾而不焊亦有口感咀嚼時,炒飯入口不停刺激舌頭上的味蕾感覺捧極了我或能說在天水圍是找不到其他可與之匹敵的餐廳了看來我已被這炒飯征服了

LEE間餐廳我覺得你唔去就浪費左(個人認為),我最中意果度D魚湯米線,D湯白雪雪,好好味果度中式西式都有,D羅宋湯好好飲,好正中晚餐D中餐可以簡3碟菜雖然果度好多人,伍係我覺得好值得> <

同銀龍差不多款式.....味道普通啦, 不過不失....但早餐有一個特色羅宋湯粉麵set....好鮮甜又足料呢.....好過成日五香肉丁/沙dad牛肉啦....