腸粉皇

Open Now

Now Closed

籌劃已久的灣仔掃街大計，終於可以實行! 聯同i am hungry、miss愛將同多米力喺集成大基地集合後，就齊齊進行第一個計畫 -- 掃「皇」行動。其實以前經過此店已好多次，大大的黃色招牌，大大隻字稱自己為皇，招搖非常。雖則係「黃色招牌」，但賣的係正正經經的豬腸粉和各類小食。其實之前曾經外賣過餈飯返公司當下午茶，係一舊扁扁的怪餈飯。個餈飯太林，飯唔煙韌，肉鬆同油炸鬼亦完全濕晒，但可能係因為之後翻叮所以不能作準。但即使唔林，本身料亦唔多，唔夠多榨菜，油炸鬼唔夠香。返去當日嘅行動，我地四個人叫左一碟腸粉($6)同燒賣($5)share。腸粉份量好少，我地話咁快就食晒。腸粉非常之滑，入口唔錯。但醬汁就略為遜色，已經講左多麻醬但仍然唔太食到麻醬嘅香味。小弟係鐘意食辣之人，但總覺得腸粉加辣醬有D怪，好似蓋過左麻醬同甜醬的香味，但依個當然唔係佢嘅錯，只怪一早冇叫佢唔好加。燒賣十分普通，但其實只食左一粒又真係冇嗒真D味。任務完成。結論係腸粉不錯，但未致於稱皇。只係灣仔一帶冇太多對手...不過喺附近嘅話，唻食下當小食都係不錯之選。（因為相機壞左的關係，有部份相係用手機拍下，質素好差，請多多包容）

以前係個頭返工, 差唔多日日飲佢做早餐d 腸粉好有米香, 仲好滑我鐘意係麻醬+多芝麻+辣蕉豉油..... 真係諗起都想再食

跟親愛的係摩利游完水, 經過這裡買了腸粉, 吃下去幾滑溜的咬下去好軟熟, 腸粉皮夠薄雖然自已本身喜好麻醬, 不過親愛的麻麻所以麻醬下的份量少了點, 甜味搶左d不過腸粉本身質素係幾okay的!

大字標明腸粉6元一碟，落單時老闆娘/店員會問‘有乜嘢醬唔要？’，簡單乾淨利落。 腸粉滑溜，不會過厚，新鮮熱辣，麻醬甜醬豉油芝麻，樣樣都齊，又真係幾好味！ 以前不時會去街邊檔醫肚，可惜現在小販沒有了，食物的味道也變了。當然，過去不可追，但偶然遇到，那個頃刻間能喚回舊感覺舊記憶的風味，很是不錯！

When I was young, 腸粉 is one of the best snack to have after swimming. 熱辣辣, 甜醬, 麻醬, 辣醬, 加上芝麻, 非常好味. As time goes, those traditional 街邊腸粉檔 are almost all gone. Saw this place in Wan Chai, it reminds me of the old days. So I want to give it a try.腸粉 is hot and fresh, but does not have a lot of 米味. But since you usually add a lot of 甜醬, 麻醬, 辣醬, it still taste pretty good. It does give me a flash back of old days. 過去就是過去, 我諗好多街邊食物都幾難搵得返以前的味道....

日日路經此地，但就偏偏未幫襯過，趁屋企無早餐食，便來試試佢既實力，看他如何能自稱腸粉皇。不要太多，就一份腸粉，盛惠六個大洋。除了辣醬，其他咩都落勻。行幾步返到公司，立即開餐。打開盒蓋，腸粉仍是熱呼呼的，而且還算滑，加上美味的醬汁，收貨了！灣仔區沒太多吃腸粉的選擇，呢間應該係唯一的一間了。

呢間食店可以話係幾出名, 幾乎灣仔區冇人唔識, 但偏偏師傅聽就聽得多, 就係從來都未試過, 因為唔係唔順路呢就係呢度勁多人, 終於今日可以黎左一試!行到埋去唔使排隊, 於是乎師傅要左腸粉加燒賣作為下午茶! 腸粉六蚊雞一碟, 而燒賣就係五蚊一串, 再加混醬即刻有得食!腸粉最緊要就係夠薄夠滑, 而呢度真係叫做做得到, 加上佢d豉油都幾香, 麻醬又幾麻, 甜醬幾甜, 辣醬夠辣, 芝麻又夠香, 撈埋一齊食真係勁好味; 而燒賣都幾靚, 有d魚肉味, 又唔會韌到好似舊膠咁, 咬唔爛, 所以都幾好味!總括黎講呢度腸粉真素都真係掂架, 聞名不如見面, 加上街邊企度食, 又有另一番風味, 令師傅諗番起兒時情景, 所以有機會一定會再黎!

原來老闆仲記得我...記得上次嚟幫襯已經係三年前既事喇，闊別多年，今次買咗腸粉($6)加燒賣($5)做早餐。例牌又係多芝麻走辣，腸粉係比較腍，魚肉燒賣亦一般，不過偶然幫襯一次亦無坊。返到公司發覺d豉油多到成半碗都有，老闆，下次落少d得嫁嘞。

既自稱為腸粉之皇，自信可謂不少。唔試下又點得...都好耐冇試過排隊買嘢食，為的只是一碟腸粉...盛惠六大洋一碟，再來個混醬撈。追加一串燒賣，就企响店旁來個立食...腸粉都算幾滑，但食唔到有豬油味。雖跟合益泰相比還是有點不及，但都算唔錯...魚肉燒賣入面粉嘅淡例不算多，食落都有淡淡魚味，亦算唔錯...但若要小弟再排隊食，咪攪...

早餐吃過它的恣飯$8, 太實少炸菜, 不夠熱不好吃。腸粉$6 唯一好處是不太朔, 記得叫落少些鼓油, 否則多到浸住, 但不太鹹也沒味精。

又來吃腸粉.腸粉+ 燒賣: 8分, 老闆仿似尹光的招牌響亮聲線, 帶來一句早晨. 人龍不短, 都要等一陣先有得食. 小弟攻略係要小小豉油好了, 再加多一點麻同甜醬, 老闆更帶來一句加到你滿意. 落少了豉油, 當然沒有之前吃那樣濕, 雖然米香不夠, 但口感都好好.附近食腸粉都係得佢, 自然會再來.

原來呢間店禁出名, 我成日行過都無唸過要試. 終於上星期五早餐時間試了. $5四條(不會很多的, 放心!) 老闆有禮貌. 我話每樣醬都要少少. 回到公司, 看到好多好多醬, 好似湯禁多. 腸粉無米香味, 醬又無麻醬味, 普通啦! 不過如果我想食腸粉的時候都會選佢.下次試下燒賣先!

係呢到周圍行下,見到呢間野...講起真係好多年未食過.聽日去食下先.講起佢d腸粉..真係小弟平生食過最好食既腸粉.雖然無咩米香,但係五蚊有成個飯合咁多既腸粉..佢d醬酒又係整到好好食既,至於淋唔淋...其實我以前係果頭返工..同個老闆都幾熟一日最少食一次,有時無錢一日食足三次.佢見少腸粉就會放入個熟爐到.但係幾時有客幾時多人,無人會知,所以蒸得耐就會太淋.唔夠時間就會太硬..我仲記得果時..放工晚上9點..叫老闆留定30蚊腸粉成6合咁多....返到屋企比屋企人食..食完人人讚正..不過灣仔咁偏既地方..答MTR又唔係.車小弟又無...真係幾難有機會再去重溫舊夢.不過係果到其他野都唔使試..真係會失望...腸粉一樣就夠

冰冷的早上, 過來這裡外賣. 人幾多, 等了好一會才有得食.腸粉: 7分, 腸粉係比較淋同濕. 口感一般. 當然熱辣辣的腸粉難吃極有限, 不過又不算很出色, 唔係皇的感覺.我的辦公室只在三分鐘路程, 但腸粉已很淋.燒賣: 6分, 細細粒的燒賣, 食落口有點點粉味, 一般.便宜, 但味道唔算好好, 耐人尋味的店名.

咁大個女都係第一次係街邊捧住隻碟食腸粉，今日終於同男友見證了咁有風味的一刻。要了$5蚊腸粉，三條左右，急及待把它放進口，腸粉較硬身，是我喜歡的質感，嗜「淋食」的男友當然嫌硬啦。很可惜腸粉一啲米香味都無，個人認為都係天后蘋果商場間齋舖啲腸粉好食啲。