636
88
24
9-min walk from Exit A, Yuen Long MTR Station continue reading
Telephone
61125353
Introduction
Hong Kong first traditional Taiwanese rou geng (meat soup) restaurant, serves Taiwanese rou geng, braised pork rice and other snacks. continue reading
Opening Hours
Today
12:00 - 21:00
Mon - Sun
12:00 - 21:00
Payment Methods
Cash
Number of Seats
20
Other Info
Parking
Above information is for reference only. Please check details with the restaurant.
Review (828)
Level4 2022-06-17
995 views
去元朗做嘢同同事經過羅東,入去食咗個下午茶吹吓水,三個人都係揀下午茶餐,下午茶輕食套餐$39可以揀小滷肉飯/小乾拌麵/牛上湯麵,我揀咗小乾拌麵送半隻溏心蛋,配精選炸物籃或者燙青菜,湯青菜又可以揀(上湯/牛湯/者滷肉汁)湯青菜綠嫩爽脆淋上滷肉汁更可口。小乾拌麵質煙韌,麵上面有肉汁,拌勻嚟食最正溏心蛋又係至愛。茶餐附送熱冬瓜茶,加咗$3轉冷泡無糖高山茶,清涼順喉飲落幾舒服。台灣香腸$15大家都鍾意佢皮脆肉有嚼頭。肉鬆芋泥吐司套餐$45配精選炸物籃/炸香甜地瓜條。烘脆吐司夾住肉鬆及芋泥,香脆麵包連帶滿滿嘅餡料入口,肉鬆味濃混合香滑芋泥,大滿足啊精選炸物籃有:酥炸甜不辣+香芋海鮮蝦餅,香芋海鮮蝦餅有條條芋絲,唔點醬都咁好味。芋圓甜品套餐$43呢個套餐有六款甜品可以揀。我哋揀仙草芋圓3號,有三色芋圓、波霸珍珠、爆珠,仙草加芋圓嘅口感好吸引,連埋煙韌波霸珍珠有咬口,仲有啜爆爆珠嘅酸爽感!同事將餐茶以半價轉特飲:仙草凍奶茶加咗$16小芋圓炭焙奶茶加咗$16食咗個下午茶已經飽飽,晚飯可能唔食嚕 continue reading
(The above review is the personal opinion of a user which does not represent OpenRice's point of view.)
Level4 2022-06-11
685 views
羅東肉焿番台式餐廳在元朗很有名的,餐廳有兩個店鋪,兩鋪位是連起來的,佈置簡潔,新店更有地道風味,設有不少卡位,它是間正宗台灣肉焿店,在台灣宜蘭有總店,餐牌上主打肉焿湯及台灣麵食和台式便當外,還有不同款式湯品,小食,飲品及甜品,選擇十分豐富!招牌蛋餅.原味,這道菜是台灣小食必食,經典的古早味味道,餅皮口感煙韌,裡面材料十足,蛋香味濃!滷肉飯(小)配糖心蛋半隻,吃台灣菜怎可以沒有滷肉飯,用了珍珠米,米香口感佳,鋪滿了滷肉,十分足料,豬肉肥瘦適中,加上糖心蛋半隻,份量足夠!手工韭菜腐皮卷,有一條及兩條份量選擇,香脆夠熱,滿滿的韮菜豬肉很鮮嫩,很香韮菜味,腐皮薄脆,吃下去飽滿多汁!夜市鹽酥拼盤,小食也絕不馬虎,拼盤魚餅魚肉彈牙,富有濃郁鯪魚味,每一口都是魚肉,不會散開;鹽酥雞炸得香脆可口,炸得外脆內軟,不會覺得油膩;甜不辣很酥脆,口感像年糕,沾上辣醬十分滋味!椒鹽四季豆,炸過後保持到青翠爽口,軟硬度適中,沾上微微辣醬更好吃!仙草芋圓2號,賣相吸引,滿滿的一大碗,有 三色芋圓、小芋圓及海藻水晶,芋圓彈牙,芋頭圓咬得到有芋粒,海藻水晶口感特別爽脆,仙草幼滑又不會過甜,十分滿意!總括來說,小店食物水準及性價比很高,店員態度友善,餐廳小店環境很地道,感覺置身在台灣的感覺,推得一試的餐廳! continue reading
(The above review is the personal opinion of a user which does not represent OpenRice's point of view.)
Level4 2022-05-29
719 views
間中就會想念台灣食物,想起羅東肉焿番的芋泥吐司了,今晚就來晚餐吧。原來推出了二人餐,價錢頗實惠,有主菜,有小吃,有湯,有飲品,很能滿足對台灣夜市的思念。由於這晚來得遲,麵類都買完了,主食就選了兩碗鹵肉飯。這裏的鹵肉飯用料很豐富,鹵肉碎是大粒的,也有大片鹵豆腐,非常入味,鹵肉汁拌飯吃很開胃,飯的份量也不少呢!鹵水蛋仍然流心,外層蛋白鹵得入味,十分好吃!綜合丸湯是我最喜歡的,每次來都要吃,又可以喝湯。最喜愛花丸,爽口又香甜,質感彈牙;貢丸香菇味濃郁,質感爽口。清湯下了炸蒜片,增添香味,連湯也喝光光。牛湯青菜,這晚用了生菜,新鮮爽甜,加上今天吃不到牛肉麵,有牛湯浸著生菜也不錯,算是吃到紅燒牛肉麵的濃香湯味。小食可選三款,選了我最愛的台灣香腸,澎湖炸花枝丸,酥炸甜不辣。台灣香腸質感煙韌,香甜微鹹,就像吃豬肉乾一樣。炸花枝丸,外層香脆可口,裏面粒粒花枝,爽口有嚼i,是我的最愛。甜不辣煙韌度適中,吃的就是軟糯口感。特別一提,餐廳特製的蒜蓉油,超香帶微甜!點上炸物絕配。餐飲古早冬瓜茶,很喜歡冬瓜茶清甜味,清熱又消暑,帶微香;冷泡無糖高山茶,茶味很香又清新,吃完炸物喝茶,消除油膩十分適合。兩者味道都不錯,視乎喜歡甜味還是茶味。最後當然要來個芋泥吐司當甜品,滿足我的口癮,二人分享,份量剛好。試試芋泥流心芝士吐司$40,芝士就像芝心pizza批邊的軟芝士,咬下軟綿綿的,帶點煙韌口感,味道微微鹹香,但中和了芋泥甜味;幸好芋泥爆餡的份量,能挽救我愛甜食的慾望,口感幼滑而香,仍然是我的至愛。疫情下已很久沒有光顧,今次有二人餐更超值,吃得更多食物,水準仍能保持,是值得一再光顧的台灣菜。 continue reading
(The above review is the personal opinion of a user which does not represent OpenRice's point of view.)
Level6 2022-05-26
1877 views
之前老婆試過台式嘅芋泥吐司,就大讚好食,有機會都想再試吓,無問題,開聲叫到,咁啱今次入到去元朗一帶行山,就可以趁行完可以順道晌元朗嘅「羅東肉焿番」買外賣,當埋晚餐,點知有呢間嘢?咪就喺之前所試芋泥吐司嘅「你妳」時,店員介紹佢哋仲有家「姊妹店」晌元朗,即喺「羅東肉焿番」嘞。 旁晚去到,見啱啱開番閘,原來剛才晏晝出咗啲狀況,落咗一陣閘,咁我都算好彩,唔使摸門釘。而店內剛好未有客,所以,我落單後都好快有得拎,否則,店員話周末都有幾多人買外賣,連埋堂食,可能都要等上十多廿分鐘。 環境裝修都幾骨子,牆上有有少少掛飾,以及店鋪少少歷史及由來。羅東其實喺晌宜蘭縣內一個小鎮,小弟都到訪過,不過已經喺2013年嘅事,當時由在地嘅台北老友帶小弟周圍逛,到訪羅東鑽嘅「林業文化園區」,冬山鄉嘅「國立傳統藝術中心」,晏晝就試試人氣店嘅「林業肉羹」,一嚐肉羹米、肉羹麵,而晚上佢就帶我哋去佢心中私密路邊小店「肉糉李」食香菇肉糉,品嚐香菇湯。至於食物嘅選擇,有招牌套餐、飯麵類、焿湯類,以及多款夜市小人食。此外,除墊肚嘅主食之外,仲有招牌嘅鐵板吐司、台式蛋餅、芋圓系列、台式飲品……等等,種類、選擇都非常之多。 仲有一款「羅東二人套餐」,包咗3客主食、2客蔬菜湯品、3款小食、2杯飲品,性價比非常高,只可惜主食無吐司可揀,而吐司喺此行目標物。 食物嘅定價本身都已經唔貴,仲要有外賣自取優惠,$100俾個全單9折,$200就俾個全單8折,所以,不其然會叫多少少嘢。 最後,嗌咗滿滿嘅一大袋嘢,有吐司、有乾拌麵、有綜合丸湯、有嘢飲、有甜品,夾夾埋埋都唔使兩嚿,食完飽到上心口。 肉鬆芋泥吐司 $42本來都想試紫薯口味,但無咗,咁芋泥都OK。一如過往,一啲都無欺場,睇都睇得見厚厚嘅芋泥搭上大量肉鬆夾晌吐司中間,而吐司亦烘焙過,否則都唔叫吐司啦。拎上手感覺份外墜手,非常足料,一大口咬落去,吐司本身有點脆口,芋泥又粉又綿,芋頭味濃郁,而肉鬆吊出絲絲鹹香味,出奇地搭配。 2號乾拌麵餐 $67我就覺得啲一個人嘅套餐抵食啲,所以,揀咗個2號餐,因為乾拌麵麵都比較少食,而套餐包括1客綜合丸湯、1份乾拌麵及1杯餐飲,而揀冬瓜茶喺俾老婆飲嘅,熱飲佢啱啲,小弟就散點1杯珍珠奶茶俾自己。 綜合丸湯一客有2粒花枝丸及1粒香菇貢丸,湯底就喺簡簡單單嘅清湯。啲花枝丸唔喺港式魚蛋嗰種彈牙,但墨魚味好強,仲刻意加啲墨魚粒粒;香菇貢丸都爽彈好食,既有肉香,亦有菇香。 乾拌麵咪睇佢好似細細盒,食起嚟份量都幾多,餐牌就寫明麵條喺手工麵條,比較粗身,入口有韌勁,將啲肉燥、豆卜絲跟麵條拌勻,立時麵條都變得油香,惹味非常。古早冬瓜茶冬瓜茶可揀凍或熱,茶底清徹,入口唔會太甜,有一份滋潤感,潤喉解膩。 招牌珍珠奶茶 $32既打正旗號嘅台式餐廳,揀珍珠奶茶喺極穩陣之選。奶茶大大杯,珍珠亦俾得非常多,好似啜極都有咁,最緊要喺煙韌有咬口,最怕喺熟唔透,或煮過籠;奶茶亦好唔錯,茶底醇厚芳香,甜度適中。 仙草芋圓3號 $36睇名都知,就喺有仙草、芋圓,仲加埋波霸珍珠同爆珠,裝到滿滿勁大碗,可以講兩個人都夠晒食。仙草非常滑溜,芋圓咬口有韌勁,珍珠QQ,啲爆珠老婆就覺得最得意,咬開啲汁有陣陣荔枝味,而啲糖水又唔會話太甜,食埋個甜品就超滿足。幾款食物都好唔錯,而個肉鬆芋泥吐司仍保持一買水準,亦無將貨就價,所以,晌依家風雨飄搖嘅日子,都仲屹立依然,自有一定嘅實力。 continue reading
(The above review is the personal opinion of a user which does not represent OpenRice's point of view.)
Level4 2022-05-07
338 views
難得去元朗 搵下有咩特色餐廳先上網見到呢間多好評 於是就去食下一去到餐廳門口 已經勁多人拎籌等位🙈原來籌號都好快有位 我地仲行開左🥺要重新等過位😣😣 -終於入到座啦 😋 餐廳分左兩間鋪位 但人手真係好唔夠🙈見店員勁忙碌 咁執枱 落單 送餐 🙌🏻 -我地叫左一個招牌套餐+吐司 😋 難得周日都有lunch set 🤩👍🏻 -🐮 4號紅燒牛肉麵餐 (配蛋餅)$85都算大碗 配料多 有4-5件牛肉&甘蔗片&酸菜 麵條粗幼適中 能掛到湯汁 😌😌湯汁味道比較似牛腩汁咁😅-🥞 芝士蛋餅 (跟餐)蛋餅比出面食過較脆身 但啲餡就好少 芝士都唔多見😅😅 -🐷 肉鬆芋泥肚司 $42終於到呢度的名物 芋泥吐司🍞 內餡份量足料 有爆餡 賣相ok 👍🏻 芋泥尚算綿滑 味道較天然🙈真心敗筆係塊包 太乾身😩 要一路飲野 一路食 先食到落😅 -抹茶奶綠小芋圓 (+$18)味道正正常常 😌 芋圓軟硬度可再改善🙈-🍽🍴總結 🍽🍴真心有啲失望 見到餐廳大排長龍 諗住食物會令人有驚喜 但….🥺可能其他款式會好啲🙈🤣 continue reading
(The above review is the personal opinion of a user which does not represent OpenRice's point of view.)