Curry Ten

元朗街坊介紹，世一咖喱！鋪頭位置好易搵，喺合益中心地下，門口已經聞到好香咖喱味，鋪仔細細，但係乾淨企理咖喱厚切牛脷飯 🐮 一上碟真係嚇親，啲牛脷真係「厚切」到冇得頂！煮得啱啱好，超級淋滑，一啲都唔韌，個咖喱可以揀辣度，香濃得嚟唔會太辣，入面好足料有超多洋蔥😍 送飯真係一流！撈哂成碟飯都仲得！咖喱吉烈魚柳飯 🐟 原條大魚柳, 炸得好脆，粉漿唔厚，入面啲魚肉仲好滑溜。點埋個咖喱汁，脆中帶濕潤，口感好正！如果唔係食牛，呢個係非常好嘅選擇。香蔥豬扒蛋飯 🐖🍳 朋友叫咗呢個，我試咗一啖。塊豬扒大大塊，煎得香口，同埋啲肉好嫩，個流心煎蛋好滑，撈埋個甜豉油汁，好有家常味道。雖然唔係咖喱，但一樣咁好食！小食天龍雞皮卷 🐔 - 邪惡之選！ 呢個真係為食唔要命！用雞皮包住啲鮮雞肉去炸，咬落去「索索」聲，雞油香爆發出嚟，脆到不得了！食一件已經好有罪惡感，但係忍唔住食第二件！點少少泰式辣醬可以減低油膩感，超正！蔬菜蝦卷 🦐 如果想平衡返啲罪惡感，可以叫呢個。外皮香脆，入面係蝦膠同蔬菜絲，口感清爽，點泰式辣醬喼汁食好開胃。跟餐加$3就有飲品，真心抵！仲有佢哋嘅特飲「話梅可樂」，真係要試！鹹鹹甜甜，解渴又解膩，同濃味嘅咖喱同炸物夾到震，係完美配搭！成個餐真係大件夾抵食，唔怪得之咁多街坊嚟買外賣！會再encore!!!…Read More

中秋節正日公司放早，夜晚會同屋企人做節，晏晝先來天龍咖哩食過午飯。大約兩點多來到，餐廳半滿座，下午茶時段都唔少人食緊咖哩飯喎。睇睇餐牌，都係叫返鍾意嘅咖哩牛筋牛腩飯同肉餅飯先，再加份小食share下。⭐咖哩牛筋牛腩飯滿滿一碗咖哩汁入面全部都係料，牛筋牛腩都好多，炆得入味，牛腩香口肉質鮮味，牛筋軟腍浧膠質狀，加埋咖哩汁撈飯真係好好食。⭐咖哩生煎肉餅飯呢碗咖哩入面竟然有三塊生煎肉餅，件件肉餅都厚身㗎，大大塊充滿肉感😋外面煎得香脆入面仲有肉汁，口感好正😋自己呢碗咖哩要咗加辣，我覺得夠辣先好食，入面嘅洋蔥碎加埋辣醬真係超啱我口味，成碗咖哩汁撈飯一啲都冇曬。⭐雞皮餃子煎得香脆嘅雞皮入面包住豬肉餡，一咬落去啲雞油爆出嚟勁甘香，邪惡又好食🤤⭐炸鮮奶朋友鍾意甜食，佢又加咗一份炸鮮奶，外面炸得脆,入面係甜甜嘅奶香餡料，正🤤⭐鹹檸碧 & ⭐柚子梳打呢度用雪碧所以係鹹檸碧唔係鹹檸七😆鹹檸檬鹹鹹酸酸，解辣解油啱曬😋朋友要咗柚子梳打，柚子醬下得多，甜甜哋帶有柚子香，都好好飲㗎，不過紙杯裝就略微細咗少少啦。呢間巴基斯坦風味咖哩真係好啱我口味，佢除咗咖哩，都有其他款式嘅碟頭飯嘅，唔食辣都有好多選擇㗎。…Read More

📍天龍咖喱呢度嘅咖喱飯都已經食過好幾次，咖喱可以自己揀辣度🌶️🌶️大辣既話，辣得好過癮！而且有充分嘅咖喱可以撈飯🍚🍚每一啖咖喱入邊都充滿洋蔥🧅薯仔🥔🥔材料絕對豐富🩷✨咖喱生煎肉餅飯肉汁鮮嫩唔會話煎到個肉好柴！仲有三大嚿好似拳頭嘅肉餅淨係食肉餅都已經飽晒😆😆✨咖喱牛腩飯牛腩炆得幾淋，入口即化，咖喱濃郁，牛腩厚切大件帶腩衣，肉質緊緻帶嚼勁而毫無韌感，肉香濃郁🐮🐮✨牛肉薯餅新鮮炸起口感滾燙熱辣，外層炸得酥脆，粉漿不厚，內裡有滿滿的碎牛肉茸。✨花枝丸外酥內juicy🍢🍢…Read More

在元朗的天龍咖喱，我的用餐體驗相當愉快。首先，椰汁冰飲品清涼可口，完美解渴，讓我一口接一口。肉餅飯更是這次用餐的亮點，肉質鮮嫩，外焦內軟，搭配白飯，簡直是絕配。此外，咖喱的味道濃郁，酸酸辣辣的，香料的香氣撲鼻而來，配上炸魷魚鬚，口感酥脆，讓人忍不住多點幾份。整體而言，這裡的每一道菜都讓我感到驚喜，尤其是肉餅飯和咖喱，實在是超好食。餐廳的環境簡單舒適，服務也相當周到，非常適合與朋友聚餐。若你在元朗，不妨來試試這裡的美食，保證不會失望！必定會再光顧😋🚩 地址: 元朗合益路17-53號合益中心地下23號舖…Read More

14/9 天龍咖喱元朗食咖喱🍛，推薦試試港式咖喱——天龍咖喱吾好以為食咖喱一定食印度🇮🇳咖喱，原來宜家好多港式餐廳都有咖喱食，而且味道👅符合我們港人口味，十分不錯。元朗天龍咖喱🍛就是不錯選擇，認真一說真系要book 位，吾來食飯都吾知深受歡迎👏，晚餐好快滿座。我們二人點了幾個菜式，都係餐廳推薦的：1. 金牌🏅牛魔王咖喱🍛牛🐮大四喜飯 $114 超豐富的牛四喜，附油酥餅兩塊沾咖喱，好有地道咖喱風味。2. 咖喱🍛海鮮飯🥘 $78 咖喱海鮮也不例外，滿滿的海鮮配咖喱。3. 孜然羊架 $78 羊架超級推薦，我最愛勁厚肉，讚啊4. 天龍雞皮卷 $42 好有特色的雞皮卷，必食推薦。 5. 飲品：傷檸🍋樂 $13 & 椰子🥥冰 $10豐富的咖喱晚餐，$300 幾埋單都算好抵食👍元朗…Read More