秋拾米線

上網比我搵到有通心米線😮新蒲崗小店最鍾意支持小店👍記得以前有間餐廳有呢隻米線食之後已經唔知係邊度再有啦我係平日去食晚飯到門口已經好多人但係流量都好快除咗基本湯米線仲有特色"豆花撈米線"👍又有淮山麵選擇有好多餸選擇多啱晒唔同人口味配搭👍我地1930去到時已經冇晒爽魚皮同海蜇為有下次再早d 去啦😅🍜🍜🍜🍜🍜🍜🍜🍜我地叫咗二碗米線再追加餸另外叫咗三個小食一個蔬菜有幾種選擇(有蠔油生菜,腐乳通菜,上湯翡翠苗,上湯娃娃菜）🍜🍜🍜🍜🍜🍜🍜🍜✳️自家製魚腐米線配:秘制酸辣湯+bb辣（最輕微）+雞軟骨春卷👉🏻入面脆脆地軟骨+紫菜 👉🏻正常+酸甜齋👉🏻好食過齋鋪😋+滷水雞翼👉🏻好入味重點✳️魚腐係自家製好多魚肉好大粒😋✳️慢煮豬軟骨米線配:招脾豬骨湯+蘿蔔👉🏻好腍好甜+木耳👉🏻正常+墨魚頭👉🏻大大粒👍+墨魚春卷👉🏻正常+油水雞翼豬軟骨軟硬適中最欣賞湯底用豬骨熬製😋✳️自家製手作蝦多士稱為舖頭內必食之選用中蝦做嘅多士唔會油淋淋好香脆配芥末沙律醬，正😋✳️椒鹽雞翼尖香脆✳️八味豆腐細細粒豆腐炸至金黃色 外表酥脆滑溜溜✳️特色檸益（檸檬益力多）檸檬同益力多配合酸甜平衡剛剛好唔會覺得甜好清新✳️凍咖啡好香濃…Read More

呢間人氣米線鋪喺米線關注組好受歡迎😍，呢日咁啱同朋友經過撞正12點開舖，好好彩第一輪就入到去🤓，位置唔多，長時間都有人排隊🤪❣️泰式豬頸肉米線配墨魚頭配凍檸檬茶 $65+$8好多人推介佢哋嘅豬頸肉👍🏻，果然冇介紹錯，一上枱超大份😝，而且豬頸肉燒到少少燶邊，但又保留肉汁，點埋佢哋嘅秘製泰式醬汁，辣得嚟又好惹味😋，米線可以加配餸，加$8就有墨魚頭，墨魚頭爽口彈牙，米線湯底揀咗佢哋嘅秘製酸辣湯底，可以自由揀選辣度，試咗BB辣，同譚仔10小辣差唔多，湯底味道濃郁，整體嚟講佢哋嘅米線算高質👍🏻❣️泰式豬頸肉米線配魚腐配熱檸檬茶 $65+$6朋友揀咗招牌豬骨湯底，味道清淡，適合唔鍾意重口味嘅朋友🤣，加$8要咗魚腐，呢度嘅魚腐大大嚿，口感比較豐富，係唔錯嘅選擇😉❣️百味豆腐 $28豆腐新鮮炸起，做到外皮鬆脆，內裏又好嫩滑，唔怪之得好多食吓都有叫😋🏦是次消費總額 $172（人均消費 $86） 👅好味度：8.5（10分滿分）米線舖位置比較隱蔽，近Mikiki附近，位置都唔多同坐得好迫😂，但食物質素唔錯，唔怪之得受到米線關注組嘅熱捧😜，如果下次有機會經過附近一定會再幫襯😚🍽️ 秋拾米線 新蒲崗康強街34號康強洋樓A座地下8號舖…Read More

## 食評：新蒲崗米線小店今日黑雨過後，我哋去咗新蒲崗一間米線小店，試咗佢哋嘅米線同小食，整體體驗相當滿意。### 食物今次我哋點咗兩碗米線同埋幾款小食，以下係具體評價：1. **慢煮豬軟骨米線（轉左酸辣湯）**： - 雖然湯底揀左BB辣，但比我想像中辣少少，可能係因為酸味平衡咗辣，所以都有種食唔停口嘅感覺。豬軟骨煮得非常入味，肉質軟嫩，腩肉和肥牛都唔錯，份量相當多，整體味道十分之好。雞軟骨春卷搭配酸甜齋浸湯，味道更添層次感，真係好味！2. **魚腐招牌米線**： - 呢碗米線比較清淡，湯底清爽，唔會太油膩。加咗雞翼同墨魚丸，味道都算幾好，米線煮得啱啱好，唔會過腍，口感唔錯。### 小食1. **蝦多士**： - 兩塊$26，份量唔算少，蝦新鮮美味，搭配的芥末醬十分合襯，味道好得意，值得推薦。2. **原塊豬頸肉**： - 份量非常多，肉質彈牙，味道亦都幾好。不過醬汁有啲辣，如果搭配蝦多士的芥末醬，味道會更加出色。### 飲品飲品方面，雖然冇特別選擇，但係凍飲配米線都係一個好選擇，幫助解渴。### 環境由於係小店，座位間距比較近，加上天氣有啲熱，冷氣略嫌不足。不過店內氣氛熱鬧，人流暢旺，等位時也能感受到大家對這間小店的喜愛。### 總結整體來講，新蒲崗的米線小店提供嘅食物質素高，性價比唔錯，非常適合同朋友聚餐。我哋19:10到嘅時候都開始有人龍等位，證明佢哋生意好。下次再來一定再試其他菜式！…Read More

又一間新蒲崗名店，大約6點半去到已經好多人1-2人堂食要搭枱，食完嘅出面排緊長龍，想食嘅朋友記住預早啲去~🌩️ 慢煮豬軟骨米線 $52 🤍 4/5 叫咗BB辣，辣度温和但夠惹味。第一次見到有通心米線可以揀，食落通心嘅感覺但唔係好突出，有啲似食緊幼身烏冬幾特別🤣配料嚟講都好足料，豬軟骨大大嚿肥瘦均勻，煮到好腍好出色🌟仲揀咗魚腐同蘿蔔，蘿蔔吸晒啲湯汁好入味👍🏻魚腐係比較厚實似魚丸嗰種，個人偏好嗰種好有空氣感似豆卜嘅，所以就見仁見智。🌩️ 香茅豬頸肉米線 $57 🤍 4/5 選擇左招牌豬骨湯同炸醬芝士丸，湯底十分之濃郁，豬頸肉滿滿焦香，亦都水準之上🥰 芝士丸有少少芥末，層次豐富。🌩️ 自家製手作蝦多士 $26 🤍5/5大推呢個蝦多士‼️ 得兩件但係好足料，麵包炸到金黃酥脆，入邊大蝦鮮甜彈牙🦐回味無窮😍🌩️ 八味豆腐 $28 🤍 4.5/5 香脆軟滑，比起平時其他茶樓食既更加香口，而且份量充足，推介之一🌟🌩️ 特色檸益(跟餐+$15) 🤍 3/5益力多加檸檬嘅配搭，不過不失。…Read More

泰式豬頸肉米線 $57秘制酸辣湯（中辣 ）加一餸 蘿蔔 +$6加 凍朱古力 微甜 +$8埋單：$71😛碟豬頸肉係另上，呢個安排好貼心🥰配一碟酸辣醬，同豬頸肉好夾👍我覺得呢碗米線係偏淋身😕湯底味道唔係我嘅菜，未必會再encore了🥸我係星期日晚餐時間去食，一去到就坐到當時最後一張二人枱，落單後等咗10幾分鐘就有嘢食，都係可接受嘅時間範圍。…Read More